سرورالبشري=
عاجل ومخصوص ينصى نبض = مرسول مـن صافـي النيـه
سـلام نبضـه يهـز الارض = ردة وفــا نـارهـا حـيـه
نبض الوجود=
يامن قرضت المعاني قرض = بأبيـات جزلـه ومبنـيـه
ترحيب يغشاك طول وعرض = ويطبع لك احـروف وديـه
سرورالبشري=
عذب المثل فيه فتل ونقض = وأنتي فالامثـال مشريـه
مابين ريمه وبين عـوض = تهنـا والاعـلام مخفيـه
نبض الوجود=
لو كان لك فَكـرّ متيقّـض = ما فَـكّ شفْـرات محميّـه
ومادمت مسلم تقيم الفرض = واشْلك بشيعـي وسنيـه
سرورالبشري=
انا أحسبنك شديدة لحـظ = يـم الهـدف يالعريبيـه
إذ إنه عوض. نبغى نغض = أمالنـا فيـه عكسـيـه
نبض الوجود=
قـدام مبنـاك لاينقـض = يومه على اركان رمزيـه
انفض غبار المعاني نفض = عطنـا دلالات عينـيـه
سرورالبشري=
لاتعترض للبنا والوعظ = خله لغيري ماهو ليه
ريمه معاها يقوم الحظ = والحظ لاقام ما زيه
نبض الوجود=
الحظ بالقـول ماينهـض = والشمس ماهي كما الفيـه
محظوظ منهو نهار العرض = ما تابـع النـاس بالسيـه
سرورالبشري=
أشوف رد المثل ممرض = ياللي آسأت النظر فيه
لكن عسى ربنا يعوض = روحي تراها رياضيه
نبض الوجود=
الله يسامحك يـا المبغـظ = ياللـي حروفـك عدائيـه
ياللي عن الصايبه مُعْرِض = وتحـط ذيـه معـا ذيـه

المشاركة الأصلية كتبت بواسطة القناص2020 (المشاركة 866449) صحت السنتكم جميعا ولكم مني كل الود

المشاركة الأصلية كتبت بواسطة مطرز الحرف (المشاركة 867648) صحت السنتكم يعطيكم الله ااااااااااااااااااااااااااااااالف عافيه

المشاركة الأصلية كتبت بواسطة سرورالبشري (المشاركة 867545) صح بدنك وبيض الله وجهك تقبل تحيتي وتقديري

المشاركة الأصلية كتبت بواسطة وليف الطير (المشاركة 1208449) صحت السنتكم يعطيكم الله ااااااااااااااااااااااااااااااالف عافيه صحت السنتكم يعطيكم الله ااااااااااااااااااااااااااااااالف عافيه

المشاركة الأصلية كتبت بواسطة ماجلان (المشاركة 1216220) محاورة رائعة ومميزة ابو نايف ونبض الوجود اسجل اعجابي لحرفيكما تقبلو مروري واحتراااامي