يابن آدم اسعى لدرب الخير=ما دمت تحت الثري للدود
حذراك تمشي بعكس السير=العمر مهما مدى معـدود

حزين أشكي الـم بلـواي=وسط الورق طاحت الدمعه
يا ناس من يستمع شكواي=يبكي من السبت للجمعـه

في مسلسل الليل و العشاق=قصة أسى عشتها البـارح
أبطالها العيـن و الخفّـاق=و اخراجها خلي الجـارح

ســـلام مــرفــوق بالـتـقـريـر=عـن حالـة القـلـب و أخـبـاره
عن ما مضـى صابـه التغييـر=دايــر عـلــى حـــال مـــا داره
ترحيـب عجـل لـنـا التفسـيـر=والوضـع بـيـن لـنـا اســراره
اللي حصـل لـه مـع التطويـر=والا الـهـوى أخـلـف عـيــاره
عـسـى البـقـا يـاهـل التقـديـر=و القلـب بـايـح لــك أخـطـاره
اللـي معـه مـأسـس التعمـيـر=أقــفــى و لا قــــدّم أعـــــذاره
مـادام مـا فـي الأمــر تخيـيـر=تـاخــذ بـالاسـبـاب واقــــداره
وافعالـك اصـدق مـن التعبيـر=فيـهـا غنـاتـك عـــن افـكــاره
القـلـب مـــا يـقـبـل التـبـريـر=و ريـم الفـلا معـلـق اشـعـاره
دايـم بعكـس الطـريـق يسـيـر=لولا الهوى ما أطلب احضاره
لظبـي الفيافـي طريـقـة غـيـر=راقـــب سـلـوكــه ومـعـيــاره
وامشي معه لو بعكس السير=تلقى الوصـل حسـب منظـاره
أتـعـبـنـي الــــود بالـتـفـكـيـر=و بـان الأسـى و بانـت أثـاره
عطنـي الافــادة مــع التدبـيـر=لا خـالـف النـهـج بـاصــراره
إن كـان مـا يسمـع التبصـيـر=ومـعــارض الـنـهــج تــيــاره
لْخُضْـرَ الدِّمَـن فالنظـر تأثـيـر=أبــعــد ولا تــغــرك ازهــــاره
تلـقـى بـديـلـه مـــع التـنـويـر=تنـبـع مــن الـطـيـب أنـهــاره
منهـجـك مــا يقـبـل التغـريـر=مثـل الـذهـب صـافـي عـيـاره

أنظر و غيـري كمايـه شـاف=اللـي كسبتـه بطيـب الـذات
نلـت الشهـاده و بالانـصـاف=و أصبحت مشرف على الكسرات
شلت الأمانه على الآكتاف=والحمل نايب علينا عات
لازلت طالب أخط الكـاف=وأنت معلم كريم اصفـات
اللـي تمكـن مـن الأعـراف=والساس من عالي الأبيات
يبقى طبيعي على مشـراف=مثبوت هـذا علـى مـا فـات
مبروك يالصاحب العرّاف=سهرت في الملتقى ليلات
حصلت عالفوز بالإشراف=نتيجـة الجهـد والـجـولات

قلبـي دفنتـه بعـد فرقـاه=و الحب مـا عـاد يعنينـي
أعيش و أبقى على ذكـراه=مـا دام ذكـراه تحييـنـي
قلبي فصـدري يلـج ابكـاه=من حالكـم قـام يشقينـي
منا الموسا علـى المأسـاه=ياليـت برضـاك تنبيـنـي
لا تلومنـي لا زفـرت الآه=من حالتي الصبر يدعينـي
حكم القدر ما عنـه منجـاه=و اللي مـن الله بيرضينـي
الـود قبلـك تـرى جينـاه=ومن مر كاسـه مجرعنـي
وأنا مجـرب وعنـدي دواه=لكـن قبـل الـدوا زدنـي
اللـي أوده تـرك دنـيـاه=وفرقـاه بالحيـل معمينـي
أنده و أزيـد النـدا بانـداه=وأسمع صدى الصوت يلفيني
مادمت باقي فنهـج ارضـاه=يـزرع فقلبـك رياحيـنـي
أرضي أهاليه ومـن لاقـاه=وهـذي نهـوج المحبينـي

ما بين نظرة و همسة و لمس=و ما بين بسمة و دقة قلـب
عشتك هوى من نهار الأمس=يلين منهـا الحديـد الصلـب
مابين سهـم النظـر والهمـس=تـيـار مـوجـب وقلـبـك سـلـب
ظل القمر هو كسوف الشمس=ولطف الكهارب يذيب الصَّلب

لا تبني آمـال مجهولـه=و ترميك في عالم النسيان
خـل التفاكيـر معقولـه=و تنول من فكرتك بستان

وا حظي اللـي متعبنـي=تايه و لا لي معه عنوان
امن البلية ضحك سنـي=من شافني ظنني فرحان
لاتشكي الضرس وتوني=تزعل ترى باقي الأسنان
والحظ مكتـوب بالقنـي=وموزعه خالق الأنسان

سمعت صوت الكمان و صحت=و أبكيت كل البشـر حولـي
الاّ الذي في غرامـه طحـت=طربان و يقـول غنـولـي