|
[’][ ياراكب اللي من حفيزات جده ][’]
ياراكب اللي من حفيزات جده = يسري ويصبح في حدود القصيمي حتى عن الربع الموالين عده = عده لابو هزاع عوق الخصيمي نايف ولدى هزاع لطام ضده = واللي يجي باسلوب عنده حشيمي يسوقني يمه حنان وموده = وانا ماني روقي ولاني عصيمي لازم ليا جيته كتابي تمده = ولاتصيربالهرجه سبوق وغشيمي يكفيك مابا لخط واحذر تحده = على سوالً مايجيبه حكيمي اما احرجه والا بعد عنك لده = خطو السوال اللي ماهومستقيمي اسكت ترى المكتوب ينبي بسده = يبلغ هو اكثر منك بأقصى الصميمي الا ليا قالوا تسلم مرده = خلك عليه بالرسالة هميمي عجل ترى قلبي همومه تقده = قد السريح لمٌريات الهشيمي نبا السوالف بيننا مستمده = وانا ترى ماني لنايف زعيمي القاف يانايف عسرني مشده = وانا يابو هزاع توي عليمي وردت بير ولا معي زود عده = خطرٍ عليها الضوامي تحيمي اجنب المعنى الذي فيه صده = وادور المعنى الجليل الضخيمي ماني وانا ابوحمود عضاض بده = لاموذيٍ جاري ولااوذي رحيمي ماحب هرج الناس هاته ووده = الناس مني سالمين وسليمي أنشدك عن ورعاً وطى أبوه خده = حيثك حكيم وللمعاني فهيمي ابوه ليا طالت رقبته يجده = جد الغروس ايام وقت الصريمي ورعاً يكد أبوه وأبوه كده = وترى ماهو من والدينه يتيمي أمه ليا راحت ترى أبوه هده = حيث انها راحت لدربٍ وهيمي وليا فارق أبوه التوى تقل قده = لو هو بحضن أمه حياته تضيمي الشاعر/ عبـــــــدالعــــزيز حمود أبالـــــــــعون / رحمه الله |
[’][ يا مل قلبٍ ما يبطل نزاعه ][’]
يامل قلبٍ مايبطل نزاعه = من يوم تطلع غرة الشمس وتغيب نوبٍ يسيح ونوب يكفخ شراعه = ذيبٍ على الراعي يشن المهازيب يلعب به الهاجوس والهم لاعه = كما يلوع الجول جثل المخاليب أبيض نحر كن المساعد ذراعه = مضراب مخلابه يفوق المضاريب كني غريقً بين جمه وقاعه = يبا الطلوع ولا حصل له مقاضيب لولاي اوسع خاطري بالقناعه = وأدله ليا عديت روس المراقيب براس الطويل اللي سمك ارتفاعه = أدله وعني يبردن اللواهيب يابن جهيم شان سوق البضاعه = بارت وانا محتاج حاجة معازيب بارت وانا محتاج دون الطماعه = ياليت راس المال ما من مكاسيب وانته حكيم ومن خيار الجماعه = من جاك ما يشناك يامنقع الطيب فيك الحموه والكرم والشجاعه = وأضن مابك غير ذولي عذاريب عندي ولا ليه وراها شفاعه = والناس مالي من وراهم مطاليب مبر اتوسع بالتماثيل ساعه = ورزقي على اللي بالدجا يرزق الذيب ماني بمن يقصر عن الجم باعه = ليا وردو عدٍ طويل المجاذيب اخذ حساب رشاي قبل انقطاعه = ماني من اللي يشربون المغاريب واليا اعترض ربعي خطاة اللعاعه = العب ليا بانوا حضوف اللواعيب أنا وأنا ابو حمود ماني زعاعه = ولاني على ربعي قريب محاظيب العب مع الجاهل بعطف ووراعه = والعاقل أفي له بكل المواجيب من حال ولا حال في انجضاعه = ما تصفي الدنيا بليا غثاريب الشاعر/ عبــــــــدالعـــــــزيز حمـــــــــــود أبالـــــعـــــون رحمه الله |
بسم الله الرحمن الرحيم
السلام عليكم ورحمة الله وبركاته هذه القصيدة قالها الشاعر محمد بن عبدالرحمن أبو نيان في مدح الشاعر الكبير عبدالعزيز بن حمود أبالعون رحمه الله تعالى
سريت بأفكاري على حلم مشحون = بالعاطفه فكري سرى في سبيله ساعة سمعت أشعار عذبات ولحون = من شاعرٍ بالشعر يندر مثيله مثايلٍ فيها تعابير وفنون = وسحر البيان من المعان الجميله نظم الحكيم اللي نظمها بقانون = بجزل البيوت اللي وفاها بكيله نظمٍ كما عقد الدرر فوق مزيون = بعنق الهنوف أم الرموش الظليله من قول أبو خالد فتى الجود أبالعون = مثايلٍ والصدق فيها دليله ونويت أعبر له وأنا منه ممنون = وأرفع له التقدير بأية وسيله أما اتصل به واشكره بالتلفون = أو اصله باللي جديدٍ مديله وأعطيه تعبيرٍ على قاف موزون = لو بان نقصه ما معي فيه حيله جهدي وأنا بالشعر والناس يدرون = مواهبي في غوص بحره قليلهه وكتبت من قلبٍ به الهم مشطون = مما جرى شال الحمول الثقيله يوم انبرا بالهذر ناسٍ يشطون = تنابحوا مثل الكلاب الهميله على القبيلة بالقصايد يقولون = بالهرج كلٍ قام ينفض خصيله ومقدارنا عنهم محشم ومصيون = والهرج فينا ما ينقد مقيله لاشك زاد وفيه قاموا يعيلون = وحنا نجازي كل عايل بعيله وربعي على رد البرا ما يكلون = واللي بدا نجزاه والله وكيله نردع بصدق القول جمله ومشمون = بذكر الحقايق بالبيوت الجزيله وهم على غط الثنا حيل يمشون = بالكذب ينفون الفعول الجليله لين إن أبو خالد ربط كل مجنون = وطى جلود الجرب وأوقف قبيله وأهوى كما حرٍ على الصيد مفتون = شاف الحباري في فياض خميله ضربه عطب مابه تشاكيك وظنون = ذباح ما طالع بضربٍ يزيله رج الهدف في مدفعٍ يرهج الكون = وصاروخ عابر للخطوط الطويله ومدمره للخصم شرٍ وطاعون = لين انها راحت عليهم سحيله وقذايفٍ في رميها الموت مرهون = خلت خصومه تنخضع له ذليله وعقب الهدير اقفوا عن الدرب يرغون = متحملينٍ للخزى والفشيله مشكور يا من ما رضى موقف الهون = وسخر لسانه سيف دون القبيله سيفٍ على اللي شايلٍ حقد مكنون = غلٍ قديم وسط قلبه يشيله على قبيلة حرب حاقد ومغبون = وبالهرج عن ما فات يبرد غليله يحط له بالكذب وقفات وركون = يوم إنها في وقتها مستحيله ينسى خيالٍ به موارات وشجون = هروج ناقصة العقول الهبيله يرجي ومن حوله برجوه يرجون = طمس الحفايق بالهروج الطويله والفعل ما يمحاه هراجة الدون = لو ظل يحكي في نهاره وليله أفعالنا سفرٍ مخلد ومصيون = سفرٍ سطرنا فيه تاريخ جيله ملامحمٍ فيها العرب دوم يوحون = ومواقفٍ عند الملاقى مهيله فيها نسطر علم ثابت ومضمون = وأقلامنا حدب السيوف الصقيله نكتب بها يوم اللقاء بأحمر اللون = وأوراقها مسكان من ننتوي له والحرف قبر الضد بالخد مدفون = وقبور الأعداء للكتابة وسيله يوم إن حرب تشن كونٍ بأثر كون = والضد تاطى في حماه وتشيله على سروج الخيل ساعة يغيرون = مركاضهم سحم الذياب تعني له يردون حوض الموت له ما يهابون = على المهار السابقة والاصيله كم شيخ قومٍ قدمهم طاح مطعون = من عقب قو الباس حدر النثيله عونا لو له دفاعات وحصون = من خوفنا تسهر عيونه بليله افعال شاهدها بها دوم مقرون = ما هي سواليف النفوس العليله يشهد بها التاريخ والناس يقرون = غصبٍ على اللي الحق قيله يوم الجزيرة دون شرعٍ وقانون = لنا بها عبر السنين الطويله واليوم أمان وراعي الشر مسجون = بالشرع والمظلوم حقه يجي له بحكم السعود اللي على الضد يسطون = للشعب ريف وللعدا حنظليله حكامنا اللي بالشريعة يحكمون = حكم العدالة ما ندور بدبله وتم الجواب ومثلكم لي يعذرون = واللي قصر جودك يكمل حصيله واقبل سلامي يا حمى كل مشطون = بأخر كلامي يا مزبن دخيله وصلاة ربي عد ما دار بالكون = من النجوم وعد وبل المخيله على النبي ما غرد الطير بلحون = وما ورد من جول القطا للثميله الشاعر/ محمد عبدالرحمن أبو نيان |
بسم الله الرحمن الرحيم
السلام عليكم ورحمة الله وبركاته هذه القصيدة قالها الشاعر محمد بن جلوي العمري رحمه الله تعالى في مدح الشاعر الكبير عبدالعزيز بن حمود أبالعون رحمه الله تعالى
ودك ليا منه حداك الزماني = وأوجست من عمسات الأيام زله شد القسا ما فيه عودٍ لياني = حس الرعود وخدها ما يبله اعنز على اللي أصل المودماني = ربٍ يشد دقاق سلكه وجله محيي هشيمٍ باليًُ ديدماني = وخلقٍ تحت صم الصخر معتنٍ له ماله شريك بقرّة الملك ثاني = صفات الاسماء الكامله يوصفن له واحكم على شيءٍ تشوفه عياني = ما ذكر إلا له طريقٍ يدله ليا بار سوق مكثرين التماني = ما فيهم اللي يلحق الساق ظله عليك في راس الطويل البياني = شوفك على جرد الصحاري يطله هذاك أبو خالد عريب المجاني = عبدالعزيز وبعض الأصحاب خله راعي هلا بقدوم ربعٍ عواني = بيته له دوحٍ يهف الأضله خسار جزلات الشحم بالصياني = كساب طيب السامعه مسهمٍ له فعله على الأدنين عطف وحناني = وإلا على كبد العدو ساس عله يوم المخايل خيلت بدهلاني = له سجلت بحروف صحف المجله ما صد وادبح واتقى بالطماني = عنها رمى في برقع الذل كله لو كان ما خصمه ذليلٍ جباني = عليه مرقاب الطويل استحله أمسى يعد اقدوم عشره ثماني = عض الاباهم والضماير مخله عقب الصعب شد الرحل مرجعاني = ذب الطريق وشدها جايزٍ له فعلٍ على كبدي شرابه هناني = من فعل أبو خالد وأنا مثنيٍ له له يرفعن بعاليات المباني = بيضٍ على قد البدن فصلن له لو ما زهاهن ما عطنه ضماني = لكن عشقهن عاشقه واعشقن له هبة هبوبه بالزباد العماني = بقدوم غرات الشهر والأهله الطيب يأبن حمود سر وعلاني = يقبل لك وأنته في منازل محله يا من توفر به جميع المعاني = ومناكبه شيل الثقيل يرتكن له بالطيب له عند العوارف مكاني = والا الردي مالك صله فيه لله ماله معك شبرٍ طويلٍ وداني = ولا مرقبك بالنايفه مرقبٍ له ما يوصف الدفله على الزعفراني = واضح دليلي والفاهمين حله ما قلتها قصدي بها مرزقاني = مقصود شيٍء باحتيال استغله عسى نوادر طلعها سيسباني = دنيا تجي وأطرافها مستشله لاشك طبعي يوم ربي هداني = ليه على عد الحقيقه جبله عبرت عن شيٍ دليله كفاني = فأبيات أهاضن خافقي واعرضن له الشاعر / محمد بن جلوي الخضراني العمري ،،، رحمه الله |
بسم الله الرحمن الرحيم
السلام عليكم ورحمة الله وبركاته هذه القصيدة قالها الشاعر/ذياب بن دغيم السليمي الحربي في مدح الشاعر الكبير عبدالعزيز بن حمود أبالعون رحمه الله تعالى ...
أشرفت في عالي طويل المراقيب = وأخذت لي في عالي الرجم ساعة سجلت من فكري جديد الهناديب = قيلٍ على المعنى يفيد استماعه وقيلٍ بلا معنى على صاحبه عيب = ليته سكت ما قدمه للإذاعه من لا شرب بالكف صافي المشاريب = خسران ما يارد على الجم باعه تقصر يمينه عن طوال المجاذيب = حيثه عن الزلات ما به قناعه وهرجه بعرض الناس حش العراقيب = لو هو لبس من زود عيبه قناعه تضحك به الدنيا بسن التعاجيب = ليما رمته ونشنا وسط قاعه لو قال ماله سامع الصوت ومجيب = ما فات مات ولا قدر برتجاعه بقعاء عليه تصك عوج الكلاليب = ولجة عليه الجايعة من اسباعه كم واحدٍ لو شفت به شامط الشيب = يمشي على دربٍ يسبب ضياعه واستثني الطيب حصان الأطاليب = على الثناء والمجد يرفع شراعه تلقى ببيته فاتلين الأشانيب = حيثه ركز قدام كل الجماعه دايم يقدم للضيوف التراحيب = والنار يجذب من بعيدٍ شعاعه تلقى عليا دلال صفرٍ محاديب = واقتادهن يشرى بغالي البضاعه وحيلٍ تقلط بالليال الشلاهيب = يشبع بها من كان يوجس مجاعه يا نجل عودٍ يتعب الفطر الشيب = ويبني بيوتٍ شامخاتٍ ارباعه ذعار السبايا خلف حرش العراقيب = كم فارسٍ جاء في جواده اقلاعه يثني ورى حم الذرى شمخ النيب = ليما العدو يعيف كسب الطماعه عساه ما يوجس سموم اللواهيب = في جاه من نسجد رضاً له وطاعه لو راح عقب واحدٍ يفعل الطيب = ذيبٍ ينومس في فعايل ذراعه عقبك يا شبلٍ تسد المواجيب = وصاك بالعليا وصنت الوداعه قرمٍ تفك مبهمات اللواليب = نطاح سفرين الوجيه ابراعه حرٍ مضاريبه تفوق المضاريب = مضراب مخاليبه بها سم ساعه وجهتها لك يا زبون المناجيب = عبدالعزيز اللي فعوله شجاعه من روس قومٍ ينطحون المراكيب = يثنون لو زاد العدا بالقطاعه ياما رموا شيخ العدو لأشهب الذيب = عيد عليه الطير وسحم الضباعه من ضربهم يبكن عليه الرعابيب = حيثه ثنى من دونهن في دفاعه لأشك عاقوه الرماه المعاطيب = عدوهم لو يوجس المر زاعه سربة مراوينٍ تفك النشاشيب = بانين بيت المجد بأعلى الرفاعة تم الكلام اللي ذكرته بترتيب = عبرت بالمجهود قدر استطاعه وأرجو السموحه كان بالقيل تنقيب = حيث إن توي باديٍ بالصناعه وإعداد ما خط القلم بالمكاتيب = صّلوا على محمد بشير الشفاعه الشاعر/ذياب بن دغيم السليمي الحربي |
بسم الله الرحمن الرحيم
السلام عليكم ورحمة الله وبركاته هذه القصيدة قالها الشاعر / محمد بن جلوي الخضراني الحربي رحمه الله في مدح الشاعر العلم عبدالعزيز بن حمود أبالعون رحمه الله ...
مني لأبا العون المزيني تنصاه = بيضاء على روس الطويله علمها إعداد ما فاضت على جزرها ماه = وإعداد صحفٍ سجلت من قلمها وإعداد ما نفسٍ شقيه تمناه = ما دام يذري في جسدها نسمها بالطيب دايني وأنا حقٍ أجزاه = ومن لا جزاء بالطيب نفسه ظلمها لو كان عني مشبعه كسب يمناه = كم كسبةٍ غرا نصيبه وسمها ما جات له من بعض الأصحاب مهداه = مدة بخيل يمدها ويخصمها حرٍ ليا صلط على الجول مدلاه = كم جزلةٍ مخلاب كفه قسمها ذباح ما وقع وما طار يفداه = كم خارمٍ لحق الطلق في عدمها حر على وكره قبولٍ محياه = له ميزةٍ عند الفهيم افتهمها طير الفلاح ليا ذكرنا مزاياه = تمسي العيون الحاسده في سقمها له مرقبٍ يصعب على النذل مرقاه = عسر المراقي لو عزم ما عزمها عليه ملاقاب الطويله تعلاه = عبدالعزيز الطيبات اغتنمها قولة هلا هذا طريقٍ تبناه = وهبة كريمٍ في جبينه وسمها ذباح حيلٍ بالمتاجر مرباه = وقت الليال اللي قليلٍ دسمها للضيف واللي زايرٍ من دناياه = عنده حشيم النفس يكثر حشمها بالطيب ما يلحق على حد قصياه = تنفذ يمينه مدها من كرمها وليا تحدا له عنيدٍ تحداه = جسرٍ على نفسٍ بغية لطمها بّتاع بالودٍ راع الصنف سواه = يذكر ورى جاوه يصبه عجمها عسى الدهر وحتوف بقعاء تعداه = ونفسه على الكايد يدوس بقدمها تعطيه حلوات الليالي مصفاه = وأبوابها مع كل فج استلمها أبمدح الطيب على ضوء طرياه = وحق النفوس الطيبه نحترمها وإلا الردي ما أجيب سيرة حلاياه = بقليط لو دنياه يكثر خدمها لا قرب الله يا فتى الجود لاماه = حيث إن مرالحنظله من طعمها هذا البيان اللي بالأنظار شفناه = وأفكارنا خرس الدجا ما نجمها وضحت من قولي تواصيف معناه = من فاهمٍ كثر التجارب دعمها مني هديه للمزينـي مكـافـاه = حقٍ علينا لزمـةٍ مـن لزمهـا نطلع ثنا طيبٍ بيانه شهـد نـاه = تقبل بها نفسٍ ونفـس تهزمهـا من هاجسٍ دولاب الأ فكار سواه = وعيبٍ على اللي حجته ما حكمها الطيب مشتل ساس غرسه ومبناه = أبوه مشهـود الفعايـل سهمهـا حمود ما يلحق مصابيح مسـراه = المعجزات السود عزمه جزمهـا بالحاكم اللي سو الأيام فا جـاه = عليه مرفوع السواقـف هدمهـا غابت نجومه في هاك اليوم لولاه = يوم أبهمت عجم الزناجل برمها ضَلى عتيقً للمزينـي بحسنـاه = وأذراه من لفح السموم ورحمهـا ابنه على معروف أبالعون وصاه = وصيةً شـد العهـد منتضمهـا هذا البيان اللي صحيحه سمعناه = والناس ماتجلب رخيصه ذممهـا قولٍ يقولونه هل العـرف قلنـاه = والطيبه ما يؤجر اللـي كتمهـا وختامها بأول كلامي وبأ تـلاه = بأزكى صلاةٍ للرسول نختمهـا الشاعر/ محمد بن جلوي الخضراني العمري / رحمه الله |
بسم الله الرحمن الرحيم
السلام عليكم ورحمة الله وبركاته قصيدة قالها الشاعر / محمد العمري رحمه الله في مدح الشاعر العلم عبدالعزيز أبالعون رحمه الله ...
يا طير سلم لي ليا جيت أبالعون = يعرف محله بينٍ بالقصيمي في مجلسه عصم الشوارب يرودون = فعلٍ تبنى منهجه من قديمي بلغ تحياتي وأنا منك ممنون = عسى مطيرك بالجناح السليمي إعداد ما لبوا حجيجٍ يطوفون = وحرك غصون الراك هب النسيمي وأحلى من الصافي عن اللمس مصيون = سلسال نحلٍ بالخلايا نجيمي يرضون وإلا على غير يرضون = له عندنا منزال قدرٍ حشيمي مير اقهرن يا سبق الحصن بالهون = نزله على عذب المشارب مقيمي اللي مواقيفه لها الناس يدرون = يوم استخال خيال سحبٍ وديمي ما قال يا فزع المناعير تكفون = باسه على دوس المعارك غريمي عقب الرجال اللي على الفعل يافون = أسلافهم لا خلافهم بتعليمي دفانة الركبة ضحى جضة الكون = عاده يمنّى ضدهم بالهزيمي عقب اللقاء بمرهفة كل مسنون = يا ما تقسم بينهم من وسيمي واليوم أمان وخادم إبليس ملعون = على الشريعة حكمنا مستقيمي حكم السعود اللي على الحق يمشون = في عهدهم ما ساد حزن اليتيمي عطيت نبذه والعوارف يعرفون = ما يلتبس بأسلوب صنعه غشيمي غرايبٍ من دولب الفكر مازون = ولاني على الدنيا الوحيد الفهيمي أقول وأهل الصنف مثلي يقولون = كم شاعرٍ بأسلوب شعره حكيمي الشاعر/ محمد العمري ،،،، رحمه الله |
[’][ والله يالولا الله فزع لي بــ أبالعون ][’]
بسم الله الرحمن الرحيم
السلام عليكم ورحمة الله وبركاته هذه القصيدة قالها الشاعر/ سعود بن دعيع الزغيبي الحربي في مدح ورد ثناء للشاعر عبدالعزيز أبالعون رحمه الله ...
سميت بأسم اللي بدا الكاف والنون = ما بين كاف ونون والعلم تمه الخير اللي له عباده يصلون = اللي شمل فضله على كل الأمه مادام عبده حي والرزق مضمون = متكفلٍ به حين بالرحم ضمه هو ما ينام وكل خلقه ينامون = وأرحم من الوالد لطفلٍ يزمه البارحة جتني هواجيس وشطون = النوم لا يمي ولاني بيمه هاجوس ما ودي به الناس يدرون = لو ما قرب درب الردى والمذمه والعين كن بوسطها شب وفنون = صقطات لقطاتٍ على الكبد سمه يا فاعل المعروف بالنذل مغبون = يمكن يجي مع الضعف ضعف ذمه الطيب بالنذال يغسل بصابون = خسران كنه جادعه بالمقمّه من ينكر المعروف والطيب ملعون = لا تامنه لو شفت فوقه معمّه والظن ما عرضه مع الناس مصيون = إليا طرى طاريه كلٍ يزمه اسلاف واتلافٍ على غير قانون = ضاعت عساه يضيع بالقار دمه حتى يتذكر جور الأيام وشلون = ويعرف عقب الجور خاله وعمّه يا ناصرٍ موسى على جند فرعون = تقبل دعاء اللي ضربته مستشمّه عزاه يا صدرٍ من الهم مشحون = أجاحد همومٍ بصدري تخمّه ضاعت هجوسي بين صاحي ومجنون = أحدٍ يحفر البير وأحدٍ يدمّه تميت خمس سنين صابر على الهون = مع مومسنٍ كني غريقنٍ بجمه والله ومر رجلٍ به الجود مضمون = عبدالعزيز حمود بألاسم سمه وابديت لـ أبن حمود ما كان مكنون = والخير واجد مار أنا كيف ألمه والله يا لولا الله فزع لي بـ أبالعون = لا غاص بي ناب الدهر رحت يمه لا قلت يا أبن حمود يقول ممنون = لا صار ياجد لا زمي ما يهمه يفداه عفنٍ لو ملك مال قارون = ما يكسب الحسنى ولا بـ أبن عمه والا أبو خالد له رجالٍ يقرون = تنشر له البيضاء على راس قمة الله يفرج له من الكرب والهون = اللي فرج كرب الزغيبي وهمه في جاه من خلقه ببيته يلبون = يرحم أبوه حمود ويعافي أمه إلا ومع ذالك ستيرٍ ومأمون = ما يعمي عيونك بلفحات كمه أنا غني ما ودي الناس يدرون = يضحك عليّ اللي ديونه مطمّه الشاعر/ سعود دعيع الزغيبي الحربي |
[’][ دفانة الركبه ][’]
.يا منيف قلبي فيـه مثـل الدبابيـس = قامـن يغـزنـه بثـومـة فــوادي الله مـن قلـبٍ بحكـم الهواجـيـس = لو جيت اعـدل فيـه صارارتيـادي ليه علـى غـرات قلبـي جواسيـس = افهـم مراميعـه ويفـهـم مــرادي ماني وانا ابو حمود تيسٍ ولـد تيـس = اللـي علـى السكيـن باذنـه يقـادي انـا ليـا كثـرت علـى الوساويـس = ليـه علـى زيـن المثايـل مبـادي ليه علـى زيـن المثايـل مراويـس = واليـا بغيـت اقـول مانـي بغـادي ابمـدح الممـدوح واخلـي الهـيـس = اللـي ليـا سمعـوه قالـو وكــادي الشيخ يـا نايـف سلايـل طعيميـس = هـو الأميـر وخـل عنـك الـدوادي هو الأميـر وخـل عنـك الهراميـس = شيخ الشيوخ اللـي يعـزل السـوادي اللي يطش الراس والغمـر والكيـس = بالنار لو حـده مـن الوقـت حـادي ما يذبـح الا البـل كبـار النسانيـس = تلـع الرقـاب مفتـلات العـضـادي اللـي بزورونـه ولات المحابـيـس = درع الدروع اللـي حلاقـه جـدادي وادي الرمه ماهـو بـوادي بليعيـس = اللـي يدقـن بــه ثمانـيـن وادي والـدر والمحـار عنـد الغطاطيـس = ولا كل من غاص البحـور استفـادي ولا كـل رجـالٍ براسـه حواسيـس = ولاكـل تلمـيـذٍ تعـلـم اسـتـاذي ولا كـل رمـايٍ يجيـد الملامـيـس = ولا كل من يركض ورى الصيد صادي ولا يأمن الخايف من الخوف وينيـس = وحتيش لو انـه فـي محـلٍ بـرادي ما يدفـي البـردان كثـر الهداريـس = الهمـل يـا نايـف ليـا بـاد بـادي والنـاس فيهـم طيبيـن وهلابـيـس = هذا على مـا قيـل حسـب اعتقـادي والماء على مجراه يمشي ليـا ريـس = الا ليـا عـارض طريقـه سـنـادي والهرج مـا تجـر رجـالٍ مفاليـس = والكذب مـا ينفـع خطـاة الربـادي يقول انا سيست مـن غيـر تأسيـس = والسـاس فاسـد والمسيـس فسـادي اللـي كبارتهـم كبـارة نحاحـيـس = كبارالنـفـوس قليلـيـن الـرشـادي عيال الشيـوخ مجدعيـن الملابيـس = لاشـك مـا بالنـار غيـر السمـادي تـرآي اخـص الخايبيـن الدنافيـس = واقصر عن اللي يفصمون العضـادي واحيسفي ليـت السوالـف مراميـس = اضنـي انساهـن ويبـرى جـوادي اللـي ليـا كثـرت علـي اللواليـس = يجلى صدا كبـدي نهـار الطـرادي ليا صار يانيـاف ضلمـا وغطاليـس = طلعـت انـا وايـه روس الحمـادي ما ينوصف مثلـه بغيـره ليـا قيـس = حصان الطراد اللي عليـه اعتمـادي وحنا بوقت اليوم والا امـس لاابيـس = ناقـف علـى راس الطويلـه ننـادي دفانـة الركبـه سلايـل عويـويـس = اليا احتما بالكـون ضـرب الهنـادي البا اختلط حـس اللابيـس وابليـس = وغدا لهن عنـد الطريـح اجتـلادي عاداتنا يا منيـف كسـب النواميـس = سقم الحريب اللي على البوش عـادي نسوقهم بالكـون سـوق الحراسيـس = ونصيدهم صيـد العـرب للجـرادي نجيبهـا مـن روق والا السناعيـس = على القـدى والا علـى غيـر قـادي دايم ننكـس تاهيـه الـراي تنكيـس = دون البيـارق والركـايـب نـفـادي امر من صبـرٍ عليـه الحـزا ديـس = مـرٍ علـى كبـد العديـم ونـكـادي واحلى من العنقـود بيـن البرانيـس = ليا جابـه الخـراف وقـت الجـدادي حلوين مريـنٍ علـى راعـي الفيـس = ولنـا علـى كـل المياديـن نــادي واليـوم راحـت للقلـم والقراطيـس = والذيب هـو والشـاه يأكـل وهـادي بظلال أخو نـوره بعيـد المناطيـس = سبع السبـاع اللـي يشـق الثنـادي يرضـون والا يزعلـون العواسيـس = الكـل عينـه تهتـنـي بالـرقـادي تمت وانا مانـي حصـان الدويهيـس = اللـي عـن العنـان كظـم عمـادي والنار يـا نابـف بـروس المقابيـس = وانا ترايـه ضرمتـي مـن زنـادي [table1="width:70%;background-color:black;border:4px ridge burlywood;"] | [/table1]الشـــاعر / عــــــبدالعـــــزيــــز حمود أبالعــــــــــون . . . . . . رحمه الله |
[’][ الحر تكفيه الأشاره ][’]
يا محمد لو تعلمنا الحضاره = الشقا قبل الحضاره عارفينه اشهد اني ضقت من شوف العماره = وشوف سكان البلد ومواضفينه يا حلو شم الهواء في راس قاره = براس مشرافٍ ينومس مرقبينه تلعب الغربي براس كل تاره = من شمال ومن جنوب وعن يمينه بالربيع أو واصلٍ راسه خضاره = والزهر تلقاه موجودٍ بطينه مثل زل الروم يعجبنا جماره = والعرب قدام وصفي واصفينه شف قلبي شف نبته وانتشاره = كل فيضه صايره مثل الجنينه والسفر يبري عن الكبد الحراره = وشوف من لا تود يامحمد غبينه راكب اللي ما شرينا للتجاره = مشترينه للطلب ومكملينه كامل الاوصاف نمره واستماره = من شمال الرس عبا بالنزينه يوم دق السلف واستوصل شراره = كن نشناش المطر حس المكينه فيه من الصاروخ طلعه وانحداره = يوم يهوي كنه اهواي السفينه يلفي اللي منتوينه بالزياره = ما دعانا مار حنا منتوينه الأديب اللي على باب الوزاره = عبقريٍ كن عين الحر عينه ما جلس مثله راس الإداره = خص من باب الكويت اليا المدينه بالحموه والمروه والشطاره = لو بهم من تالي الأجواد عينه كل طيب له على القمه مناره = وكل دارٍ في عمالقها حصينه وكل راس فيه يالعطني نعاره = مار انا غنيت والفرصه ثمينه وامدح اللي زاد عنهم بالمهاره = امدحه والناس مثلي مادحينه ضابطٍ نفسه على عز ووقاره = والكرم والجود مرسوم بجبينه زايدٍ شبره على كل الشباره = يوم خطو اللاش نفسه ما تعينه كم ضعيف طلعه وانهى قراره = طلعه من بين ناسٍ حاسدينه طلعه بين الثعالب والسعاره = يوم سودان القلوب معقدينه ما بهم غير الهواله والقماره = والحسد ماجود مع مع شين الضغينه والحكومه من سوالفهم محاره = ذنبهم من بينهم متقاسمينه وان حصل بالقول مده وانكساره = العقول اللي مخاطبهم رزينه قلتها والحر تكفيه الأشاره = والكلام يسد عن كثره سمينه وأنت يا سليمان نمرٍ من نماره = من نسب عدنان وأصلك من مزينه ربعي اللي ينجحون بكل غاره = اهل التوحيد والشلفا السنينه والأ مانه والديانه والطهاره = عندهم يوم الموسوس كب دينه ينصرون الدنين ما فيهم غياره = فعلهم كل القبايل خابرينه وكل راسٍ فيه يالعطني نداره = ما نسب الناس والذمه رهينه قالها اللي يوم غنى باختياره = يدفعه دافع وفاء من طيب طينه يدفعه دافع وفاء ماهي جواره = يوم غنى بالتماثيل الحسينه [table1="width:70%;background-color:black;border:4px ridge burlywood;"] | [/table1]الشاعر / عبــدالعزيــز حمــود أبالــعون . . . . . . رحمه الله |
الساعة الآن 01:34 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir