حبيبي لو نويت تغيب ليله=ترى يا للأسف مالك وسيله
فراقي صعب جدا يا حبيبي= ومن يقوى على هجر الأصيله ؟
تغيب شهور واياام وليالي= وبن الشوق مخلوط ٍ بهيله
وحالك ضايق ٍ والخافي أعظم= وحملك ما قدر متنك يشيله
علامات الأسى من فوق خدك= كأنك شايب ٍ ما فيه حيله
قسم بالله ما تقدر فراقي= ولا تلقى أبد مثلي حليله
أبادلك الغرام بقلب صادق=وتكحّلك العيون اللي كحيله
ويحرسك الهدب من كل عاذل= ولو ماله ترى غير الفشيله
واذا ضاقت عليك الأرض دايم=ترى قلبي هو اللي تشتكيله
اغطيك بحنان الكون كله= إلين الهم من قلبك أزيله
وعنوان القصايد فيك وحدك= ولو عارض على قولي قبيله
أحطك في صدر بيتي وعجزه=واصخر لك بيوت ٍ مستحيله
وأحطك في كتاباتي ونثري= واحطك في مقالات ٍ جميله
واحطك وين مدري وين احطك= بوسط القلب ؟ لا والله قليله
لاني من كثر شوقي وحبي =فمهما قلت احس اني بخيله
فلا تنوي تغيب اليوم عني=لانك للإسف مالك وسيله

لاني من كثـر شوقـي وحبـي
فمهما قلت احس انـي بخيلـه
فلا تنوي تغيـب اليـوم عنـي
لانك للإسـف مالـك وسيلـه
حنان الحربي
كتبتي فـ أجدتي
صح الله لسانك ولا هنتي
تقبلي مني خالص التحايا
وسجلي اعجبي وحضوري هنا
تحياتي لك // خليل بن إبراهيم