طاح الذهب من خبايا السوق=مع ناس ما تعرف عياره
غابت أصوله وغاب الذوق=فحضور أهله وتجاره

وادعتهم بالحضن واخفيت = دمعة من العين منهدّه
سالت على الخدْ بعد حسيت = حرارة الدمع في خدّه

ماشفت واحد يحاسبني=عن شي مامر فالهوجاس
إلاّانت ياللي تطالبني=تهوى معي دقة الاجراس

بك شي ماهو مطمني=وكل ماسألك قلت مابي شي
شلي حصل قول علمني=لايكون حاسد هرجلك في

.

لك بالغلا.. صرح وش قده..؟=أقوى " رياح " العذل ياصاح
لو هبت سنين ماتهده..؟= والا الجفا..! لو " تنفس".. طاح

اخفي عن الناس مكنوني = وافرح اذامربي طاريك
واخاف تفضحني عيوني = بالذات لا ذكروني فيك

احاول ارخي ستار العين = لكنّ الاحداث شغّاله
في نون عيني اشوف الزين = يستعرض ادوار قتّاله

خمسة مواعيد ياربي = في حقها دايم اتأخر
يا نومي انت سبب ذنبي= ارجوك فارق اذا كبّر

انا حصيلي من الايام = قصة عنا تتعب الراوي
واحداث سارت عليا الزام = ماني على صدها قاوي

ماغير الوقت فيني شي = حتى بعد اقفت سنينك
ان كان تنشد بعدني حي = باقي على حطة ايدينك

صورة قمر فوق سطح الارض = شاهدتها وانذهل طرفي
تفرض غلاها عليافرض = ويترجم احساسها حرفي

لاهزّك الشوق والحرمان=فارض الموادع تلاقيني
جالس تحت مايلات اغصان=ماكنّها الا تواسيني

شمسي بدونك عليها كسوف=ياهاجر القلب حوليه
مانته مصدق . تعال وشوف=شاهد اثار السهر فيه

يا ليت بعض البشر تفهم=لِسان ظرف الزمن والحال
تمييز الاحداث لو تعلم=بالنصب لازم لها تحتال
لا تكون مفعول واتحكَّم= لك البصيرة من الأفعال
فالمبتدا لك خبر يُرسم=ظاهر فوقت اللزم فعَّال

قلبي مثل مسرح الاحداث = دمعي يترجم لك اخباره
والآه خلدتها ميراث = في عالم الصمت واسواره

أشرح لك الحال. والوجدان=وانته تجاهل وناسيني
اشعل شموع الغرام ألآن= قبل الزمن. ينتحي فيني

عايش حياتي على الامال = اتبع مخيلتك ومزونك
وان كان حاسد في حبي قال = اهات قلبي يردونك

=
=

إزرع من الطيب لا تحسد=لا تحسد إن كان ما أعطوك
من يزرع الشوك ما يحصد=وقت المحاصيل غير الشوك

توادعوا كنــّـهم طفلين = فـقلوبهم حب ربّـاني
والدمعة اللي على الخدين = كل(ن) مسحها عن الثاني

مغرم وشاكي من ظروفي=وقسوة زمن من محبيني
مايوم حسوا بمعروفي=مر العمر ماوفوا ديني

يجري مع الدم ياهاجر = ودك معي فالجسد والروح
كيف اعزله جاوب الحاير = ياللي مليت الفؤاد جروح

عامين وانا اترجواكم = والعام هذا أسير الدار
لاتجعل القلب ينساكم = باسلوبك القاسي الجبار

حزين و أشكي الم بلواي = وسط الورق طاحت الدمعة
يا ناس من يستمع شكواي= يبكي من السبت للجمعة

مااحلى ابتسامة صغير السن=الـلــي عـلــى الـقـلـب يـرسـلـهـا
يـجـعـل فـــؤاد الـحـبـيـب يــحــن=حــــتــــى فــمــنــامــه تـخـيــلــهــا

لساه ورد الغلا ماجف=باقي على غرس . يدينك
يسقيه دمع الوله ماكف=من فارقت عيني. العينك