|
فـــــي شـــبـــة الــشــعــار قـــالـــوا تـــشـــارك=قلت ايه لو ما اني على الطول دايم ارد وا شارك واهني وابارك=فــيـــه الـــــذي لـلـطـيــب ركــابـــه هــمــايــم وخـلـك صـبـورن لــو يـطـول انـتـظـارك=عـقــب الـصـبـر تـجـنـي كـثـيــر الـغـنـايـم والـصـبــر خــلــه دايــمــن هــــو شــعــارك=والصـبـر نـوبــن لـــه ضـريـبـه وقـسـايـم مـمــا صـبــر مــــن جــــور الايــــام فــــارك=يــرســب بــدرســه لــــو تــهـــب الـنـسـايــم ابــدي بنفـسـي ومـــن قـراءهــا يـتــدارك=يحـافـظ عـلـى فـرضـه مــن الـنـوم قـايـم الـــديــــن خـــيــــرن لـلــبــشــر و يــتــبـــارك=وعمـر الفتـى لـو طـال يقضـي وهـايـم قــاومــة نـفـســي مــــع بـلـيــس نـتــعــارك=يـامــا عـصـيـتـه واكــثــر الــوقــت عــايــم يوم الكتب تعطى بيمين او يسارك =يـــــوم الـحــشــر مـابــيــن نــــــادم ولاايــــــم كــلـــن تـــــرى مــذهـــول بهول المعارك =فــي مــا قـفـن مـــا بـــه لـبــاس وعـمـايـم فـــــــــي جــــنـــــه تـــنـــعـــم مـــــقـــــرك ودارك=والا بـلـضــى مـنـهــا عـظـامــك حـطــايــم فــــي مـاقـفـن مابه ولا به مشارك =تحـاسـب عـلـى اعمـالـك ولافـيـه سـايــم وصـلــوا عــــدد حــــرف بــســورة تــبــارك=عـلـى النـبـي واعــداد مصـلـي وصـايـم |
كيف الرفيق بحزت الضيق مايعز=صداقتن ماتنفع اليوم يافلان اما حصل كلن ترى يشوش ويفز=مال الصداقه عند الاجواد عنوان جينا على ما قيل ناكل من الرز=رفقة بطون ولابه انسان جيعان والا رفاقه شذب بالناس وإنوز=ما نكسب إلا الاثم في عرض الانسان صداقتن تركه ترى افضل ولاتعز=هذا وانا عندي دلايل وبرهان رفاقتن تثر على النفس وتحز=مرتاح قبل تروح وان جيت زعلان نفسي عزيزه ما تخضع وترتز=ماتجني إلا الشوك منها وخسران لاتجبر النفس العزيزه وتبتز=لو عشت في دنياك من دون صدقان |
ماسإة حزنن كرروها عليه=وانا لي سنين عن الحزن سالي تاجر وكم مره تصفر يديه=لابارك الله بالتجاره ومالي اللي ليا جتني مهمه وهيه=محجوز عند البنك لو هو ريالي ومن مالي الوافر عطوني بليه=غامرة ولا عاده من اول وتالي واثر الرباء بالبنك مثل الخليه=يزول لو يكثر ولابه احتمالي كل البنوك امعاملته نقيه=تحسنت ما غير بنك البلالي مدري وش العله على البنك سيه=مجبور انا اشرب ماه مرن وحالي يابنك لاتقهر نفوسن ابيه=واول ترى شامخ وعزك يإلالي حافظ على بعض المعامل ونيه=لاتشوه الصوره ترى اول مثالي محتار متحير بكل القضيه=قضيتي صعبه وفيها جدلالي وعفت الرصيد الا ثمين الهديه=اللي تشابه هو كريم السبالي بنك يفا ئجني بثاني ضحيه=ياما اشتكيت البنك لبعض الرجالي وبالبنك جزل و بالمعاني ابجديه=كم طحت واول رافع الراس عالي ما اعم ولكن فيه وفيها انكريه=ماهي كلام يقال اشوفه قبالي ماهو من الجزلين واهل الجهيه=من المسكنه واللي بقلبه هبالي لكن بنكي من معادن بهيه=اصيل ثابت لو تطول الليالي والامعه مصدوع ونفسه دنيه= وراع الرداء لعاش لو هو توالي |
مليت من رجوى حبيـب وحبايـب= ومليت من ناسن كثير اخذلونـي = ومليت من كثر الجفاء والقلايب= مليت من ربعن كثير اسهجونـي = يالله يامـعـطـي جـزيــل الـوهـايــب= رحمتـك يـارب المـلا لــو جفـونـي = وجرحـن بقلبـي يامديـر الهبـايـب= اجبـرعـزاء قلـبـي بنـاسـن رمـونـي = الطيـب فيـهـم والـوفـا غيرصـايـب= رغــــــم وفـــايـــه بـالـوفـامـاوفـونــي = حسنـاك ماغيـرك طــف الاهـايـب= عفـوك ليـا مـن الربـوع تركـوونـي = ومليت من كثر الغثاء والنشايب= وتعـبـت مـــن عـذالـهـم يعـذلـونـي= ياماوثقت بشخص وثريه خايـب= زودن علـى همـي يـزود شطونـي= وياما بـه الدنيـا كثيـر المصايـب= ياما اتسامح واسمح لمـن كونـي= وكثرت مشاكلهـم وكثـر الطلايـب= وكم عفت غالي مثل قرة عيوني= دنيـا عجـايـب كــل مـابـه غـرايـب= واخر مطـاف بعونـت الله تهونـي= |
بالهون لاتحطم موانيك بالهون= من قال مالك قدر من قال من قال= قدرك رفيع و عالين لو تشوفون= ثقيل لو يرمى فلا تشيله رجال = ليتك ليا جيتو مسير تمرون= والا تذكرني وانا اجيك بالحال = على النقى مافيه شين ولاتهون= نظرتك غير وغير لو لاحت ازوال = لاتخلف الهقوه على العهد وتصون= لاتقتلب ويصير لك عدة اشكال = لاتجرح العشاق والا انت مزيون= ياعود ريانن على الكيف لمال = ونحرا يشاد البرق لالاح بمزيون= له نظرتن تخلف محنك وعقال = له بسمتن تذبح من الناس مليون= ابو ثمانن بيض درن ليا شال = لابعد خمار الوجه وشلون وشلون= من شافها صابه ترى خف وهبال = عقب العقل مختف والعقل مجنون= الحب لاهل العشق سمن و قتال= |
http://www.uaefishes.net/up/pic.php?u=4JtEov&i=926
شفني على جال البحر زاد همي=وتكسرت كل المجاديف ووحيت صوتن يشابه يافهد صوت عمي=وبدعت من زين القوافي وغنيت وغنيت اعاني من عذابي وغمي=ولقيت ماحولي من الناس هو ميت وغيرت طاروقي وفسرت كمي=قلت اتركوني من حياتي توذيت اكــمـــد جــروحـــي بــيـــدي واضــمـــي=لــو لاي مـانـي جـيــدن كـــان قـفـيـت رويــت مــن شـربـي لكـاسـي وسـمـي=وجرعت من بعض المواقيف حلتيت هذا وانا ما طحت ولا سالي دمي=وشلون لو طاح الجمل كان وليت |
]قصيدة الشاعرالمسـ@ـبار
ياولد هات القلم واكشف غطاته واحضر من المكتبة زين الدواتي ولع اللمبات والقرطـاس هاتـه وانفض غبار الصفاح المبطياتي البيوت اللي بجاشـي مشغلاتـه يدلجن مثل البـدون الجافلاتـي الفكر جنه مـن الفرحـة بناتـه يوم صار الختم مع مسند ثباتي ألف مبروك ابوعامر يوم جاته العمودية وبـاق الخيـر ياتـي الحويفي قل من سـوى سواتـه جابها واودع حواسيده شتاتـي التسامح والتواضع من سماتـه والردية مالهـا عنـده مباتـي يستحق المدح من هذي صفاتـه عاش كساب العلـوم الغانماتـي الله ينور طريقـه فـي حياتـه وفاله التوفيق في كل الجهاتـي صح لسانكم اخي العزيز والاستاذ المسبار ولاعليكم زود وانتم اهل الوفاء ومن قبيلة عريقه وله باع طويل بكل الميادين المشرفه وتقبلوا مجاراتي المتواضعه من طالب الى استاذ بالشعر والاداب والعلم الغانم
مرحبا باللي جميل( ن) في سماته=عالي الهمه وعالي بالصفاتي يتعب اللي ناوين يحصي صفاته = عايشن بالعز شامخ بالحياتي من طلب عطني صفات له وهاته= طيبن ماقالو بطيبه يهاتي خيرن للشر مايشفق واماته= صادق بالدين به عزم وثباتي يقنعك لقال من قول كلماته =شيخ ماقالو ترى نفض العباتي بالوصيه لاتفرط في وصاته=ملهمه ربي و عطاه ميزاتي راعي المعروف يشكر في سواته =راعي المعروف يجازى بحسناتي يسلم الخير و تسلم له دواته = اشكره عد الشجر وسط الفلاتي والصلاه اعداد مخلوق ونباته =على نبيا موصي بحفظ الصلاتي |
قــــــــال الــــــــذي جـــــــــرب كـــثـــيـــر الــتــجــاريـــب=بــــعــــض الــتـــجـــارب كــــــــدرة كــــــــل خــــاطــــر ومشين على درب الخطر والمصاعيب=يـــخـــلـــي هــــمـــــوم الـــقـــلـــب صــــفـــــإ تـــقـــاطـــر انـشـدك عــن جـمـلـة عـصــي ومشـاعـيـب=وشـلــون تــضــرب لــــه مـشـاغــب وشــاطــر وليا ـصـــفـــى جـــــــــوك وحــــلـــــو الــمــشـــاريـــب=لابــــــــــــــــــد مــــــاتــــــركــــــب ذلـــــــــــــــــــولأ وفـــــــــاطــــــــــر والــــلــــي عــــشــــق جــمـــلـــة بــنـــاتـــن رعـــابـــيـــب=اعـــــرف وطـــــى كـــــل الـمـشــاكــل وخـــاطـــر وحـــــظــــــك لـــيـــعـــجـــت عــــلــــيــــه الــهــبــاهـــيـــب=والارض مــــــــاجــــــــاها ســـــحــــــابــــــإ ومــــــــاطـــــــــر لاتـــدخـــل الــغــابــه ولاتقرب العيب=خلك بـــعــــيــــد وخـــــــــــل شــــــوفــــــك يــــنــــاطــــر العيب يجلب لك ترى الهم وتشيب=وبليس جاهز للمصايب وباطر رفــاقــتــن تـــرقـــص عـــلـــى الـــشـــر وتــجــيـــب=تــــفــــرح عــــلــــى الــــزلــــه بــــرســـــم الــمــســاطـــر الـــــحـــــب بـــالـــلأســــن وحــــــــــول لــلأغــابـــيـــب=والـــقـــلـــب مصدي مثل سود القناطر وصــــــــلاة ربـــــــــي عـــــــــد رســـــــــل ومـــنـــاديـــب=واعـــــــــــداد مــايـــكـــتـــب بــــصــــيــــد الــــخــــواطــــر عـــلـــى رســــــولأ حــــــارب الـــشـــرك والـــريـــب=دافـــــــــع عـــــــــن الــتــوحــيـــد ولـــلـــحــــق يـــــاطـــــر |
الوالـديـن الله مـوصـي عليـهـم=أمك و أبـوك و برّهـم رد معـروف سلّـم عليهـم ثـم قـبـل يديـهـم=وأصبر عليهم دامهم عنـدك ضيـوف ياجـب عليـك وواجبـن تحتويهـم = تغري ضيوفك من حنانك ومصـروف عليـك ديـن وتوفـي الديـن فيهـم =الوالديـن حقوقهـم مالـه وصـوف كم والد(ن) يتعـب وهـو مرتجيهـم = تسعة شهور امك من الحمل بضـروف ياما سهرو فـي راحتـك واحتسيهـم = وخليتهـم كبـرت علابيـك وكتـوف جـاز الحسانـي ياولـد وإرتجيهـم= لجازي الحسنه بصدات ونكوف من عق منهم كل ذنب يحديهـم =شؤم (ن) عليهم غاضب الرب ويشوف تمحق بركـة العمـر فيهـم وليهـم =وعقوبة(ن) تسري وتلحق على نـوف تلحق على الابنا ء ذنوبك تجيهـم = ترى العمل بالجنس يجازى و موقـف واللـي جفـاء وإلا هجـر مزدريهـم = حل الغضب ماينفع الهرج و حسـوف صبح ومس امـك وابـوك احتميهـم = حقوقهـم مانحصيـه عـد و الـوف الوحـي ينـزل للنبـي ويهديـهـم =حذرهم عقوقن تسجل ولا اطوف وصـلاة ربـي عـد نطـق يخفيهـم =على نبين راجي الله وبه خوف |
حسبي على الحساد واهل الوشايا=كم فرقو مابين غالي ومحبوب الله لايوفق خبيث النوايا=اللي يقول الزيف والهرج مقلوب يلدغ ونابه مثل ناب الحيايا=ما خاف من ربه ولا حاول يتوب يارب تمحاهم لحد النهايا=والا بحريقة قاز مع زيت دالوب نقصن على الامه بنشر الدعايا=شهب الوجيه اللي كما العنز محلوب يالله عساهم للبلاء والمنايا=والعلم عند الله محدد ومكتوب اصبر على الفرقى و هذا جدايا=واجرع تراني كامل المر بالكوب كم شتتو شمل المحبه وهوايا=اللي ووصوفه غير بالزين مندوب هو غاية المجروح وايضاء دوايا=كني عمى من بعدهم صرت معصوب لو زاد جرحه بالحشاء والحنايا=مانساك ياضبين بك الزين منجوب |
الساعة الآن 03:06 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir