سار القلـم يكـب عـن معاناتـي =يشكـي هجـوس الليل عـن غربـالـه
وينـزل الدمـع يكـدر إبتساماتـي =كـذا مـن ربـي ينـزل لحـالـه
لا جيت أقيـس بالزمـن فرحاتـي =أثر الفرح عمـر القلـب مـا نالـه
أنـا الكسيـر الأسـيـر بحـاتـي =وهم القلب عن قلبـي محـد شالـه
نويت أعيد أوراقي وأرتب حسباتـي =وأنسى هـم التعـب وأدور بدالـه
بعلمه إنه صار ذكـرى بذكرياتـي =بشيله مـن فكـري مالـي ومالـه
مو أنـا الـي أرضـى بإهاناتـي =وقلبي لو أموت ما أرضى بإذلالـه
لا تحسب إن جمالها بيغير قناعاتـي =إذا كرهت شخص صار عندي حثاله

سر ياقلم واكتب جوابٍ بديتـه=من هاجس الأفكار يوم ازعجُني
وهاجوس فكري للمعاني دعيته=يعجب بها السامـع ولا كلفُنـي
من هاجسٍ بالقلب ياما شكيتـه=وياما خذا من زين الايام منـي
وليا تراوالي على انـي نسيتـه=دوايـر الايـام ماساعـدُنـي
اعذب انسانٍ في حياتي رأيتـه=عنه الخبر ما جيب لـو بالتمنـي
عامين في رجواه واقول ليتـه=من بعدهن ما يخلف الوقت ضني
عهدٍ قضاه وعهد مني قضيتـه=نبقى ومهما صـار ماينقضنـي
غروٍ خذا قلبي وقلبـه خذيتـه=وما ياخذه غيره ولو طال سنـي
والله من وقتٍ بقربـه قضيتـه=في صادق الاحساس منه ومني
اجيه كلي شوق مشتـاق جيتـه=ويجي من اشواقه تقل مستجني
ولا يخلف الهقوات لامن هقيتـه=لو اطلب عيونه من الشوق جُني
واليوم لا حينٍ لشوفـه رجيتـه=ولا ميتٍ ريح مواجيـع ضنـي

الله اكبر كل ماخايلت براق السحايب= فيه لديت العيون وقلت ذا مهو بعيدي
أتحرا لي سنة وأبحث عن كبار السبايب=طالت الدعوى وانا وياك يا القاف العنيدي
انعسف لي بالرضا والطيب ولا بالغصايب= ما تعوّدنا نمد الناس بالمد الزهيدي
كل قولٍ غير قول الله به مخطي وصايب= الصواب بقول ربي والخطا بقول العبيدي
لي سنه لاجيت اقول القاف قلت القاف شايب=مْتحيربالمعاني وبطواريق القصيدي
لا يدنن الهجوس ولايهبن الهبايب=وصرت مثل مدور الرقروق من شان الزبيدي
عن طريق الشعر واهل الشعر ريحت الركايب=لين شوّقني لسوق القاف فوزان الرشيدي
شاعرٍ شعره يعدّي به على روس الجذايب=وكل عارف من كلام اهل المعرفة يستفيدي
اشهد انه شاعرٍ لا من نوى ماهو بهايب=يجمع الحكمة وفتل البيت والراي السديدي
شعره يذكرني اللى روسهم تحت النصايب=مرشد البذال والثاني سليمان الهويدي
وغيرهم ياكثر شعارٍ يسدّون النوايب=كل وقتٍ له رجال وكل ضدٍ له ضديدي
والمعرفة موهبة والشعر من ضمن الوهايب=شاعرٍ شوفه قريب وشاعرٍ شوفه بعيدي
يم راعي مرحبا ودي سلامي يانجايب=واحدٍ ماهوبراعي مرحبا ما هو مفيدي
يارشيدي ياسلايل من يضدون الحرايب=فعلهم ماهو جديد وطيبهم ماهو جديدي
يوم جهزنا المطية بالشداد و بالجنايب=ودّنا نسمع كلامٍ مايذوب مع الجليدي
ويش رايك في مريضٍ حي وضلوعه حطايب=والسبب ناس يخلطون الجديد مع الرديدي
واسلم وسلّم على ر بعٍ يحلّون النشا يب=والهدف من معرفة شرواك ابى ازوّد رصيدي

حي الكلام اللي وصلني له أيام =من شاعر(ن) بيح خوافي كنينه
شاعر يجيد الحرفنه وعي واللهام=لاحرف المعنى خبيث الضغينه
وأهل القرايح يبيض الوجه صيام=مقفين عن هزل الكلام وسمينه
لكان باخذ لي مع الدرب مجهام=وعلم اليقين اللي تجيبه جهينه
في شفرة (ن) تحتاج تشديد وادغام=واللي يبا المعنى يحل الرطينه
ياخذ ثلاث وست ويشدد الام =ويحط مفتاحه بوسط الخزينه
ويحط للخزنه حراسه وخدام=يعني مسلم لليدين الأمينه
لين العشار اللي تمخض بالارحام=يوضع ويعرف وش يسما جنينه
هذا الردود اللي تضمن نبا هام=يالشاعر اللي مايكيده سنينه
يافليح الهابس ترايه من العام=فراع هداد(ن) لعب به قرينه
خبل(ن) ظهرله بطن واكتفوف واخصام=وفراعة الرجال فالسوق شينه
لاكن مثل ماسلفت كلش له احكام=الاوله معروف سبقت ادخينه
والثانيه فيها الرجاجيل ماتلام=كل(ن)تعدي دون حلقه يدينه
هذا وأنا لي صاحب (ن) عنده اوهام = وأبا نحرفله والأيلاه استعينه
يشيد بالعملاق ويطرري اقزام =واقول بعض الروس تحت المكينه
ماني ضحيه للنوادي والاقلام=من زارني في سو والله لاهينه
وجهتها للي يدندن بالانغام=في كل منبر ضاهر له رنينه
بينت له صوره بها بصمة أبهام=كان العضام اللي تشيله متينه

أسما التحيات لانسابي الحروووب= اللي لهم في خفوقي منزله
لي رفقة(ن) بالشمال و بالجنوووب= و في الشرق و الغرب لي ربع و صله
ربعي لهم في سما الرّفعة دروووب= ولهم على قمة النخوة وله
لا شك في "ملتقى حرب" القلووووب= على بعضها، و من جاها دله
كل شاعر(ن) في حمى الشِّعر محبوووب= في كلّ بحر(ن) يعوم و ينهله
حد(ن) بدرب الغزل قلبه يذوووب=و حد(ن) بشعر الشجاعة مدهله
و في الملعبة شاعر الرد محسوووب= ما دام يمشي بهدي البوصله

أبدأ بذكـر الله قبـل بِـدع الأبيـات=الواحـد المعبـود رب السـمـاوات
رب البشر عالـم جميـع الخفيـات=اللي خلـق لأنفـس ويعلـم خفاهـا
==
ومن بعد ذكره عندي أغلا نصيحـة=للمستمـع فيهـا فـوائـد مليـحـه
من هاجسي وأغلا بيـوت القريحـة=أغـلا بيـوتٍ صغتهـا وش حلاهـا
==
نصيحـةٍ لهـل القلـوب الفطيـنـة=للـي يبـي عقلـه ومالـه وديـنـه
لا يتبع أهل الشـر ضاعـت سنينـه=ومن يتبع الأشرار يصبـح عشاهـا
==
من يتبع الغاويـن ضاعـت حياتـه=وراء السمـوم اليـوم ودّه وهـاتـه
وعزّيـل رجـال ٍ يسـوّي سواتـه=أنا أشهـد أن عينـه بكفـه عماهـا
==
عميت عيونه ليـن طـاح وتبهـذل=وأخطاء طريق الخير عقب القـدم زل
وأهل الـردى حطـوه لشّـر منهـل=كـل ٍ يـورد سلعتـه مبتغـى هــا
==
أشوف لي نـاس ٍ سـوات البهائـم=وراء البـلاوي دائـم الـدوم هائـم
واليا نصحته قـال مـا هيـب دائـم=حسب المـزاج أليـا تكـدر شراهـا
==
إبليس وسوس لـه وصـار ايتجـرّا=حتـى وقـع وأدمـن وقـام إتحـرّا
متى يجي مـن يسعفـه كـان مـرّا=لين ٍ نفسـه فـي المهالـك رماهـا
==
حتى انتهى مخه وجافيـه تشويـش=وخلا الوظيفة واخطته لقمة العيـش
وأصبح يحوم تقول طير ٍ بلا ريـش=بعد أنفصل ضاقـت عليـه بفضاهـا
==
وصل الخبر لبوه وجا له على طـول=وحضّر على القائد معه جمع وأزفول
وقالوا سمعنا إنّ أبننا قيـل مفصـول=وجينـا ك والدنيـا كثيـر ٍ بـلاهـا
==
نطلبـك تسمـح لـه وتعيـد فصلـه=وترجعـه بالله ذا اليـوم شـف لـه
والله ما غيره حـدٍ يصـرف أهلـه=وأمـه حزينـه لا تخيّـب رجـاهـا
==
أمه ورآنا عقب مـا وصلهـا العلـم=قامت تصيح وصابها الضغط والهـم
وخذ ت لها يوميـن تبكـي وتزهـم=وجينا وهي مسترسلـة فـي بكاهـا
==
وقال القائد لـه دام تبغـا الوكـادي=فنّـا لنـا شهريـن وفـلان غـادي
غادي ما بين أهل الشقق والمنـادي=والمرجله ضاعت وضيّـع عصاهـا
==
وفصله توزّع مـا تفيـد الرجـاوي=ولا عاد هي بيدي ولو كنـت نـاوي
ورقمه تعيّن فيـه جنـدي قصـاوي=تـوّه جديـد والوظيـفـة خـذاهـا
==
ولا فيـه رقـم ٍ لـو بغينـا نعيـده=من شـان خطوتكـم علينـا بعيـده
لكـن نأمـل لـه حـيـاةٍ سعـيـده=فـي مقبِـل الأيـام واللـي وراهـا
==
عـوّد يقـوم أبـوه ويهـز رأسـه=ويدعي على أصحاب الردى والنجاسه
اللي تروّج كـل سـم وخسـا سـه=لجل الطمـع تبتـاع حتـى أقرباهـا
==
ورجع أبـوه وقـال يـا لله مشينـا=بّروح صوب أمك عسـى الله يعينـا
يمكن تضّمـك مـع خواتـك لجينـا=وعوّد على أمه يرتجي من عطا هـا
==
تعطيـه كنّـه وحـدةٍ مـن خواتـه=وراحت حياتـه كلبوهـا شمـا تـه
ولا عاد له حيله يـا كـود أزفراتـه=يزفر وكبـده تحتـرق مـن لضاهـا
==
والناس تنظـر لـه بعيـن المهونـه=وعلى الكرامة صـار مـا يعزمونـه
لو كان فيهـم شاخصـاتٍ أعيونـه=كـل ٍ تجاهـل دعوتـه مـا نساهـا
==
منبـوذ مـالـه عنـدهـم قابلـيـه=كـل ٍ تبـرّى منـه حتـى ولـيـه
إلا أنْ يغـيّـر سيـرتـه لـولـيـه=السيرة اللـي ضيّعـت مـن مشاهـا
==
وأمه شرت له موتـر ٍ عقـب مـده=بالديـن قالـت يمكـن أنّـه يـكـده
ويعـوّض الفائـت ودينـه يـسـده=ويعيش نفسـه كـان ربـي هداهـا
==
هذا الذي شفتـه أنـا قـدم عينـي=وأنتـم بعـد شفتـوه يالغـا نمينـي
بعض الشباب أنشوفهم ضـا يعينـي=بأسباب لأعداء اللي تـروّج خزاهـا
==
عدواننـا يبغـون تدميـر الإسـلام=وأن صير تحت أفكارهـم دوم خـدام
وعقولنا تصبـح خرافـات وأوهـام=هذا تـراه اليـوم هـو مبتغـى هـا
==
حـربٍ تدمرنـا بلـيّـا سـلاحـي=ترسل علينـا كـل ليـل وصباحـي
من الغرب جتنا من جميـع النواحـي=وقضت على بعض العقـول برداهـا
==
والحل واضـح قدمنـا يـا مياميـن=ترك المعاصي والتثبُت علـى الديـن
ومحاربـة لأعـداء بكـل القوانيـن=اللـي علينـا مستمـر ٍ غثـا هــا
==
وتمت وصلى الله على سيّـد الخلـق=محمدٍ وإعـداد مـا يبـرق البـرق
اللي بعثـه الله لنـا وضّـح الحـق=وضّح أدروب الخير للـي بغـى هـا