المشاركة الأصلية كتبت بواسطة خالداللهيبي (المشاركة 465395) صح لسان الشاعرين 00000 المعذره من الجميع رغم قدم هذع المحاوره 00تبقى من المحاورات الرائعه00 التى تسحق المرور والوقوف عليها000 بحثت عنها وبعد جهد تحصلت عليها000 قبل ايام وفي ضروف معينه ومشابهه لمعنى المحاوره 000اعتقدت اننا بحاجه لاعادة قرائتها000 تحياتى مره اخرى للشاعر الكبير ابو فرح وشريكه في هذا الابداع اخي الشاعر قابل البشري0000000

ابوفرح=
/لو الجمل نـوّخ الناقـه= وامسى رسنها على يمناه
كان اصبحت مالها فاقـه= وارتاح منهـا عبـاد الله
قابل البشري=
شعيل نشبـان فنياقـه = عنده من الخيرماكفـاه
بعدين ماهي من أخلاقه = يقعد يراقب فخلـق الله
ابوفرح=
بعد الجمل انثنى ساقـه =وعاد الكلام اللذي قلنـاه
فرصه نبى نشد بوثاقـه= ونقول ليل الصفا مااحلاه
قابل البشري=
القول غلقـت مغلاقـه = جديد حرفـه ولاعدنـاه
وان كان ماشطب اوراقه = ليل الصفا كلنـا نبغـاه
ابوفرح=
تو الحيـا نـاض براقـه = نـوه تهامـل وزان ذراه
وانا على نبـض خفاقـه= بشرح ظروفي مع المأساه
قابل البشري=
الطرف برق الحيـا شاقـه = وهجوس فكري سرت مسراه
القلب وش خافـي اعماقـه = اللـي عليكـم تـجـر الآه
ابوفرح=
اللي مرار الاسى ذاقـه = ياصاحبي والزمن اعضاه
كيف يتحكـم فاشواقـه = لاداعبه طيف من يهواه
قابل البشري=
الشـوق لـه نارحراقـه = والصبر ماهوعلاج ل(داه)
اروي ظما نفس مشتاقـه = يكفي على القلب ماعاناه
ابوفرح=
منابـع الجـم دفـاقـه= والروح عند الطلب تفداه
لاكن يامصعـب فراقـه= اللي اسر خافقي ذكـراه
قابل البشري=
القلب له عين عشاقـه = ماترتوي غيرمن رؤياه
ويامقرب الباب للطاقه = يامشتكي من الم فرقاه
ابوفرح=
ابطيت وانا على الساقـه = مابين عد الصفا ورشاه
ولاعاد نفسي بها طاقـه = عطني قرارك وحط مضاه
قابل البشري=
العلم يحتـاج للياقـة = واللي بدا حرفها وفـاه
وآخرقـراره وميثاقـه = أما اتبع القلب ولا انهاه