ياللي سكنت الحشى=
ياللي سكنت الحشى والروح = والقلب في قبضة ايمانك
تكفى تحسن على المجروح = واهديه شين من الحانك

اخفيت حبي=
اخفيت حبي عشان الناس = ماتعرف اني بكم مغرم
خايف على وضعى الحساس = لاسير بين العرب مجرم

ياليت قلبه معي شفاف=
ياليت قلبه معي شفاف = واشوف وضعى على حاله
لكن تمرد عليه وشاف = نفسه وغير لى اقواله

فوسط قلبي=
فوسط قلبي زرعت الحب = جناينه مرتع احبابي
سحر الجنوب الذي ينحب = باين بعيني معي رابي

اسامر النجم =
اسامر النجم واشكيله = واحدثه عن خفايا الذات
وعن جرح قلبي وتنكيله = واللي جرى له من الفرقات

كثر السهر اتلف عيوني =
النوم محجوب من دوني = ما ينام طرفي نهار وليل
وكثر السهر اتلف عيوني = واثر على خافقي بالحيل

اخفي مابين الضلوع اجروح = ولا بيح للناس باسراري
عندي امل تنتهي وتروح = وتنطفي بعدها ناري

بلابل الروض =
بلابل الروض لا غنت = فوق الجبل واوسط الوادي
روحي لعهد الصبا حنت = واشتقت لك يا هوى بلادي

ريحه شذى الورد =
ريحه شذى الورد والكادي = مع ريحة الشيح لما فاح
جت مع نسيم الهوى الهادي = وذكرتني بماضي راح

يروي غروره =
قولوا لمن غرته دنياه = يروي غروره من اجروحي
لما زمانه عليه اطغاه = حتى تجنى على روحي