كنت اتشمت على الشاكين=ولاحــس مــن حــال شكـواهـم
اثــر الـهــوى ذبـــح بالسـكـيـن=ومــن حالـهـم صــرت ويـاهـم

ليلي وحنا على القيفان=لين اشغلتنا عن الراحه
وشعار كانو مدى الآزمان=ماتو وغابو عن الساحه

الله يـــــــوم اذكـــــــر الــفـــكـــه=وذيــــك الـقـوايــل تـصـالـيـنـا
جيـاع نجـري علـى البكـه=عــيـــشـــه هــنـــيـــه تـكــفــيــنــا
وعصير نقعد على الدكه=والــلــيــل لاقـــبــــل يـســريــنــا
وحجاجـنـا جــو مــن مـكــه=وجـــابـــو فـــراحـــه تـسـلـيــنــا

تنكيـد -- مانشتكـي تنكـيـد=ولانـــدعــــي كــــثــــرة الــــراحــــه
تحديد-- مانعرف التحديد=اهــات فــى قـلــوب مـرتـاحـه

الهـنـد يـرسـل علـيـنـا هـنــود=وفى ديارنا صارو التجار
وحـنــا مـــع الـقــرد لـلـمـقـرود=بين المصاريـف والآيجـار

رجل الحراسه عطوه الفين=و 12 ســــاعــــه يـــداومـــهـــا
الآف مـنـهــا ســــداد الــديــن=والآف كــــــثـــــــرة لــــوازمــــهـــــا
امــــه وزوجــــه ولــــه بـنـتـيــن=واحـــوالــــه الـــــــرب يـعـلـمــهــا
مهموم شفته بشوف العيـن=يــمــشـــي ونــفــســـه يـكـلـمــهــا
يـانـاس هــذا يجـيـب مـنـيـن=وافـواهـهــم كــيـــف يـطـعـمـهـا
والوقـت يـذبـح بـابـو حـديـن=والـروس طاحـت عمايمـهـا

يانـاس مــال للهوى قـاضـي=يحـكـم لـنـا فـيـه بالآنـصـاف
يامـا عشقنـا علـى الفاضـي=واتلف علينا القلوب اتلاف

ياسيد قرب بقلك شي= والله احبك ومغرم فيك
اعطف عليه مدامي حي= قدام تسمع خبر مغليك

مايقبل النصح بعض الناس= مهما تقله وتنصح فيه
وليا امكن الفاس كسر الراس= يبكي ويندم على ماضيه
ويعيش عمره على الآتعاس= ويداري الجرح مايبديه
والوقت يعلن عليه افلاس= وان يطلب الناس ماتعطيه

ليت التقاعد يمدونه= ويرجعون الفضاويه
والاب عنهم يصكونه= ويريحون الشقاويه