الغلطه اللي غلطوها = نخفونها عن عيون الناس
تكفون عيدو وعيدوها = انحطها في وكالة واس

اصحى لاترمي حصاة الذال = بين المحبين وتنادي
اخوان نبقى بدون اجدال = لو نختلف وضعنا عادي

اعمل معاريف وأرميها = جوف البحر واطلب الباري
وللناس لاتجيب طاريها = ان كان تبغى الاجر جاري

عمر الندم مايفيد الجرح = ومايطيب جرحك بعد تندم
لابد بعد الحزن من فرح = وتنسى جروح اعتلاها الدم

احرص على ركعتين الصبح = تسوى حياتك ومافيها
وسامح وخلك من اهل الصفح = تلقى المثوبه وتجنيها

سجلت قصة غرامي فيك = في دفتر العشق واحزانه
من دم قلبي ولايكفيك = يامن توطنت شريانه

ممكن غريق البحر يلقى = منهو على اليابسه ينجيه
لاكن غريق الهواء يشقى = وينسم حاله من اللي فيه

معنى ولايفهمه غيرك = وانته لذيك المعاني سيد
اما تحافظ على طيرك = والابكثرة جفاه ايزيد

لاترمي الناس بحجاره = لاسار بيتك زجاج ابناه
واحذر ترى النفس اماره = لاتعمل الاعمل ترضاه

في ظلمة الليل لاهود = محد(ن)يشوف الذي غمض
اللي منال العنب عود = ويقول ذاك العنب حمض

من صغر سني وراسي فوق = اهلي على العز ربوني
انا اتكلم معاك بذوق = ارفع علومي عن الدوني

دنياي لافايده فيها = ان كان امي يجيها بخص
ابيع نفسي واعطيها = واللي غلا لجلها يرخص

اسئلك يامن سكنت الجوف = وضلوع صدري عليك اتصك
ادم احتويتك يجيك الخوف = والاملكت الفواد بصك

ماتشوف لي حل فحسااسي = قبل يتبلد لنا ألاحساس
ياعايش(ن)داخل انفاسي = ارفق بقلب(ن)غشاه الياس

لعل منهو احتواء فنك = وذابت زهور النفل فيديه
يلقى عذابه يجي منك = ينظر بعينه ولايمديه

مرغم اناظر واصد احياان = من شان ادرى على احساسك
على الجوارح تبان احزااان = اصبر والاينحني راسك

ياللي الرمد صابها عينك = ويادوب ذاك النظر يقديك
الطب وينك عنه وينك = طب البدو احذره يعميك

ماهو طلب بس استفسر = ويش قصر الاوسمه عني
اجهر بقولي مافيها سر = قول الحقيقه وطمني

باقي على العهد ماخونك = مهما حصل من جفى منكم
سكنت القلب واصونك = ولارضى على كسر خاطركم

انسى الالم يوم اذكرهم = بحسااااس صادق لهم دفاق
بلسم على القلب ناظرهم = مما فقلبي لهم واشواق

بين الماسي ودمعتها = وجروح منها تنوح الروح
العين حازت بنظرتها = والقلب اصبح بها مجروح

لاتحوم حول الحمى وتصاد = ابعد عن الموقع المحمي
لاخذك بين العرب منقاد = وارسم على جبهتك وسمي

لو تبتسم لك حياتك يوم = لابد ماتعكر الصافي
ان كان عينك جفاها النوم = غيرك تهنى بحضن دافي

اكتب حروفي بدمع العين = والا القلم جف من بدري
راحت حياتي مابين اثنين = حب الدلع والهوى العذري

لايافوادي ويش اللي سار = عاثت جروح الزمن فيني
ان كان بيني وبينه ثار = ايش الذي منه يرويني

يامالك القلب واحساسه = ومشاعره والتحكم فيه
يامنبع الود ياساسه = ارحم محب(ن)قبل تنعيه

نظره بعينه نظر فيه = وعقب فقلبي ألم دايم
جوف الحشى حط ماريه = واصبحت في حبهم هايم

لاياعلي عيد وين الناس = غايب عن الملتقى وينك
لاباس يابو صحب لاباس = فقدت خطك وتدوينك

سلام من الساحل الغربي = للي سكن ساحل الدمام
ياماجد انته خوي دربي = عساك سالم من الاسقام

نبرة جزن والدموع اتهل = والجرح في داخلي باقي
اللي فقلبه الم يندل = لجله تمركز فالاعماقي

القلب مايلامسه الا = كلام صادر من اقصى القلب
مادام دمع الوفاء هلا = ايلين قلبك لو انه صلب

بان الادب في قوافيهم = الله الخوافي بها اعلم
نحكم وربي يجازيهم = من خالط الناس مايسلم

ياناس من شاف لي راشد = من شاف لي كاتب الابداااع
اليوم انا عنه ناشد = منهو يجيب الخبر ويذااع

ذقت المراره بحضرتهم = وفي غيابهم ذقت طعم المر
يعني كذا هي مودتهم = نصبر على حلوها والمر

الرجل لاكمل الستين = ورجله لشف القبر قربت
ايجوز ياكل حباب التين = ويطرب مع الناس لطربت

صحيح شاايب لاكنه حي = قلبه لاشاف الغضي يفرح
ينظر بعينه لذاك الحي = خضره وجه(ن)حسن يمرح

ماظن خطك يلامس خط = منقوش في قلب من قاله
موج البحر لاوصل لشط = يغرقك وتوه فاهواله

مادام جرحك من احبابك = احرص على قربهم وتطيب
من دونهم افتح ابوابك = وعطر خطى اقدامهم بالطيب

عندي شهاده على حبك = بين الحنايا موثقها
مطرزه بوورد ومشبك = من دونها نفس عاشقها