لاود غيرك ولاني لك = تحطمت داخلي احلام
فتحت باب الامل وانصك = حظي تردى بعد ماقام

أفرح ولاتهمك احزاني = اعيش وضعي لجل ارضيك
مادمت عايش فوجداني = ابيع كل العرب واشريك

أه ألذي فالحقيقه غاب = وعن ناظري اختفى زوله
اكبر مصيبه على ألمنصاب = لاصاح والناس ماجوله

ابيع غير ك أنا واشريك = لو كان بغلى ثمن تنباع
لحل بين العرب طاريك = انسى الالم ذاك والاوجاع

قالت امانه لاتظلمني = مدام قلبي وهبت لك
قلت العهد تاخذه مني = ولاخون عهدي ولو اهلك

عجزت لرفع عيوني فيك = واناظره وتامل زين
ماشفت الاكفوف ايديك = رسمتها داخلي فالعين

تلاعبت كلها الاشواق = داخل فواد المتيم فيه
من كثر مماهو لها مشتاق = يبغى يعبر ولايمديه

مادمت عايش ومتهني = هذا منايه لكم يازين
حتى الالم يختفي مني = لاسرت نايم قرير العين

ماتدري انك ملكت الورد = اللي من اسنين اسقيته
واليوم وجدي عليه اشتد = لجلك عن الناس اخفيته

دوبك على الفل يالجاني = والكادي اللي معه ادراه
وتفاح فوقه زهر باني = لايذوب ورده قبل تجناه

انا كذا من زمان وتو = وانا على حالتي صابر
يزيد فرحي لقالو جو = ودمعي على فراقهم عابر

ان غاب ماعاد شفتوني = وان كان يرجع لكم باعود
لو كان غطيتو اعيوني = ادخل فوادي ترا موجود

في وسط قلبي سقم مبني = من أسنين ماهو سوات اليوم
صابر على الهم والغبني = من خوف احد(ن)علي يلوم

من قال اني اسويها = واسمح لقلبي يحب اثنين
انت الذي ساكن(ن) فيها = وحيد مثل القمر يازين

ويش علمك للوداد تود = وتحرق قلوب الهواويه
انته خبير الجفاء والصد = وانا تحملت حوليه

صحيح فيه ناس تعشق ناس = وبالحيل فيه ناس كذابه
احد(ن)فؤاده كما القرطاس = مجروح من كثر ماصابه

الهمز والمز قالو فيه = قانون فالملتقى ممنوع
واليوم بعض العرب تطريه = وين الادراه عن المطبوع

عودت عيني على روياك = ماشوف غيرك ولانسان
مهما الزمن ابعدك مانساك = وتبقى فقلبي مدى الازمان

دامك مصدق علينا خف = محدن يكذب بنات الحور
لابد حبر القلم مايجف = وتنظر بعينك على المنشور

عندي شجاعه واقول الحق = حتى فوجهك ولا اخشاك
بدري على مثلكم يلحق = جبان واضح على ممشاك

مهما الزمن طال لابده = ياتي علينا نهار نموت
ونعيش بين الثرى مده = ونبقى لدوود المقابر قوت

جبان لانامت اعيونه = وضعه مابين الملى منهز

ويشيل حتفه على متونه = ولاعاش بين العرب في عز

بمشي معك لاخر المشوار = واشوف ويش هي نهايتها
وان كان جاني غثاء وغبار = كل المخاليق شافتها

عامين روحي عليك تنوح = وانا اتجرع صبر واصبر
صابر وكلي اسئ وجروح = كثر الماسي سقاني مر

ليتك تكرمت يانايم = وارسلت ليه سوال وشفت
لجل ايش انا ياخوي لايم = وتطيب نفسي ونفسك انت

ياسالم انته ويبخيتان = ورابح معاكم وابو فياض
سلام صافي مع اللحان = لجلي من اللي حصل منقاض

كم يحتمل قلب محبوبك = كم تحتمل انت من شانه
ان كان معطاك مطلوبك = زادت على القلب احزانه

ارسلت بعض المعاني لك = عساك تفهم ويش المطلوب
واليوم اصبح ماعندي شك = انك من المعرفه مشطوب

صاحت عليهم كلا(ن) جاء = فراش كنه على كشااف
عين الفتى ماعليها غشاء = نظره ومنها النفوس تعاف

معذار مني لخي فواز = يوم القلم زل بيديه
يامن لكل المعاني حاز = ياربنا تحفظه ليه

جينا نبارك لماجد عيد = يقولها القلب ولساني
جعل الليالي عليه اتعيد = افراح من غير احزاني

ماتدري ان القلم يشهد = وأيديك اللي بها خطيت
اما عن النار به تبعد = والا لضاها اذا زليت

الظاهر الناس ماتبغى = تذكر بالاخره والموت
حرف الهوى الكل له يصغى = محد(ن) على الموعظه بيفوت

قلبي عشق والعشق ذباح = وفي داخلي سهوم من وده
كيف اتهنى معه وارتاح = وللان باقي على صده

لعيونها نهدي الورده = ونكتب عليها عباره حب
قلبي تهنى معه مده = واليوم قفى وقلبي شب

لاسار عظمك ماهو قادر = ايشيل جسمك عشان اترد
خلك على وضعك العاثر = لاتروح صيدت بحر لامتد

نبع الدموع التي تذرف = من داخل العين اعمها
مايرحم القلب لو ينزيف = تستاهل العين ماجاها

مهما الماسي تجي وتروح = لابد يبقى لها ذكرى
ماتنمسح لو تروح الروح = يذكر بها في زمن بكرى

راح العمر والعمر فاني == وانا فقلبي الم اشكيه
اناظر الفرح بعياني == محروم محد(ن)قدر يعطيه

ياجرح قلبي ويش اللي جد = في داخل القلب وركانه
ان طبت تكفى لاعاد اتلد = محد(ن)ينبش على احزانه