ابا انشد اهل العرف واهل التفاسيــر = ومحللين اللغز ومفســرينــــه
عن شي خف الريش واثقل من النير = تهواه وتحبه وترغب ســمينـه
يجري بلا رجلين ويسير ويطــــــــيــر = ويروع اللي خارج من مهينه

سارت بي الاقدام بارض عذيه=في ديرة لعل يسقى ثراها
وعرض لي اللي يوم سلم عليه=تسليمة له غاية من وراها
يبغى الاجابه عن علوم خفيه= اجابة عن حاجة مالقاها
يرقى على العالي بعين قويه =والارض للمقود يذرع فضاها
ون صاد علم بكل نفس رضيه = كل العلوم يشوف وشمنتهاها
سمّوا لي هالمخلوق ياهل الحميه=والناس لايمكن نعدل خطاها

انشدك عن ورع ليالبس شاله = اشتال شر ناوي فيه عله
ماله قوايم والقوايم قباله =وابو قوايم مافزع به يمله
ورع فزع به من يهمه حلاله= يرجع المعزول عقب المذله

انشدك عـن رجـل قوي الااراده = رجل شـجـاع ومــوقفـه يرفع الراس
حـرر وســاد ويسـتحق ااـسياده = وفـك الاسـير وشاع ذكـره مع الناس

شبنت متجدده صارت تهاجمنا =عنوانها الدمج والمضمون ياكافي
لوصحت اهدافها بالظلم تهزمنا= لوصوروها تمام وخيرها وافي
لاعمامها قصدها خفيه تقدمنا = قوينا تضعفه وتسري الحافي
بنت جميله وهي تنهب غنايمنا= واهل الطمع والجشع تعطيهم الصافي

وشنايم ماكل واحد يسوسه = ومهمته يعطيك خير بلا شر
تهزه الحرمه وينجب عروسه =وليا ولدعقب العنا والشقا قر
وينجب ولد ومقفلات ديوسه = ومواقعه بظلال مبعد عن الحر
عديم نفع ان كان صابه يبوسه=واول حياته مشبعينه من المر
عند الغني اللي كثيره فلوسه = وعن الفقير وصار عندي ولاسر
تم الكلام وكل رامي وقوسه = والقوس في يمناك ونته ولد حر

وشــبنت تـاقف عندها تحتريها = وليا حضرت مشيت عنهــا على طول
لها اخت واجـــبها تحدك عليها = وتنفـذ المطلوب لـــو كنت مشــــغــول

انشدك عن رجل ذبح له ريجيل = من دون لاتثبت عليهم جريمه
ذبحه لهم حق وعداله وتعديل = وشلون قتل ولايسمى ظليمه
يذبح وينكر بعدها يحط ويشيل = والكل يغضب والعواقب سليمه
رجل يحب العدل مايقبل الميل = رجال موهوب فعول حكيمه

انشد ارجال العرف وافهم يافهيم = عن الفتاه اللي تجوز بدونها
افعالها تذكر وتروى من قديم = واللي يبون المرجله يقنونها
تمشي مع الماشي وتكرم للكريم = وتوصف بلون ما يطابق لونها

ياجمــاعه خبروني عن رساله = ارسلت من مـصر لديار بعيده
من كريم به مع العفّه عـــدالـه = يم شـيخ لاجل مفقوده تعــــــيده
يوم جـابوها الكواكب عاد حـاله = من حياة الحزن للحال السعيده