لو لامس الورد خدينه=نتاج ذلك بكاء الورد
هذاك لا سلهم بعينه=لو يطلب الروح ماينرد

خيتان=
سلام لكن مانطقبه=مكتوب منا لكم فالحال
الآعبه نوب والعبه= تايه فذاتي وأنا به ضال
تركي=
ترحيب منهج يدرسبه=في مدرسه خرجت أبطال
أوصفلك الطب في عُشبه=اليا تبين وجع ياخال
بخيتان=
من ورّث الطيب يكسبه =والطيبة بيننا منوال
مغصوب وأنا اتغيصبه =قتيل ليه وهو قتّال
تركي=
الطيب طبع نتعامل به =يفطر عليها البشر إجمال
طلبتكم رمز من غُــبه = و لا زال في عتمتُه لازال
بخيتان=
اللي تبلويت في حبه =قفل على القلب سبعة اقفال
وكيف أطفي النار مشتبه=وسط الحشا وأعدل اللي مال
تركي=
مما شكيتو لقي غـُلبه=حالي وخليتني في حال
لربما منكم السبه =والا ضغوطات من عذال
بــخـــيـــتـــان=
مـن بعـد قلبـي تعلقبـه=والشوق فيهم لقـي منـزال
اعاني الويـل مـن قربـه=ولبعدت دمعه علـيّ همـال
تركي=
ما بحقن القيل و أصُبه=بأعطيك عذب الكلام زلال
عطني قلمكم أبكتبه=وهاك الإفاده مع الموال
حاسد نضر ماذكر ربه=والوضع مايحتمل إهمال
آية و تلقى بها طبه =والدرب واضح بدون جدال

ذوقتنـي الحـب بالـوانـه=أسعدتنـي ربنـا يـرعـاك
قلبي صدف وإنتـي الدانـه=أتنفسك,, أعشقك,, أهواك..!

ياغيث قلبي وسلطانه=عودت عيني على رؤياك
لا تروح يا نبض شريانه=تركي ومايملكه يفداك

حسبي على طرفه الجاير=إغتال قلبي وانا أنضر فيه
وأصبحت في ماقفي حاير=صباً جريحاً كليَل أنعيه

يوجد عذوبه في اسلوبك=تعمل لنا عامل الترغيب
حتى بلغ منك محبوبـك=يستعذب الحب والتعذيب

الروح ترتاح في قربه=غزال كل الحسن حاويه
دكتور في ترجمة حبه=لاعاش من فالهواء يعصيه

على ضِفاف الأمل خلك=ولغايتك أُبذل المجهود
وإحسن نواياك في خلك=لجله سند فاليال السود

من مشيته تخجل الأغصان=وإليا إنثنى دمـرالأمـه
يوم أنجبت ذلك الإنسـان=تبسمت..! مابكت..! أُمـه