|
الف مبروك لأخي الغالي والعزيز والمستشار الأستاذ / ماهر أبو خالد
ياهناك راحة البال بوصول مولودك الاجمل ويتربى على طيب الافعال وبارك الله لك في المولود .. ورزقك بره وبلغك أشده . ((( اللهم اجعله من الصالحين المصلحين البارين بوالديهم .))).
مبروك مليون للماهر = بقدوم غالي على قلبه مولود مثل القمر حاضر =الافي ويحفظ لهم ربه
ياطير حلق في السماء وغرد اليوم = واعزف لنا أجمل تلاحين الغناء يوم السعد بفرحة الغالي بقدوم = أغلئ هديه ساقه الرب حيناء وهذ أقل واجب يقدم لك ولك كل التحية والتقدير والاحترام &&&&&&&&&&&&&&&&&&&&&&&&&& |
المعنى= من جازى الاحسان بالاحسان=يلقـي ثوابـه علـى يمنـاه ربـي يجازيـه بالغفـران=وعنده عظيم الاجـر يلقـاه أبو ذياب= يجزاك ربي عظيم الشان=وبيض وجه يارفيع الجاه راَجيك ثبت لنا الأيمـان=وغفر لنـا ذنوبنـا يالله |
جرح (ن) نِبت !! داخل فؤادي =يكبر مع الهم .. يقسـى فيـه ؟ ((ذكرى)) معـي تعيـد وتعـادي=مـع كـل دمعـة .. اَلـم تسقيه |
صار الاَمل في حياتي صعب !! =من زحمة اِجراح .. مطعونه متى ؟؟ الفرح بالنسيم يهـب = ويلطف اِحزان .. مسكونه |
الحبيش= احــــــب مــخــلـــص ولــكــنـــي=الـقــى اســـئ وانـكـسـار الـحــال يــا هــل تــرء فــحــد يفهمـنـي= ولا أعيش الصبر ون طال أبو ذياب= مدام الاخـلاص يافنـي=مابينكم والوفاء مـازال جلست عتب تحكمه صني=من قبل لا يدخلوا العذال |
مع الأستاذ الفاضل // العم الشاكر أبو سامي
أبـــــو ذيـــــاب = مـن واقـع اليـوم متأثـر=ممـا أشوفـه وأنـا شفقـان ((أطفال)) في مرحله أخطر=حوله البكت يشرب الدخان !! الشـاكـر أبــو سـامـى = ياكـم شفتـم وشفنـا أكثـر=من شيء ماكان في الحسبان نتائـج الـواقـع الاغـبـر=أعلام مـن سايـر البلـدان أبـــــو ذيـــــاب = لِـلأن متِخـيـل المنـظـر=ولاَزلت من واقعي ؟ حيران وقـدام لـلأمـر يتـطـوّر=نعالـج الموقـف الخسـران الشـاكـر أبــو سـامـي= اعمل على حسـب ماتقـدر=بالنصح واللطـف بالشبـان ومع فارق الصـح والمنكـر=يظهر أمـل يبهـر الاذهـان |
أبو ذياب= صار الاَمل في حياتي صعب !!=من زحمة اِجراح .. مطعونـه متى ؟؟ الفرح بالنسيم يهـب=ويلطف اِحزان .. مسكونـه بخيتان البشري= أصبر قبل لايجيك أصعب=وجروح الأيام مرهونـة أنا أخبرك بحر ماينضب=خل الصبر برق فمزونة |
القناص2020= سلام يانخبـة الشعـار=من ضيف للمنتدى زاير يبغى تحيه من الحضـار=حسب القوانين والساير أبو ذياب= ترحيب والملتقى لـك دار=أقلط على .. العز والجاير ياراعي الطيب والمقـدار=منك انتظر .. حرفك الداير |
الكاشف= سلام ياطيبين الصيـت=في ملتقى القيل والآداب آنا حسب ماسمعته جيت=ساعي لعلم الوفا كساب اَبو ذياب= يامرحبـا ياهـلا حيـيـت=في دار الأجواد والأحبـاب حسنك وطيبك انا لا قيـت=من فيض حرفك لنا يخضاب |
الصدق والطيب ثبتني =ولا زلت خسران غاياتي ولو اِن طبعي .. يخسرني !! = لي الشرف في خساراتي |
القناص2020= سلام ياشاعـر النخبـه=يارمز فالقيل والابـداع مسكين يشكي لكم غلبه=يبغى دوا يبري الاوجاع أبو ذياب= يامرحبـا والسعـد لبـه=من قلب نبعه صفى ينذاع وان كان تبغى دواء طبّه=أشرح لنا كامل الأوضاع القناص2020= اللي سقاني عسل حبـه=ويقول انه فحبي ضـاع اليوم اشوف اختلف دربه=وذاك الوصل بدله بقطاع أبو ذياب= بحر الهوى يختلف عذبـه=يجلِب على العاشقين صراع ومهما حصل منه لا تكبـه=زيده وصل فوق قده صاع القناص2020= فتواك ياشيخنا صعبه=وخصوص لاكنت انا جزاع اخاف لاجيت من سبه=وتضيق عندي وهن وساع أبو ذياب= مابغاك تخسره وتسيبه =وتزيد نار الألم أرباع أبحث عن أسباب الشبه = ويبان لك بالعتب مطلاع ولو صار صعبه تقنعبه = عندي حكم ماعليه اِجماع أشري الذي يودكم قلبه = وبالرخص بيع الذي بياع |
أبــــو ذيـــــاب = أسعد ليـا شفـت قيفانـك=يامبدع الحـرف للجمهـور سلام رايق علـى شانـك=ينصاك يالشاكر المشهـور الشاكـر أبــو سـامـي = تستـر بالفرحـة أعيانـك=وتسلم على لحنك الممهـور ترحيب ينصاك في أوطانك=يحكي به أهل اللحون دهور |
علي بن عيد= عمري قضيته صفا وكمول=غير الوفا مـد مارضابـه على الصفا والنقا مجبول=في كل الأحوال نحضابـه أمشي مع الناس بالمجمول=والطيـب نعطيـه طلابـه النقص ماله معي مقبـول=لاهو ولاحـي لـه جابـه أبو ذياب= أوفيت ياسيف يـا مسلـول=بمنطـق الحـرف وكتابـه راعي الوفاء والصفا مايزول=نشريـه ونزيـد ترحـابـه معزتك يالخـوي ماتحـول=يشهد لـه الدهـر واِحبابـه واللي على الناقصه مذلـول=نقفيـه ونقـفـل أبـوابـه |
دربي وفا= سلام طيب المثـل فبنـاه=يلفي على اهل الوفا نشطان يمشي على حسب ماشفناه=في ملتقى القـن والأقنـان أبو ذياب= ترحيب صافي حسب مبداه=محمول بل مسك والريحان راعي الوفاء يدنا بيمنـاه=في مجلس الطيب والربان |
تبعثر الحرف ياعيني = دمعك لنا بلل الأوراق لا تتركي الحب يعميني =وأصبح ضيحه من .. العشاق |
الصـدق والطيـب ثبتنـي=ولا زلت خسـران غاياتـي ولو اِن طبعي .. يخسرني !!=لي الشرف فـي خساراتـي |
نار الوله !! أحرقت جوفي = وصبري من .. البعد ما ينطاق صارعت الأشواق من خوفي ؟؟ =لا تزيد نار اللهب حراق |
عـلــي العـبـيـدي = ذكرى .. هوى قلب متلهف=العين احـدى ضحآيآهـآ كلمآ مشت للآمل وقـف=حتى اختلف سير ممشآهـآ أبو ذياب= دنياك ماهي مثل ما تشف=أسعى وخلي الصبر داِها والحظ لا مال أو خفـف=لا بـد مايعتـدل لاهـا |
أبو ذياب= سلام للملتقى المرموق=الشامخ العالي الراقي جينا نبارك لكم ونسوق = عذب المثل حسب مالاقي احمد الغشمري= يامرحبا يارفيع الذوق = ترحيب من صادق اعماقي لمثالكم له علينا حقوق = يبشر بها دون منعاقي أبو ذياب= تكميل ياوافي المنطوق = ياالطيب المعدن الناقي مدام مد الوفاء مؤثوق = ماينحسب بين الأرفاقي أحمد الغشمري= ياما سهرنا ندف الشوق = لنور يطلع في مشراقي اجليت عن وقت فيه فروق= خليني احلق في افاقي أبو ذياب= مدام زان الطرب طاروق = ودي معك لحن ذواقي يسعد بها من حضر مخلوق = ويشهد لها للدهر باقي أحمد الغشمري= اسك لك من ذهب صندوق = ماينلقي وسط الاسواقي تستاهله دون شك وعوق = ماياصله كل سراقي |
أبـــــو ذيــــــاب = عايش مع الهم مـن عاميـن=أضحك ونـار الأسـى تشتّـد تزاحـم الجـرح بالجرحيـن=وأصبحت من حالتـي منهّـد بـخـيـتـان الـبـشــري = أصبر وفكـر بخمـس سنيـن=لوكـان هـذا الآسـى يمتـد لابـد بعـد العسـر ماتليـن=وتعيـش فيمـا بقـى مسعـد أبو ذيــــــاب = لأكـن صبـري نفـذ ذلحيـن=وماضني فـرح السعـد ينعـد كيف .. التقي بالدواء ومن وين=والحزن طاغـي علـي شـد بـخـيـتـان الـبـشــري = أصبر وزيد الصبر صبرين=ما شيء غيره دواء ويسد صبو مرار الهوى كاسين = ايات فيها لنا أفود أبو ذياب= لو كان ودك تبي الحلين = هيا أستمع ناتج المقصد شوف الذي للفؤاد يلين = ولا أتركه للقدر يستد |
غلطه وعيني شرتهم .. من = من .. صادق القلب والنيه أنذال فيهم حسافه .. ظن = الظن .. خاب الرجاء فيه |
لا تحسب البعد ياخلي = يخلف على القلب نياتي حتى ولو غاب صوتك ؟ لي =تفضل معزتك .. في ذاتي |
الرحال= اعالج الضغط والا العين=والا آتعالج عن السكـر غير الذى عرقل الرجلين=اللى على خاطرى عكر أبو ذياب= بالشافي برفع لك الكفين=مما أشوفه .. ولا أقـدر غير الصبر دبله ضعفين=هذا قدر .. والقدر أكبر الرحال= لاشك عندى ولا تخمين=وقع القدر قط ما ينكر الصبر ليه عليه سنين=مافاد زاد السقم اكثـر أبو ذياب= خلك مع الصبر والراضيـن=والأجر عنـد ربكـم يذكـر غير الرجاء .. بالخفى سالين=يشفيـك رب المـلا يـقـدر |
الرحال= دمعى ذرف من اسى آسيه=اللى عليه اقـدم الآسـى ما يحسبن الذى يسويـه=ماله فسلم العرب ساسـى أبو ذياب= مدام بـان الخفـى خافيـه=وأظهـر نوايـه القاسـى بيعه .. ولا يتعبـك يابيـه=أعرفك مثل .. الجبل راسى الرحال= مقدر من القايمـه الغيـه=رغم انى اشكى منه باسى لوكان يقسى على مغليـه=برضى لها الطيبه حاسى أبو ذياب= مـدام ذا ودكـم شـاريـه=لا تخفي الجرح .. وتحتاسى خلي العتب بينكم واطريـه=قدام لا .. يعيده الناسـى ؟؟ |
عملتلك كل ما يفعل = محب صادق .. لشخص يحب لكنك أنكرت !! كل ماافعل = ذاك الفؤاد ؟؟ الذي قد شب |
لي قلب مهما اَنشعل ناره = صامد .. على النار ياصبره يبقى على (( هيبت )) اَجداره = صافي .. ومن الحقد ما يكره |
الحبيش= سلام مني لكم مطروح = بريحة المسك والريحان يلي بطبع الوفاء لا تروح =نبغى نجر اللحن والدان أبو ذياب= ترحيب صافي عبيره يفوح = بالطيب والصدق والأحسان وراعي الوفاء عندنا مسموح = هات المثل واطرب القيفان الحبيش= فيك البقى وشورنا مفتوح = واعرفك فزيع ياسلطان بشكيك من جرح وسط الروح = أثر على قلبي الحيران أبو ذياب= شرواك دايم لنا مصروح = ومابيننا يالخوي نقصان أطرح شكاويك وسط اللوح = تلقى داوء الجرح ياشفقان الحبيش= الدمع وسط الملا مفضوح = لا مر طيفه عليا الأن أصبحت من غيبته مذبوح = والأه أصبح لنا ونان أبو ذياب= لا تهلك الدمع يامجروح =وتصير في ذا البلاء خسران من غيبته ؟ هل حصل مشروح = ولا من الصد والنيشان الحبيش= بالصد جازني المملوح = وقفا على خاطري الولهان وأصبح مع البال وين يروح = هل ياترى أجزيه بالنكران أبو ذياب= في درب الهوى مايفيد النوح =ياكم قبلك غرق شبان وانصحك ترسل ((حمام)) الدوح =يفتيك أمكن فعل عدوان وان كنت شاريه.. ياممدوح =أسعى بمكنونه من شان يبان لك بالعتب ويضوح = وش الذي ؟؟ اخلف الفكران وان صد بيعه وخله يلوح = واعرفك .. ذيبان .. بالميدان ويصحابنا سامحونا= |
عطني سبب ؟؟ في بّعادك لي= ياغايتي يا .. مناة الـروح لا تترك (الدمـع)!! ينهلـي= يعزف ألم من نزيف جـروح |
والله اتعجب علـى حالـك=من بعد ماكنت صرت وكِنت تكابـر النـاس بفعـالـك=يكفي انا أعرفك هو من اِنت |
عيشتني !! في وهم حبـك=وسلبتني .. الفرح والأمال قلي متى ؟؟ يختلف دربـك=ويعكس هواكم لنا فالحال .. |
يـوم التقـت عينـي بعينـه=اَنتابني اَحساس .. همي يروح لكنـه !! اَخلـف موّدينـه=اِذرف دموعي .. وزاد جروح |
نار الوله !! أحرقت جوفي = وصبري من .. البعد ما ينطاق صارعت الأشواق من خوفي ؟؟ =لا تزيد نار اللهب حراق |
غايب عن الحرف لي فتره=مشتاق والشوق يمنعنـي كل ما أجي أكتب الكسره=اِلقاء همومي تصادفنـي |
أبو ذياب= سلام ياتركـي الصخـري=يالشاعـر الناقـد الفـنـان جيتك ولحن الحزن .. مبري=يعزف اِلم داخـل الوجـدان تركي الصخري= يامــــرحبا واقبـــلوا عذري =ياللي لكم في الضماير شان وعن سبّة الحزن ما ندري =يا كثــــّر ما يجْـــــرح الإنــسان أبو ذياب= هذا الأمل فيك من بـدري=يأهل الوفاء والكرم عنوان واللي لهم بالغـلا قـدري=أخلف هوانا وزاد اَحـزان تركي الصخري= داري على حبّك العذري= واحـْذر يجي في العطا نقصان ولا تـْقول خلّي نوى هجري = جايز من اسبابك الهجران ؟! أبو ذياب= غلاه في دمنا يجري = وله الوفاء زايد الميزان حاولت أستعطفه لأمري =لكن صدوده .. بقت للاَن تركي الصخري= لــو تـشــرب الـمُــرْ والـصِـبْـري=دامــك عـلــى حـــق لا تـنــدان شــرواك مــا يـشْــرب الـكــدْري=ومن راح مخْطي يجي ندمان أبو ذياب= أخــــاف مــــن بـعـدهــم تــجـــري=دمع المفارق .. على الولهان وأصــيــر فــــي حــــال مــايــزري=ويـتــوارث الــهــم والـحـرمــان تركي الصخري= حتى و شوق الغضي يطري=كابـر ولـو غصْـن قلـبـك لان من خوف يقسـى ويسْتجـري=ولا يعْترف لو غـدى غلطـان أبو ذياب= مقدر على صدهم تدري = اِن الهوى يحكمه سلطان صبرت حتى .. نفذ صبري = عطني أفاده مع البرهان ؟؟ تركي الصخري= يا اهل الهوّ ميّزوا سطري=بعْد النظر فا الذي قد كان لو قلت شقْ الاسى صدْري=يقلتلك جرحك ولا تنهـان |
لا تحسب الصد والتجريح = وفراقكم سبب .. اِذيه لا بد بعد ..( الطعن ) ياليح = أحاربك حرب نفسيه |
أبو ذياب= غايب عن الحرف لي فتره=مشتاق والشوق يمنعنـي كل ما أجي أكتب الكسره=اِلقاء همومي تصادفنـي القالط= كثير يشكى من الحسره=ويقول الايام تسفهنـي لكن ذكر اخر السهـره=ينفع جنابك وينفعنـي أبو ذياب= هيضتني حيل للفكـره=اَشغلت بالي وجاوبني دامك معي أطلبك دبره=اَشكيك .. لا بد تفزعني القالط= همك غدى عالي النبره=محتار وامرك محيرني لكن ترى الهم له طفره=عندك له اسباب؟خبرني أبو ذياب= جرحي من سنين له ذكره=يعود واِن عـاد يتعبنـي مع الفرح صار لي عثره=كابد على القلب ذابحنـي القالط= دنيا البشر حزنها وفره=يقلقك دايـم ويقلقنـي مهما حصل خير لاتكره=وعلاجك الصبر صدقني |
أبـراهـيـم المـحـيـاوي= منصـوح بالصبـر لاكنـي=والصبر واضح على الاعيان احـرق بنفسـي وعلمـنـي=كيف الطريقـة انـا حيـران أبـــــو ذيـــــاب= الـي بينصحـك صدقـنـي=يبغى لـك الخيـر ياشيهـان زيد الصبر ضعف واسمعنـي=ماشي يبقـى علـى ماكـان أبـراهـيـم المـحـيـاوي= ياليـتـة الـكـل يمهلـنـي=ونسايـر الوقـت يافـنـان دام المحـبـة تجـبـرنـي=خلـي المحبـة لنـا برهـان الكـل صاحـي ويسمعـنـي=وفي صيحتي بحة الاحـزان لصـرت اريـدك وتمنعنـي=وبرق الخيانة لنـا قـد بـان في معايـد النـاس يكلمنـي=والجسم واهن علـى ماهـان الوضـع راكـد ومحرقنـي=وتمايل الجـذع والاغصـان وان كنـت فاهـم وتفهمنـي=حان الفراق الذي قـد كـان أبـــــو ذيـــــاب = ان كنت محتـار ؟؟ بالظنـي=خلك معي وأفهـم السلطـان بحر الهـوى نـار وتعبنـي=ياكم قبلك .. حرق خـلان !! لا تتعـب الـروح وتـونـي=يمكن ( خيانه) بسبب ونان ؟؟ أجزيه .. بالصـد وافهمنـي=وخلي فراقك لهـم خسـران وان جـاك بالعـذر والرنـي=خلي العتب ((ساحة الميدان)) يبان لك .. بالحكـم صنـي=لا كان كـاذب بهـذا الشـان واعرفـك فالمسألـه فـنـي=وخلك في بحر الهوى ربـان |
عبدالعزيز الزويهري= سلام فيـه الولـه منثـور=للملتقـى و كـل حُضّـاره اللي بطيب النبـا مقـرور=و ما يغيب عن بال من زاره أبو ذياب= ترحيب فيه الوفاء معمور=عالي وما نخلف أعيـاره تكميل يالراقي المشهـور=غالي ولو غبت عن داره |
روحانيات رمضانية
في ذا الشهر أغتنم فرصتك=بالصوم وتلاوة .. القـران واسعى وزيد الأجر حاجتـك=تنفعك لا اِلتفت .. السيقان |
ماكنت ناوي على ذا الصد= منك الجفى .. وأحتمل ماجاك أرحل ولا عاد تتنهد = نفسي أقنعت .. حيل ما تبغاك |
الساعة الآن 11:20 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir