وشو غلام حي مامات لليوم = ماتت امم والورع لازال حيا
كل العذارى ولدن عيالهن كوم=اشباه بس الورع لامه تهيا
باسمه تسمى واسمها صار معلوم=للي بعيد الدار والي هنيا

وشي فتاتن ماتقدر بالاثمان=ماتنوجد للبيع ولاحدن شراها
في موقعن معروف وتوجد بالازمان=وللنادر المعروف ربي عطاها
اقرب من رمش العين لحدود الانسان=وابعد من الي ساكناتن سماها

من شروط الغز يالي تبا الغز محكوم=صور المعنى وخل الهدف تحت الثرى
خل لغزك مختفي لبسه عشرة هدوم=لايجي مكشوف يردي بوقت المشترى
ويش عذرى واسمها للعرب صار امعلوم=عن خبرها فالبلد كل رجالن درى
من ملكها عن كثير الخطا صار امعصوم=واختها فيها السبب للخطا والي جرى

وشي فتاتن صدوق وعلمها وافي= لامن عطت علم كل الناس يرضونه
عشيقها عود بعض احيان مايشافي= واليا اختفى ناضروبالبنت ويلقونه

رجلٍ مامر ادم ولامر حوا=ومر الملك عبدالله ومر سلطان
كم واحدن من فوق جسمه تلوا=غصبن على المخلوق راضي وزعلان
رجلن على شاني وشانك مسوا= واليا بغيته ينلقي وسط دكان

ياويش عذرى باسمها صار رجال=رجال في داري ودارك محله
عند الملوك تصير وتشرى بالاموال=وكم واحدن معقود حبله تحله
يقدم لها عاقل وينزاح جهال=والعلم للي مغمد السيف سله

عذرى قديمه قبل عصر النبي نوح =مازال وقت اليوم يوجد عملها
تتبع هوى مخلوق للخير مشفوح=بارض الوعر والا مفارش سهلها
نالت شرف مكتوب للناس مشروح=افضل رجال الخلق صارو اهلها

يالي تقول انك للاصعاب حلال=الغز جاك وهات رد السؤالي
انشدك عن رجلن تبدل برجال =رجال ثابت طول عمر اليالي
حيلة غشيمٍ بدل الدور محتال=والقصد تبديل الحرام بحلالي
اسم الفعل مشهور من بد الافعال =بآيه وحيده صاير له مجالي

الغز ياهل العرف يحتاج حريف=حريف لامن قيل راعي حرافه
ياويش رجلن صار مافيه تزييف=خلا الدليل يذوق عزر الكسافه
دار الشتا والصيف من بعده الصيف=شدوا رحيل ولا تعدوا مسافه

ويش رجلن ساكنن وسط الذلول=صار فعله مثل فعل المشخلي
اضهر الشجعان وادهاة العقول =والذليل من الشداد منزلي