شاعر وعاقل ومتأني = معروف من خيرة الرواد
ترحيب ليته يجملني = ياحرف قايد ولا ينقاد
لك وسم باين على المجني = اللي مع الجاني القواد
ياللي على النايفة عني = مصيود لو يحسب إنه صاد

ترجيب ماله عدد مني = ثابي فلين الزمن وشداد
اللي على الطيب لازمني = له الوفا عادت المعتاد
ومنهو سرق شعرمتدني = ماله عندالعرب مقعاد
واجبك تعفوعنه مني = عسى بعدها معاد يعاد

ابوفرح=
عاجل لاهل الوفا منـي = اللي لهم فالصفا ميـراد
سلام مرسـول واثنـي = قولي للأعضاء والرواد
اللي لفى الدار ويغنـي = كل يوم يلبس ثياب جداد
سارق احاسيس من فني = وش رايكم فيه ياالاجواد
خالداللهيبي=
ترحيـب ينصـاك متعنـي = يامن بجزل المعانـي جـاد
واللي على الشعر متجنـي = مرصود بالحرف والاعـداد
جاهـل ولا يعـرف القنـي = ولاهو كما حضرة الاستـاد
خليه فـي وضـع متدنـي = وعن حاله ان مانقص مازاد
البحتري=
عسى حروفي توصلني = يم الـذي للصفـا وراد
ترحيب واسجله عنـي = يامن علينا بحرفه جـاد
هذا فعقلـه خلـل فنـي = مفصول خطه من العداد
جاني على النفس متجني = ماله فدار الوفـا مقعـاد
البيرق المنصور=
عاجل ولا جيت متونـي = اسرع من البرق والرعاد
يامرحبا بك يا متعنـي = للحرف والنقد والفقـاد
وعن الذي قلت يسرقني = ماحد يجهل ثمود وعـاد
واليا صدفناها متجنـي = ياخذ نصيبه من الجـلاد
وليف الشوق=
ترحيب بالهيل والبنـي = والطيب لابوفرح يـزداد
يالمشتكي جاي متعنـي = ابشربسعدك على المعتاد
اللي سرق شعرمتدنـي = والشعرمثبت عليه شهاد
يحكم على قص يدنـي = ويصيرعبره معاد يعـاد
فايزالمحيسن=
ترحيب فالمذهب السنـي = بالطيب لهل الوفا تـزداد
وياابو فرح ليه تستنـي = لا صار نفس الخطا ينعاد
واجب تخبر عن الجنـي = وماعاد يرجع لنا ماعـاد
بخيتان البشري=
شاعـر وعاقـل ومتأنـي = معروف من خيرة الـرواد
ترحيـب ليتـه يجملنـي = ياحـرف قايـد ولا ينقـاد
لك وسم باين على المجني = اللي مع الجانـي القـواد
ياللي على النايفـة عنـي = مصيود لو يحسب إنه صاد
اسيرالغرام=
ترجيب ماله عدد منـي = ثابي فلين الزمن وشداد
اللي على الطيب لازمني = له الوفا عادت المعتـاد
ومنهو سرق شعرمتدني = ماله عندالعرب مقعـاد
واجبك تعفوعنه منـي = عسى بعدها معاد يعـاد

ماشاء الله عليك يابو فرح
سويت زحمة من جد
:0746:
.
بس زحمة تستاهل الواحد يتفرج عليها
:0746:
.
صح لسانك ولسان الاخوان
والسارق وينه بس وازهلها
.
(smok)
.