طيبك وذوقك واخلاقك=ترفع مكانتك بين الناس
حتى الذي وده فراقك= لاشاف زولك يدن الراس

أنا من الشعر يكفيني =لاغبت بين العرب مفقود
يبقى ولوغابت سنيني=اسمي على الخارطة موجود

قابل=
سلام فيه الوفا نشطان = مايخلف الوقت ترتيبـه
ويخص فالملتقى حمدان =اللي عريقـه تجاريبـه
حمدان=
يامرحبا حـزة الرحمـن =شرواك ارحب واهلي به
فالملتقى لك مكان وشان = والعز تبـدي مراقيبـه
قابل=
تبقون ياراعي الاقنان =هذاالوفا منك محري به
والان نبغى لحون الدان =صوت المعاني تغني به
حمدان=
الطيب لاهل الوفاعنوان =وشرواك يعرف مواجيبه
مصغي لك السمع ياربان =عذب المثل باللحن جيبه
قابل=
لي خل فارق عن الخلان =كل المخاليـق تدريبـه
أحيان يعدل معي واحيان =يفرض عليّـه أساليبـه
حمدان=
مادام تغليه ياشيهـان =لاشك تعرف هناديبـه
اجزاه باللين والاحسان =يمكن يبطل ملاعيبـه
قابل=
وافي واراهن عليه رهان =ولا ادق مثقال في طيبه
لكن مع الوقت والازمان =زادت عليـه مطاليبـه
حمدان=
زيده وفا وارفع البنيان=وارقامعه في محاريبه
واغله ولا ترخص الاثمان=لابد تصفي مشاريبه

أشكي أسى من هجوس الود=اللي من البال ماراحت
كل ماأقول انتهت ترتد=لاريحتني ولا ارتاحت

قابل=
سلام دوبه طرا دوبه=جديد ماهو من الأرشيف
للصاحب اللي من اسلوبه=يغنيك اسمه عن التعريف
صقر المقرح=
حيّاك والقيل ماتشوبه=آفه ولايقبل التزييف
له نكهةٍ معك وعذوبه=وآنا ترا يزيدني تشريف
قابل=
وافي وصحبتك محسوبه=محطوط في قمّة التصنيف
منّي لك حروف مكتوبه=في رسمها مايجي تحريف
صقر المقرح=
المعرفه دوم مطلوبه=برجال ماتعرف التخريف
ومثلك وشروك يشروبه=طيب وأدب في زمان مخيف
قابل=
روحي مع الود مغلوبه=يمضي عليها الشتا والصيف
والمرء من دون محبوبه=بالله قلّي حياته كيف
صقر المقرح=
سنّه علينا ومكتوبه=وتعوقنا مثل حد السيف
جوّد على الصبر ودروبه=لاتقول مامرني ياحيف
قابل=
قدّم لي الصبر مشروبه=سنين وآنا في بيته ضيف
عطني أمل باتّجه صوبه=وشرواك مايخطي التهديف
صقر المقرح=
يامكثرالناس مغصوبه=تشرب كؤوس الصبر تكليف
كونه لأهل الهوى عقوبه=وولد الهوى كنه مليقيف
والود يسلك معك نوبه=ومرات كنه سحابة صيف
الصبر ينقذ بإعجوبه=اصبر تسامر ولو بالطيف

سلام ياالصاحب الوافي = باجمل تحيه لكم مرفوق
مثل العسل لن جنا صافي=من بعدها اسمع المنطوق
لوحيتني قول ياكافي= راح الغلا راح ذاك الشوق
فارقت انا حضنه الدافي = واصبحت عاشق بلا معشوق