|
|
|
|
|
يازياد بالدنيا بعيده أشبوحي=ماني من اللي نظرته عند ماطاه نفسي لفعل الطيب دايم طموحي=ودرب الردى من صغرنا مامشيناه بالدين والاخلاق هذبت روحي=ونبينا المختار نهجه نهجناه قلبي لصافين النوايا نصوحي=يوم ان بعض الناس سودٍ نواياه من الحسد والحقد قلبه يفوحي= فوح الدلال اللي علي الجمر مركاه لسرار خلق الله دايم فضوحي=اليا سمع في علم جابه ووداه ضاري على نبش الفتن والجروحي=ماله مع الاجواد حسنه بدنياه نفسه على هرج النميمه جموحي=بالمجتمع عسى قليله حلاياه مع العرب مثل السروق المزوحي=يالله لاتبلا الاجاويد بالواه |
عن شرهة العاقل وذم الرديين=وقولة قدى والاعلى غير قادي صديت عن بعض العلوم الملاوين=علوم للعاقل تعل الفوادي تناقلوها حاسدين وبغيضين=ماعندهم من علم غير الدوادي وانا رجل طبعي مع العسر واللين=ماحب في بعض العلوم التمادي ماهمني هرج الردي والمساكين=رجال عندي عز نفس ومبادي ان جاتني عوجا بعيد وقريبين = عنها الفجوج اوساع وسط البلادي لاصار مالي عندهم خابرٍدين=الصمت حكمه عن كلام السرادي لو كل مسمع ثارني يالفهيمين= شرهة علي الناس حضر وبوادي العام قدنا معركة بدر وحنين=وعن الحما رديت كل الاعادي رجحة بالميدان كل الموازين= السيف سيفي والكحيله جوادي ولقيت ضدي ناس وسط الفريقين= تلومني وتقول مخطي وغادي لاخذة في راي الرجال الحكيمين=مابحث عن الاخبار في كل رادي |
الشاعر تركي مرزوق العوفي
يمناك يا راس الوفاء والمروه = على الفرايد لا عدمناك يمناك نادر حرار لك مع الطيب خوه = ساسك قرانيس النوادر ومجناك ماهي غريبه يا عقيد الحموه = بالوقعتين وغيرها حامي حماك بياض وجه وفعل ما هوب توه = فارس ولك ميدان وشهودك عداك حرب العريقه يا سعدها اتنوه = ابمواقفك يالحر والمدح يزهاك سيفك سعد عين وسقم عين سوه = على العداء دون الحما لا عدمناك نجمك سماوي كلما شع ضوه= لهد رخوم قاصرين (ن) عن خطاك يا ريف ربعه يا مجزي عدوه = عن الكرى ومتوب الضد طرياك ردي على الشاعر تركي مرزوق العوفي
ياتركي العوفي كبير الحموه= حياك ياريف المشاكيل حياك مالاح براق الحيا وسط نوه=وماسارت الاقلام في وسط الابواك من طيب راسك في كلامك منوه=عني عسى رب المخاليق ياقاك من وقت يامكثر على الناس سوه=يدور دورات المحاله والافلاك زاد المنازع فيه بعد الاخوه=العنبر الاصلي حصدناه تنباك من بعد هذا يالشجاع المفوه=من قام منا سد مثلك وشرواك فينا على راع الخطايا فتوه=لاقام حربي سد ذولا وذولاك ياعل يفدى كل طيب مشوه=اليا نصحته قام يزمر ويشناك متقلبٍ دايم مزاجه وجوه= لو انت عنه ابعد من الجدي يبلاك |
اقتباس : المشاركة الأصلية كتبت بواسطة عبدالرحمن الحربي [ مشاهدة المشاركة ]
اقتباس : المشاركة الأصلية كتبت بواسطة سعد المحمدي [ مشاهدة المشاركة ]
بين الصواب وبين عكس الاتجاه = =انا لقيـت التبـع مثلـه يتبعـه وشد انتباهي سلك من كم العباه = =ماجود بدون الخمس فوق الاربعه حوله من الواعين ريبه وشتبـاه = =سمعت بالموضوع غلطة مطبعه حبر القلم لونين في جنب الصفاه = =ماقول شوف العين نسمع قربعه يقوله اللي يعرف البير وغطـاه = =فطين مايعمي عيونـه بصبعـه فصيح ماينشب لسانه في جمـاه = =يوجع بطعناته وضيفـه يشبعـه تم الكلام ومن يـدور لـه لقـاه = =من شاعرٍ جاب الخبر من منبعه ========================================= تعليق الشاعر عبدالرحمن الحربي في احد المنتديات على قصيدتي اعلاه صح لسانك يابن العم واعتلى شانك ............ كفو يالفطين فطنت للجزله وجبتها ياكبرصيدة صاحبي يالله تهنيه بعشاه ...............قنوع مايحب الطمع ادناة شيٍ يقنعه غريق والسلك انقطع ماورده جال النجاه .................يالله يارب السنع انك اتدله لسنعه ردي على تعليق الشاعر عبدالرحن الحربي والابيات التي وضعها مع التعليق 00000000000000000000000000000000000000000000000000 الشاعر الجزل عبدالرحمن الحربي صح لسانك وعتلا شانك رديت علي في بيتبن واعتقد ان البحر والقافيه صار فيهن اختلاف بسيط لكن يشرفني ردي على تعليقك والبيتين اعلاه بهاذي الابيات وعذرنا عن القصور يابن العم
بالديره اللي ياعسى مجنونهـا يرجـع وراه = =والوضع ماهو يالبناخي راس ضب وجربعـه الدار فيها حل شيـخٍ ياخـذ الحـق وعطـاه = =يصد عن هرجة كبير النفـس راع البعبعـه ماجبت علم البارق اللي لاح من فوق الحصاه = =جنوب وانت تخيل براقـه شمـال الاصبعـه لوكل من يرمي يابن عمي يعد مـن الرمـاه = =تلقـى الديارامـا دهـر ولا الديـار مربعـه الحق يرضي والرفيق الحر مانشقـر عصـاه = =أصير دونه عن شعاع الشمس ثوب وقبعـه دايم نحاول يالبناخي بالزمن نكسـب رضـاه = =وان شاف راسه فوق روس القوم والله لجبعه قال المثل ياصاحبي مال السلامـه والغنـاه = =راع الطبيعـه مايخليهـا يـالـو اطبـعـه |
علوم ماودنا فيها عليها أنجبرت =أجبرني اللي حصانه للخطاء مسرجي اليا نشدني بردي للغشيم أختصرت= عساني اللقاء عن علوم الردى مخرجي كرر سواله ثلاث أمرار حتى انفجرت= قلت اسمع السالفه ياحضرت العربجي راع العباه العريه لو داعاني حضرت=لكن من دون داعي كيف تبغى نجي نفسي عزيزه بها صوب المعالي شهرت =ياخالط الورد والريحان بالعرفجي كبرت في عين شيخك هن والا صغرت=ماغيرت نظرته من قدري ومنهجي بفعولي الساميه بعيون ربعي كبرت= محشوم بين الجميع الاوس والخزرجي |
الشيخ زبن الحنيني شيخ الحنانيه من حرب أشهر من نار على علم مشهود له بالكرم والحكمه وبعد النظره ونبذ العنصريه والتواضع مع الصغير والكبير وحل قضايا الناس بالسر والعلن رجل لايقبل الخطاء على الناس والا يقبل الخطاء منهم البارح في مجلس عامر بالرجال الطيبين جاله طاري والحقيقه الكل شهدله بما ذكرته اعلاه مع العلم اني لم اراه من قبل لكن عبر الجوال كلمني وكلمته عدة مرات اعجبني سلوبه التحاوري وبعد نظرته وحميته
وهذا ليسى غريب على الشيخ زبن الحنيني الحربي حيثه من بيت مشيخه وعلى قول الشاعر (الطيب من راعيه ماهو غريبي) وهاذي الابيات المتواضعه جدأ قلتها عن عجل عسى تنول اعجاب المستمع ويعذرنا الشيخ زبن الحنيني على القصور حيث مقامه اكبر من الشعر
زبن الحنيني عريب الجد والخالي=على الوفاء والرجوله شامخٍ راسه شيخٍ ولد شيخ ماهو حي رجالي=راعي قديمه وراعي جاه وسياسه ماقدمه بين ربعه كثر الاموالي=مقدمه مع جميع الناس نوماسه عليه مايمشي الحيلات محتالي=وراع الخطاء والتغطرس يكتم انفاسه مايقبل المخطيه في كل الاحوالي=وعن الردى والخطاء يابعد مرواسه صعب القضايا لها بالحال حلالي=بشت الشرف والرجوله دايم أقياسه يستاهل العود الازرق طيب الفالي=وبيضاء تسجل بتاريخه وكراسه مقدام قومٍ لهم بالطيب منزالي=ماهي سواليف خايب قالب الطاسه ياما كسرو من عقيد وكم خيالي= وجابو حراير عليها سبر وحراسه يردون حوض المنايا يوم الاهوالي=من فعلهم كم شيخٍ يعلن افلاسه قدام بالحق الابلج يذن بلالي=في نجد ساده واهل نوماس وفراسه أهل زعامه وشيمه بأول وتالي=والنعم فيهم عدد ماهب نسناسه الطيب ماهو هياط وبشت وعقالي=الطيب ماضي وحاضر تنعرف ناسه |
ساعة داعني من هل الطيب داعي=لبيت دعوة من داعاني وجيته تقدير للطيب حميد المساعي= الدرب لو كله مخاطر مشيته سلام يامبارك شريف الطباعي=ياطيبٍ نسمع مع الناس صيته لطيب والنوماس والجود راعي=ماصك عن ناصيه بالقفل بيته في مجلسه للغانمين اتساعي=واوسع من المجلس بصدره لقيته شجاع ماهو يالعوارف رعاعي=ويشوش راسه من ظفر لانخيته ماحط له يوم المواقف قناعي=معروف راع الطيبه مانسيته حكيم في رايه ومدرك وواعي = العام رايه من قناعه خذيته ربعه تشيد بالناباه الرباعي=في وقت مايلقى الرجل مايقيته فيهن لركبٍ من سفرهم جياعي=فنجال وصحون الشبب مقتفيته العود واللي في وقام الرضاعي= طبعه هلا يامرحبا لانصيته وان ثار عج الخيل في كل قاعي =عدوهم مايهتني في مبيته هوامله عند الشدايد أسباعي= رداتهم فوق السبايا مميته قلته وانا موفي مع القوم صاعي=الطيب بعلوم الردى ماشريته يوم الهواء ذعذع وهزالشراعي=كم عايلٍ في خف رجلي وطيته اليا دعاني ماقفي لدفاعي=أفدى بدمي حي ربعي وميته مسروح عظدي والسوالم ذراعي=منهم تعلمت الوفى وصتفيته هم تاج راسي هيبتي وارتفاعي=وانا الخطاء لاصار منهم رفيته علي محبتهم يزيد أندفاعي=وان قمت عن طيب ربوعي كفيته القصيده الثانيه
على كيس قرمٍ له مكانه وشانه شان=دعانا وجيناله من البعد عانيني من الصبح لكرام اللحا شرع البيبان=توافد عليه الناس طلق الحجاجيني يقولون راع الطيبه والكريم أمعان= وانا قول لمبارك عسى الخالق ايعيني عنه بالنيابه يوم رحبت بالضيفان=انا عد نفسي من بني خيه الادنيني هلا مرحبا ممزوج بالورد والريحان=تراحيب غالي يالنشاما بغاليني نسوقه مثل سوق المهيل من الرسلان=على الحاضرين من الرجال الحشيميني يعم الحضور من القبايل مع الجيران=يزيد الترابط والموده مع الديني على الطيب والترحاب والمسلمين اخوان=هلاياهلا بالقصى العرب والمواليني ياليل السعد والعيد ياجمعت الصدقان=أحبه وحلو في محل المحبيني لهم وافر التقدير منا مع العرفان=وعسى الله يمهلنا لما نقضي الديني علينا لهم حقٍ مثل خمسة الاركان=ومال الوفى غير الوفاء للوفييني اقوله وانا ممنون في حظرت الشيخان=شيوخ القبيله مطلقين المساجيني مقاديمنا حاضر وماضي مع العربان= لنا قلب نابض والقبيله شراييني لاقامو بدعوى رجحو كفت الميزان= ماقول الكلام بدون قيس ومضاميني لهم يشهد المسجون والسجن والسجان=ولهم تشهد الوقفات بالعسر والليني نختهم مساجينٍ ورى حايط القضبان=وعلى شانهم شالو كثير الملاييني لهم ترفع البيظاء على كل عالي بان=مع ازكاء تحيه للشيوخ المياميني انا حب ربعي حرب عندي من الايمان=والايلومني في حبهم غير مسكيني غلاهم بقلبي قام يجري مع الشريان= وفاهم وهيبتهم مع الناس تكفيني |
حفل قبيلة السواعد من ولد محمد من حرب
يوم الجمعه الموافق 2/ 10/1434
الايالله يلي لك عبدنا=لوجهٍ غير وجهك ماسجدنا عظيم الشان علام السراير=يخالق قبلنا ناس وبعدنا على حسن النوايا والتسامح= توحد صفنا يوم احتشدنا بليله عامره بحضورربعي=رفاقه صفنا واحد ويدنا سواعد من محاميد السوالم=وفانا من مهدنا لالحدنا تبعنا شيخ له قدر ومهابه=رباح حليس بالشده سندنا قديم اشداد من سابع جدوده=حقايق لو حسدنا من حسدنا وغيره من شيوخ الولد ربعي= تعقد عقود وتخلص عقدنا لهم بارض الحجاز ونجد هيبه=ماهضم حقوق ربعي لاقصدنا وانا الليله معي علم وحقايق= حقايق ذكرها فيه أنفردنا لنا بالطيب بين الناس مقسم= زمنا فيه فدنا وستفدنا على حق الخوي والضيف دايم=نوصي عودنا يوصي ولدنا وقبل توحيد دولتنا الحبيبه=يعيف اطرادنا طامع هجدنا على عوص النجايب والسبايا= بعيدين المغازي لعقدنا لنا غرب المدينه دار خصبه=بها من ماضي الايام سدنا سلفنا سورها بالسيف الاحدب= قبل لايحكم معزي بلدنا على نهج السلف سارة اخطانا= وينج نهجنا جيلٍ بعدنا ياربعي ياحمايه تاج راسي=ترانا ضلع راسي لتحدنا تكاتفنا ونبذ العنصريه=يعالج كل عله في جسدنا وترى كثر التناحر والخطايا=يقلل بالعوارف من عددنا يفرق شملنا في كل ديره= والا يرفع تفرقنا عمدنا يقوله شاعرٍ من صلب شاعر=يعرف الناس قاصيها والادنا وقف دون القبيله من طناخه=ماقال انهادن الاوضاع هدنا مواقيفه تشرف كل حربي=ماعاد اللي بغصنه عود لدنا |
الشاعر خالد عبيد الاحمدي
ابغى سعد لجل انه ادرى واخبر=من غيره بوضع السَّياس يسيسي شاعر محنّك للمعاني مصدر=يشعل ساحات الشّعر بالتّحميسي محبوب بين النّاس شخص موقّر=شاعر وله جمهور مثل الايسي صاحبك للموضوع فكّ المحضر=جاوب ولاترتاب واخز بليسي مرسي هداه الله فكّ المعبر=لاكنّهم صكّوه بعد السّيسي صارت حماس لمصر صعب تمرّر=لو تنتهج منهاج كبتن ميسي وياوجد غزّه من طريق مسكّر=من حضّ زان وردّ لتّنحيسي وانته بهذا الوضع ويش تعبّر=مابين درب الحقّ والتّعكيسي ومن فيهم اللي فالزّمان تجبّر=اللي عليه العار والتّدنيسي وهل حزب مرسي مستطيع يدمّر=وتخرج جماهيره على الف تبيسي ولاّ عليه الجوّ صار معكّر=دار انهدم يحتاج له تأسيسي ومن الذي متخفّيٍ ويدبّر=اللي بناله برج للتّعسيسي هات الجواب مبرهننٍ ومفسّر=ياصل ولد حبلان والادريسي وان كان ربّك يالسّنافي قدّر=لمساجلتنا فالقصيد تريسي اتزيد روعه فالقناه وتشهر=ان كان ذاعتها سهير القيسي ردي على الشاعر خالد عبيد الاحمدي
خالد بعد حب البنات الضمر= من غير كيف الحال والترويسي عنهن عريب الخال شفته حدر =قلت السبب ياربع قل الكيسي لكن لقيته يدرج بالمنبر=وده يصلي بالعرب ويريسي يالله يارب الخلايق تستر=لايصير بعلام العرب تنكيسي ماودنا صفو الصديق أيكدر=وتصير حاله مثل حال أغليسي أبغاه مع كبر المشاكل يكبر=ماله ومال أيهود والرنتيسي بالي حصل في كل دوله نشعر=كبت الشعوب وجالها تنفيسي وحنا بخير وبالحكومه نفخر=ما عندنا ثوره ولا تدليسي بأمن وأمان ونعمةٍ ماتحصر=اهل عقيده مابنا قسيسي نعلن ولانا للملك ونحذر=عن كل فكرٍ من حرف ومخيسي يقوله اللي بعد هرجك صطر=رده بعد ماقاس قبل اتقيسي دون الوطن يالقرم ماحدٍ يعذر=لاتقول بجدار الهرم تقويسي المر ماغير مذاق السكر=حط الاشده عن ظهور العيسي |
ياهن خذ مني رساله وتوضيح=حول الكلام اللي على يمتيني خذ ردنا من راس مابه تلاميح=ياسمك وسم الباديه للهجيني ابيوتنا يوم المجاعه مداويح= تلقى بها الخطار سمن وسميني عاده بنا يوم الليالي شلافيح=قولة هلا ومقابل الغانميني متوارثين الطيب ماهي تمازيح=تنبيك عنا ناسك الاوليني ابوي علمني وانا اقوم واطيح=حلو النباء ومرافق الطيبيني يقول خلك بالسنين المشاحيح=هداج للاقصيني والاقربيني دايم يوصيني على هبت الريح=وماخاب ضن العود يالسامعيني وأبوك لاشاف الوجيه المفاليح=تلقاه عند امك يجر الونيني بالطيب ماله في زمانه مشاويح=وبطنه من الصدقات دايم بديني شفه لاحصل بالصحون المفاطيح=ولاجا لزومه يختفي مايبيني عن المراجل فيه حوصه وتصفيح=وانته وريثه بالردى يالدويني قال المثل ماتثمر الحنظله شيح= هذا الصحيح ان كان عندك يقيني حنا ترانا بالمواجه ذوابيح=الراس تبغى العافيه لايبيني ماهمني نبح الكلاب النوابيح= والسيف والرشاش قضبة يميني ان رحت سالم لاتعد المجاريح=على السلامه صل لك ركعتيني |
الشاعر نفاع الربيقي السلمي
عد من زار المدينه وفي مكه حجيج= =ياسلام الله على حرب والدرب أخضرا وين شعار الجزيره وشعار الخليج= =يالله إنك ترحم اللي تغشاه الثرا راح صياف السحيمي وطبقبنا الفليج= =مابعد صياف فالسوق بيع ومشترا العوض في راشد وحرب لو هبت عجيج= =يالله إجعل راشد الحي ذخرٍ للورا راعي الجزلات فالشعر مايرضى العويج= =الفتل والنقض ماهو مثل لعب البندرا الشعر فلة جحاجٍ ساعة الخاطر بليج= =يرتقي بالشعر حتى يعتلي فالمنبرا حرب عدٍ من قراحٍ يزم من كثرالهديج= =يابيوتٍ من قديم الوقت داخلها الذرا إنشد الأتراك راحت من وحمهم في هجيج= =يوم قداح الزنود وبيرق القوم أسمرا دارنا ماهي مداهل للرخوم وللدويج= =دونها حد السيوف ودونها دم أحمرا ماتهقواها غريب ولا ولج فيها وليج= =دام فالديره رجالٍ من طوال الأشبرا والقبايل كلبوها دون ديرتها تهيج= =العدو بالملح والبارود له يوم أغبرا ردي على الشاعر نفاع الربيقي السلمي
مرحبا عداد ماحلقت بالجو ميج=حملوها بالذخيرها وكبتنها سرا للمدرج يالربيقي قبل تقلع ضجيج= فوقها شخص انتحاري طراله ماطرا رحمة الله كل خلقه لها شف وحويج=علم الجهال فيها واحد مادرا الخساير فادحه بالقضيمه والهميج=والعوض بالحي والعين لاعشتو ترا مختلف سلم العرب يالربيقي والنسيج=يارجالٍ خيلكم للمعارك ضمرا ياسليم اصحابنا بين عراج وعريج=اختلف مشي المطيه بعد جاري جرا ليت فراج المسمى بها علم فريج=قبل ماتاصل من العاصمه لاأم القرا ان لقيت الخط الابيض قلب تاليه بيج=قلت ياوجدي على ناس بالخط اخبرا داش راسي ياهل العرف من كثر المزيج=اختلط طعم المراره وطعم السكرا كان تبغى الصدق ماني بهالدنياء بهيج=دام ابو زيد الهلالي على حد العرا |
قصيده لشاعر ذاير السحيمي الحربي موجهه لي وتم نشرها في ملتقى السحمان
ورديت عليه على وجه السرعه عسى يعذرنا على القصور
الجيب واقف كنـه الصقـر مفتـول= =ملموم مثل الكف جكـس آر شنطـه نوعه خليجي من الامارات محمـول= =وصنعه تويوتـا والعلامـه بجنطـه مسجل مديله في حزامـه ومنحـول= =حزام الامان وباخـر الرقـم نقطـه أثنين مع صفرين وثنيـن مشتـول= =هذا مديلـه فـي حزامـه وضبطـه ماغيـرن مراتبـه ولكمـل حــول= =واللون بيج وغامق اللـون ضغطـه غير جميع الزيـت وامـلاه بتـرول= =خانتيـن فللهن ياراعـي المحـطـه واربع تواير وبلفها تبلـس اسمـول= =وشيل الغطاوي واكمل الجيب نفطـه ثم دق سلفة ينتهض نـوزه يهـول= =ولجم قزازه الـى تسـاوى بخطـه تسمع جليده الى استوى الخط بالطول= =يشبه كلاشن كوف بحرف آي قشطه بعد الزوال من المدينه علـى طـول= =وقبل غروب الشمس هـدا بمشطـه ورا القليبه مع زراج ارض سحلـول= =كد عقب النقطه عضيـدي بوسطـه سواقه الضيغم راعي طيب و فعـول= =من قوم لهـم فعـل ماحـدا يغطـه من لابت فيهـا طحاطيـح وزحـول= =اسود في وقت الوغـاء والمشطـه حربي عقيد حروب بالفعـل والقـول= =اطـرب لقيفانـه وصوغـه وخطـه سعد شاعر علـم ولاهـو بمجهـول= =خافوق صدري منه يـزداد بسطـه قصائده حكمه ولـه صـوغ مقبـول= =والنقض مع فتل المعاني هو شرطـه يازين منطوقه على الجزل مرسـول= =والجزل في قافه على اوصول حطـه ريف الخوي والضيف والجار مكفول= =وريف اليتامى جزل مـده وصفطـه سلمت يالحربي وعسى عمرك يطول= =معجب بقيفانـك وصوغـك وربطـه ردي على الشاعر ذاير السحيمي الحربي
يامرحبا مني مثل صافي اللول=وقت الرخا والا بالايام شطه احلا من الحالي مغلف ومعسول=في خط شاعر عالي الرجم نطه لو فيه حصلنا مطبات وميول= وازريت اميز بين سمنه ويقطه من ذاير الحربي له احكام وقبول= قرم العيال اللي بدينه نغبطه من لابةٍ لاجردو كل مصقول=كم راس فارس بالمعارك تقطه قبيلة السحمان شجعان وكمول=مجد الرجال الوافيه من يغطه ياكود ياهل العرف حاسد ومهبول=دايم لسانه بالخطايا يمطه وعن المراجل فيه كبوه ومشلول=بيضة غراب البين من بطن بطه ياصاحبي يوم العدا جالها ضول=وكثرت ثعابين السناوي ورقطه دمرت باالبحر الحمر عدة اسطول=عد الجنايز بين عمقه وشطه راع الخطا صابه يابو طاهر اذهول=بعد المكابر قال صرنا بورطه يوم انتصرت وصارعاذل ومعذول=كلن حزم لمقابل القوم وسطه راس الجبل لو عاوده برق وثعول=هونت دام القوم عنا بغطه شرهه وتنصى راس مقبل ومقبول=قلته وانا مالي على الناس سلطه ماقل دل وياعسى عمرك ايطول=ونبغى السموحه كان بالرد غلطه |
ياسامع اسمع من كلامي مايلي =يكفيك عن طول العلوم أقصارها ربعي قبيلة حرب حرابة دول =يوم العرب حد السيوف أشعارها أهل الثلاث المعجزه علمٍ صحيح= والغير مانجحد فعول خيارها بالناس مثل الناس في طيب وردى=الفرق بين الناس طيب اذكارها منا نويشي عند وجهه والخوي =تنبي كبارالقوم عنه صغارها قص اربعه وثنين بالسيف الحدب= ويمين خاله قال ياقبارها ودخيل دون الجار نسمع قصته=انشد صغار القوم قبل كبارها ارخص حياته دون جاره وعتقه=ياعل جسمه ماتمسه نارها ومنا الذويبي يذكرونه بالكرم=لضيف يذبح فطره وبكارها مانال حجرف فيه يبحث لثناء= من واحدٍ يعلم جميع اسرارها وشهود ابن ناحل قصايد خالده=يعطي كبار الروس قبل أمهارها ريف الخوي والجار شيخٍ معتبر=يوم المعارك مايهاب اخطارها ذكرة بعض ارموز تعرف بالوفى=من روس ربعي محتمين اديارها وياما وياما بالقبيله غيرهم=مهضم حقوق القوم من مقدارها لكن كيف احصي عددهم للملا=الناس ماعندي جميع أخبارها وفي حاضر الايام سجل ياقلم=من واقع الاحداث خط اسطارها بالمال دون ارجالها وقفة سوا=يوم المطالب باهضات اسعارها وقفة قبايل حرب تزعل للعدى =بيضاء لحرب اكبارها وصغارها اهل المواقف والعلوم الطيبه=بكل الدعاوي وافيات اشبارها يالله طلبتك لاتفرق شملهم=يامسير الافلاك وسط ابحارها وخذل حثال القوم رادين النصيب=اللي تثورها بدون عيارها تلبس ثياب الناس في جنح الظلام=وتحفربسيسان العرب وجدارها ماخص في ماقلت زيد ولا عمر= واللي يبيها يلتوي بسوارها مايحط راسه بالشرك غير الغشيم=يمناه مامدة وفى ليسارها الشك مايدخل قلوب الفاهمين=ولا الرخوم تشيلها بزوارها حسن النوايا من صفات الطيبين=والطيبه دله يفوح ابهارها هذا الكلام اللي على صح وصحاح=من يزرع الشجره يحصد أثمارها وانا زرعت الورد مزرع حنضله=ومطعن ظهور الناس وقت ادبارها اخذة من بدر الحويفي موعظه= ماكل ماثارت نصيت اغبارها في حال ولا حال سيفي من حديد=لاولعة روس الفتيل الشرارها |
انا رجل عندي كرامه وحساس= فطين عارف ماعليه وليه عايش باهدنيا مسالم مع الناس= والله ماحب الخطاء والرديه ليه مع اهل الطيب بالطيب مرواس=نفسي لفعل الطيب دايم جريه ولادق ناقوس الخطر روس الاجراس=يذكر علي السيف والبندقيه يوم ان كلن يضرب اخماس بسداس=وقفت دون ارعاتها والرعيه ياكليب ماتنسى مواقيف جساس=لومات تبقى كل الايام حيه عمق البحر ماينزله كل غطاس=أنشد رجالٍ من حسدها نقيه اليا ان عرفت بحاجةٍ ترفع الراس=أخير من عرفك أبشتٍ عريه عطيت روس اقلام مابين الاقواس=وعبرت من واقع ملف القضيه |
أنا صواريخي بعيدٍ مداها=ماضرب بها غير الحصون المنيعه لاهدافها لامن فكري قداها= تبطي قلوب اعداي منها وجيعـه الهينه ماني على مستواها=النفس عنها يالنشاما رفيعه واشوف لي ناسٍ تلاهث وراها=تبي بها عند الخلايق صنيعه ماحد درى عن غيضها مع رضاها=والعام ماحضرت نهار الوديعه لقيت عيب اسيوفها من صداها=والسيف عيبه يوم يفقد لميعه يخون بعض الناس زايد ذكاها=سود النوايا والحسد والخديعه الكايده عنها ثقيله خطاها=ويصيبها دون المواقف فجيعه يالله كرم لحيتي عن لحاها=وضيق على سود القلوب الوسيعه |
في حفل شيخٍ له مكانه وتقدير=عند الجميع أقصى العرب والموالي زبن الحنيني دون قول الشواعير=معروف مايحتاج شرح وسوالي ماجاته الشيخه بحمر الدنانير= جاته من جدوده عريب الخوالي ابوه قدامه وجده مشاهير= يوم الليالي بين ميل وعدالي ورث الوفاء منهم عشير المناعير=من غير بشت المشيخه والدلالي وصينيةٍ لاقدمة للخطاطير=تضرب بها الامثل بأول وتالي شيخٍ ليا ضاقت علينا المعابير= وقلت بنا الحيلات والاحتيالي ننصاه بالصعبات من دون تقصير= بشيوخ ربعي تاج راسي ومالي بسمه نرحب بالوجيه المسافير=بكل الضيوف الحاضره والاهالي يامرحبا مثل المهيل ليا دير=بين النشاما طيبين القبالي واحلا من الحالي ودر الاباكير= لاربعٍ في نجد زين المفالي ان علته دهم المزون المزابير=وكسا الفياض العشب مثل الزوالي من صادق الاحساس صغت التعابير=شاعر وجالي عند ربعي مجالي اهل النبا الطيب وحدب البواتير= حنانيه يوم الخطر ماتبالي يردون حوض الموت دون المغاتير= وياما ثنو من دونها بالسلالي على السبايا يبعدون المسابير=يوم القوامه ماضيات الليالي كم فرقو من مقبلات الطوابير=خيالة العليا قروم العيالي اكرام وابناء اكرام حصنٍ مناكير=ماتمشي العوجا عليهم عدالي الجار ماترفع عليه البواكير = حقه مبدا مايجيبه جدالي ماهو على بيبان بيته نواطير=ياعنك منهم مايجيه الخمالي له بينهم قيمه وشيمه وتقدير=يحسب حساب الطيبين الغوالي من جودهم مايحسبون المخاسير=ونفوسهم مثل القراح الزلالي بالطيبه عدو بروس الشناظير=ومن الفخر فيهم رفعت العقالي النعم فيهم عد ماغرد الطير=وعداد ماذعذع نسيم الشمالي ذكر الحيا واهل الوجيه المناوير=يبين وتعده جميع الرجالي ولا رخوم القوم دايم مخامير=يغيضها مدة كريم السبالي ماودها بالوقت من يفعل الخير=بعيونها من طاب مثل الخلالي وقت الرخا كلٍ مثل سالم الزير= وتلقى لهم عند الصحون اجتوالي وان صار كر وفر قفة مدابير= مثل القطيع اليا عتلاه الجفالي فيها عن الواجب بلاده وتخدير=مافالهم ليه يالاجواد فالي في سوق قال وقيل دايم هوامير=ياطيبهم بالمخطيه والهزالي سود القلوب مشاورين الغنادير=سهاجة الواجب سنام الخبالي يارب منهم طهر الارض تطهير=ياسامعٍ بالليل صوت النمالي الطيب ياصعبه على نافخ الكير=ماكل من يبغاه للطيب نالي عليه لو ضير راع الهون تضيير=تلقاه مايقدر يشيل الثقالي صحيح من قال المثل بالتعابير=ماتستوي روس العرب بالحثالي حيث الردى راعيه دايم معيثير=لو يدعي بين العرب بالكمالي وأهل الحسد لو حاولة تعكس السير=وقامة على روس النوازي تلالي في هرجها ماحركة قمة النير=لاوالذي فوق المخاليق عالي من عاش بالدنيا على منة الغير= مايفقده لامات حتى الموالي ماتنفقد غير الرجال المغاوير=اللي لهم وقت الشدايد ظلالي يقوله اللي صور الوضع تصوير=حقايقٍ ماهي مجرد خيالي |
يالله جملني وجمل ربعي=لاجيت في صحبة رفيع الشاني شيخٍ قديم اشداد ماهو دوبه =عبدالكريم معرب الجداني رجال عرف وشيخته معروفه=من روس حرب اهل الكرم والعاني في ليلةٍ ياطيبها من ليله= عند الرجال مزبنين الجاني بني عطيه طيبين المنسب=ذباحةٍ للضيف حيل سماني سلام ياهل النوب مثل السكر= ومغلفه بالورد والريحاني يضفي على كل الحضور الليله=الضيف واهل الدار والصدقاني عن حرب ربعي محزمي بالشده =وسلاحي اللي يرهب العدواني سلمت والتسليم سلم وسنه=وصى به المختار كل انساني بعده ثواني وسمعو ماقوله=اللي بقلبي ترجمه يالساني بني عطيه لادعونا جينا=تقدير لاهل الطيب والعرفاني واجب نلبي دعوة الداعينا=لو ان داعينا بعيد اوطاني قال المثل عرف الرجال تجاره=ومن لايروم الطيبه خسراني وانتم رجال الطيب واهل الجيره= متبينه ماودها برهاني لكم شمال الدار دار وهيبه=وقت المعارك بالقى شجعاني تروون حد السيف والجنبيه=لاثار عج الخيل بالميداني منكم ارشيد وله مغازي تذكر =مع قومنا في ماضي الازماني قال اسمحو ياهل المليحا ليه=بالغزو معكم والبنادم فاني قالو قصير ولك مكان وقيمه=ولاودنا نقحمك بالاكواني لكن عيا من طناخة راسه=ومعهم غزى من فوق بنت احصاني وعطاه عد اشعيل شيخ مسمى= رباح ابن مطلق ذرى الزملاني يارد على عد الروى بضعونه =قبله مايارد ضامي العرباني جميع جيرانه ماتارد قبله=حتى يصدرجارهم روياني انشهد انه من وفى جيرانه=ماهي علوم ملحق النيراني وبعد رحل عنهم لديرة قومه=والجفن من كثر البكاء غرقاني من نجد وجه لشمال اركابه=رحل وعينه تبكي الجيراني الجار دايم من وفاه الجاره=لاحل ذكره يذكره بحساني يالله يالمعبود تغفر ذنيه=في يوم لاصاحب ولا خلاني واليوم حنا في محل احفاده=على النباء الطيب وحيل الضاني العود الازرق والمهيل داير =بين الرجال بوارد الرسلاني بمقدمتهم شيخ عرف ولابه =له بالعلوم الساميه عنواني ابشير اللي بالمراجل يذكر= رجال عرف ومنطقه عقلاني كريم متواضع وعلمه غانم=من خيره اهل الطيب والشيخاني الله يبيض يالنشاما وجهه=عند الجميع اقصى العرب والداني ومنكم ولد عباس وسمه زايد=معنا حضر مغازي الاخواني مقدام وتهيبه جميع اخصامه=يوم القبايل نصها عدواني مع الكرم والطيب راعي نخوه=من طيب ساسه لصداقه صاني خوي درب ارشيد علم موكد =نشدت وفتوني به الشيباني وقبل الختام لكل شيخٍ منكم= يامرجحين الكيل بالميزاني تحيةٍ مثل العسل ودانه=نقولها من صادق الوجداني لو كل شيخٍ ذاكرينه باسمه=الشرح طال وشابت القيفاني تقبلو ياهل الجزيله عذري = اليا حصل في قولنا نقصاني |
سلام ياجهينه هل المذهب الزين=ياصحابنا ينسابنا يقصرانا تسليمت الاسلام ورد ورياحين=ومغلفه بالهيل وزعفرانا عن حرب ربعي في محل الكريمين=ابدابها لاهل الوفاء ماتوانا يفوح منها يارجال الميامين=حب التواصل بيننا يحددانا لو ماجهينه عندنا قوم غالين=من نجد ماسارة جهتهم اخطانا من الدليميه ضحى اليوم ماشين=فوق الجيوب مختمات الضمانا جينا لموعد بيننا قبل شهرين=من طيبكم ياصحابنا من وفانا شوف الرجال مرجحين الموازين=ياسامعين القول غاية منانا تلاحم الاخوان نابع من الدين=وعن شت شمل الناس ربي نهانا ياهاجسي للقيل معنى وتثمين=ان قيل باللي يذبحون السمانا بجهيبه اهل الطيب ماضي وهلحين = لابه لها هيبه وقدر ومكانا يوم السنين الماضيه والاكاوين=والرمح والبندق وحد السنانا قومٍ على صد الاعادي مضرين=ان صاح صياح الضحى بالبيانا قصيرهم محشوم مايلحقه بين= ان زان ولا شان فيه الزمانا جيره وخوهه وستقامه وافين=ارجال ماترضى الخطاء والهوانا مع الرسول معركة بدر غازين=خير الانام اللي لدينه دعانا قلته وحنا حرب قومٍ سخيين=نحذي مفاليس العرب من سخانا اصحاب دنيا ودين دايم عزيزين=طالة على فعل الجمايل الحانا وسط الحجاز ونجد عشنا سلاطين=بفعولنا ماحد بفعله حمانا يوم المغازي بمهات النياشين= ياما ريمينا شيخ قومٍ غزانا جانا وصار الكون بين الفريقين=على السبايا كاضمات العنانا ومن فعلنا قفو عن الشيخ عجلين=وعليه ناحن جالايات الثمانا حلوين في حاله وفي حال مرين=ندرج على روس الاعادي رحانا اليا غزينا دار قومٍ معادين=عداتنا كسب الضعن من عدانا ماقول حنا بالفعايل وحيدين= كلن ضلوعه دون حقه متانا الناس فيها طيبين ورديين=من خلقة أدم لين يطوى سمانا ماجيب علم بدون قيس وبراهين=الله على قول الحقايق هدانا شاعر وجمل لابتي بالميادين=ولي بينهم قدر ومكانه وشانا مسك الختام عبارةٍ بين قوسين=اصغو لها ياهل العقول الذهانا ياخادم البيتين بالعسر والين=لك ياحبيب الشعب نعلن ولانا ونكبح جماح اهل الفتن والبغيضين=مانقبل الغاوين تشقر عصانا يازمرة الارهاب منتم خفيين=شله هواكم يختلف عن هوانا سفك الدما يالخارجين الخبيثين=الله عنه ياهل الخبايث نهانا الشعب واعي والقياده حريصين=على التلاحم والرخا والامانا ومن شذ من فعله وفكره بريين=يرفع بها صوته فصيح السانا يالله وحد صفنا قولو أمين=وغفر لنا يارب وسمح خطانا |
الشاعر محمد اليوبي
ربعي .. يابو تركي .. عزاز عليه= =وانته .. عليه من اعز .. الرجالي ولا كنت اهقى تضن مني خطية= =ما يجيبها .. الا كود اصغر عيالي خابرك .. لا من ساءوا الضن فيه= =توقف معي ميقاف. .صم الجبالي ما تزيل .. شيء. ..بانياته يديه= =وكل. مافي داخله .. من حلالي وحسب . ماعندك ..من القدر ليه= =تعقل.. يابو تركي .. عليه حلالي وكان العتب جالك.. حجازي شوية= =من شان صدرك يم ربعك شمالي ردي على الشاعر محمد اليوبي
ياطيب الرفقه كبير الحميه=اللي طرالك يافتى ماطرالي عيد النظر بالطرح وأشره عليه=ان جاك مني يامحمد خمالي الفرق واضح يازبون الونيه=واليا جهلت انشد فطين الرجالي حطيت رضوا عند قارة طميه=وشربكت يالجمال روس الحبالي وانا لقيت الغلطه المطبعيه=وصححت غلطه ماعليها جدالي من واقع اني راعيٍ لرعيه=لايروح فكرك بين علقم وحالي جاتك علومي يالبناخي جليه=ياراعي الساحل كريم السبالي |
هن ياللي علومك مثل ريش الغطاط= مايطول شنبك الكذب والبلبه ماعطاك المهايط تاج عز ونواط= غير من مشكله يرميك في مشكله كنت اجامل على شانك بعدة نقاط=ياعسى تنتبه بيامك المقبله ومالقينا نتيجه حول ذاك النشاط=اشهد ان الصديق الصادق تفشله ماكسبت الصديق وماسحبت البساط=جاهلٍ تخلط النعناع بالحنضله قبل مامسح بخشمك يالكذوب البلاط= لاتجي بين جمالي وضل اجمله تدري اني ماحب المخطيه والهياط= عشقي الطيب والمعروف والمرجله مانثير المشاكل بنقره والرباط=وابلج الحق والناموس مانجهله خذ نصيحة مجرب يرفض الانحطاط=مازرع في طريق اهل الوفاء قنبله كان زادك يقدم للعوارف سماط= يصبح الصبح بصحونه ماحد ياكله |
طبيبة الاسنان ماحتاج للبنج =جسمي تبنج من كلامك وناملك بين اليدين الناعمه واعذب الهرج=ونجل العيون الناعسه مع تعاملك والعنق واللي كنهن بالثغر ثلج=وغض النهود وردف نابي محملك سهم الهواء يافاتنه لجني لج =تجملي فيه عسى الله يجملك ماعاد ينفعني علاجك وانا حرج=لو تصرفين علاجنا من معاملك ياكود جرعه ياطبيبه من الفلج=والجمرتين اللي حلاهن مكملك ياليتني مسئول عن كامل البرج=تدرين لالا ليت مبطي مزاملك |
قدم الضيوف الحاضره والمعازيب= في ماقفٍ يرفع مكاني وشاني يالله جملني وجمل هل الطيب = واجعل لنا من نور هديك بياني يعالم الاسرار ياساتر العيب =علام ماب القلب خلف الحواني من بعد ذكر المعتلي عالم الغيب= يهاجسي عجل بجزل المعاني جيب الثمين وراتب القاف ترتيب = باللي لهم بالقلب قدر ومكاني ذباحة للضيف حرش العراقيب = وساع الصدور مشيدين المباني صماعره من طيبين المجاذيب= عزوه لها بين القبايل كياني صغيرهم واللي كسا راسه الشيب=راعي وفاء ماهي علوم وتماني مابه وسيدي مايعرف المواجيب= لطيبه يصهل صهيل الحصاني رجالهم ماهو قريب محاضيب =على الجماعه والخوي والعواني اكرام مافيهم عفون وزواريب=خيالة البلهاء طوال اليماني وان شان هرج اهل النمش والمحاديب=ترعى الخطير في مرهفات السناني فوق السبايا تدب الخصم تاديب=وياما ثنو من دون حرش الثفاني وان صبحو للبل ديار الاجانيب =تجيب وضح من عداها سماني مقدامهم قرمٍ مضت له تجاريب =الشيخ عبدالله عريب المجاني ماجاته الشيخه هديه وتنصيب =ماشيخته عامين والا ثماني راعي قديمه دون شكٍ والا ريب=معروف عند الناس قاصي وداني رجال هرجه لاهرج جزل ومصيب=للطيب رمز واللخطاء مايداني هداج تيماء بالسنين المجاديب= لاشح في ماله خطات الهداني مبغى ورى ذكر الحقايق مكاسيب=هذا الصحيح اللي عليه الضماني شاعر وليه نهج واضح واساليب =وعادات وسلوم العرب ماتخفاني وراع الوفاء والجود حنا له انجيب =واجب نلبي دعوته لادعاني مالي عن دعواه عذر ومجانيب=مابيع راع الطيبه لاشراني لو دون داره تطلع الشمس وتغيب=وممشاي مابين الخطر والاماني شرواك يامحمد عطيب المضاريب=يراعي النخوه وسيع البطاني اكمال دينك سر كل الاصاحيب= في ليلةٍ تشداء لعيد الرمضاني من كل حدب وصوب جينا جناديب=لك يامحمد رافعين التهاني |
ثارت علينا خبث مدري غشامه=بالوادي اللي فيه راحل ونزال من صوتها بالجو صاير عسامه=وزاد الكلام وصار للهزل دلال يامن تريد العافيه والسلامه =ترى الجزى مذكور من جنس الاعمال ماينزل الرجال قدر ومقامه=غيرالدروب العوج وعلوم الانذال من بعد ماهو حر مرفوع هامه= ينزل مقامه عند ماضين الافعال بعض العلوم اللي تجيب الملامه =عنها الرجل يبعد بعشرات الاميال ان شافها في نجد يرحل تهامه= مايصير لعلوم الفريقين نقال ترى الفتى دايم يدينه كلامه=لو حاول التبرير في كل الاحوال الناس ماهي جاهله في مرامه =تدرك نوايا كل صادق ومحتال حاولت اغطي عيبها بالعمامه =وبانت لكل الناس رجلي وخيال تبقى بوجه قليل العرف شامه=لو مات يبقى ذكرها عبر الاجيال ياذيب ياللي فوق ريع الندامه=جريت صوتك وسمعه كل وبال العوج ماتمشي علينا رخامه = عشنا كذا وابطال من ماكر ابطال بيت لسبيل الله يرحم عضامه=راعيه مات وصار مضرب للمثال من لاكرب وقت الشدايد حزامه =يموت ماحصل من النعم مثقال |
الشاعر رامي الجهني
السلام عليكم ورحمة الله وبركاته اخواني الاعضاء يشرفني ان اكون احد اعضاء هذا الملتقى الشامخ باهله وهذه اول مشاركه اتمنى ان تحوز على رضاكم
سلام الله عليكم يالحروب بملتقى الاشعار= سلام المسلم اللي ماقصر تحية اسلامه سلام المسلم اللي يقتدي في منهج المختار= ويعرف وشهو المفروض والواجب من احكامه سلام الطيب من طيب النوايا مارد ومصدار = صدر من صافي النيه وجيه الخير قدامه سلامن طيب ويقرن بريح الطيب والازهار = وريح العنبره والمسك في مبداه وختامه اقوله في محل يزيدني تشريف مع مقدار = ليا جيته وانا طرقي مسير خطوة اقدامه مواقع للرجال اللي لهم بالعاليات شعار = فعايلهم تلبسهم وشاح المدح ووسامه بني حرب العريقه مكرمين الضيف والخطار= سنايد عز للاصحاب للعدوان لطامه معاديهم ليامنه مشاله خطوتين انهار = من الهيبه يعود يطلب الله ترقل عظامه مناجم معرفه تحكم صليب الراي والاشوار= ويشهد سابق التاريخ والحاضر من ايامه لنا جيران واصحاب ولنا معهم نسب واصهار= ولهم مع كاسبين النعم قسم من اوفر اقسامه ختام القاف قاف مصافحه في ملتقى الشعار = وتحياتي وتقديري لكم والمسك بختامه ردي على الشاعر رامي الجهني الشاعر رامي الجهني صح لسانك وعتلا شانك والله يحييك بين اخوه لك وجيران واصدقاء وتواجدك بيننا اسعدنا الله يحييك ياصبي جهينه وهاذي الابيات كتبتها قبل قليل عسى نتال اعجابك وعذرنا على القصور
هلا يامرحبا مثل الجواهر ماعليها اغبار= =يفوح الطيب منها والوفى مرفوعه اعلامه تراحيب المطر وملبسه بالماس عقد اصوار= =عدد من زار مكه والمدينه لابس احرامه ياراع الطيب والمعروف ياحرٍ من الاحرار= =صناديد الرجال اللي لهم بين العرب قامه نيابه عن قبيلة حرب درعي سيفي البتار= =حزامي يوم كلٍ بالمواقف يكرب احزامه عوايدنا مانبخص حق من جانا من الزوار= =له التقدير منا والوفى والطيب وكرامه من ايام السلف فينا ثلاثه تقل ريح ابهار= =بها كلن درى في نجد واللي ينزل تهامه خوي الجنب دونه ماندور بالزمان اعذار= =حكايه باليمن سولف بها الشامي على شامه وقصير البيت من شانه نسوق المال والاعمار= =فدينا جارنا يوم المعادي صدر احكامه لنا مشهود نحذي من كرمنا نسع الازوار= =حقايق ماجهلها غير حاسد عاش بوهامه |
راع العلوم اللي مثل حاطب الليل= ياليت قبل يقولها شاورالعود العهد بالخامس سياسي وتكميل =مايشق صف وماوطا كل منقود يبعد عن اللي ماوراها محاصيل= وان حك عود بعود شعله وبارود مايحط راسه بالشرك والمحابيل= يدرك نوايا كل حاسد ومقصود يانار مابعدك قذوع ومعاميل =غير الرماد وباب ضيق ومسدود عزيت نفسي بالسلف يالمشاكيل =وانا ادري انه حي يرزق وماجود ان غاب نجم سهيل مابعده اسهيل =هذا الكلام اللي موثق وماكود ياهن قدامك بعيد المصاويل = يروي شبا بالمعركه كل مجرود ضاري على فجت نحور المقابيل =ان صار بالميدان طارد ومطرود احذر ترى سود الليالي محابيل =والدرب قدامك ملغم ومقعود اللي على شانه رفعة المصاقيل= جزاك عنده تالي الوقت عبرود تنضح بمافيها قلوب المعالليل=لو غلفوها عود جاوي وكنبود تبغى الكلام اللي عليه المعاديل =منته على بعض السواليف محدود ليتك على الواقع تمد الدرابيل =بين الحجاز ونجد لاذعذع النود عطيتك الموجز بدون التفاصيل=انشد عن الموضوع حامد ومحمود وعن ماسمعته منك جمله وتفصيل=صديت مبغى العلم حاوي ومردود من شيمة اهل الطيب ذباحة الحيل=نصبر على عوجاك ياقليل الفود ومسك الختام العود الازرق مع الهيل=لاهل الوفاء نهديه مع باقة اورود |
الشاعر الكبيرخالد الحصني
يا سعد ضفت وسمت مستهله= =وارزمة لرعودها عوج المحاني يوم قافك ساقها ورده وفله= =صار لي داعي وصرت الي دعاني جيت اجاري خط سيره قلت لله= =صاحبي يستاهل جداد المعاني ابلج كتم المعادي عادة له= =في قبيلة حرب له قدر ومكاني من رجال فعلهم لطيب مله= =مروية دون المعاشير السناني لا مقل اوقف با طابور المقله= =ويا دعيت الشعر يمه ما عصاني مبطي والسوق يا مريت امله= =لاعشقة ولا حد عال وهجاني ولا سمعت الي سموعي يطرب له= =غير بن دومان في قافه شعاني سايق الفنجال سق فنجال دله= =فيه بن وفيه هيل وزعفراني غير ابن دومان كل في محله= =خلوا الفنجال لسهيل اليماني حي راسٍ ما لحق به عرق ذله= =يا تراخوا للهوان اهل الهواني ما نقول الا كلام با الادله= =يا مدرمحة الحجج. ياقوم ماني القلوب الي على الطيب مغله= =من حساس النقص مدري شي ثاني ماقف يحتاج فيه السيف سله= =ما يدس السيف فيه الا الجباني والجبان الي رضي عيش المذله= =ما درى ان العمر عاريه وفاني خل سبة موت راع الغل غله= =والضعوف تعيش با احلام الاماني وخل من يشكي على العميان عله= =فوق ما يشكي يعاني ما يعاني والمنافق من نفاقه ماحصله = =لبسه هرس الردا بين العواني خلها تبقا سواد في سجله= =ويستريحن البواخر با المواني ردي على الشاعر خالد الحصني
مرحبا والطيب لطيب مظله= قبلنا قالوه خطلان اليماني ياولد من دل راع الطيب دله=ياعسى مثواه في خضر الجناني شايبِ لابان بالادنين خله =قال يارب الهدى والمستعاني مايزيد الطين بالموضوع بله=مع بعيد الناس واقراب وعواني الخلف مثل السلف طيب وجبله=خالد العجلان ذباح السماني الوفاء راع الحميه عادتن له= اشهد انه من عريبين المجاني لابتة درب الوفاء دايم تدله =عزوة الحصنان هامات وكياني لاجدعو عن سبق الخيل الاجله=خصمهم عشره تجي خمس وثماني بيت عز يظلل اهل الخوف ظله=كاسبين الطيب وثقال الصياني ياخوي الجنب ماب العلم كله= اسمعه يابن الحصاني من الحصاني الرجل من دون ربعه ماقفن له=مثل حج البيت وصيام ارمضاني من يقوم ايسد والعايل يمله =بالمشوك والقناء والخيزراني بالسما يالقرم ياكثر الاهله = مير ياوجدي على فلان الفلاني من عقد له عقد مايبلش بحله=وان عقد تبلش به الناس الذهاني تم قولي والخواطر مسفهله= ياخوي الجنب ياغالي خواني |
سلام تسليمه مثل ليلة العيد=عيد ارمضان اليا قضينا صيامه يفوح منها الطيب فوح البغاديد=بوجار شيخٍ فيه جود وقرامه ياعيال وايل ذابحين المفاريد =وعوق العديم وساس عرف وزعامه ياهل الوفاء ماهي هياط وهرابيد=لابه لكم في هامة المجد هامه ارجال دنيا ودين نعم الاواليد=خوه وجيره مع كرم وستقامه وان صارت الدعوى بخشم البواريد=والرمح والشلفا وقل السلامه عاداتكم ذبحة شيوخٍ صناديد= في يوم نجدات الفتى من حزامه اليا اختلط عج الرمك والعباريد=تثنون يالويلان دون الجهامه ستر االعذارى لاهبا كل رعديد=في يوم يشدا يوم حرب الرغامه الطيب ماله ياهل الطيب تحديد=وماكل من يبغاه حقق مرامه قمة جبل مرقاه صعب ومسانيد=كايد وعن راسه تقطع غمامه يصعب على راع الهروج السراميد= اللي حياته بين هون ورخامه ان صملو بالراي قطاعة البيد=اكبر طموحه عند حلة مدامه يضحك ليا صكن ضحا حوله الغيد=والضيف لاشافه تراقل عضامه كلام حربيٍ على حق ومفيد=شاعر وله بين الرجال احترامه ماله ورى ذكر الحقايق مقاصيد=الصدق مثل النور يجلى ظلامه والظلم ضلما والخطايا مناقيد=يجزى بها الانسان يوم القيامه يومٍ يشيب فيه من يرضع الديد=والشمس فوق الروس مقدار قامه يالله يامغيث السهول الجراهيد=انك تجنبنا طريق الملامه وتجيرنا من شر كل المقاريد=سود القلوب اهل الدرى والغشامه |
توضيح حول قصيدة درهوم البقمي في قبيلة حرب -------------------------------------------------------------------------------- تناولت وسائل التواصل الاجتماعي قصيده موجهه لقبيله حرب عامه وللشيخ / عواد ابن دهيرم الاحمدي الحربي خاصه ولكل حربي يفتخر بقبيلته التي لها من الامجاد في كل نواحي الطيب والكرم والخوة والشجاعة اضافة الى حسن الجوار الذي تتحدث عنه هذه القصيدة وهذا الموقف النبيل الذي تناقلته وسائل التواصل الاجتماعيمن الشاعر / درهوم البقمي واختفلفت طرق النقل لهذه القصيدة في وسائل التواصل الاجتماعي ويعتبر هذا الفعل شرف لقبيلة حرب ويضاف الى امجاد القبيله حيث جاءت هذه القصيدة رد ثناء من قبيلة البقوم العريقة ونعم بكل القبايل بما فيها من رجالها وامجادها وافعالها
حنا نزلنا منزل وسط الأجواد= =في ديار حرب امخضبين الهنادي قصيرنا عواد و نعم بعواد= =فعله وطيبه مثل فعل المهادي شيخ علئ العليا فلا هو بكواد= =يرقئ لها رقيةً طيور الهدادي بيته علئ مدخال كحله توكاد= =يمين وبابه للطراقي ينادي بين ولا يحتاج نشدات نشاد= =مثل النجم وسط السماء نور بادي سوالفه مثل العسل طب الاكباد= =اموفقه ربي بهرجً سدادي ترفع له البيضاء علئ روس الاشهاد= =كفً نديه جعلها بزديادي قلته وانا درهوم من ماكر ناد= =من الاد سامي محتمين الطرادي ابقوم سادات علئ كل الأسياد= =وقصيرنا يهنا بحلو الرقادي ماهي سوالف هرج وابيات قصاد= =يشهد علئ ما قول حضر وبوادي والطيب وفقه كان حظ الفتئ جاد= =الدين ساسه من خطا الدين غادي يالله تقدرنا علئ الطيب وانقاد= =الكل ما يرضيك يا خير هادي ويا سعود دوك القاف وأمعطر بكاد= =وامعطر فيه النفل والزبادي سلم علئ شايبك في ثان الأعياد= =يالله عسئ عمرة صلاح وعيادي كل عام وانت بخير يا كفو الافناد= =وكل عام وانت اقرب لرب العبادي و يا الله يا جاعل من الحيد الاوتاد= =تجعل قبر عوده رياض و برادي واختامها يا جموع صلو ويا افراد= =علئ شفيع الخلق يوم التنادي ردي على الشاعر درهوم البقمي
درهوم ياراع الوفاء ساس الامجاد=ياطيب الجيره نصيح الفوادي مدحة من طيبه على عصرالاجداد= شيخٍ لفعل الطيب مشيه سنادي له بالكرم والطيب جلسه ومقعاد=للجار والمرار نجره ينادي وانته كريم تثمن الملح وزاد =انا اشهد انك جار راعي مبادي ربعك هل النخوه وسيعين الابناد=اهل السيوف الامعات الحادي جمع البقوم اللي يضدون الاضداد=من دون بالميدان قطم التوادي يوم القبايل بين طارد وطراد=اما تجيك الصبح والا هجادي الكسب من دار العدا شقح الاذواد=من فوق خيل مدربه لطرادي تخلي سروج الخيل في ساحة الماد=وياما اذبحو من شيخ راعي شدادي ابيوتهم دايم لها الضيف رواد=حقايق ماهي علوم ودوادي فيها الدلال اللي بها الهيل وقناد=وسمن وسمين وريح عنبر وكادي في ضلها تلقى مطانيخ الاولاد =شدنا وغيري باهل الطيب شادي وماقل دل وعد ماحن رعاد =صلو على المرسول لناس هادي |
ياراتبي روح عليه غبينه=بين القسايم والفواتير والبنك ماله بجيبي بعد يومين عينه=والبيت اجار وكل سقفه من الزنك من قال بشرنا عسى الحال زينه=نقول له في خير لو نشكي الضنك من لابنا مستقبله في يمينه=لايحتري يعطا جنيهات وفرنك يالادمي دنياك دنيا مهينه=يمكن بها غالي قرايبك يطعنك اليا قبلت مثل الفتاه الحسينه=لو فيك مية عيب تحفظ توازنك وان عاكسة ذقت القهر والغبينه= ماعاد ينفع طيب خالك ومعدنك |
لاصحابي الحصنان جبت الجدايد=البايته ماتستوي للمشاكيل شاعر واجيب من الفرايد فرايد=واترك هزيل القول يلقى مهازيل ماكل من يكتب جديد القصايد=يطرب مسامع شاربين الفناجيل الجزل قمة صوح مرقاه كايد =يبقى مع الاجيال جيلٍ بعد جيل والهزل مابه يالعوارف زوايد=لو قايله غناه شقر ومواويل الشاعر اللي مابقوله فوايد =يرتاح عند القهوجي والمعاميل لايزاحم الشعار والحيل بايد=تبرك به الجرباء قبل ياصل النيل وانا حسب سلم العرب والعوايد=سلام تسليمه مثل ريحة الهيل قلدتها من كل جزله قلايد = وغلفتها بالمسك والطيب وكليل لاهل الوفاء من كل دار وبدايد=في محفل الحصنان ذباحة الحيل اهل النباء الطيب وساع البنايد=حرار ماتصبر على الذل والميل وريف القصير وماتمد الزهايد=دايم ومدتهم تغيض المباخيل شجعان في يوم الخطر والمزايد=يوم القبايل باللقى تسرج الخيل ياما ثنوي دون الضعن بالشدايد=بالرمح والبندق وحد المصاقيل قبل الامن يصبح على الدار سايد=كم ابلجن عاقوه يوم المصاويل يتلون شيخٍ هومته للبعايد=تتعب وراه اهل الرمك والجماميل لاطاب لخدود الرخوم الوسايد=غنايمه عكش الوبر والمضاليل معروف مايحتاج منا نشايد= فعله وذكره عانقٍ نجمة سهيل عن منور الاول كتبت الوكايد= وفي منور الثاني تزين التعاليل شيخٍ لربعه بالصعايب سنايد = فطين ماتمشي عليه المحابيل عن واجبه راع الكرم مايحايد= بيته لعصمان الشوارب مداهيل بعيد عن علم الردى والنقايد=هاذا الكلام اللي عليه المعاديل ماحرك الغربي شجون وجرايد=صلو على من ذلل الشرك تذليل |
في حفل مروين النمش والرمح والسيف الشطير=عزوه على الجيران والعاني وساع صدورها يامرحبا يامرحبا ترحيب مقطوع النظير = من هاجس اللي مايقدم للعوارف سورها شاعر يعشق الكايده ويعوم بالبحر الغزير= وان حك عود بعود عدوانه يفج نحورها ترحيبةٍ مثل الذهب والورد مكسيه حرير = على جميع الناس بالقاعه تفوح زهورها ماجيت عاني من بعيد الدار يالجمع الغفير= الامحبه للرجال اللي وساع صدورها لو كل داعي لادعاني جيت من شانه مغير= طالت علي المسئله في برها وبحورها هرج العواذل لاذكرت الصدق ورضيت الضمير=مثل الجنايز يوم ندفنها بوسط اقبورها يابو حمد ياراعي الجزلات والوجه المنير=تكريمكم سر الرجال اللي طوال اشبورها تستاهل التكريم والتقدير مع ورد وعبير=والله يجيرك من صودايف الليال وجورها جمعت بين الدين والدنيا وتقدير القصير =كل العلوم الغانمه نلقاك مع مضهورها عواد لاعدو رجال الطيب والفعل الشهير=يذكر ويشكر والوفاء سابق تعلى كورها ربعه ليا زاد الخطر والسيف سل من الجفير=كم ابلجن عاقوه بالميدان دون ان شورها اهل الكرم والطيب والمعروف عون المستجير=احامده ماينكسر يوم اللقى طابورها على الشريف وعسكر الباشه عذابٍ مستطير=وحمر الطواقي من جهتها ماتنام اسبورها لهم على الفقره سياده ماجهل فيها بصير =ماحد تعلا يوم صولات القبايل طورها الزير لادقوه وقت الحرب باليوم الكبير=تنطح وجيه القوم ماتلتف خلف ظهورها وفي نجد ياما جندلو من دون حلوات الدرير=عقيد قومٍ بالمعارك مايهاب شرورها لاشافهم راع الطمع دون العشاير يستخير=يوم المشاكل بين خلق الله تفوح قدورها عون الرفيق مدلهين الجار معطين الفقير=اكرام ساس اكرام واهل النور نظهرنورها يقوله اللي يعرف الفراش ويعرف المدير=والناس في هرجه وشعره مايمس اشعورها |
من هاجس الشاعر اللي يعشق المستحيل= يختار جزل البيوت وترك اهزالها عينه عن النادره ماله ومال الهزيل =والطيبه بيض الله وجه من قالها سلام بالعيد الاول ريح عنبر وهيل =والذ من در من ترزم على اعيالها وحلا من التمره اللي في عذوق النخيل= مع دلةٍ شف راع الكيف فنجالها يالعزوه اللي لكم بالمجد باعٍ طويل= كل المسره كبار القوم وشبالها ياطيبين النباء ياحافظين الجميل = ياعزوةٍ يامن المطلوب في جالها وثني سلامي على شيخٍ شجاع ونبيل=وان بان بالقوم خله يستر احوالها الشيخ مطلق زبون الكايده والدخيل =الله يجيره من الايام واهوالها ياعل من خلفه في يوم كشف الحصيل =ايضله الله مع الابرار بضلالها للطيب والعرف والنوماس دايم عميل =كريم سبلا فعول الخير يسعالها لين جنابه بحال وحال صعب وثقيل=وتشوم نفسه عن الرديان وفعالها من بيت شيخه قديمه في صحيح الدليل=ماهي بحب الخشوم ونصب وريالها جاته بضرب المشوك والنمش والصقيل=يوم السبايا تعرف القوم خيالها حفيد شيخٍ لصاحن ماشطات الجديل=ياما ثنى دون ذود القوم وحلالها يرعى الخطر في ديار القوم ماهو ذليل=لاقال وين المسره صاحة ارجالها يدب بهم روس قومٍ يشعلون الفتيل=في يوم ياصل عسامه قمة اجبالها ياسعد من هو حزامه بالنهار المهيل= اليا اختلف منطق العدوان وشكالها اليا نزلو ديره الاخصام عنهم تشيل=للسود البيوت الضليله دنت اجمالها اهل الكرم والرجوله جيل من بعد جيل=الطيبه دونها ماتقصر احبالها وختامها ياعظيم الشان ربٍِ جليل =احفض وطنا من الاشرار وعمالها الامن ماله ثمن لو نفعل المستحيل=كلمه عسى كل شعب الدار يصحالها من حولنا كم من شرد وكمن قتيل=ياناس هاذي فتن مافالنا فالها |
الله يبيض ياعرب وجه فايز=ويكفيه ربي من صواديف الايام انشهد انه راعي الطيب حايز=على العلوم الساميه نسل الاكرام قمة جبل مايحركه كل رايز=دون القبيله بالزمن درع وحزام عزيز من ربعٍ علينا عزايز=يستاهل التكريم والمدح ووسام يفداه من يروي كلام العجايز=ماله بتوثيق الخبر بصمة ابهام وماله بجزلات السوالف خزايز=عايش على قلب الحقايق وهدام كلام حربي مايحب اللفايز= وان حك عود بعود شاعر ومقدام |
مريت واد الحمض عشره من الشهر=والدمع من عيني على خدي انحدر حاولت اخفي دمع عيني وضيقتي =من خوف عدواني من الغرب والجبر تفرح عليه من حسدها وغيضها =وانا على كل الفريقين منتصر مبكى عيوني غير عشقى لديرتي=عسى عليها صادق النو ينهمر للولد فيها افعال ماهي بدوبها= اللي يحاول حصرها صعب تنحصر متيه حمرٍ شبا السيف دونها=وشلفٍ مضاربهن على القلب والنحر نتبع هواها باول الوقت واخره=نرعابها يوم الخطر ديرة الخطر كم شيخ صبحنا على راس عزوته=وان شافنا بطرافها يعطي الظهر الواو في يوم المصيقر قصيدته= تبقى مثل نقشٍ على عالي الصخر ابيات تبقى ياهل الشان خالده =ماقال غير الصدق ياسامع الخبر على الفقير ساقو الزلم يمنا =اجموع مثل الموج في غبة البحر حنا نهار الكون تسعه وكثرها=من فعلنا كم ابلجٍ طاح وانكسر بعد الطمع قفت مع البيد خيلهم=ماذمهم فيهم جساره مع الظفر والترك جونا بالمدافع تجرها=من قو سطوتهم للاخصام تحتقر يوم اسندو مع وادي احراض وانتهاء=بالشرف قمنا نصهر الجمع وانصهر وكون الغرابه راحة القوم هاربه=كتايب الاخوان نثارة الحمر على طلوع الشمس جونا بخيلهم= والعصر يبغون السلامات والمفر وبعد السنه عادو على الخيل والنضاء= يبغون ثار العام حاديهم القهر على النصيع وماوراها ودونها = مثل الجراد اللي مع الوادي انتشر خلو عقيد القوم من ضرب شلفنا=ينزف صوابه بعد ماطاح وانعثر حذف الجنايز بيمن النزل ويسره=يومٍ على الاخوان مامر بالدهر على الضييقه والجفر قام حضنا=وفي يوم شجوه وام عرقوب نفتخر وفي راس ريع امدرجه جعلها الحيا=دون المليحا فعلنا مدهش البشر ويوم الحوير حن من هول ماجرى=امبشره بامه عسى قبره المطر رد الوسيق اللي بعيدٍ مردها=ماطاع هرج العود من زايد السطر وبواط فيها والفويرع افزوعنا =كم طامعٍ من ضربهم قام يحتضر وفي وادي الصفراء من الترك كسبنا=فوق اربعين من الزمل تحمل السفر عطيت روس اقلام عن فعل لابتي=جبت الكلام اللي موثق ومختصر واليوم دار القوم مخلي جنابها= الارض جفت وانحنا شامخ الشجر قلت منافعها وجفت عدودها=جميع مافيها من الوقت مندثر |
انتشر مقظع لبعض الشباب اللي يقضون رحله خارج الوطن ويتحدثون عن جو المليليح وشجوه والفرق بينه وبين الجو اللي هم فيه بالخارج ورد الشاعر محمد عياد العروي الجهني بقصيده
وذكر ان شجوه والمليليح لقبيلة عروه من جهينه مع العلم ان تشاطرهم فيها قبيلة ولد محمد من حرب وخاصه السواعد والتمم والسعادين وعندما سمعت القصيده رديت على الشاعر محمد العروي وبعد وصول قصيدني له رد بقصيده اعتذار واعتذاره من شيم الرجال النبلا وهذا حق الجار على الجار وقبيلة عروه تربطنا فيها علاقات كثيره من جيره ونسب واصدقاء وغيرها نعم بقبيلة عروه وجهينه عامه وكل القبايل
يالشله اللي يم بنكوت غادين=ماهي وطنكم لو عجبكم هواها ياللي تسبون المليليح غاوين=وشجوه بعد ماضرها من هجاها يالشرذمه ياللي عن الدرب حادين=خابت هقاويكم وخايب رجاها هذي ديار اللي على الحق رابين=سكانها عروه يذري ذراها اهل الكرم والطيب بالعسر واللين=نفخر بديرتنا ونعشق ثراها يوم اشهب الدخان وسط الميادين=عروه حموها والعدو ماحماها سكانها اللي يلحقون المخلين=نفخر بماضيها وفيه انتباها برادها مع شمسها يالمساكين=عاشو بها ارجالٍ تكرم الحاها تاريخها تشهد عليه السلاطين=الحمض يبراها والاجرد وراها على ارضهاعشنا على الحق ماشين=نفخر بها ماضرها من هجاها ردي على الشاعر محمد عياد العروي
ياجار جيب البينه والبراهين=عن العلوم اللي سمعنا صداها للجار يالجيران حق وقوانين= مثل النجوم الامعه في سماها انتم وحنا ياهل المذهب الزين=جيران في شح السنين ورخاها مقداركم عالي على الراس والعين=طبعي رجال الجود مجحد ثناها والغلطه اللي سجلت بين قوسين=قريتها والغير مثلي قراها ياجب على محمد وريث الكريمين=تصحيح غلطه عيبها في حشاها الدار منتم في كنفها وحيدين=ايمين واد الحمض ربعي احماها فيها السواعد والتمم والسعادين=قومٍ يعيف اطرادها من غزاها ياما اذبحو فريس ماهو بسيطين =دون البكار اللي طويله اذرها ماقل دل وماكتبنا عناوين=والناس يعرف طيبها من رداها رد الشاعر محمد العروي
يامرحبا ترحيبةٍ عن ملايين= مني لبن دومان عجله اخطاها وتعم حرب اللي تكيد المعادين=لطامة اللي بشدايد شناها وتخص ولد محمد اللي موالين= ازحول الرجال اللي تعز اقصراها المعذره ياصحابنا يالميامين=يالعزوه اللي عاليٍ مستواها مانقبل الزله من اول وهالحين=وان كان فاتت حرص بطفي سناها ماهو قصور بحقكم يالشريفين= هاذي معاذيري عساها عساها قافٍ كتبته ياعرب قبل يومين=من شان ناسٍ يقلع الله مداها بينت قاقي ياجماعه بثنتين=الحمض يبراها والاجرد وراها اديارنا ودياركم يالشياهين=مانطاوع اللي بالنوايا نواها انتم وحنا فوق هالارض ناشين= متقاسمين المرجله في حماها والمعذره ياصحابنا يالموالين=عن زلةٍ من شاعرٍ مانواها |
يابو سعد رب المخاليق يكفيك=من شر غبر ايامنا والليالي لاجفت الاقلام جعله ينجيك=في يوم ما ينفع عمام وخوالي انشهد انه يرفع الراس طاريك=لك تشهد الاجناب قبل الموالي حربي على فعل الجمايل مباديك= تذكر وتشكر ياكريم السبالي يافزعة المحتاج وان جاك ناصيك=عليه لاضاقت وساع السهالي وده يقوم وطاح وسط الشرابيك=اليا عتدل حمله تعثر ومالي هذا كلام الصدق مافيه تشكيك= موثقه مافيه كذب وخيالي مالي ورى ماقلت يسعد لياليك=اهداف تذكر يابعيد المدالي في خير جعل الله يعزك ويبقيك=من فضل ياغازي عظيم الجلالي لكن طيبك طيب الله مساعيك=خلاني اكتب بالقلم ماطرالي |
الساعة الآن 01:33 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir