|
افراق يادنيا عطتني ظهرها
وانا بكامل قوتي مع شبابي متقلبه ماحد سلم من خطرها الراس منها يالمناعير شابي واليوم لو تقبل وتعطي نحرها من دونها قفلت عشرين بابي الرجل عن بعض المشاحي قصرها سقم ٍ بها يمشي تقل سم دابي والعين قرب بعد كبري نظرها شوفي شجر بيني وبينه سرابي والحال ماهي حال حي ايخبرها علق بي الوقت العنيد الصوابي لابد مانفسي يجيها قدرها ويردم عليه بعد موتي ترابي الرابح اللي سيرته من ذكرها اثنوا عليه الناس بعد الغيابي عجاب صالح الحنتمي |
بالناس ياعارف رجال ودنافيس
ماكل واحد تلتقي به تحبه وانا ليا شفت الوجيه المعابيس قطعت عنهم كم وادي وغبه ماني وانا عجاب هيس ٍ ولد هيس يقلط ومايلقى قبول ومحبه انا حفيد اهل الكرم والنواميس علاج من عاقه زمانه وطبه يفرح بنا طرقي بوقت الغطاليس لاشاف سود بيوتنا تقل تبه يادار وين محرقين المحاميس مباقي الا دارهم مشلهبه لو ماعرفت رسومهم بالتضاريس حلفت ماحي ٍ من الناس طبه عجاب صالح الحنتمي |
يامال فرقا العين مريت الاطلال
وقفيت منها خاطري مستضيقي والدمع من عيني على الخد همال والقلب فيه تقول ولع حريقي متغيره بعد البطا والبطا طال من بعد ماهي عرف تهت الطريقي انكرت فيها مرتع النوق وجبال وعدٍ عليه من الجماعه فريقي سبحانه االي بدل الحال في حال اللي على كل السراير يويقي عدت الشريط ايام نازل ورحال بدوٍ بهم نجد السعه ماتضيقي حياه لو فيها مشقه وغربال مرتاح بال وحر سبقي طليقي واليوم مع كبري طوى الحال سلال مامن وناسه مع بعيد ورفيقي الناس مشغوله مع الولد والمال الوقت نشف ريق مثلي وريقي عجاب صالح الحنتمي |
اللي اخذ عايد ونواف
له يوم لازم يفاجينا على ونيته جديد وهاف صباح والا يمسينا مع البشر دوم ماينشاف دايم يذكر حوالينا بالمدن والسيف والارياف اليا انتها العمر ياتينا ماعنه صده والا محراف لابد ماحي يبكينا نهار ننقل على الكتاف الله من النار تنجينا عجاب صالح الحنتمي |
ياحسين ماباقي من العمر باقي
عادن بنا تال اليالي مناكيف اليوم دوب يشيلني عظم ساقي وانته جرالك من زمانك تكاسيف دنيا الشقا فيها سوات الطراقي ياحسين منها ضايق البال ومعيف ياشيب عيني من نهار التلاقي يوم ٍ به قلوب الخلايق مواجيف ياعل ماني يومها عبد شاقي رحمتك ياجامع قلوب المواليف وعن الردى واهل الردى والنفاقي اللي تحرف بالسواليف تحريف ناس ٍ ماغير بكل مجلس تقاقي من طبعهم على الصحن تسبق الضيف من دونهم عسى يحول العراقي في قربهم شقر العصا يالعواريف عجاب صالح الحنتمي |
عام انتهاء واليوم عام ٍ جديدي
يالله جعله عام رحمه وخيرات وعن الطريق المستوي مانحيدي هيهات ياللي تعكس السيد هيهات لو اقبلت مانته بها مستفيدي ان كان ماصليت كل الصلوات وخليت حبلك عند ربك جويدي ونهيت نفسك عن جميع الملذات الا لما حلل كريم ٍ وحيدي علام سبحانه جميع الخفيات وعليك باللي كل رايه سديدي رايه سديد ودرع في وقت الازمات واللي عن الازم تشوفه يحيدي معه لاتبني في زمانك علاقات يترك باليوم الصعيب الشديدي لو تزهمه مايلتفت صوب الاصوات عجاب صالح الحنتمي |
طلال طمني ترا البال مشغول
ماذوق لذ النوم كني كسيري غير اتحري من طوارفك مرسول ياعل ياتي من طرفكم بشيري والله لو عندي يابن عمي حلول لاصير اللي بالزمن مايصيري لو العلاج يحول دونه استنبول لروح له بالبر والا مطيري لو شفتني كني عن الناس معزول بالماقف الغصاب حد الشطيري سجة قدم عن زحمة الحي والضول مع وادي الجافي تساوي بعيري لاجاه من غر المقانيف هملول بعد المحل نشرب قراح الغديري عجاب صالح الحنتمي |
يالله يالمعبود رب البريه
ياللي على كل المخاليق والي شايب مسن ورافعنلك يديه طالبك باسمك ياعظيم الجلالي اشف المريض وزيل عنه الاذيه اطلبك تشفيلي عضيدي طلالي قرم العيال اللي عزومه قويه صابر كما يصبر صبور الجمالي ليه تقول انه حدى والديه الله يجيره من صدوف اليالي طيب مع الاقصين والاهليه وعند الجميع معرب الجد غالي وختامها عداد وبل النزيه صلو على المختار راع العدالي عجاب صالح الحنتمي |
مدام لك راتب حدود الثلاثين
وجميع ماتبغاه تقدر تجيبه غيرك معدل راتبه حول اللفين بين المقاضي يقسمه والضريبه وعن واجبه مايغيب دايم حمر حين عزيز حتى تحط فوقه نصيبه والمال بيدين الردي والبخيلين مايسد نوب وماندفع به مصيبه يالله ياعدال ميل الموازين افرغ يدين اللي علومه مريبه بعد الغناه ايصير ضمن الفقيرين مايملك بدنياه حبة زبيبه الناس ياللي تحذف الهرج صاحين ماهمهم راعي طفايس وغيبه عجاب صالح الحنتمي |
اليا سلم طلال هذا مناتي
امسيت كني مالكن مال قارون لو مملك الا ددسني والعباتي سلامته تسوى ثلاثين مليون دونه عجزت اجمع بقايا شتاتي والحال بعده صار من دون في دون خدوم ليه في زماني أمراتي ماشلت هم وماسهر الليل مغبون يالله ياللي تعلم الخافياتي اشفه يامغرق بالبحر جند فرعون عسى الفرج يارب بالمقبلاتي امين ياللي بامرك الكاين يكون ابديت ماكنيت علم ٍ ثباتي ادعو معي ياللي للابيات تقرون عجاب صالح الحنتمي |
يابدر فينا لو تطول اليالي
لابد مانمشي طريقٍ مشيته عمر الفتى تاليه عجز وزوالي اما بكاني حي والا بكيته مرحوم ياحلو النباء والقبالي ياخيرٍ باقي مع الحي صيته رحلت عنا ياكريم السبالي حزنك يابن ناحل بقلبي شكيته يابو فهد بعدك ترى ضاق بالي لو اقدر المرقاب قمت ورقيته عسى يخفف ضيقتي راس عالي ورتاح في عاليه ساعة بديته ادري ماعمره رد غالي لغالي لكن من مافي ودي نصيته اهبي يادنيا قصيرة حبالي كم حي قفت فيه من وسط بيته عجاب صالح الحنتمي |
شايب لسانه طول حبل المحاله
ويديه عن كل المراجل قصيره على الردى كنه موكل وكاله حقير والنفس الخبيثه حقيره ياعل مافال الرجاجيل فاله به من صفات البيض خسه وغيره نمام جعل الموت يقصر حباله وان عاش جعله بين هم ٍ وحيره هرج القفى والنمنمه من خصاله مفضوح مابه طيب راس وستيره تكرم رجاجيل الوفى عن قباله شرواه حطوله علف بالحضيره تقول عشبه طالعه بالدماله لو اثمرت ماعاد فيه بريره عجاب صالح الحنتمي |
يناشدن عني ومنهو خوالي
عجاب ابن صالح خوالي رحامين حمود ومحمد بعاد المدالي وصلاح مع صالح رجالٍ عزيزين اكرام ساس اكرام باول وتالي نعم الخوال مرجحين الموازين اولهم اللي في نهار القتالي ماينكسر بالكون وسط الميادين وحفادهم كلن يروم المعالي متعلمين وفاهمين القوانين ارجال مافيهم قصور وخمالي للضيف دايم فاتحين الدواوين مع الشبب حلو النباء والقبالي وفنجال للعمسان يشفي من البين عنهم لو اكتب كل ليله مقالي قليل في حق الخوال الوفيين عجاب صالح الحنتمي |
يالموت خذ خبلٍ كبيره علابيه
يميل المعلوق لوهو ذبيحه الله سبحانه من المال معطيه ويديه عن فعل الجمايل شحيحه يامكثر علومه وماكثر دواديه ماغير تسمع بالمجالس فحيحه ومهل لقرم ٍ تعتزيبه بنيخيه صحريح ويحب العلوم الصريحه كريم مايملك من المال يعطيه محشوم عن كل العلوم القبيحه رجال عرفه في حياته يقديه نصيح ويحب الرجال النصيحه سواة سلمان الوسيمه وطاريه كريم سبلا والسوالف مليحه ياعل تبطي يالعوارف لياليه افخر بمثله وتعمد مديحه ورجال ماودك دقايق تخاويه مامن وراه الا الندم والفضيحه تم الكلام اللي ثمينه معانيه ومن لابغاه الدار قدمه فسيحه عجاب صالح الحنتمي |
من ماتشوف العين في تال الازمان
ياشيب عيني من زماني وطاريه مافيه أمان ومابقي فيه طدقان غير القليل ومايجيبه يوديه يابري حالي فيه ياكثر الاحزان من يوم طاح اللي عسى الله يعافيه ياما نقل حملي على روس الامتان طلال يامعبود تمهل لياليه بعده تراني بين شعله ودخان همي يخم القلب ساعه ويخطيه حتى علاجي يصرفه كل الاحيان وباقى مواعيدي لها حط تنبيه ماشيل هم اليا حضر طير حوران طهور ماصابه عسى الله يشافيه بعده تراني شبه عاجز وبلشان وحار القدم والقلب كثرة طواريه عجاب صالح الحنتمي |
الساعة الآن 11:44 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir