|
صفحة من الماضي محا رسمهااللمس = تلوح من لمس الأصابيع ملسا
فليتها للنور بطرافها رمس = وطويتها والليل بالأرض ماامسا مرّتبي القدرة على مجلس الأمس = ووقفت به للغد واليوم وامسا باقي تناتيفٍ حمسها الدهر حمس = غيدٍ حمسها تالي القيض حمسا صافحتها بمعشرقاتٍ من الخمس = خمسٍ عليهن للمواجيب خمسا معالمٍ كانت طمسها البطى طمس = كتبٍ طمسها رايح المزن طمسا اقفيت منها خاطري ضايقٍ عمس = أكثر من ابن سرور ضيقة وعمسا خواليٍ للريح بورودها همس = حديث عشقٍ بين الاحباب همسا النمر يدمي مقلته بالزمن نِمس = ونمرود عرشه طاح وافناه نِمسا قريت بالدنيا على حاجب الشمس = حرفٍ من الياقوت بخيوط شمسا حرفٍ غمسته في لهب ضامري غمس = حتى غمس غض المعاليق غمسا الليل خلاّ الارض واجبالها دمس = والصوت ماله مع دجى الليل رمسا نافع مطر المرواني |
دليت مع نقادة الشعر. دلوي
دليت مع نقّادة الشعر. دلوي = اموح فيها. لا حضر كل ميــــــــــــــاح اخترت مطروق من الشعـر ملوي = بين الغموض وبين مفهوم الايضــــــــــاح ارقابه اللي من المواجيب علـــوي = وصد به عن كل هابط وضحـــــــــضاح هواي من هرجه على الكبد حلـوي = شيخ المراجل دايم الوجه وضــــــــــــاح وشوم عن خبل من لنـاس دروي = مايفرق الخســــــران عن زود الارباح مثل الخفيف اللي به الريـــــح تلوي = نتيف ريش طار مع هـــــــــوج الارياح هواي من يجلى عن القلــب جلوي = هواجس فيها يضيقـــــــــــــن الارواح مطنوخٍ اصل به من النبت تلــــوي = غض الورق فيه الزهر مابعــــــــد فاح قفر ربيعـــــي من الناس خلـــــوي = ديمومة فيها تزاويل واشــــــــــــــــباح باطرافها قطــــــــعان الاذواد فلوي = والطير بالحان التغاريد صـــــــــــــــداح القابها عن بعــض الاحوال سلوي = مع خوة اللي للمواجيب. نطــــــــــــــاح من فوق جيبٍ للتضــــــاريس يطوي = يطوي حزوم الارض مسرى ومصـــباح مع درب غيثٍ لاخضر الارض يروي = زرقٍ ربابه يتبع الريح طــــــــــــــــفّاح مهاملٍ باطرافها الذيب ياعــــــــــــوي = دلمٍ لياليها بها البرد لــــــــــــــــــــفاح ماتشوف فيها النور بالارض يضــوي = الا النجوم ولايح البــــــــــــــرق لا لاح قفرٍ عن الاوناس بالارض مــــــــدوي = شرقٍ من الهامل ورى عروق الاسياح خبّة يباريـــها نوازي وحـــــــــــــنوي = يرسم بها الـــــــــزاهر براويز ووشاح نافع مطر المرواني |
والله ماتبع واحد مايبيني
والله ماتبع واحد مايبيني = لا والذي يسجد له الكون كله رزقي على اللي يرزق العالميني = الواحد اللي كل صعبٍ يحله انا ليا شفت الخوي المهيني = اناني الرفقة خبيث الجبلة قطعت حبل الوصل بينه وبيني = مالي ومال أهل الطبوع المملة غني عن صحبة خطات الدويني = اللي بقلبه من. اهل الطيب غلة خويي النشمي هوى الغانميني = شيخ المراجل والوفا. عادتله شهمٍ على دروب المروّة يعيني = من شبته مثل المراية اسجلّه مايغيّره طول الزمن والسنيني = مثل الجدي بالافق هذا محله دايم على للقطب الشمالي يبيني = بقصى الشمال وكل. تايه يدله ياحبني لهل الوفاء واليميني = اللي. عليهم يشهدن الأدلة رجال الشهامة والكلام الرزيني = هم كاسبين الطيب دقه وجله ويبغضني لهل الردى الفاشليني = شذابة المقفي حمير الدملّة خطوى الخبيث معذرب الطيبيني = يبي الوجاه ومعدنه قاعدلّه نافع مطر المرواني |
قلت الصحيح وراعي الطيب محمود
قريت ابيات للشاعر فالح عبيدالله ابن ظفر ذكر فيها اسم العبيد ابن رفدان الله يغفر له فا رجعت بي الذكريات ٤٥ سنة فاتذكرت ذالك الزمان ومن عاشوا فيه ومن ضمنهم العبيد ابن رفدان الله يرحمهم ويسكنهم الجنة جميعاً : فهاضت المشاعر في هذه الابيات : قلت الصحيح وراعي الطيب محمود = وزودت شوقي للديار وعربها اشهد شهادة حق بثبات واشهود = ذكرتني هاك الليال وطربها يوم العبيد يجدد الجود بالجود = والنار من جرم الموشم حطبها الله على عهدٍ مضاء دونه اعقود = دونه جيوش الياس تندب اسربها اقفى كما مزنٍ به ابروق وارعود = عليه رب الريح سلط سببها ماباقي الا رسوم واسمول واعدود = وحتايفٍ مات الشجر من لهبها راحت مراح الريش مع عاتي النود = ماتلتفت لو المصوّت ندبها ياونتي ونّت من الناس ملهود = من كلمةٍ شبت بنفسه غضبها قال الصحيح وكذب القول مقرود = والسالفة طالت وطوّل نشبها على رجالٍ دونها الدرب مسدود = عليهم سطح الارض حامض اعنبها نافع مطر المرواني |
يشوقني من ضمّر الخيل صفراء
https://f.top4top.net/p_8406qbbh1.gif يشوقني من ضمّر الخيل صفراء = من خيل وافين الخصايل والافعال في ناصيتها علم الاسرار يقراء = رمزٍ لتاريخ الشجاعة ولأبطال يما عليها يدمر الجمع دمراء = خيال حربٍ يرهب القوم لا جال يسمر صدور القوم بالرمح سمراء = غضنفرٍ بالخيل يفعل ليا قال عليه مع لبّاسة الجوخ حمراء = جوخة شريفٍ دونها الموت يختال على جوادٍ تطمر الخيل طمراء = من رجدها بالارض للأرض زلزال قباء حوافرها من الجري جمراء = سوداء البراجم والقلايد والاقذال تدمر اقوام واتعمر اقوام عمراء = من خيل حرب مطوعة كل من عال كأنها تسقى من الطيش خمراء = لاشافت الفرسان تجري بالاقفال عاداتها باوّل مقاديم نمراء = تضرب صفوف القوم بقفاي واقبال يما عليها تصبر الخيل صبراء = من دون سودٍ بالفلا كنها جبال شرابها من صافي ألمي خبراء = وماكولها نبت المذاري اليا سال نافع مطر المرواني |
|
|
|
|
https://c.top4top.net/p_1113qmnpw1.jpg هذي شوامخ عقب والوادي الذي ارسل علي واحد من الجماعة هذه المقاطع والصور لديرة احبها , فهاضة المشاعر في هذه الابيات هذي شوامخ عقب والوادي الــذي = تمر طلحات النعايم مسايله يما تحت ظل النعايم من الـــــهنا = عن لاهبٍ تشوي الزواحف قوايله نزورهن لا حترت الشمس واسربت = جيلان فردة باشهب اللال جايلة نختار من شرد الجوازي غصيبها = ومن ما يسر الحال ناخذ نفايلة هذي مراعيف اقمرى علها الحيا = غيثٍ من الوسمي ترزم مخايلة يضف فردة وقـــمرى مع سنافها = ويرسي بواحات الموشم دلايله دارٍ تذكرني اهل الجـود والوفا = وعهدٍ طواه الياس واقفا بنايلـــه كنا بها يوم الهوى يتبع الـهوى = قدام وضح الراس تكثـــر نزايله دارٍ قضينا بارضها جل وقتــنا = دار المروّة والكريم وجمايله جتنا بحد السيف ومقـارع القنا = بيومٍ تقاتل بالهنادي قبايلـــــه يشهد على ماقلته ضفـيدع الذي = تطيح من راس الشعيــرة قتايله قعدلهم بمشوّكٍ ينثر الحمر = شره برأس الشيـخ ثارت فتايله وقفوا وخلوا بالفلا شمخ الذراى = عقب الطمــع اعذر من الراي فاتله هذي فعايل حرب حرابة الدول = لا رازها قومٍ عن الحق عايلة ختمت بحروف المعاني قصيدتي = وتم الجــواب وقفل القول قايله نافع مطر المرواني |
عمار ياوقتٍ بنى دونه الياس
عمار ياوقتٍ بنى دونه الــــياس = جسرٍ من الصوان والصــــــــــلب عالي وجيبٍ ليا غاب القمر يمرس امراس = عليه من قول ابن زويبــــن مثالي من الوارد التالي كمـــا درة الماس = على الفقــــــير قليّل المال غالـي ليا راح نصف الليل وكتفـــوا الناس = وقلب العنى عن لذة النـــــــــوم جالي شغلت ماطوره. وولعت الاكــباس = كنه عقــــــيد القوم دون التوالي اسري عليه ليا نقطــع حس الاوناس = اما نحرت الشرق والا الشــــــمالي اما خاواني مشـــوربٍ يرفع الراس = والا طويت ام الغياهب لحالي ليا اوجست في عوج المحاديب هوجاس = علقت في حبل الكريم اتكالي يسوقني طبعــي على كل نوماس = ليا طاب نوم مجمعين الريالي اشري وناسة خاطري وزن وقيـاس = لو ان وقتي والزمن ما صفالي نافع مطر |
وشلون حالك عقب ماخمك الحر
وشلون حالك عقب ماخمك الحر = عسا جروحك عقب شلفــاه بريت ياشاعر الخلوات ياناقة الـــدر = كل الاوادم عن سوالفك دريت يامدور الانشاب يافاتـح الخر = الصحف جفت والمكــاتيب قريت خابرك تحاول لعبت الكر والفر = حتى دروبك من اهل الطيب عريت خذها بعلم في خفاياك مايسر = دلايلٍ منها المطاليق بريت قلبي يحب الخير ويحارب الشر = والناس في سب الاجـــاويد هريت اما ضلمت الناس بالسيف الابتر = والا ضلموك بذمة منك شريت نافع مطر المرواني |
خلاني الموتر بجرداء جراهيد
خلاني الموتر بجرداء جـراهيد = في مهملٍ فيه الهـــــواجيس تلتم وارقبت مرقابٍ عسير الجـــــلاميد = مايرقبه غــــير الذي حايفه هم وطالعت جيبٍ مر عجه عراجـــيد = اوميت له بيدي وقفى ولا هتم اركض بثرهم لين راحوا تقل صـــيد = حتى سراب الارض من دونـهم زم راحوا على مترفعٍ يطــــوي البيد = اقفى مع البيداء يخم الوطى خــــم وساقت لي القدرة من الناس صندـــيد = شهمٍ عليه إصـلاح سيارتي تم عن ماحصل بالفعل لانقص ولا زيد = ومن يحفظ المولى من الشر يسلم نافع مطر المرواني |
وقفت برسم دارٍ غيّرتها
وقفت برسم دارٍ غيّــــــــــــرتها = نفوس الناس وسنين الجــــــــــفاءُ ناديت الدار حــــتى الدار ردت = جوابٍ في تفاصــــــــــــــيله بكاءُ فقالت من حروف الشعر حرفٌ = قليل العلم مجهول الرجــــــــــاءُ رفعت الصوت مابه من يجيــــبه = مغير الليل واصوات الصــــداءُ عرض لي بالخيال الحر قـفراً = كرايم صيدها عفر الظــــــــــباءُ عليها مع شروق الشمس طـــــلاً = على خضراء تحت زرقاء سماءُ صافحت اورودها عشرين سني = فياله من نعيـــــــــــــم ومن بهاءُ فلما راحت الأحــــــــــلام عني = فلا سحب ولا واردٍ ومـــــــــاءُ ماغير القــور تزمي في سرابٍ = ينادي بالضماء لهل الضــــــــماءُ فاكيف العيــش يهنا برض دارٍ = خلقها الله صــــــبراً وابتــــــــلاءُ ومن اصــدق من الرحمن قولاً = تعالى الله يفعل ما يــــــشــــــــاءُ عرفت الأرض والدنيا واهلـها = سرابٍ يطّرد ماله بقــــــــــــــــاءُ كريم النفس يملى الأرض عدلا = قليل الهرج مامون الخطـــــــــاءُ وشر الناس بين الناس قـــــــوما = يبيعـــــون المروٌة بالرداءُ ولو تفرشلـــهم جيلان بناء = وروداً مايعدون الثـــــــناءُ نافع مطر المرواني |
ياحياةٍ نسايرها بعزمٍ وشدة
من يعد الليالي والليالي تعده = اشهد انه حزين القلب ماهو بســـــــــــــــــالي ياحياةٍ نسايرها بعزمٍ وشدة = طار فيها زمنها وعتلقها جــــــــــــــــــــفالي كم قويٍّ قوي العزم حيله تهده = لين تثنّيه تثنيت الجمل بالعـــــــــــــــــقالي كل ماسار سيري مع رفيقٍ أوده = غاب عني وخلاني وحـــــــــــــــــيدٍ لحالي ماطواه الزمن لايمكن انك ترده = كيف تقدر ترد اللي على القـــــــلب غالي ياجزيل المعاني مالك اليوم صدة = كان ماشفيت صدري منت جزل المقالي كل مالاح برقٍ بالغيوم المسِدّة = ارهش القلب يتبع مرهشات الخـــــــــيالي ياسحابٍ نزل بالعيلم المجرهدّة = طاب وبله على قفرٍ من الناس خـــالي لاتخلي خويك والليالي تحده = ونت تدري ماهو عقبك سليم الحــــــوالي مايحب النمايم والوجيه المصِدّة = ولايحب الحرام ورغبته بالحـــــــــلالي منوته خوّة اللي ثوب الامجاد قده = صيرميٍّ على طول المــــــناعير طالي العرب كل مسعورٍ معرّط ببدّه = والليالي غروب ومنزلٍ وارتحـــــــــالي الردي لاتعزوابه ولا فيه شدة = فاتر الحيل مايقدر يشيل الثقالي يوم دخن شواط المطرقة فوق خده = صاحب الكلب غواّله وعاف القتالي نافع مطر المرواني |
عزي لمن جيبه تعطّل وخلاه = في ديرةٍ سحم السباع بجبلها
في راس عيطاء مضلم الليل غطاّه = عيطاء بعيدٍ راسها عن سهلها مد النظر ماشاف بالديرة ارعاة = ولا قوانيصٍ يبشٌر حللها في ليلة فيها الكواكب امغطاٌه = والسحب ترعد والبرد في هللها شال الزهاب وبندقه وانتقل ماه = وحوّل مع جبالٍ عسيرة اقذلها يمشي وطوّل بالشواهيق ممشاه = حتى لواليح الوعيرة نزلها ايّس من الدنيا مار ان الله أنجاه = بسلامةٍ رب البرية كفلها نافع مطر المرواني |
|
|
|
هذه القصيدة وجها لي الشاعر نايف الشويب السليمي
ورديت عليه مردها ياهل الوفاء عندي كـلامٍ صريحـي = أبكتبه وانتم على ارض الله شهـود مايقال ياهل العرف غير الصحيحي = هذا الأكيد ومخفي الصـدق نمـرود يانافع الحربـي نهديـك المديحـي = تستاهل المدحات مع ريحـة العـود أنت الـذي ياتـاج راسـي فليحـي = فيك الوفاء والطيب والعرف والـزود ياعـل حظـك يافتـى مايطيـحـي = يالله عسى دنياك في وجهك سعـود ياراعي الوجه البشوش السميحـي = شرواك يانافـع بالأفعـال محمـود لاقلنا فيك العقـل عقلـك رجيحـي = فيك التروِّي تدرس الوضـع بركـود وان قلنا فيك الخلق هـذا صحيحـي = تكسب جميع الناس ماانته بمقـرود وفي حزت المدات ماانت بشحيحـي = يامعشي الضيفان ياصاحب الجـود وفيك الشجاعه لانـواك الشفيحـي = تصيدها بيمنـاك ماانتـه بمصيـود وفيك الشعر لافاض منك القريحـي = تبدع جزيل القاف مع هبَّـت النُّـود هذا انـت ينافـع بعيـد الشويحـي = تبقى رفيع الـراس مافيـك منقـود كل ماعرفته عنك فعلٍ مليحـي = خصايلٍ فيها اجود الطيب مرجـود من لابةٍ يثنون دون المضيحي = اللي بها زين الدباديب ماجـود وضحاء ترتع بالمكان الفسيحي = بطراف وضحٍ مابهن عيّنة سود يفداك مـن هـو بالفعايـل قبيحـي = ذاك الـذي لاراح ماعنـه منشـود أقولهـا يانـاس وقلبـي نصيحـي = ولي الشرف ماني على المدح محدود أمدحـك يانافـع وانـا مستريحـي = يالله عساني قلت ماكـان مقصـود وصلاة ربـي عـد ماهـب ريحـي = على النَّبي مابلغ الدين بحدود الشاعر نايف الشويب السليمي |
ردي على قصيدة نايف الشويب السابقة
حي الجواب اللي لفاني صريحي = مثل الذهب في معمل الصوغ مرجود من عند نايف بالثمين المليحي = فرايدٍ فيها اعذب الشعر ما جود يسرّني منك الثناء والمديحي = لو كان مابي عن وفاء مثلكم زود مثلك قويّ الشعر رايه نجيحي = يبقى على وضح النقاء كنه الطود عز الله انك يالبناخي فليحي = من ربعةٍ ترسي على قمّة الجود ارفع لك الراية براس المشيحي = عمرّدٍ في صحصح الارض مفرود أنا بوجودك كل وقتي امريحي = وقتي رخا وافراح واسهود وامهود من طيبكم يأهل الوفاء والصحيحي = ابرمت بالدنيا مواثيق واعقود يانايف أنا عندكم مستريحي = حربي ولي في حرب عمان واجدود ان كان مال الرجل عقلٍ رجيحي = العمر يفنى واللحم مرتع الدود منكم غزير الطيب ماهو ضحيحي = غراّء ايخالط وبلها برق وارعود دارٍ زهرها خالطه ريح شيحي = يرعابها صيد الفلا عشب وورود ترى طرات العمر بالٍ شريحي = وحضٍ يجنّبنا غثا كل منقود ياحبني لهل الكلام النصيحي = اللي بحروفه بيرق الطيب معقود يشفي ضميرٍ من زمانه جريحي = عليه من الدنيا فواتير وابنود بعنا واشرينا بالنصيب الشحيحي = والله شهيد وحاضرة خلقه اشهود الله خلق بالارض جواًّ فسيحي = ودارٍ بها لهل ألوفا زاد واعدود مثلك يانايف للنشامى سميحي = له مع رجال العرف شيمات واعهود نارد بك العذب القراح النزيحي = عد الرّوى ماعذربوا جمه اورود تمت بمردود الثناء والمديحي = والطيب باهل الطيب ماعنه منشود نافع مطر المرواني |
هذه القصيدة مجاراه للشاعرين حمود ابن ثمر القصيري الحربي والشاعر حسن محسن العروي الجهني ابو علي جاري سابقاً ، حيث سمعت كل القصيدتين فأعجبت بتلك القصايد وتذكرت جيراني فهاضت المشاعر في هذه القصيدة : ارسلها علي حمود ابن ثمر القصيري وهو مادرى اني اعرف حسن الجهني ابو علي ولما وصلتني القصايد عرفت ابو علي وتأكدت من ابن ثمر ان حسن الجهني هو جاري القديم فهاضت المشاعر في هذه القصيدة , وعند ماسمعها ابو علي رد علي في قصيدة تطلق وجهه :
يابن ثمر ياصاحب الطيب والكرم = صيتك على روس الخلايق ذاع يفداك من تخشى الاوادم ظلايمه = شبعان وبيض الواجبات جياع انته من اللي يشعل النور بالدجى = ليا من هتاّش الغداري ضاع شاعر وأديب وطيب القلب والنبا = تجيك جزل المفردات رياع تصوغ مصقول القوافي من الحشى = ولا لك ورى حلو القصيد اطماع متصاحب الا كل حرٍ صميدع = شيخٍ ليا قال الكلام يطاع مثل ابو علي كاسب المدح والثنا = حسن ابن محسن طويل الباع شيخٍ ولد شيخٍ جهينة قبيلته = وحربٍ خواله باللزوم سراع قريت مطروق القصايد وشاقني = شعرٍ على الفن الجديد بداع شعرٍ ذكرني راعي الجود والوفا = جاري ابو علي وفيّ الصاع سحبٍ على الجيران غرٍ مزونها = تسمع رعدها وبرقها لماع تسقي مراتع خنّس الريم والقطاء = وربدٍ بواحات الزهور. ارتاع ياحمود وصل يم جاري مشاعري = بشوقٍ على غير ألوفا مايباع اهديه من ورد المنيفات باقة = في راس ملمومٍ جليده ماع تحيةٍ من خاطرٍ مصخيٍ بها = يرسم بها دروب الحياه وساع سجلتها وبازكى سلامي ختمتها = واودعتها للذكريات ايداع هذا وانا من لا بةٍ حي حيهم = يزودون عن زود الرجال ذراع عيال مروان المزيني ليا وقفوا = دون الحقوق الصايبات ابتاع وكلن على ماقيل من دون واجبه = كل القبايل بالحقوق سباع نافع مطر المرواني |
وهذا رد الشاعر : حسن محسن العروي الجهني على قصيدتي السابقة
حي الجواب وحي طاري من ارسله = وحي الكلام اللي بدون قناع من شاعر حاز المراجل جميعها = وجارٍ مقدر عندنا ومطاع ورجل علومه بين ربعه غانمه = صيته بجزلات المواقف ذاع يثني علينا والثنا له نردده = في سمعة له تطرب الاسماع نافع مطر للطيب والشعر والوفا = ديوان وابوابه لها شراع لاشك منه الطيبة نقتديبها = ونوفي بحقه والوفا ماضاع من روس حرب متيهت كل وضحى = ترعابها قفرٍ لها مرباع قوم تعز الجار وتشيّم اللحا = ودخيلها تحميه مايرتاع يوم المغازي شرها في نذيرها = يردون مادون الوغى مرجاع وابن ثمر له رفقةٍ مانملها = سيفٍ ليا حان اللقا بتاع نفخر بمعرفته ونطرب لهرجته = ونبادله نفح الغلا الذعذاع عوايد فينا موارث جدودنا = نرد صاع الطيب فوقه صاع بيني وبينه والطواريق بينا = صيد يحوفه جايعات سباع نلقى ونسنا في القصيد وطرايفه = ونرسل مشاعرنا على المذياع هواتفٍ تنقل رسايل شعورنا = وتاصل رسايلنا عليه بساع نعمة كريم ونحمدالله ونشكره = اللي وهب لعقولنا الاسناع وحنا جهينة شجرة العز والوفا = قصيرنا مايشكي الاوجاع وعدونا نسقية من سم شرنا = حتى يجي من بطشنا مطواع واليوم حنا في ذرا اخوان نوره = اللي على شرع الكتاب اتباع والختم صلى الله على سيّد الملا = عدد ماهل الغيث وانبت قاع اخوكم: حسن محسن الزويد العروي الجهني . |
https://d.top4top.net/p_1189af25u1.jpg
عزالله انك يالقصيّري تجملت هذه القصيدة موجهه اللشاعر والمؤلف , حمود ابن محمد ابن ثمر القصيري رد جميل وثناء وعرفان على ماقام به من مجهود يشكر عليه في جمع شعر الشاعر الكبير خلف ابن الخليوي المرواني , من زين حلوات المعاني تسلّـــــمت = درٍ من الجـــــــــــوهر ثمين البضايع لبن الخليوي طيّب الشعر والســـمت = نوادرٍ بين النوادر صـــــــــــــــنايع عزالله انك يالقصيّري تجمــــــــــلت = حفضت شعرٍ كان لولاك ضــــــــايع وفيت يوم انك كتبت وتكلــــــــــــمت = عن الخليوي بالبيــــــوت الروايع يابن ثمر يومك درست وتعلــــــــمت = سجلت علمٍ بالمـــــــــواجيب ذايع سجلت في حبر القلم لين كمـــــــّلت = شعرٍ قوي السبــــــــــك جم النفايع نرفع لك البيضاء على ماتخيـــــرت = بشمـــــرخٍ راسه عن الارض نايع بديت بالموضوع واصدرت واعلنت = شعرٍ صـــــدر مابين شاري وبايع بذلت مجهودك وطبت وتكــــــــرمت = والطيب بااهل الطيــــب كنز وودايع اسرجت لك غراء من الشعر والزمت = قافٍ على كسب النواميـــس طايع اقحمتها في عاتي الموج وابحـــــرت = عنها عصيّ الموج رايح شــرايع حنا بزمانٍ لانظرت وتمعــــــــــــــنت = شبعان غث من اعذب الشعر جايع هيّضتني ياحمود وانا تهيّـــــــضت = بمعرّباتٍ للحقيـــــــــقة طــــــلايع الناس لاطاب الفتى تلزم الصــــــمت = مدري حسد والا تضيع الســـنايع ومن يصنع المعروف لا يامن الشمت = يكفيه طيبه عن مديح وطـــمايع شهدت لك بالحق واقررت وايقنـــــت = انك حكيم المفردات البـــــــــدايع قلت الصحيح بكلمتي ما توهمــــــــت = كتبت حرفي من جــــــديد الوقايع ولا تمشي الدنــــــيا على كل ما رمت = والناس تحكمها سلوم وطـــــبايع هذا وسلم لي على ربعـــــــــــنا دمت = ماغرّد القمـــري على دوح خايع والمعذرة ياحمــــــود كاني تجاوزت = واخطيت درب الوافـــيات الرفايع نافع مطر المرواني |
حييت ياللي عن ربوعك تقدمت
رد الاستاذ الشاعر : حمود ابن ثمر القصيري على قصيدتي السابقة التي وجهتها له حييت ياللي عن ربوعــــــــك تقدمت = باسم ألوفا جتنا بيوتك بدايع باسم بني مروان نبت وتكــــــــلمت = بصفحة ثناء ومطّرزة بالروايع نافع مطر لاهنت من طيــــبك اكرمت = ملفى دباس اللي لقى العود جايع يامن بزينات المثايل تحكـــــــــــمت = بحساس صادق مضرى بالخدايع تشكر وتذكر جهدنا يوم نظّـــــــــمت = تبرٍ مطوَّق بالذهب واللمايع عن سيرةٍ عطرة بها قلت والحمـــــت = سيرة خلف راع العلوم. السنايع شيخ اشعراء مزينة بما قال تمــــمت = سفرٍ من الدر المنقّى ذوايع وماذاع من شعره جمعته وترجــمت = خزايزٍ تشبه. لطق القلايع خلدت للشاعر إنتاجه وساهـــــــــمت = بنشر الحروف الشاردات التلايع وبحثت عن شرّد حلاله وليّــــــــــمت = شعرٍ لجدي كان عندي ودايع وحققت تشجير العشيرة وقـــــــسّمت = جذمٍ عليه موثّقات الفرايع وأنا على الواجب مع الحرص سلمت = سفرٍ له الركبان مثل النجايع وبذلت جهدي للقبـــــــــــــيلة وداومت = في مرجعٍ محكوم مابه نزايع كم ليلةٍ واصلت لجله ولا نمــــــــــــت = في واجبي لو نمت فزّيت فايع نفسي مضريها على اللعــــز ما دمت = بالحق ماشي بالدروب الوسايع هقوات نفسي بالمعالي لها شـــــــمت = تشفق على قطف النجوم الرفايع والحمد للي في حباله تلـــــــــــــــزمت = خطواتنا للطيب دايم طوايع في كل خطوة في حياتي ترســـــــــمت = امشي عدال ولا تلفّت لضايع ولا امشي بدربٍ لا قطعته تنـــــدمت = ويما أخذت من التـــجارب شرايع كاسب رضى نفسي ولا قط خاصــمت = الجاهل. المقرود راع الفنايع وعن لجّة أهل القال والقيل قد صمت = اللي تلبس للدسايس. قــــــــنايع وعن ناقل النمات يما. تلوطـــــــــــمت = من شان ماتــــوخذ علي الذرايع على الشحم أقلــــــــــط ولا قمت كرّمت = ولا ذم راع المد لو قمــت جايع والخلق كانك بالنظـــــــــر فيهم أنعمت = تلقابهم من كل طـــينة نوايع وكانك حكيم وللطــــــــــبايع تفهمت = المشتري يختار زين البضـــايع واختامها يامن بشـــــــــــكري تقدمت = وزع ثناية مع. خــــوالي وزايع الشاعر المئلف : حمود محمد ابن ثمر القصيري |
يامن يخبرني عن اخبار خلي اللي رماني بالهوى عقب ماغاب ابتسلاّ ماحصلي تسلي وشلون اباسلا عقب ماعلق الناب ليا ذكرته يوم فيه يهلي يوم الزمان اللي به اخوان وحباب كن الضمير من الحنايا يتلي بيدين مجنونٍ من الجن ماطاب ان كان قصدك ياحبيبي تغلى غالي ولك عندي مواجيب وحساب عديت مرقاب الهوى واتسلى وقعدت به حتى القمر بالشفق غاب يمكن وليفي من غيابه يطلي ويبرد جروحٍ جرحها مابعد طاب يامن سرقت القلب بالحب قلي ارجيك ولا دونك اقفل الباب نافع الحربي |
ياماحلا عقب المطر شبة النار
في موقعٍ من تالي الليل سايل وقامن يفوحن المباهير ببهار والمزن بالمنشى ثقيل المخايل واللي معي من ربعةٍ كلها خيار مافيهم اللي عن وفا الجود مايل اخذبهم مشتا ومربع ومصفار واكتب بصفحات المعاني دلايل نافع الحربي |
مريت دارٍ تذكرني مرابعُها
قوسى الحجاجين حورية المقلِ وقفت فيها وشمس الشبط قد طلعت حتى توارت عن الانظار بالجبلِ سئلتها عن زمانٍ فات مانطقت الا بقولٍ قليل العلم والجملِ قالت بعدكم هل الأوطان قد رحلوا ماباقي الا رسوم الدار والطللِ هل أنت من كان قبل اعوام صاحبُنا تمرنا تالي الايام معتجلِ وين اسودٍ كاجناح الليل تمشطُهُ تاجٍ زهاه الصبى والضافي الجثلِ قلت الحقيقة مضاً جردٍ على عجلٍ أصارع الوقت بين المر والعسلِ فراشنا الأرض نمشي في مناكبِها ولحافنا بردها والليل متصلِ نافع الحربي |
ياسلامي على دار المروّة سلام
دارنا كم تحدينا العدا دونها دام سلمان وابنه عايشين بسلام لو تنابح كلاب الكفر مايجونها دارنا مركز التاريخ عز الإسلام قبلة المسلمين اللي يحبونها دام كل الفرايض بالمساجد تقام اشهد إنا بنعمة لاتغطونها كل دارٍ لها بقلوب أهلها مقام وغير أهلها تراهم مايعزونها دارنا دونها صقور المعارك حيام لو يموتون فيها مايخلونها أرقدي يافتاة الحي مع النيام وابشري في رجالٍ تسهر عيونها نافع مطر |
البارحة يوم دنّق النجم شبّيت
نارٍ لعشاق المحبة تنيري وصحّيت قلبٍ لاسليمٍ ولا ميت ماله عن اللي بالضماير مجيري قلت السموحة كاني بحقك اخطيت عرّضتك الدرب الطويل العسيري قال التكل ونا معك ماتخليت مدام يحرم لبسنا الحريري كنك على ركنٍ من اركون حلّيت ملموم جيلان المهيف الوعيري قلت الوداعة كان للحب مريت اقرءا عليه رسالتي وتعبيري قله تراني بالعهد ماترديت اقطف زهور ملاعبات العبيري ماجت لي الدنيا على ماتمنيت صار الهوا يمشي على عكس سيري وسكت عن مابخاطري واستكنّيت وسجنت حبي في مساجن ضميري يما وردت وبالمواريد ماشفيت صدرت من مارد ضميري فقيري تدفعني الهقوة على ماتورّيت ويثنيني الصبح الوضوح المنيري يما على فرز الجواهر تهقويت اعسف عاصيها على ذوق غيري قلبي غلب عقلي على المرتع الهيت ركب جواده وصار هو الأميري ارقبت بالمرقاب واقبلت واقفيت اضني القى بالفيافي غديري دارٍ خلا ماشوف فيها ولا بيت الا سرابٍ بالنوازي يحيري ياهيه ياللي بالمداهيل مريت وصل سلامي وما يكنه ضميري نافع الحربي |
رسالتي راحت ولا جالها رد عزي لمن ياتنى مرد الرسالة قلبي على بعض العرب حدني حد مدري سفاهة رأي والا عدالة هاذي ثلاث شهور علمٍ موكد ونا احتري . راع الوفاء والجمالة سجلت في صفحة تويتر منقّد مفحوص عن عدوى المرض والنذالة قافٍ على البحر الرهاوي مجدد صلبٍ سياجه محكماتٍ قفاله امدله من صافي المعرفة مد حتى يبين من المعاني مقاله ان. كان عني عالي المنزلة صد صديت وبدلت الغلا برتحالة نافع مطر المرواني |
الله اكبرُ ما لله قد سجدت جباه من آمنوا بالله فأمِنوا الله اكبرُ. تكبيراً. نرددهُ ماغرد الطير بين الماءِ والغصنُ الله اكبرُ ما شمس الضحى بزقت من مشرق الارض ما بركانها وهنُ شعشع لها النور بالافراح وبتسمت على جميل الروابي زاهي الوطنٰ الله اكبرُ ما لله قد وقفوا على عرفات يوم. الحج بالسننُ قومٌ أتوا من بقاع الارض قاطبةً غرباً وشرقاً ودار الشام واليمنُ في قمة الارض فوق اجبالها نزلوا في دار مكةٓ لا. خوفٌ ولا مننُ دارٌ بها نزل القرآن وكرمها رب. السماوات عن مجموعة المدنُ والحمد لله ما بالارض من بشرٍ من عاش بالعافية ومعلعل البدنُ والشكرُ لله ما بالارض. من. حجرٍ في حرة النار والا السود من حضنُ سبحان من سبحت في حمده الامٓمُ الا الذينٓ عن التسبيح قد سُجِنوا ياناصر الدين انصر جيش دولتنا مدام واد الرمة بالغرب من قطنُ نعوذ بك من شرار الخلق خالقُنا انت الرجا وانت نور الكون والكننُ نافع الحربي |
ياحمامة بخيلة ماترد السلام ولعتني وحال البعد من دونها كل مادق طبل الشعر والفكر حام ذكرتني سلوم الحب وشلونها هجرست في اغانيها طيور الحمام وستلم سيف هجر العشق مجنونها ياحمامة عليها من الهوى والغرام شارتين بشعر العشق يطرونها علمتها روابي نجد للاحترام واكرمتها الحجاز بزاهي فنونها وأصبحت كنها ماتذوق حلو الطعام ضامر البطن وسيف الموت بعيونها مثل ماقاله امرؤ القيس من كم عام في بيوتٍ يطيح الشعر من دونها يوم حب العرب ياصل لحد الهيام علقوها بمزار الناس يقرونها نافع مطر |
الله على نوٍ سحابه ليا ضف يضف عذبات المراتيع ضفا غرٍ شعاع البرق بمتونها رف قبل الغروب بعالي المزن رفا يصبح بروقه في نصوبه تكاشف يدف. وبله عاتي الريح دفا ياخذ ثمان ايام والوبل ماكف على معاطيش الفيافي تكفا نوٍ تقافى بالرعود. يترازف ربان نوه للنوابي يحفا يسقي غصونٍ عرقها من الضماء جف غصون طلحٍ من هواى القيض جفا حتى نبات الأرض بالقشع يلتف على. هشيمٍ لفه السيل لفا هذا هواي وغاية النفس والشف مادام لي في ديرة القفر شفا أهيم في حب الخشوم المرعّف اللي عليهن سافي . الريح سفا ملازم الماء في حجاهن تذارف عذبٍ من المي القراح المصفا عسى السحاب اللي يدف الهوى دف يكف دار اهل المواجيب كفا نافع مطر المرواني |
الشاعر نافع الحربي يامل قلب لا طرى هاجسه جض كما يجض من المنام المريضي عليه شاشات الهواجيس تعرض في بث موجات الإرسال العريضي قام الزمان يعضنا بالجفى عض اصبحبه الحر النداوي عضيضي كن الضمير ليا قبل الليل ينفض في ليلةٍ شملى تسوق النفيضي الله على دارٍ زهر نبتها غض اشوف فيها كل غصنٍ غضيضي دارٍ خلا براقها بالدجى نض له مع صحاصيح الفيافي وميضي قم يانديبي شغل الجيب ونهض انهض بجنحان السعد لا تريضي قدام حالي من عنى الوقت تقرض وترجع جروحٍ بارياتٍ نقيضي نبي لحم صيدٍ على الجمر ينجض صيدٍ من وحوش الجوازي نجيضي ترى القلوب ليا ارمس الحب تمرض تسودْ لو كانت كما الشاش بيضي يقضها طول الجفى بالزمن قض ياصل بها الهجران قاع الحضيضي نافع مطر المرواني |
عزفت لك من صافي الشعر طاروق يبقى على مر العصور السحيقة وكتبت بدمٍ من عنى الوقت محروق حرفٍ ينادي للمشاعر بريقه مريت رسمٍ بين ريضان وعروق أشعل بغضات اللواجي حريقة وندبت قافٍ كالعسل حالي الذوق ينشب على روس الاشافي رحيقه ليا ضاق صدري رحت في راس شاهوق من النايفات العاليات المويقة وبيحت من خاف الحشى كل مرموق روابعٍ من نسج فكري غميقه اسوقها سوق الهوى للطخى سوق بين الخيال وبين علم الحقيقة في راس ممسوح اللواليح من فوق على عبير ام الورود الأنيقة كن السحاب بعالي رجومها طوق طوقٍ من عقود الألماس العريقة علي حقوق ولي على الطيب حقوق والنفس ماهي من الشواطن طليقة نافع مطر المرواني |
كثرة هواجيسي وحاربني الكرى والأرض يزمي من الحرارة سرابها بيومٍ من المرزم به الشمس تصتلي أحر من نار الغظى بالتهابها على حنين القلب وجهت موتري على وجهةٍ هاجوس قلبي شقابها رسمت بحساس الحشى درب رحلتي على عبلةٍ راع الغنم مارعابها مافيها غير الربد والريم والقطاء حرام غير الصيد محدن وطابها وقتي يعاندني وقلبي يريدها لو انها بالقيض. كلن يهابها عهدي بها يوم الحيا يتبع الحيا يوم ان مزن الوسم يسقي ترابها ازورها لاضاقت النفس واوجلت من هاجسٍ بأقصى الضماير سطابها القى بمناكبها ربيعي وسلوتي عن كلمةٍ هراجها مادرابها يبري جروح القلب لذّة نسيمها ويروي ضما العطشان بارد شرابها َماغير انا والليل والنجم والقمر وبراق نواٍ بالسحايب. سرابها نافع مطر المرواني |
سلام يادارلازلنا نحبها لبدلاجاهاالحيا مانرودها دارلنايوم المطريتبع المطر تعوم من وبل السحايب سدودها لنا بين وعلة والعمودة منزل لافاح بغصون الخزامى أورودها عسا سحاب الوسم يضفي عليها تبرق مقادمها وتصدع رعودها احبها حب المدلل لمه احب طيبها وجامل حسودها. وليا صف ريش الفرخ بقران حادي وقامت تلضا بالجذايب حيودها. اخترنا من غذب المواريد عيلم صدورٍ رواياها حيامٍ أورودها لا كن شطنان الدلي فوق جالها رماح المعارك يوم عنتر يذودها تسعين ليلة ماندور غيرها حتى سحاب الوسم يخضر عودها انا كيف أبانسا ياهل العرف ديرتي شربت من بيض الليالي وسودها سبعت عشر حجة على واضح النقا عرفت ناقصها وعرفت زودها عرفت فيها كل حرٍ مجرب من سربةٍ في نجد عالي جدودها وعرفت فيها كل عذراء شريفة غراّ عفيفة تو زمت نهودها طرقا تمام العقل ماهي رعاعة يفوق جود الاجوديات جودها وعرفت فيها النذل ابو وجهٍ اسود لا عدوا قرود البشر من قرودها هيض عليه صورةٍ غردوبها اهل قروبٍ ماتعدوا حدودها وانا على الماضي ضميري يتلني تل الدلي اللي طويل عدودها نافع مطر المرواني |
يامل قلب ماعشق ديرة الغرب والاحركه شوف الصور والمطاعم الله على دارٍ نزل وسطها حرب اهل الوفا والطيب وهل المكارم دارٍ لها الخاطر على شوفها طرب بين المدينة والجوى والقصايم يما سربنا صيدها بالفلا سرب في مهملٍ من . دونه اللال عايم على جديداً يدني البعد بالقرب عليه من رمز البطولة وسايم ماله على باب الردى لا مشا درب يطوي فيافي نجد والجو غايم نافع مطر المرواني |
واللي حمامة هزها الشوق وانشدت قافٍ على البحر الطويل بديع ليا شالت الموال بالصوت حركت قلبٍ من احوال الزمان وجيع تاقع على غض الغصون وينثني من صوتها غض الفواد يميع نقض جروحٍ مرمسة داخل الحشى واسترجعت طيف الحنين سريع ايام يوم القلب مطلوبه الهوى لسهوم تلعات الرقاب يطيع يوم الروابي فايحاتٍ أورودها والبرق له بالمرزمات لميع يما سهجنا مهملٍ عله الحيى مهاملٍ فيها الغشيم يضيع قفرٍ من غير الصيد محدن وطابها الجو غايم والديار ربيع من فوق مبروم الزوايا ليعترض رفيف برقٍ مع ثنايا ريع نافع مطر |
الساعة الآن 02:56 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir