الحبيش=
احب اوفي لجميع الناس=وين الذي يقدر افعالـي
كثر الجفى قطع الانفاس=شريت والخلق ماتبالي
أبو ذياب=
لابـاس ياحـر ياقرنـاس=راعي الوفاء عندنا غالـي
واللي جفاكم بدون أحساس=لا تعّـده رجـال جمالـي

أبو ذياب=
كيف ؟؟ الأفاده مع المجروح=فالي تجرع وشرب الكـاس
عايش حياته فأسى وجروح=واللي معه .. فاقد الأحساس
أبراهيم الجدعاني=
لاتكثر النوح كثـر النـوح=يرميك بين الرجاء واليـاس
وان شفت مابالهوى مصلوح=اقلع كمـا يقلـع القرنـاس

ابــــو ذيـــــاب =
عليم ربى المـلا ياصـاح=أنك على البـال والخاطـر
لك عِرف لك بالمؤافاء شاح=شرواك أسف أنـا قاصـر
ابـــــــــن وازن =
يانجم عالـي فسمانـا لاح=تسلم وفيـك الوفـا نايـر
لجلك على الطيبه وضـاح=يشهد على طيبـك الناظـر
ابــــو ذيـــــاب =
ياعـود بالطيبـه فــواح=شرواك في قلوبنـا حاظـر
والأن يالصاحـب اللمـاح=بشكي لكم من أسى جايـر
ابـــــــــن وازن=
فلليل الصفا نشعل المصباح=ونسهر مع حرفك العاطـر
بجمع حروف الهجاء فلواح=وجيـك يالمشتكـي طايـر
ابــــو ذيـــــاب =
دمع الألم والقهـر فضـاح=يوم الوفاء عنهـم غـادر
والله زادت بـي الاجـراح=صار الجفى طبعهم ظاهـر
ابـــــــــن وازن=
بعض البشر لبسوه وشاح=ويميـزه معدنـه الـنـادر
دايم فبحـر الوفـا سبـاح=مثل المزن طيبـه ماطـر
راعي المثل يجني الاربـاح=ويصبح مابين الملاء تاجر
واللى معه بالتجاره طـاح=يعود بعد الصبـر شاطـر

دربي وفا=
سلام طيب المثـل فبنـاه=يلفي على اهل الوفا نشطان
يمشي على حسب ماشفناه=في ملتقى القـن والأقنـان
أبو ذياب=
ترحيب صافي حسب مبداه=محمول بل مسك والريحان
راعي الوفاء يدنا بيمنـاه=في مجلس الطيب والربان

ابو ذياب=
بعض البشر عكس ممشاهم=تعمل بطيب ورضاء عادوك
والله مع الوقـت تلقاهـم=اِن سقتهم بالعصى راضوك
نواف القرشي=
افرح وغني لفرقاهم = دامة على الطيبه جافوك
وان جيت زل وتعداهم= حتى ولو انهم نادوك

أبو ذياب=
لاغاب عنـك الشعـر فتـره=وأستضعف !! الفكر للهجوس
ياليـت تعطينـي الفـكـره=وترد لي حلك المـدروس ؟؟
تركي الصخري=
لا تتعب النفــــس بالحسره =وخل الهـــجيني على المنكوس
وارجع على عيشة الفطره = البر راحت كثـــــير نفــــوس
ابعــــــد بالأقدام والنظره = وافـْرج عن احساسك المحبوس
في صمت تستلهم العِبره =ويضمّها ســـطرك المحسوس

أبو ذياب=
سـلام رده علـى أحبـابـي=من بعد غيبه .. دعاني الشوق
((اَنا أعتذر .. وأقبلوا عتابي))=ياملتقى .. الطّيب .. المرموق
عادل الذبياني=
انوب عن جملت اصحابي=يامرحبا يارفيـع الـذوق
لك طيب في صفحة كتابي=يامبدع الحرف والمنطوق
أبو رامي=
حييت ياحر يـا نابـي=ياللي بغيابك تبين فروق
ياعل ماتعود الاسبابـي=ياطيب الساس والمنطوق
أبو راكان=
اللي حضر بعد ماغابي =انشهد انـه رفيـع الذوق
في جيته خاطري طابي=بو ذياب ياطيب المنطوق

الطواف=
زعلان ماشئ يرضينـي=مادام أبو ذياب ماشوفـه
له ود ساكـن شرايينـي=من طيب أصله ومعروفه
أبو ذياب=
شرواك ياللـي مؤافينـي=يالله عسى الزعل ماتحوفه
ويمكمل الطيـب والزينـي=الشوق كيف ؟؟ امنع لهوفه
الطواف=
الآن قرّت بكم عيني = يامن على الطيب موصوفه
خل المثل بينك وبيني = عن الذي راح في صروفه
أبو ذياب=
ياصاح أبغاك تفتيني =ياللي معانيك معزوفه
الود فالصد مشقيني = كيف أسعد الود واِلوفه
الطواف=
الود حيّـر سلاطينـي=ونكّس اعلام بكفوفـه
وإنما عطف للموديني=ضيّع حسابك ومصفوفه

الفارس=
انقى من الوبل فـي نـوّه=وازكى من الورد والازهار
سلام مرموق فـي جـوّه=يضفى على نخبة الشعـار
أبو ذياب=
البن والهيـل لـك قهـوه=بالكيف تأصل ضيوف الدار
حييـت ياطيـب الخـوّه=شرفتنـا وزادت الأنـوار

أحمد الغشمري=
لصاحب اللي سكن جده=في درة الساحل الغربي
غايب عن العين من مده=له قدر غالي وسط قلبي
سـلام ياصلـك لسـده=فيه الوفا... والوفا دربي
السيل من رابغ وحـده=عسى سلامتك من ربي
أبو ذياب=
مشكور يامن حـوى وده=لو غبت رنووا لكم أجّبـي
ظرف الزمن حدنـي لـده=غصبن على القلب أجتّنبي
يامرحبـا ويـاهـلا رده=يانبع وافي رواى عذبـي
وحالنا خير مـن شهـده=ويالله عسى تهل عن قربي

أبو مبارك اليوبي=
مدري وش اللي حصل مني=ضايق ولاعاد يبغاني
اسأله واقول علمني=لاتكبني فحزني اعاني
أبو ذياب=
زيد العتب واحكمه صني = ولا بد مايبان برُهاني
أما صفى ويحسن الظني =وان ضاق دور على ثاني

ابوذياب=
خلـك مـن الشـك والريبـه=وأرمي .. هواجيسك .. بقاعه
المـرء يحـسـب أحسيـبـه=((وكل ن يرى الناس بطباعه))
أحمد الغشمري=
ابن ادمي زينتـه طيبـه=وإن كان قلبه على الطاعه
من الولي يكـره الغيبـه=ويرحمه لاقامت الساعـه

صاحب الهوري=
سلام جمله على الاصحاب=نقراه من حيـث ماجينـا
ونحضرلكم والنوايا اطياب=واهـل الموافـي تحيينـا
أبو ذياب=
يامرحبا وياهلا ياخضاب=شرفـت للـدار ياخينـا
قلبي لكم يفتح الأبـواب=بالطيب ياللي مؤافينـا

أبو ذياب=
سلام ياشاعر الجدعان = ياصيت واصل لنا مسموع
دام الهوى يحكمه سلطـان=أبغى أشتكي عشقي الممنوع
أبراهيم الجدعاني=
يامرحبا بأعذب الألحـان=يالشاعر المبدع الموجوع
ذكرتني بالذي قـد كـان=من قبل لاتشرح الموضوع
أبو ذياب=
دقق معي وأفهـم الشفقـان=فالحب باني لهـم مشـروع
سنيـن وافـي لهـم والأن=قلبي انجرح من خلل مطبوع
أبراهيم الجدعاني=
دارت بنـا دورت الازمـان=واضحت وحبل الامل مقطوع
يالعاشق المغـرم الولهـان=بعض المطاليب حبة كـوع
أبو ذياب=
ماكنت متوقع الخّسران =صار القدر والأمر مخدوع
حاولت أستنكر البرهان = فالدين قلنا الغلط مرجوع
أبراهيم الجدعاني=
سلطان خلك قوي ايمـان=لانته بتابـع ولا متبـوع
اكسر غضب ثاير الحرمان=الموت من مات ميت جوع

بارودتي بيدي=
اقرب هنا شاعر القرشان=مادامه الحرف مايعصاك!!!
مبطي وانا للنغم طربان=وناوي احدك على اقصاك!!!
أبو ذياب=
جيناك يامثمن القيفان = ياللي في رسم المثل محلاك
أعزف وجر اللحن يادان = وانا معك بحر في مرساك
بارودتي بيدي=
هيا اسمع القاف ياسلطان=يامعتلى فوق في مرقاك!!!
هو ليه كبك لحد للان=وهوليه بعد الوفا خلاك!!!
الذاهبه مالها اوطان=وفكرك لابعد مدى وداك!!!
اوحيت الشاعر الولهان=هوليه غرك بعد واغواك!!
في درب ماله ترى عنوان=ركز معي وافهم اللي جاك!!!
هذا الهوى يالعزيز إدمان=لاخر بحور الندم سراك!!
أبو ذياب=
أنا معك مصغي الاذان = مدام خصيتني وياك
هيا أستلم مطلع التبيان = ياللي شكيت الذي جافاك
اللي رحل واخلف الهجران = وأشغل لك البال في مسراك
أنسى ولا تصير له حيران = دام القدر أحكمه فرقاك
واللي يعزك مدى الازمان= لو غاب يرجع على ذكراك
وبحر الهوى يلزمه ربان =يداري الموج والاَهلاك

الحبيش=
بعض المحبين فهيم كذب=يازينهم وقـت عازتهـم
فيهم بشاشه وتلقى حب=واخسارتي يوم حاجتهم
أبو ذياب=
صادق ولا بد ما تجنّب = عنهم وتنسى محبتهم
دور على رجال لك مكسب = جبال تعتاز وقفتهم

أبو ذياب=
((يامروض الحرف)) أسمحلي=هـذا لقبـكـم ولا تمّـنـع
راقـي ومعانيـك ياخـلـي=مثل الذهب .. حرفكم يلّمـع
الطواف=
ياللي بالاخلاق متحلـي=مالي حوز اللقب مطمع
ولاني على الناس متعلى=كم فيه من مثلكم مبـدع

محمد الكنيدري=
لآهل الصفاء جيت متعني=في مقصدي بوفي اخواني
سلام شامـل لكـم منـي=يامن لكم قـدر الآعيانـي
أبو ذياب=
الورد والزهر لك نجنـي=وبالطيب لك عطر ريحاني
يامرحبـا بـك يافـنـي=بوجودك الكـل ربحانـي

أبو ذياب=
حـار القلـم .. دارت الأفكـار=مشتاق والحـرف فـي حيـره
مل القلم .. خـط لـي تذكـار=(مجهول)!!! محتار تصويره ؟؟
عقيلي=
الحب . . ياصاحبي اسرار !!=وتصوير . . تكثر تعابيره !!
وياكم . . ليالي معه احتار !!=وضاع . . حرفي وتفسيره!!

أبو ذياب=
سلام ياحر يابـو عقـاب=بالطيب وأجمل حروف الود
ياذوق راقي لكم أعجـاب=فنان والكـل لـك يشهـد
أبو عقاب=
حييت يالقرم يابو ذيـاب=يامرحبا ياسليـل المجـد
شرعت لك الف باب وباب=على الوفا يالوفي بالـرد
أبو ذياب=
تكميلكم بالمؤافاء طـاب=على نقاء بيننا ممتـد
ومدام جو المصافا جاب=نبغى لرسم المعاني نعد
أبو عقاب=
ميعادنا عالي المرقـاب=ومبنا الاجاويد ماينهـد
منك المثل وابلغ الاسباب=واخوك عن موقفه بيسد
أبو ذياب=
بالعون يالصاحب المجناب=بشكي لكم من أسى مشتد
حال المفارق حزن واتعاب=من يوم غادر سمانا وصد
أبو عقاب=
ان كان من عن سماكم غاب=مجبور لابد يوم يرد
لاعاد تقلق ولا ترتاب=ومن داعي الشوق خف وهد
أبو ذياب=
أقسم برب الملا منصاب=والحزن طاغي عليا شـد
الود غيّب وصـك البـاب=وللاَن طيفـه عليـه يلـد
أبو عقاب=
صرخة الم تستثير الغـاب=ومن ثاير الشوق بيح السد
عطني سبب فرقة الاحباب=ومنهو الذي عنك حده حد
أبو ذياب=
من بعد كانت قلوب أقـراب=فجأه معي اختلف في العهد
صارحتهم من غلا بعتـاب=ومن بعده صار ليـا ضـد
أبو عقاب=
لـو لاه لمفارقـك ثـلاب=ماخان عهدك وخان الوعد
مير الغلا كان شاب وشاب=واصبر وتالي الصبر يحمد
أبو ذياب=
النفس طابت وظني خاب=والصبر زاد الألم في عنّد
القلب ماشي على الأنشاب=كيف أقنعه يالخوي لا رد
أبو عقاب=
الحب ماهـو بالمشعـاب=من امسنا ويومنا والغـد
احذر تجي بين ناب وناب=طرد المقفي جهالة عبـد