قابل البشري =
اسمع ندى الشوق والاشواق=رحـب وبقدومنـا حـيـا
و يقول يا معشر العشـاق=هيـا بـنـا للهوى هـيـا
نبض الوجود=
الفل والورد لك ينسـاق=مرشوش بالعطر والميّا
مع نفحة الشوق يامشتاق=كتـاب يوصلـك وديّـا
قابل البشري =
يا كامل الزيـن يـاذواق=مالـك مشابـه ولاز يـا
حالي بدونك تعب وارهاق=لانـي بميـت ولاحـيـا
نبض الوجود=
ماتحرق الشمس بالإشراق=وان عَمْـدت دوْرّ الفيّـا
لاطب عندي ولا تريـاق=وانته عن العشق منهيّـا
قابل البشري=
حبك سكن داخل الاعماق=ولا جيت بطلعه00 عيـا
كلما غفا من سباته00 فاق=حتى طوى خافقي00 طيا
نبض الوجود=
الحب له نـار ماتنطـاق=تكويّ فـؤاد الفتـى كيّـا
وقلبي معه شَطْب الأوراق=وماعـاد للحـب يتهيّـأ
قابل البشري=
دمعي تحدر من الاحداق =حتى شوى وجنتي شيا
والروح مني على مغلاق= ولاشفت من يمكم شيا
نبض الوجود=
اللّي على الطيّبه سبْـاق=راضي مع الناس مرضيّا
داري على دمعك الرقراق=لايحْرِمْ عيونـك الضيّـا
قابل البشري=
علقت قلبي على معـلاق=وقطعت عن عرقه الريا
ووقفتني فوق عظم وساق=لارشد صبتـه ولاغيـا
نبض الوجود=
تقفلت عنـدي الاخـلاق=واصبحت جاني ومجنيـا
ماعاد لي في الفضا براق=قفلـت الابـواب كلـيّـا

ابدعت فالقول ياقابل= والنبض بالشعرموجوده
ومن ميز الحرف يستاهل =الختم من لجنة الجوده