|
خمسة حروف جمعهاالله لنفعتنا= مضمونها من جعله الله والينا
السين سلم لمن همه سلامتنا= وسيف يقص الرقاب لمن يعادينا واللام لاللذي يسعى لفرقتنا= لا لا لمن سعيه خالف مساعينا والميم مرسوم ملكي فيه وحدتنا= وحنا على خطة المرسوم ماشينا والالف الفة وطن في كل دولتنا = كانت لنا قوة تقهر معادينا والنون نور لمن يتبع حكومتنا= ونارتصد الاعادي عن اراضينا هذا هوعزنا قايد مسيرتنا= على مساعيه علقنا امانينا |
توقا فالشرا حذرا يغرك منظرالمقصود= كثيراللي راى حلو النقوش وهست اوزانه
يقولون العرب مظهربلامخبرعديم الفود= حصيل المشتري لونه بعد ماضاع برهانه ليا هزك غرام البيت جس الساس والعامود=عمارالبيت قبل اللون سيسانه وعمدانه ولوصح البنا واللون جا من خيرة الموجود= تعجل بالشراحتى ولو غليت لك اثمانه |
اليا نويت احذر تروم الملامة = خل النوايا في العلوم النبيلة
سج القدم واسلك طريق السلامة =واحذر من لعثرات في كل ميلة تمشي على نور يبيد الضلامة= تسهل لك الصعبات والمستحيلة والراس خله يعتلي كل هامة = والنار حية فوق راس الفتيلة تنصف ليامنك لبست العمامة = عندك لحلات المشاكل وسيلة وصدق الكلام وحكمته لك علامة = والهرج دايم بلغته في قليله مطلوب منك العدل والاستقامة= وامنع لسانك لايجيب الرذيلة واقلط لياماجا مجال الزعامة =والناس تنخى بالجدود الاصيلة انهض ومعك المعرفة والشهامة = لاتنثني حتى تجيب الجميلة اخذ السمين وخل عنك الهلامة = خل الهزيلة للنفوس الهزيلة احذر من التقصير والانهزامة = لابان واجب في شؤون القبيلة نوخ لحملك في الرخا والزحامة = مثل الجمال اللي تشيل الثقيلة لاحتك عود بعود حط الوسامة = في الوجه تشفي كل كبد عليلة علامة تبقى ليوم القيامة = ماتنمحي رغم السنين الطويلة ملح الكلام اقدمه في االختامة = صلاة رب ماعبدنا بديله على محمد عد وبل الغمامة =والال واصحابه رجال الفضيلة |
دنباك فيها النقا والعيب = وكل فنِ له اربابه
مابين مخطي وبين مصيب = كلِ له اسلوب يعنى يه من قدم الطيب يلقى الطيب = ومن قدم الخبث يحضى به ما فيه شكِ ولا به ريب = ان العمل عاد لاصحابه حتى الذي تم تحت الغيب = كل ماخفي ربك ادرى به الشمس تطلع بعد ما تغيب = وتبين العلم واسبابه |
ياعلي دوك الوجار اشعل حرايقها = خل المسير من اقصى الحي يرعيها
وازهم اسامة يدني لك لحايقها= دلة ومحماس مع نجر يباريها خلو معاميلها دايم تعانقها = ياما حلاشبة وانتم حواليها شفي على قهوة حلوة ذوايقها = مهيلة وانت بيمينك مسويها يازين فنجالها واخوك سايقها= على مشاكيل شاقتني معانيها في جلسة طيبها غطى عوايقها = ماشابها شايب يخلف طواريها اليا بغيت العلوم اعطوك صادقها = تسعد بمنطوقها من يوم توحيها تغنيك عن ناس تاهت في طرايقها = مضرة الناس دايم من مباديها من عاش مع علة ماهو مفارقها = حتى الطبيب المداوي مايداويها لو يبدي الطيبة ماهو بطايقها = حبايل السوء جوف القلب كانيها مخايل في السما لاحت بوارقها = لكن رش المطر مابل واديها سود الليالي غدت باللي موافقها = والمقمرة زان للساري مساريها جانب خبول البشر واختا ر رابقها = من عاشر القوم يمسي فيه مافيها الرفقة الطيبة دايم ترافقها = ان جات وان روحت وانك مخاويها هذي وصلتي تمعن في حقايقها = وضحت مضمونها ماني مخفيها واختم واصلي صلاة وانت عاشقها = على النبي واله الاطهار نهديها |
قي بادئ الامرذكر الله سبحانه = والثانية ياصلاة الله على الهادي
من لاذكرخالقه ماينقضي شانه= ومن يذكر الله عاش العمرفاسعادي من وحد الله يخزي عنه شيطانه = ويعيش عيشة هنية مابها انكادي الله عطانا الدلايل ضمن قرانه = امر ونهي واصلاح وارشادي هذا الكتاب المقدس جل من صانه = بالحفظ والصون من كيدات الاوغادي الخير في اتلاوته والذنب هجرانه = واهني من هو على الترتيل معتادي عمارة الكون بانت وسط تبيانه = من نورها نستنير ونوصل الماد ي يالادمي راقب الخالق في سلطانه = واسلك طريق الهدى مصدروميرادي واسعى ورى الخير مهما طال ميدانه = السعي بالخير دايم غاية مرادي من يعمل الخير يلقى الخير فاحضانه= هذا صلاح الامم جمعا وافرادي وابعد عن الشر مهما كثروا اعوانه= مايتبع الشر غيراوغاد حسادي كم دمروا من عمار طال بنيانه = وكم فرقوا شمل ناس كانوا امجادي لاتبني البيت لين تشد سيسانه = اذا اقتوى الساس تقوى كل الاوتادي رحب بضيفه لياماطق بيبانه = حفاوة الصدر قبل الشرب والزادي ولاتدلي بعلم قبل تجيب برهانه = واحذر دليل تجيبه ماله اسنادي الناس تقرا الخبر لابان عنوانه = من العناوين تعرف غاية الرادي واخفض جناحك لمن ربتك جنحانه = وصلك راس الجبل من حفرة الوادي ياما وياما من اجلك سهرت اعيانه = سهران يوم انت متهني بمرقادي من لا يمد العطا لاهله وجيرانه = هذاك روح عن الاسلام من غادي وان شفت محروم لاترضى بحرمانه = افزع بماتستطع ذا سير الاجوادي واصفح عن اخوك لوعضك بنيبانه = ترى السموحة عن الاحباب شي عادي اكرم بمن قابل السيات باحسانه = واصبح معاديه للاصلاح متهادي وافرح ولو الزمن راودك باحزانه = لا للحزن وانت مع خالقك منقادي الادمي خيرته في قوة ايمانه = في شدة الغم خلك بالصبربادي واطلب من الله رضوانه وغفرانه = واكثر من الحمد والتسبيح تردادي قي الاخرة من رجح بالخير ميزانه = له مع نبي الهدى في الخلد ميعادي وعداد ماغرد العصقور باغصانه = صلاة ربي على المختار تنعادي |
يادارنا دارالشهامة والرجولة والقدو =يادارنا دار المروة والمحبة والقبل
يادارنا دار السلامة والتعايش والهدو= يادارنا دار الجبال الشم وانجوم الزحل يادارنا دار الرسالة والرسل فيها هدوا= انت بلدنا امنا حنا لك اجنود واهل ياقبلة الاسلام كل الناس حجوا واشهدوا = انك حشيمة في يدين اهل الامانة والعدل ياامة الاسلام عودوا للشريعة واهتدوا = لاتجعلوها حايرة بين الصراحة والحيل كفوا عن الارهاب واسلوب الغلو ورددوا= الله وحده لاالاه اللا هو عز وجل للود بين الناس واسباب المحبة مهدوا= الله جعلنا في الوسط غير الوسط مافيه حل تغير المفهوم والمعلوم والاخوة غدوا = بعد التوادد والتلاحم في خصومات وزعل رسولنا المختار جا قدوة لكم فلتقتدوا = لاتمنحون الشي حجما فوق حجمه من جهل الدين دين المصطفى التوحيد ياللا وحدوا = هي كلمة التوحيد مافيها خلاف ولا جدل هيا اسلكوا نهج الرسالة واتبعوها تهتدوا= واللي سلك نهج الرسالة مامشا درب الزلل ياأمة الاسلام بالله استعينوا واعبدوا= ربا رؤفا واحدا ماله ىشريك ولامثل ياناس ياعالم تحلوا بالتأني وارشدوا = اقوالكم واعمالكم لاتنجزوها بالعجل يادارنا الاعدا ء على اسوارك تجنوا واعتدوا=رغم الحفاوة والكرم رغم الجهد رغم البذل حكامنا تعبوا لراحتهم والاحقاد اجحدوا= مانبذله من خيرمن مجهود مع كل الدول اخواني الشعب السعودي للمهمات اصمدوا= خلواالسياسة للرئاسة واستعدوا للعمل حان التازر والتكاتف كلنا ضد العدو = في ظل قايدنا المليك الحاكم الشهم البطل الله حبانا بالامن والخير فاثنوا واحمدوا =شكرا لخالقنا على جزل العطا لم الشمل اليادعانا داعي الواجب تهيوا واركدوا= وحدة وطن والتفرقةمابيننا لاتحتمل هذا هو ديدنكم المعهودجدوا واجهدوا=وقفاتكم دايم مع ال سعود مافيها خلل |
ياعرب منصوربن هادي زبنا= يوم جوه مشاغبين معاندينا
فازله حاكم سعودي ماتونا= قال حنا واليمن متجاورينا والله انا مانفرط في يمنا =مانخلي جارنا للطامعينا كيف يالحوثي على ربعك تجنا= ماتخاف الله رب العالمينا راجع التاريخ كيف انتم وحنا= اخوة طول الزمن متوافقينا شوف ممشانا معك من يوم كنا=عون لك ياجار دايم جاهزينا يعربي مع يعربي في كل فنا= دمنا واحد وشي فيك فينا مايصيرالفارسي ياخذك عنا=من جنوب وشرق يبغى يحتوينا ارجعوا للصلح والحكام حنا= مرحبا باهل اليمن متحاورينا لكن الحوثي يبيها غصب عنا= مادرى انا محتوينه لانوينا دقت الساعة وزير الحرب دنا= ثم رحنا فازعين ورادعينا عن مصالح جارنا ماشي شغلنا= نفتديه بكل ماتملك يدينا شوف سلمان الجزيرة قد تبنا = امنها من شر كل العابثينا طايرات الحزم راحن ثم جنا =والبواسل فوقهن متربعينا نصرة المضلوم هي ذروة عملنا= قادنا ابن سعود في دنيا ودينا ياوطنا دام عزك ياوطنا =في ذرا سلمان كيد المعتدينا سير ياسلمان ياحامي ضعنا = احتزم بالجد والله لك معينا مايجيب الوافية غير المعنا = مثلك وشرواك ياذرف اليمينا استعن بالله وبالله استعنا = مايخيب اللي بربه يستعينا الله يعزك وتبقى ياجملنا= قايدِ صارم محنك ماتلينا العهود اللي لكم من يوم اهلنا= بالحفظ والصون في طول السنينا يوم جا عبد العزيز انزاح عنا=كل هم وكل غمِ كان فينا ياولد عبد العزيز اطلب تمنا= خذ عهود من جنود طايعينا مانقوله نفق والا سوء ظنا=مابدينا غير بالعلم اليقينا |
دن الجرس في هاتفك رد ياحسين= صوته يدل انه من البعد عاني
نادى علي بعد صلاة المصلين= وانا مقابل شبتي والاواني اخذت انا الهاتف ورديت فالحين= والياه رجل مفتسر في المعاني قال السلام وقلت انا اهلين واهلين= عداد من صلى وصام رمضاني حياك ربي وانت يالذيب من واين= من ذا العزيز اللي سلامه نصاني وقال انا من ربعك اللي موالين= اهل الثلاث البيض فاول وثاني خالد ولد حمدي على العسر واللين= من الودوع ربوعكم من زماني قلت الله الله والنعم بالشياهين= ياولاد الابيض نهجكم ماخفاني اعطاني من العلم روس العناوين = وباين لي ان الرجل طيبه غشاني اثنى على ماشاف وسط الدواوين =واثنى على جداننا والمكاني وانا بعد ماشفت من علمه الزين= حبيت اجاوب من بطيبه عناني حملني الرجال واثقلني الدين = مجبور اسد الدين قبل الاواني سويت في خالد من الشعر بيتين= عسى لعل اجازي اللى جزاني مقدارهم عندي على الراس والعين= يستاهلون مرجحين الوزاني يالايمي لولمت ماحنا بدارين = عن لومكم في مدحنا للذهاني نمدح عيال الجد مااحنا بغاوين =في مدحنا لاهل العلوم السماني لوشفت ابن حمدي في وسط الميادين = صدقت مدحي في الغبا والبياني ياما فزع في فك ناس مساجين= وياما في دفع الظلم شال العواني في ضل حكام على الخير ناوين= خيريعم الناس قاصي وداني |
يابدر فوق السما عالي ورب البيت علاك = الله عطاك البها والحسن من بد السواري
من بعد خمسة عشر كملتها يازين مبداك= لوكنت في أعلى سما نورك في كل الارض جاري حتى حجاب السحاب اليا تراكم لين غطاك= ضوك تخطى الحجاب ونور الارض القفاري تقفي وتقبل علينا مااختلف سيرك ومجراك= طلتك فيها الحياة وغيبتك تحدث طواري يانور ليلة تمامك ماأروعك ماأحلاك ماأبهاك= نورت كل الليال السود من بعد الغداري الناس من حبها لك ياقمر بالعين ترعاك = ان مارأيناك في الحلة خرجنا للبراري ارتاح من نظرتك وامتع اعياني يرؤياك= انت وانا والحياة وذا مرادي واختياري ياليل ياليل مع ضو القمر ياحلو مسراك= لقالوا الليل قمرا زان مسرا كل ساري ياما وياما لياحان السفر حنا سريناك= لاصار معنا القمر ماهمنا مشي الصحاري ياليل قلي لياغاب القمر من كان يهواك= ماأحدِ يدانيك ياليلِ من الاقمار عاري لابان فيك القمر قالوا لك السمارماأحلاك= من حبهم فيك مايبغون طاري للنهاري وان غاب عنك القمر راع الفكر للنوم خلاك= والاغشيمِ عن احلام البشرماهوبداري |
الساعة الآن 02:18 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir