|
*ياهل الثماميه مواريث الابطال*
*ياهل الكرم ياطيبين السجيه* *قدام مبدا في حديثات الامثال* *شرد عليهن ماركه عالميه* *سلام تسليمه وفاء قدر وجلال* *يادرع جنبي يارجال العطيه* *لابه لها بالولد من حرب الافعال* *اصل ومواقف بالزمن جوهريه* *اهل البيوت اللي بها فال وعقال* *للضيف والجيران والاهليه* *عن الشتاء تدفي وبالقيض مقيال* *قبل السلام يسود نجد العذيه* *حم الذرا من دونها ترخص الحال* *في يوم صبحه ليلتن خرمسيه* *مايذبحون الا مجوخ وخيال* *وعقيد سربه مايهاب المنيه* *يتلون شيخن لصعيبات حلال* *فيحان له مني سلام وتحيه* *دايم مضيفه للمشاكيل مدهال* *دله وصينيه وكفن نديه* *ايديه تفني مايحوشه من المال* *دمث الجناب وطيب نفس وحميه* *مدحي لشيخن فيه نفخر ونختال* *بالمنبر المشهود واجب عليه* *واليوم بعد الفيصلي شبل الاشبال* *وحد قبايلها وقاد الرعيه* *خلا الجميع اخوان في كل الاحوال* *الدين واحد والهدف والهويه* *صرنا حما لدار ونربي اجيال* *ونحارب الارهاب والعنصريه* *ياسامعي ماقول خله على البال* *للفايده من تجربه واقعيه* *العلم نور ومن تعب واجتهد نال* *طموح من شوحه ورى الجاذبيه* *سوات بندر راعي المعدن العال* *ياعل مانسمع عن القرم سيه* *كافح وحقق ماسعاله ومازال* *عنده هدف سامي ونفسه جريه* *مالوثو فكره خبيثين الاعمال* *سود النوايا والنفوس الدنيه* *واللي يقول اخطيت في مدح الابطال* *ينطح براسه كشب والا طميه* |
*تعلمت من يسر الليالي وعسرها*
*تجارب عليها بالزمان دليل* *ابا اعطيك يالنشاد وصفه مجربه* *ماهي قابله لشك والتاويل* *قديم العداوه لو تصافيه ماصفا* *تشوف السنون وداخله عليل* *وترى الذل مايعطيك حقك من البشر* *ماسر الضعوف وباخصين الكيل* *اوصيك لاتخطي ولا تقبل الخطاء* *ولا تصير لرخوم الرجال خليل* |
سلام ياماجد من الراس لراس
ياطيب الخوه عريب الجدودي سلام فيك ايليق يامعرب الساس مالاح برق وماترازم رعودي يابن فضي في علم شايك وحساس متشربكن مابين غدر وجحودي ماقفك يادبيسي طناخه ونوماس ياراعي الفزعه وسيع البنودي حق الخوي ماضاع مابين الانجاس عليه منا يالدبيسي شهودي سريت له مسرا بعيدين الارماس والصبح جبته ياقوي العضودي من بعد دونه حايل البعد والياس حبله دقاق وفيه عدة عقودي عن ماجرا عبرت مابين الاقواس ببيات من ريح النفل والورودي |
مليت جوالي بكثر الرسايل
لافايده منها ولا شعر راقي لو يوم ترسل وانت يابس بلايل لك احترام اقف على عظم ساقي مير انت ياكافي تضيع القوايل فخامة السيسي تحطه عراقي |
((سعد المحمدي))
ان شفت رديان الجماعه تحاربك اعرف تراك انسان ناجح ومحسود خل الرخوم اللي جداها تعذربك اهل الوجيه السود وقلوبهم سود اما تعلم بالزمن من تجاربك والا تموت بغيضها ماجنت فود ((ناصر الرقعي المزيني)) اهل الحسد عطهم وانا خوك غاربك لاتنشغل بأهل الردا عن هل الجود النذل لو له شاربن مثل شاربك ماضاق صدره من هل الطيب والزود والهرج لايرخي قساك ومكاربك كم واحدن بالهرج ساحر ونمرود ((سعد المحمدي)) ابحرت في بحر المعاني بقاربك وجبت الثمين وجبت شعله وبارود العلم ياريف النشاما تشربك وانا ماحب العلم حاوي ومردود العام كهرب دارنا من كهاربك واليوم من عندي لك السلك ممدود |
يوم المحازم تغيض وتمتلي وينك
ماشفت لك في سمايه برق وخيالي واليوم تشره عليه تبت ايدينك وانته ماتسوى صدى صوتي وموالي نفسك كبيره عليها ربي ايعينك ماقول غير الله الله يستر الحالي |
رفيقك اللي لامدحوك الرجاجيل
ضاق وتكدر خاطره في ثواني عليه لو تجري بحوث وتحاليل تلقاه من بعض المشاكل يعاني ياحاسدن لو تغسله بازرق النيل ماعاد ينظف يالله المستعاني ياخبل فكره سمموه المهازيل سهاجة الواجب رجال الهواني |
*يامل قلب ٍكل ماطرّف الليل*
*يشعاه من غبر الصواديف شاعي* *لازان ليله للسمر والتعاليل* *تزارقنه لون رقط الافاعي* *لعاشق ٍللمشطّات المجاديل* *ولاهو على الدنيا كثير اندفاعي* *بلاه فاقدله تكانة رجاجيل* *اهل المواقف مشبعين الجياعي* *من بعدهم ياعيد مدري اسماعيل* *اخاف من وعل الجبل والسباعي* *لو اني املك صافيات الدرابيل* *اللي يفضن بالنزاع النزاعي* *مع زحمة الديره بزمل وزماميل* *بالحمل مايسري قصير الذراعي* *عطيت موجز دون ذكر التفاصيل* *يفهم كلامي كل رجال واعي* |
الشاعر احمد فيحان المحمدي
الشعر لاقامة تقادح قوافيه لا عاد ترجي بالعقول انتضاري كلن سحب مسباحته من مخابيه ماكنه الا يصتلي فوق ناري كلن يبا إيعبر ويضهر خوافيه ناسن توجد به وناسن إتماري وكلن على ماقيل شوفه يقديه وليرخص الأحرار زود النغاري وانا افتخر فالقاف لاصرت بانيه ماني من الي يقبلون المزاري البيت اعيده واحترص يوم اغنيه واحصنه وازينه من وقاري من الشكك والضن والبغض صافيه على النقا مانتقي بالمذاري واشاور العقال قدام للقيه من خوفي لخطي رميتي من عياري وليا عطوني راي انا مقتنع فيه وصلت رايي ورايهم من نهاري شهاده إبتحفيز والحق نبديه من غير مانخشا اسباع البراري الي لنا وقف انوقف ونحميه عن وقفته ماقال هاذا اعتذاري جاب العلوم اسمان والله منجيه من دون ربعه واطين فالخطاري يومن غيره هقوته ماتهقويه ماهو على الطالات رجال ضاري ماغير وسط الدار كبر مراكيه ثاوي ولا يبعد ولا له مطاري سلم على الي يرفع الراس طاريه سعد ابو تركي بعيد المساري درع. الرجال الي مزين مراميه من دون ربعه مثل حد الشباري له العلم مرفوع والعز كاسيه غصبن عن الي يكثرون الهذاري رد سعد المحمدي *الشعر ياشاعر جزيله معانيه* *يحتاج له عاجل طبيب استشاري* *لو كان ماني مستشاره وقاضيه* *اشوف جاري له مع الوقت جاري* *قامة تخمه في زمانه وتخطيه* *معادلين صقورها بالكناري* *اليا تخلا شاعره عن ماباديه* *وساق المشاعر بين بايع وشاري* *اجزم وعده من بلاوي بلاويه* *لو لبسوه التاج شلة مكاري* *وجهة نظروالكل عرفه مقديه* *على جميع الناس مافرص قراري* *يااحمد سلمت من الزمان وجواريه* *مدحك يابن عمي يزيد افتخاري* *شهادتك يحاضره مثل ماضيه* *تبقى على راسي سواة الشعاري* *العام يوم السيل جنب مجاريه* *وشال الشجر ياصاحبي والكباري* *لقيت عميان البصاير تباريه* *اللي معه بلجيك واللي سواري* *بين العتاب وبين عوج المشاريه* *هبطة للقاله هبوط اضتراري* *يامكثرين الهرج ماكله اوحيه* *كثر الكلام الابسات الخزاري* *للخيل خياله ولرمع باريه* *اليا جهل بشار يدري مشاري* *عن في ذاك الضلع مرقب بعاليه* *مرتاح لو تذري علي الذواري* *عيد الرميحي قال باجمل قوافيه* *مايجوز كسي الراس والجسم عاري* *عطيت موجز للعوارف وتنويه* *ماقول قولي من صحيح البخاري* |
مشعل الضوي
لا شفت من يزعل بليّا خطا منك حاول عن اسباب الزعل لا تقصّى أمّا لقى نمّامٍ مسولفٍ عنك و الّا على ما قيل خبلٍ موصّى مجاراة سعد المحمدي ياطيب منطوقك وياطيب معدنك شاعر اعجابي فيك عزوه ونصى الوقت لااخلف في مسارك توازنك في مثل مقطوع الرجا لاتعصى |
الشايب اللي عياله بين خبل وخبيث
انشهد انه ماخلف لشدايد عيال لو يرفعون الاذان ويحفظون الحديث المشكله في مرض بين الكلى والطحال يافالح الراي نارك في شبابك وريث واليوم طفوا سناها عابدين الريال غيث الكبود العطاشا قبل ماتستغيث دنياك ياحارس الخزنه مداها الزوال |
ياحمود خل السالفه في سنعها
اطوف لو فيها مشاريه واعتاب النفس مدري ليه زايد جزعها والناس من دوني مواليف واحباب من شقها راع الذهانه رقعها وصفق له الجمهور تقدير واعجاب نسف عنه بعض العلوم وهزعها عليك يامسكر ويافاتح الباب يفك رمز السالفه من تبعها ويجهل رموز السالفه بعض الاعراب |
ان مت لاتاقف على القبر وتصيح
عند الولي سية سعد واحسناته ماينفع الميت دموع التماسيح لاخطيت في حق الرفيق ابحياته في مسجد الحاره نصايح وتسبيح وفي مجلس اهل الغي وده وهاته منك القلوب البيض مبطي مجاريح نسخه من الشيطان ومواصفاته |
انا ياطبيب النفس من عام وضعي صعب
اعالج جروح الناس وابحث عن اعلاجي اعيش الحياه الفانيه بين هم ورعب على لوح مدري وين ترميه الامواجي من اقصى شمال الدار حتى مضارب زعب وسيع الدروب يضيق قدمي وينعاجي |
اليا مدحت امدح كفو يستاهل
يامقرب الولعه من القداحه حاولت في مدحك وعيا الهاجس يقول غيرك لردي مداحه فهمت والا ياعسى ماتفهم جاك الكلام اللي علي ايضاحه الطيب للطيب هدف وعشاقه تموت ماعلق عليك اوشاحه |
ياجار في صدري مثل واهج النار
من يوم ماشديت عنا من الحي عليك يابو وجد ماخفيك الاسرار العين هلت دمعها قبل تقفي قضيت سبع اسنين وانته لنا جار ياطيب الجيره تقل من بنيخي |
*باسم الحروب اهل الثلاث الوكادي*
*المعجزات البينات الصحيحات* *من ماضي الايام ماهن جدادي* *قدام وقت العولمه والدعايات* *فيهن شهد قبل الصديق المعادي* *حقايقن ماهي حلوم وخرافات* *يامرحبا من عود جاوي وكادي* *واحلا من السكر حلا عشر مرات* *بضيوفنا من طيبين المبادي* *بلي مرويت النمش والرهيفات* *يوم القبايل بين منكف وعادي* *ياما غزو فوق الركاب الاصيلات* *وعلى السبايا في نهار الطرادي* *يردون حوض الموت ورد الضميات* *مايذبحون الاعقيد الشدادي* *والا مجوخ مايهاب الصعيبات* *ابيوتهم عن التقى بالحمادي* *يوم المجاعه والسنين الشحيحات* *في شوفهن يفرح غريب البلادي* *يقلط على حلو النبا والتحيات* *قبل العلوم ادار دله وزادي* *ينسى التعب والهم تحت الظليلات* *الطيب من توفيق رب العبادي* *علام مانخفيه في كل الاوقات* *عملة وفاء ماهو مهايط اربادي* *يغيب وقت الازمه والمهمات* *وان فازبه منا فتى شي عادي* *مابه غرابه نصنع المستحيلات* *يامحمد الفالح بك الكل شادي* *فعلك ينومس يابعد كل شمات* *الجيب جعله يابيض الوجه فادي* *والجار في رحمة عليم الخفيات* *ياطيب الخوه نصيح الفوادي* *الطيب يبقاله مع الناس بصمات* *مثل فعايل متعبين الجيادي* *ربعك رويثه بالسنين القديمات* *اليا ثنو من دون قطم التوادي* *هيهات يامدور على الفود هيهات* *قلت الصحيح برغبتي واجتهادي* *وماقل دل ومسك عذبات الابيات* *يالله تهدينا طريق الرشادي* *يامخرج الحيين من بطن الاموات* |
صالح المحمدي
ترا النظام اللي من اول تحول ياللي من اول غير طالع ونازل اليوم جانا فرض حظر التجول بالليل قالوا خلكم بالمنازل اقعد فـ بيتك لاتقوم اتهول ترا القضيه جد ماهي مهازل وطاعة والفرج مايطول في حكم ربي لابحكم العوازل ****************** سعد المحمدي الامن في منع التجول مخول يالله تكفينا الوباء والزلازل واجب يكون الشعب بالصف الاول الوضع يبغى بعد شوح وتنازل واللي له النفس الخبيثه تسول يرتاح مابه بالشوارع مغازل ترا الوبا مرعب دول لين دول مايشاف بالميدان حتى ينازل |
ياصاحبي ماني براعي قطاعه
حظر التجول حال بينك وبيني الوقت ضيق والاوامر مطاعه نكسب بها ثنتين دنيا وديني عذري سمين وخل عندك قناعه لاتصيرلي من جملت الشامتيني ************************* الا ياوجد حالي وجد ابو مشعل على المرواح جميع دروب طيبه قفلت من دون ورعانه دوامه في تبوك وكل مناحة حمامه ناح على شوف الديار اللي غلاها دم شريانه وجودي وجد حاله كل مابرق السحابه لاح بعد حظر التجول ماقدر اصل حد، ودانه |
يابو صلاح البل غلاها غلا غير
مالوم يالمولام ناس اعشقتها احبها حب الصقاقير لطير حنينها يشعى سعد ورزمتها لو دونها دربي عكاش ومعاصير باذن الولي سيارتي واصلتها ياخالد المولام للحظر تاثير على نفوس ارجال مثلي هوتها عسى السحاب اللي قدومه تباشير يسقي جميع اديار بدوٍ قنتها من بعد ماتعلف نخاله وشعير تشبع ضحى خلفاتها وجنبتها |
(عبدالله عتيق العطوي)
يامركز الطلعه على الراس والعين الأمر مانعصيه ومنفذينه ادري بكم على المواطن حريصين وقفاتكم يالأمن جدا ثمينه وانا بدوي فالبر راعي بعارين ويضيق صدري لانزلت المدينه ليه عن نياقي حوالي اسبوعين وشوقي لهن شوق الضنين لضنينه البل غلاها ساكنن بالشرايين حبا عن الاجداد متوارثينه ودي اقضي عندهن يوم يومين قبل رمضان يهل ياصايمينه وإن ماسمحتوا لي تراجعت ذلحين والدرب صوب عيالنا خابرينه (سعد المحمدي) عن مركز الطلعه لك ايسار ويمين حسب اعتقادي سمح دربك يمينه قدام ماتذن عليك المواذين من فوق يالمقدام صافي مكينه امش وتوكل ياوريث الكريمين ينجيك من نجاء بنوح السفينه حالي مثل حالك يمين الميادين الدرب يافرز الوغى قافلينه من لام مثلك ياطليق الحجاجين ياعل ماله بين الاجواد عينه حب النياق مقوسات العرانين من السلف ترا الخلف حافظينه الكلمه اللي حطها بين قوسين يافداك من دينك على غير دينه المسعد اللي ماعرف دولة الصين اسبابهم كل الوطن حاظرينه |
الفاطر اللي ماستوت والعظم ذاب
ياليت مدهون الشنب ماطبخها لقيتها وحترت في بعض الاسباب ترغي بعد سلاخها ماسلخها يامعرب الجمله على غير الاعراب سوات من جمرة شليله نفخها |
لاجيت ابطوي صفحة الشعر وارتاح
واترك جديد القيل واترك قديمه اخاف جرح ٍ مايداويه جراح عواقبه بالوقت تصبح وخيمه وتغيب باللي لثقيلات نطاح وقت العوافي حول قدر الوليمه |
الشاعر يوسف بن عبيد الفريدي
الا يا هاجسي حضر جنونك والعباد رقود بقى لي كلمةٍ وحده ولاني عنه مخفيها يابن دومان بعض البيض صارت فالحقيقه سود ومثلك عارف الدعوى وش اللي حاصلن ٍ فيها خبولٍ الناس قامت تفتري والمسلمين شهود وربك يعلم النيه وظاهرها وخافيها ترى الخرتيت طابخها وعيت فالقدور تجود وحنا نعرف اللي كان طابخها وشاويها رحمك الله ياوقتٍ مضى ليته عليك يعود به الشيبان واهل السلم ليت الله يحييها ***************************** سعد المحمدي يعيش الشاعر اللي يعرف الحاوي من المردود عليه اهل التحايل والمهايط ماتمشيها سكوته من ذهب واليا تكلم للكلام حدود ولد عود ٍمع اهل الطيب ياخذها ويعطيها يايوسف خلها تبرا مع الديره هذاك الذود مسرحها الصباح العصر مايقدر يضويها وسيع العرف مثلك يعرف الغايات والمقصود وقليل العرف لاجاب السوالف مع مثانيها لقيت الورده اللي وسطها حط الغبي عبرود على شرواك مايقدر مع العجه يمشيها عطيتك من ملخص سالفتنا مثل ريح العود عن عيون المشفح يارفيع الشان مخفيها |
ياطير ياللي فوق خضر ٍ مواريش
عطني وانا ابعطيك يامبعد الحوم اعطيك قلب ٍ قافله معه بالشيش من ماجرا له كله احزان وهموم وعطني جناحينك فدوك الخفافيش اللي سببهم حجرنا صار محتوم ابغى نهار العيد ياصافي الريش اعايد اللي وصلهم فيه ملزوم |
سلمان الحويفي
ياناس من سوى جماله ومعروف لايحبط اعماله بسوق المهايط ويصبح هباً منثور ماهوب مخلوف ولا له بميزان الحساني وسايط ويجرح شعور اللي من القل ملهوف ويحطمه عند الاهل والحوايط *********************************** سعد المحمدي القول من واقع محبب ومالوف لاصار رسمه لون رسم الخرايط يمكن يعالج جرح ينزف ومكشوف ينزف وماخاطه مع الوقت خايط لناس ياسلمان غايات وشفوف بين المقص وبين حمر الشرايط |
ياطير ياللي فوق خضر ٍ مواريش
عطني وانا ابعطيك يامبعد الحوم اعطيك قلب ٍ قافله معه بالشيش من ماجرا له كله احزان وهموم وعطني جناحينك فدوك الخفافيش اللي سببهم حجرنا صار محتوم ابغى نهار العيد ياصافي الريش اعايد اللي وصلهم فيه ملزوم |
العام ياصوره على شاشة العرض
بروازها من ريش هدهد سليمان فرضة على بعض العرب وقتها فرض واليوم بالموضوع شعله ودخان يجوز راع القرض ماسدد القرض ويجوز جسر عبور فيه الغشش بان يامصلي السنه ويا تارك الفرض خسران في كل المجالين خسران خل الثقه بالنفس مثل الجبل وارض في واقعك وفهم ترى الزود نقصان |
*سعد المحمدي*
*الرجل مايشكل عليه ويكوده* *غيرالمجادل مع ضعيفين الابصار* *بيت ٍ لشاعر في غياهب لحوده* *الله يجيرك رجاءالله من النار* *فيه اكتفي ياحاسده يامحسوده* *يااهل القصور بدون بيبان وجدار* *ياللي تسوق شعيل مدري تقوده* *تلقى مع جهينه تفاصيل الاخبار* **************************** *ضاهر المحمدي* *الرجل والله مايقوي عضوده* *لاكبرت القاله وكثرن الاشوار* *وصارت طويلات الحبال معقوده* *وصكت عليه ظروف الايام واحتار* *ياغير رجال ينومس وجوده* *مثلك يابو تركي لياصار ماصار* *من حظنا طلعة سعد مثل عوده* *توارثو طيب ومراجل وشعار* *وابو علي ياكثر طيبه وجوده* *يالله عسى ملفاه جنات الابرار* *واما ضعيف البصر نقصه وزوده* *مافي رصيد مناقشه غير الاصفار* *هذا اليامن جاك يشعب قعوده* *اخذ اليمين ولياهرج حطه يسار* ************************ *سعد المحمدي* *قلبي يابو سامي همومه تروده* *لانامو السالين مع وقت الاسحار* *اليا ذكرت اللي رحل دون عوده* *صدق على قبره من المزن مدرار* *لاقام كلن ينتخي في جدوده* *انشهد انه للمجانين حشار* *حامي حما ربعه وحامي حدوده* *دون القبيله حد شلفاوبتار* *البيت من بعده نعدك عموده* *الله يجيرك من صواديف الاقدار* *طيب الشجر من طيب عرقه وعوده* *يادرع جنبي لامكر كل مكار* *شامخ عن الحايه تذري حيوده* *تذكر على من ضامه الخصم وانهار* |
صالح المحمدي
هب النسيم اللي يرد الروح البارحه من وجهة البستان الورد والريحان منه يفوح اما طرب والا يثير احزان بتلا الشهر جدد علينا جروح في ليلتن مدري لو الها شان تنزل بها الملائكه والروح بامر الولي ينزل بها القران الجن في شهر الصيام تروح ماغير جني عند ابن دومان ************************** سعد المحمدي البارحه يوم البروق اتلوح من دون مدري من ورى ورقان اشوف من سد الخيال الضوح وانا ابدوي راعي جهام وضان يابو فهد حتى حمام الدوح تبغاه مايغرد على الاغصان اللي معي مصلاح يالمصلوح ياقف معي بالمحزم المليان انشهد انه لازعل طحطوح حاضر معاركنا مع الاخوان |
*الموتر اللي عوجة الشاص عيبه*
*شراه عنتر للمكده وعافه* *زادت عليه التكلفه والضريبه* *وباعه بسوق المصلحه والحسافه* *يافاقدين الطيب ماهو غصيبه* *الطيب كايد والفعايل اغلافه* *اللي يحوش الطيبه من نصيبه* *مرحوم يامن شدني طيب قافه* *شاعر وشيخ ومن عوارف عتيبه* *حماية التالي زمان الحوافه* *وانا بعد فحص العمى من طبيبه* *في مختبر زاد الكلافه كلافه* *لقيت بالقمح المصفى زبيبه* *قبل الشريف حسين مدري خلافه* *العلم يالصحاف وده وجيبه* *سوالف الشيبان فيها طرافه* |
عواض الشدادي
شعار يوم بكل وادي .. تهيمون في شي لو قلتوه .. ماتفعلونه ينصحكم الناصح ولاتستجيبون ويتبعكم الغاااوي وﻻتنصحونه وياماكذبتم قلتم إنكم تحبون والحب في وادي ولاتعرفونه وياكم مدحتم ناس مايستحقون وتركتم اللي واجبه تمدحونه ************************** سعد المحمدي اخالفك بالراي مبنى ومضمون وغير اختلاف الراي مالك مهونه صديق وبناخي وشاعر ودندون منته من اللي زادهم يملحونه لو كل شعاره مثل ماتقولون الرسل واهل الدين مايسمعونه صحابة المختار عنده يغنون حسان ابن ثابت قرينا لحونه اليوم مثل الامس والناس يدرون والجزل ماملوه من يعرفونه |
*سعد المحمدي*
*ماجاك مثل العام راعي بشاير* *لو حلم بين الثانيه والدقيقه* *في نشوته تبني صروح وعماير* *وتهدها ﻻبان وجه الحقيقه* *بعد انتهت بيام حرب الجزاير* *حطيت لي سم الحنش في رحيقه* *هدهد سبأ جابه مع الجو طاير* *قصده يحط الذيب وسط الحديقه* *ياود لو حطوك ضمن الشعاير* *ولك يذبحون بكل ليله عقيقه* *النور ماتخفيه سود الستاير* *ياهل المكايد والجنوب الرقيقه* *لقيت عيب سلاحكم بالذخاير* *مايثور مابين الكمين وزريقه* ***************************** *مجاراةالشاعر* *تركي المحرول* *كتبت درس لميتين الضماير* *وبصدورهم من كلمة الحق ضيقه* *ضاقت صدور مفتشين الصراير* *ومن شم ريح الذيب جنب طريقه* *تبي على الظالم تدور الدواير* *وباكر غراب البين تسمع نعيقه* *ولاهي غريبه يازبون الخساير* *تملك من الامجاد صرح ووثيقه* *يوم الزمان اللي به الرمي ثاير* *شبيتها بوجيه الاعداء حريقه* |
((سعد المحمدي))
بعد ديس المنيحه مابقى به مايبل الريق تقول انت المبدا والهدف تمثيل وسياسه سوالف جالها من سفرجي في سوقنا تسويق بعد معلن زعيم المافيا عجزه مع افلاسه مع الطاقه علينا بعد قفل الباب كيف تويق كبيره وانت مايجهلك خف شعيل من راسه ************************* (محمد عياد العروي) تجف ديوسها والله عليه الرزق والتوفيق عسى ربك يعدلها لو الاهداف منحاسه علوم السفرجي كثرت علينا مالها توثيق ليا طاح الحيا لابد ماتلفيك عساسه لكن الصبر طيب والفرج ياتيك عقب الضيق ترى الاخبار مكتوبة ومقرية وحساسه ***************************** ((سعد المحمدي)) محمد لاتسريها من الدره شمال طويق عليك الهون لاما تفرق الولو من انحاسه قضيتنا قضيه بين ابن صادق وابن صديق لها فوق الشهر والوضع يرسم فوق كراسه انا في جو مالي فيه حاجه مارغب التحليق يكفيني من الدله ثلاث وبعدهن كاسه |
اذنبت في مدحي لك العام واخطيت
خطية ٍ ياكبرها من خطيه ياليتني عن كل حاجه تحريت قبل ماتحسب من خطايه عليه بالقصه اللي حلوها تقل حلتيت كثرة بها برق البشوت العريه ضحية الانذال فيها زناتيت مابين بيع ومشترى بالقضيه ياجرح لو طال الزمن ماتشافيت ومالك علاج بداخل الصيدليه ياليت للحيين هيبه من الميت لو كبر يالنشاد عين المطيه كافحت في دنيا الشقى لين مليت اقدم الحسنه تجيني بسيه |
سلام ياراع الوفى منبع الجود
يانايف الصديق ياشامخ الراس متفقده يالقرم عن كل منقود ومغلفه بالورد وعقود الالماس ياصلك لو دونك مسافات ويقود يجيك في ذكر الحيا كل عساس وذكر الرجال اللي لهم فعل مشهود شرواك ياحلو النباء طيب الساس يالناحلي علمي سلامتك محدود اخلاصته يالقرم مابين الاقواس وان ماتهيا يافتى بعد مجهود والله مايلحقك لومي مع الناس انا مجرب بيض الايام وسود وقت الرخا وايام الارياق يباس |
*صالح براك المحمدي*
*بعض العرب حكمهم حسب الهوا والمزاج* *من غير تفكير تلقى النيه مبيته* *راع العوج لبسوه مبررات العواج* *واللي على حسن نيه حرفوا نيته* *ماترجي الناس حسنه من مهب العجاج* *اكبر غنيمه يفك الناس من سيته* *(سعد المحمدي)* *يابو فهد نطلب الله بالستر والخراج* *والعافيه في زمن ياكثر سلبيته* *ماشفت غيرك يشوفه ياطليق الحجاج* *الناس كلن حسب عرفه ونوعيته* *وبل المطر ياولد براك قالو هماج* *والحنظل المر قالو حسب ساقيته* *(صالح المحمدي)* *لله درك يابو تركي شعلت السراج* *واضفيت نوره على صالح وقافيّته* *لكن انا بنشدك ويش الدوا والعلاج* *للي هوى النفس بالاحكام ماريّته* *وان ماعرفت الدوا مالي عليك احتجاج* *بعض العلل ترفق الانسان مع جيته* *(سعد المحمدي)* *تبغى اختصار الكلام اللي سوات الثجاج* *اسمع كلامي يابن عمي ورمزيته* *كان الدوا له علاقه في صدور الدجاج* *ياليت راسك لنا يسلم بطاقيته* *ماودي اطلع عن الموضوع خلف السياج* *اخاف من شارع الخدمه ودوريته* |
*يامعطي الأموات من ورث الأموات*
*خصمك نهار الأخرة من طوايفك* *لاتشغل الساحة ولا تجلد الذات* *راجع بعد سبعين حجه مواقفك* *عكس الرضا يوم الخطأ بالملفات* *دقت مسامير الخطر في مجادفك* *الله خلق خلقه بدايد وقامات* *وانا من اللي حول جملا مخالفك* ******************* *الكلب ياراعيه وثق رباطه* *قدام باللي تنزع الروح نرميه* *خذها على ماقيل فوق البلاطه* *ناويه واللي كون الكون ناويه* *ارسلت نسخه واضحه للاحاطه* *قال المثل من يجهل الصقر يشويه* |
تحب الظهور بعيب غيرك وكلك عيب
ماتترك حركاتك وماتترك اسلوبك نصيحه من اللي عارضه لاح فيه الشيب لاتبحث عيوب الناس تبحث عن عيوبك مايجهلك ياجساس بالحالتين اكليب على موجة الارسال لاتفر حاسوبك نبيها مزارق طيب بين الرجال وطيب عط الناس واجبها وتعطيك ماجوبك |
السلف معروف مايلحقه مني ملام
يشهد الله والملا يامشاري يشهدون والخلف يارازق الطير يارب الانام في سلفهم بين يوم ٍ وليله يلحقون مانبي تشويه ماضي رفيعين المقام علم اللي يامشاري بعلمي يجهلون لابغيت الحر مايطير مع جول الحمام عاعة الادياك واهتز غصن من الغصون مابقي في عرش بلقيس ريشه من نعام خمس يبنون المدينه وعشره يهدمون كبدي اللي صايمه عن شراب وعن طعام مرها مثر على القلب الابيض والعيون ليت قلبي قلب يالايمي عجفى سنام مايهمه بالزمن غير براق المزون |
الساعة الآن 10:30 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir