قابل البشري=
سلام ترجم حروفه من =من يعزف الحرف ولحونه
معنى ومغنى يعبرعن=أصحابه اللي يقولونه
ماجدابومديدة=
عادتك تحسب حساب الفن=وتراسل اللي يمعنونه
يامرحبا والمثل لاحن=كل حرف نعطيه قانونه
قابل البشري=
اللي لهم فالحشامسكن=مشيودكل العرب دونه
ظنوا فودي وبعض الظن=أثمه على من يظنونه
ماجدابومديدة=
مادام هذاالبنا متقن=وماقدرالود مضمونه
ابحث معه قد ماأمكن=ويبان ظنه من عيونه
قابل البشري=
الصد من يمهم معلن=باين ولو كان يخفونه
واصل الخطا عندهم بين=ويبغواعلينايحطونه
ماجدابومديدة=
قدام اقله غلط اضمن=أتدارس الوضع وشئونه
يمكن جرى له امر يغبن=ينتجه لو تخطونه
قابل البشري=
حنا ترى من رجال القن= من ياخذونه ويعطونه
نوفي مع أصحابنا لكن=لازم خطاهم يشيلونه
ماجد ابومديدة=
أناعلى البينة ازكن =وأيد اللي تعدونه
بالغيب ماحكم ولا اخمن =ودمح الخطا لاتناسونه

ياصاح خذها نصيحة راس=احفظ سندها فقلبك غيب
اجعل من الدين لك نبراس=وادي فروضك على الترتيب
والصدق في كل أمرأساس=من شب لازم عليه يشيب
وكف الأذى واحترام الناس=والطيب لاصارفأهل الطيب
هذي تزيد الرجل نوماس=افهم كلامي وخلك ذيب

في جوف روحي تربت روح=تجري مع الدم وانفاسي
تضحك معي وان بكيت تنوح=مافارقت يوم هوجاسي

تبرق فعيني سحابة شوق=فالقلب ترجف رواعدها
أمطرمطرها وبل عروق=طرف الشقي يوم شاهدها

أخذت كل الحلا والذوق=ماعاد بقيت للباقين
واشعلت بيه لهيب الشوق=من يوم شفتك لياذحين

باحط قلبي على الصامت=واخفي عن الكل دقاته
من خوف لايشمت الشامت=ويزيدفالقلب لوعاته