قوم يافهد يالمحسن تزهب وقلي=قوم ياعزوتي ياراس مالي وكلي
ماحسبناك يوم القوم تترك محلي=جعل فالامر خير وجعل فالامر خيره
مرحبأ بالسوالم مرحبأ بالعمور=كلنا من شبابه حرب وارجالها
طيع شوري تقدم خل عنك الثبور=والرجال الشجيعه خابر افعالها

يالمنادي وصلتك جعل فالامر خيره..=والسوالف كثيرة والدعاوي كثيرة..
وانت رجال عند الناس محمود سيرة..!!=جعل فالامر خير وجعل فالامر خيره..
القصيرة لاهلها و انت شخص معذور..=..مايجيب الطويله غير من طــــــالها..
الدواير لك الله فوق اهلها تدور..=..من لقاء حليتن فالوقت يحتالها

قالو شاعر محنك لك شهورأ وعاما=مار باقي على مثلك يحل الزعاما
مار خلك محلك لا تعــود طعاما=جعل فالامر خير وجعل فالامر خيره
دوب خطك مشى ياصاحبي فالبحور=لاتجيب الطويله منت خيالها
قالو الربع عنز القايله صار ثور=والبلا من يرد الثور لا اشكالها

يا جماعة عميلي ليش ضيع طريقة...=كان شبت حريقه طاح وسط الحريقة...
البلا والمصيبه كلها من فريقـــــــــه..=جعل فالامر خير وجعل فالامر خيره...
كلها ظرف ساعة ثم ترام النفور..=..نقرن يمين راع الشر بشمالها
قالوا الربع خل مقرقعين القدور..=..حشمة لروس ربعي نترك هزالها

انت سمن معكر يالفريدي وحيه=مار لاتمرح اليا قالو النار حيه
ضاع جدك عويد وانت ضيعت حيه=جعل فالامر خير وجعل فالامر خيره
علم الجاهل اللي مايعرف الصقور=كان ضيع طريقه بين اهلالها
لو يلف القبيله مرجعه وسط سور=كلها حملتن يالربع ياشتالها

ما لقينا صقور ولا لقينا نمور..=..غير ضيعه وفال الله ولا فالها..
انت عندك ثقة مدري مصيبك غرور..=-..كيف تنطح قضيه ماانت في حالها..

0
0
0
محاورة رائعه ... بس مشكلتها ماهي مباشره ؟

0
0
0

امل ان تنهوها الليله

0
0
0
تحيتي

المشاركة الأصلية كتبت بواسطة فهد المحسن (المشاركة 186305) استلم... ا ما لقينا صقور ولا لقينا نمور..=..غير ضيعه وفال الله ولا فالها.. انت عندك ثقة مدري مصيبك غرور..=-..كيف تنطح قضيه ماانت في حالها.. تحياتي للجميع..

الفريدي علومه خلها عند جده=لايجي صوب مكه والمدينه وجده
لاعلينا في مزحه ولا علينا في جده=جعل فالامر خير وجعل فالامر خيره

الفريدي شهد شهادة شكأ وزور=والرجل مانلومه كلمتأ قالها
مايعرف الاناث ولا يعرف الذكور=غير يومي براسه عند حلالها

المشاركة الأصلية كتبت بواسطة راعي الحناكيه (المشاركة 186406) الفريدي علومه خلها عند جده=لايجي صوب مكه والمدينه وجده لاعلينا في مزحه ولا علينا في جده=جعل فالامر خير وجعل فالامر خيره الفريدي شهد شهادة شكأ وزور=والرجل مانلومه كلمتأ قالها مايعرف الاناث ولا يعرف الذكور=غير يومي براسه عند حلالها