|
اللي سكن في الفـؤاد احتـل=يجوز له ينكـر المعـروف ؟ أبغـى افـادة قبـل يخـتـل=عقلي عن المنطق المألـوف اللـي نظـامـه لقلـبـك دل=و صار احتلاله على المكشوف أمره و نهيـه عليـك يظـل=يسعى في ليلك و صبح يطوف |
يقولون اللي مو على البال حاله صعيب
جات الفكر في بالي و جات معي بهذه الصورة
وا خلي اللي ورى غلبي=لا غبت ما يوم دورنـي حسيبك الله يـا قلبـي=حبيـت اللـي يعذبنـي |
الأنس يـا محـلا ساعاتـه=يبدي علـى الكـل باهلالـه دايم علـى الـود موجاتـه=و متبرمج الوصل في ارساله |
خذنـي معـك لا تخلينـي=أتوه في عالـم الحرمـان ما تدري لو غبت عن عيني=يصير كُلي بقايـا انسـان |
خلاص ما يهمنـي فرقـاك=و لو كنت مثل الجبل راسي أصحـى تفكّـر أبترجـاك=أموت و لا ينحني راسـي خالفت نهج الهوى بمضاك=وأصبحت بعد الرضى آسي أبعث له الطيـب لـو عـاداك=ياتيك ويصدق لك احساسي |
عبدالعزيز الزويهري سافر وليفي في شهر الصوم=و أثر غيابه على صيامـي كيف البصيرة و حالي اليوم=ما يسر راوي و لا ضامـي ماهر ابو خالد من حالك القلب له مقسـوم=تشكي وانا اشكي من اسقامي يمنـاك ودي معـاك نقـوم=كلي وجرحي مـع اوهامـي حامد البشري عذل على قلبك المضيوم = و اصبر على ضيق الايامي يمكن يعود وليف القوم = و الا كتب لك بالاقلامي |
عطني يمينك أبـا أصافحـك=و ألوي بهـا كـل شيطانـي
عن ما مضى خافقي مسامحك=ما دامنـا فشهـر روحانـي |
مقفول قلبي بـلا مفتـاح=عن الهوى و سيرة أحبابه
و جنيت من قفلته الأرباح=من يوم قفيت عن بابـه |
عن ديرة الحزن شيلوني=و اخذوني لشاطي الراحه
و اليا وصلتوه كبونـي=بمحي من الذاكرة اجراحه |
في ليلة العيد بالتحديـد=نقـدم أجمـل تهانيـنـا و بوصالكم في نهار العيد=تتحقـق أغلـى امانينـا |
عبدالعزيز الزويهري
ياللي في مكة بوادعكم=بعد القرار الذي جانـي قـدّام لا أروح أبلغكـم=في ديار الأفلاج عنواني ابو فرح ماهي على نهـج سايركـم =اللـي عرفنـاه يافـلانـي خصيتها ليه . . ( خابركم ) =جميعنـا لــك اخـوانـي سالم البشري وزعه لنا يالخوي معكـم=لاتخص واحنا لك اخواني وأسـأل إلهـي يوفقكـم=في خدمته أغلى الاوطاني عبدالعزيز الزويهري .. لابو فرح و لسالم لبشري أنتم في عينـي أناظركـم=مابـه مخاليـف تحدانـي مايـوم فالنهـج نخلفكـم=و لو كنت فالكون وحداني و الغير يا أصحابنا عنكـم=ما دام ما تشوفه أعيانـي نعطي الاشارة في محضركم=دام الوفا جـوف وجدانـي سامي ابو شهد ُُأطلب من الرب يجمعكم=بعدالفراق الذي حانـي والبعدماضن يمنعكـم = في مواصلة كل انساني |
فوق السحابة زهمنـي القلـب=و أبدى اعتذاره عـن السكـه
قلي بعد ما انتصفنـا الـدرب=مالي غنـى عـن أهـل مكـه و كملت ممشاي طيب و غصب=و أنا بلا قلـب فـي ضنكـه أمشي و أنا ألـد يـم الغـرب=حزيـن و الـروح منهلـكـه |
سلاااااااااااااااااااااااااام يا أصحاااااااااااااااااابنا
اخبرني أحد الاخوة خاصة بعد مباراة الاهلي و الاتحاد الاخيرة ان أخو صاحبه يدرس في المرحلة المتوسطة و عندهم مدرس اتحادي متعصب المهم قال المدرس كل اهلاوي يوقف .. قام الطالب هو و عدد من الطلاب و قام يحش فيهم بالكلام و ان الاهلي فيه ما فيه .... الخ الين نسي الدرس و بعد ما ضاق عليه الوقت بطّل يشرح فطلعت معي هذه الكسرة في تصوير واقع التعليم في هذا الموقف الله يخلف علـى التعليـم=يا بُعد نهجه عن الصـورة البعض في غرفة التنويـم=و البعض يحكي عن الكورة |
تعال نِنهي جـروح الـود = الكـون لازال ياسعـنـا
ما يجوز ننسى هذاك العهد = و تكبر جروح الهوى معنا |
عبدالعزيز الزويهري جريت أهات مـن صـدري = قصدي أخفف من المكنـون و عزيت روحي على صبري = من يوم ظلّم عليّـه الكـون ابو مشاري قدامكم ليله القدري** واحكي لربك عن المضمون بينك وبينه محد يدري** في السر والناس لا يدرون فواز الزويهري أبذل له الروح مـا تـدري = يمكن لموتك تسيل عيون ويكون به جـرح مايبـري =ويقـول ياليتنـي المدفـون |
عهد الهوى جدده و ابديه = شاريك للآن مـا بعتـك لا يضيرك القلب باللي فيه = جروحي تطيب لا شفتـك |
جرحي صحـا يـوم صادفتـه = و سالت دموعي و صاح القلب
و فوق الأسى زادنـي صمتـه =راضي على حالتي في الغلـب |
لا تخلق أعذار موهومه = و تردها في صفحة الأيام
دام المقاديـر مقسومـه =امشي و خل النظر قدّام |
اجرح و عذب على كيفك = و ان زدت يا حبيّبي بشره
لا تظن أبحكـم بتوقيفـك = لي قلب لا حب ما يكـره |
فواز
يا أصحابنـا البعـد فرقنـا =ومهما بعدتم لكـم مرسـول سلام و يـا ذيـب راسلنـا = حسب الذي في الرسالة نقول عبدالعزيز في البعـد يبقـى تواصلنـا = ما شئ عنا و عنك يحـول يـا مرحبـا يـا مصادقنـا = حنا معك لو يحـول الحـول فواز هذا الرجـا فيـك و أقنعنـا =فالصاحب اللي عليه حمـول طبعـه يخالـف طبايعـنـا = و القطع يفسد لنا المحصول عبدالعزيز الناس أجناس فـي المعنـى = و الكل في ماقفـه مسـؤول حنا علـى حسـب منهجنـا = ما نفتـي الا علـى مدلـول فواز حسـب السوايـر تعاقدنـا = و الحبل من يمنـا مفتـول و النـاس تشهـد بواقعنـا = في سوق فيه الأصيل يطول عبدالعزيز اللـي بنهـجـه مخالفـنـا = و أخلف طريقه عن المعقول لا عـاد يتبعـك و يتبعنـا = اكتب على بطاقته مجهـول فواز راجـع ملفـات دعوتـنـا = البتر مـا يطبـب المعلـول يصيـر أخلـف مبادئـنـا = و أجزيه حسب الذي معمول عبدالعزيز مـن تجربـة لـك صدرنـا = و الحكم فوري ماهو منقول مـن لا يـقـدر صداقتـنـا = ماله عـذر عندنـا مقبـول |
من بعد ما شفتكم بالعين = أفراحنا عمّت الوجـدان
ما كنّي الا ّ موفي ديـن = و ارتاح قلبي من الديّان |
عبدالعزيز الزويهري
جرحي و همي و قِل النوم = تعاونـوا كلهـم ضـدي استكثروا راحتي في يوم = و استملكوا كل ما عندي سالم البشري الله عسى شملهم مايدوم = أزمـه ولابـد ماتعـدي وان كان سد العلوم علوم = أبشر وبامـد لـك يـدي |
مهما يقولوا العرب عنك = و بجارح الود يسمونك
لا يثيرك الشك في ظنك = يكفيني الود في عيونك |
انتي لك ِ الله يـا غـزة = و ينصرك دايم فكل خطوة
من حالك الأرض مهتـزة = و الناس لا حول و لا قوة |
من شافني آه ما يعلـم = يقول عايش في أفراحه
و في واقع الحال أتألم = و للناس متصنّع الراحه فواز حسيبـك الله يامجـرم = جددت في قلبي أجراحه قبلك مع الناس نتبسم = والقلب مشغول فتراحه |
غزال يا ما أجمل أوصافه = سبحان ربي الذي سـواه
ما يرحم قلـوب شفافـه = لا وا هني الـذي يهنـاه |
عبدالعزيز الزويهري
حب النصر يجري في دمي = العرق ينبض علـى حسـه ما همني لو حضر خصمي = في الكون ما تنحجب شمسه حرب وش جابلك ياولد عمـي = العالمي فحاضره وامسـه خلاك من هم فـي همـي = واللي مع الموج زاد اُنسه عبدالعزيز الزويهري تعال واقـرب هنـا يمّـي = انظر بعيني وشف رمسه ان جابها جابها رسمّـي = و لاله على سلوك ملتمسه حرب يجيبها دوم بالعزمـي = ولابد ماتفتكر درسـه والليله الليله الحسمي = يانفوز بثنين او خمسه |
عبدالعزيز الزويهري
تحطّم الحلم وسط الـذات = اللي رسمته من الماضي لا وا خسارة على ما فات = ضيعت وقتي على الفاضي ابن خير الله الردادي اصبر على النفس بالشدات = لاتصير غاضب ومغتاضي خلك مع الصبر والوقفـات = مجني وجاني بحكم قاضي الخيال جدد معك للامل لحظـات = اللي مضى انتهى قاضي لاتلتفت للـورى فوقـات = مانته على وضعها راضي |
عكس الأمل دامنا ماشين = و مكتوبنا ما لنـا عنـه
لا قلت يا رب قول آمين = يجمعني و اياك في الجنة الميزان اطربني العزف والتلحين = ياحـرف فالقيـل لـه رنــه ومادمت مؤمن بيوم الدين = هــذا قــدر مـالـكـم مـنــه |
من لا يقدّي معاني القيـل = و يحسن حروفه في تعبيره نجعله عبرة في هذا الجيل =حتى يكون عبـره لغيـره |
أرهقني الفكر بالتشتيـت = لآخر مدى الكون ياخذني
عيّا معي يحسن التوقيت = حتى مع الناس محرجني |
عبدالعزيز من بعد كان السهم عالي = و مؤشره معتلي القمـة اليوم جيبي منه خالـي = ما شفت في ذمته ذمـة بخيتان البشري معدود في وضعك الحالي = اقصاد وديـون ملتمـة احرمت نفسي مع عيالي =لأجل السهم نعنبو امـة |
المعذرة و السموحة منك = يا عيني اللي أشوف بها ما حدني في بعادي عنك = الا ظروفي أطوف بهـا |
عبدالعزيز
تكفيني نظرة ترد الـروح = و الا ابتسامـة أعانقهـا أشفي بها الخافق المجروح = لو كان تحسـب دقايقهـا الخيال ياصاح ماللفتى مصلوح = يوم انه الروح يحرقهـا جدد للآمال فالمسموح = عسى الاماني تحققهـا |
عبدالعزيز
يا قلبي اصبر عشان تعيش = مهما تعانـي مـن الآمـك يا قلبي غير الصبر ما فيش = سود الصواديـف قدامـك نوارس ارفق على قلبكم بشويش = واحيي امل باقـي ايامـك لاضاق بيك الفضا والعيش = مايصير تحكم على اعدامك |
لا وا وجودي على ما اخفيه = من بعـد ماغيّبـوا عنـي
آنا مع الناس مانـي فيـه = و الروح مـا كنهـا منـي |
يا ملّقي الدرب رايح وين = ما تشوفني كيف وحداني ؟ عيد النظر يا كحيل العين = بطوي على صفحة أحزاني |
عبدالعزيز الزويهري
دام الهوى ما منه راحـة = و الكل يشكي من احواله سؤال مطروح في الساحة = ليـه المخاليـق تعنالـه شموخ الحربي النفس بالعشـق نوّاحـه = تقدم على الموت وأهواله و الكل يدري بمصلاحه = و المهتني من خلا بالـه فواز الزويهري مابيـن سعـده وأتراحـه = تسعى المخاليق في قباله ومن ضاع فالود مفتاحـه =يشكي على الناس ما جاله حمدان الوافي مايشتكي من قطف طرحه = ارخص له المال ثم طاله ولي سعى ماوصل صرحه = هـذاك مسكيـن يرثالـه ابراهيم الردادي الحلم للقلب مصباحـه = والنفس ما تتركه فحاله ولجانب الغي مرتاحـة = لو طاعها يعيش فاغلاله |
عبدالعزيز الزويهري
من يزرع الطيب يجني طيب = كـل المـلا تشـتـري وده و من خالف النهج فالترتيب = يلـقـى مبانـيـه منـهـده حرب قولك عدل للنفوس يطيـب = والطيب راعيـه مـن قـده وشرواك عن منهجه مايغيب = فالليـن وان كـان فالشـده |
وا عيني اللي عماها الشوف = من عين شافـت محاسنهـا
أثر المحاجر دخلها خـوف = ما تحتمـل شـوف فاتنهـا |
الساعة الآن 06:50 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir