اليوم عيني بدت ترتاح = وتلحّفت ما عليها منك
وبحلمها شافت الافراح = يوم القدر بالثرى يدفنك

للحرف بين القلوب ارسال=تاخذ على طيب مضمونه
والكل يمشي على موال=ناتج لأصله ومكنونه

تِكرم مدينه لخاطر عين = ومن شان لحيه نكرمّ قوم
لو تطلب عيوني الثنتين = يا سيدهم قلتلك مخدوم

مـريــت شــفــت الـمـقـابـر مــــوت=ســــكــــاااان والــــــــدود يـســكــنــهــم
ناديت جااااوب عليه الصوت=زايـــــر وبــااااكـــر تــــــرى مــنــهــم

ياقاسي القلب قُلي ليه=تجرح وتقسى على خِلّك
ماجاه منّك ترى يكفيه=ويكفيه ذاق العناء لأجلك

جاني خبر رغبته يبعد =عن ناظري ولهفة اشواقي
ولمّا لقيته على الموعِد = كذّب خبر رغبة فراقي

طيلة حياتي تحت خدمتك = حطيت قلبي لك وسادة
اصارع القوم في سبتك = يوم اللواهيب وقادة
تخطي وانا ادعس على زلتك = لجل المناعير نقادة
هي عين من يمهم صابتك = وألا اشاعات كاالعادة

صورة حبيبي معي ماتغيب= والحب يرعد ونوه هاش
ياحب حكمك علي تعذيب = بالصورة اللي بدون فلاش

يومن كلاّ غفت عينه =عيني عن النوم حاديها
طيف الذي بيني وبينه =كل العلاقات منهيها

يحدني ليه للمضماه =وش موزمه يعلن فراقي
مانال من صحتي مااكفاه =يبغى يغلق على الباقي

زدت ألالم ليش ياقلبي=ماتدري هموم قلبي جيش
لاتاخذ الموقف السلبي=أنا بدونك معرف أعيش

لما اتصاله تأخر يوم=دمعي تحدر على الأوجان
والعين عافت لذيذ النوم=من خوف ياخذ على الهجران

هامات نفسي .. لا تنخضعين = بأسباب .. نسمة ألم .. هبت
ويا .. دمع لا تنحدر .. من عين = شابت على .. عزّها .. و شبت

سكنتني .. روح داخل روح=واِتلايمت .. روحك و روحي
اِن صنتها ما تقلّك .. روح=واِن خانتك قلّها .. روحي

جمعت قطر الندى بيدى = اللي تساقط على الاوراق
وشفت به طيف حبك حى = وكل يوم اشوفه مع الاشراق

تحيّرت فالجفن .. خجلى = يوم احتدم فالفراق جدال
من ناس من حولها .. وجلى = في إذلالها .. للنفوس إذلال

لاياقمر في سماك آسف=مما ترى ياقمر وتشوف
إن كان مما ترى خاسف=من وجه ربي ترانا كسوف

لي فالهوى قاعده وامداد = ومجلس تعاون ووفد وعرض
ولجنه لسطح الفضا رواد = تكشف محيط السماء والأرض
يعجز بها ريّس الأرصاد = مِحرض( أدار) اكتشافه حرض
في جاذبيه عن الحساد = ونقرض وشاة الأراضي قرض

انته الذي ياالغضي مخطي=وأنته الذي فالحقيقة اخطيت
من خطكم جيت في خطي=وانا الضحية فيما سويت

يامطمّعك غيظه المكظوم = حتى تجاوزت لحدودك
لاتظن صبره عليك يدوم = نهايته آخر وجودك