لاإتصال ولارساله ! شي غريب=عادتك لبطيت تبعث لي رسالـه
أو تكـرّم بإتصالـك يالحبيـب=مادريت إنّي رخيص بكل حالـه
جيت أكلّم قلت:يمكـن ماتجيـب=سالي ٍ عنّي وبالمجـلاس دالـه
لو يطيب الوقت وإلا ما يطيـب=خابر ٍ إنّه فيك ما تبقى جمالـه
فوق رقمي حط ياعمري صليب=معك صبر القلب ضيعت إحتماله
الله أكبـر يازمانـي والنّصيـب=كيف صار الحلو تال الوقت ماله
كل شمس ٍ مشرقه لازم تغيـب=تحت قدرة واحد ٍ جـل ّ جلالـه
الليالي طبعهـا دايـم عجيـب=كم صبي ٍ كدّرت بالشّيـن بالـه
ما توفّـر لا بعيـد ولا قريـب=من صفت له يوم يومين تعباله
بالمثل كد قيل:وش كاد المريـب=وينكم ؟ ياأهل المواقف والشّكاله
للمحبّه عندكم مـا بـه طبيـب=والجواب اللي وصل بالإستحاله
يالله إني طالبك وأنت المجيـب=رحمتك باللي توجّه لك سؤالـه