|
اسلوب راقي لنا دايم = فوق السحب مانزل للقاع واللي عن المشتكى نايم = صوته خفى يوم صوتي ذاع |
لاتجلس الافي مجلاسك = خلف الرياجيل لاصفو ولاتعطي اعلومهم راسك = لاتهرج الا اذا قفو |
طل القمر بعد غاب اعوام = دورة فلك جابته ولا خلى فؤادي شقي مانام = ماشفت من حبهم كلا |
تعال وأنظر ويش اللي سار = فالقلب واللي عملته فيه بانت على وجهي الاخطار = غير الذي فالحشى مخفيه |
لافقت من سكرتك قلي = وعطني افاده بعد ماتفوق الحب ينقاس بالملي = والانقيسه بحجم الشوق |
ماتهون الاعلى مجرم = دموعك اللي تحدرها والاقليب الذي يرحم = وده بدالك ينزلها |
من لاصبر فااول المشوار = مايهتني في تواليها واللي انقرص من حنش فاالغار = لو ترمي احبال مايجيها |
تلجمت كلها الافواه = كل الاجابات باسالب نفسي عزيزه ولاترضاه = دائم وانا بينهم غالب |
تبكي على فراق محبوبك = والاعلى عمرك اللي راح اعمل عمل يمسح اذنوبك = مالك ومال الهوى وارتاح |
حذراك تثني على نفسك = ان كان محد(ن) عليك اثنى تثني على الناس من راسك = ومن بينهم انت تستثنى |
من كثر ماني افكر فيك = ياللي تملكت وجداني ودي عن الناس لو اخفيك = بين الهدب داخل اعياني |
ان تبت لا تنقض التوبه = ودرب الهدايه عنه لاتصد ابعد عن الحب ودروبه = ودينك عليه النواجذ شد |
سوال لاهل الهواء مخصوص = والمعتزل لايجي رده من حب واجب عليه يغوص ؟ = والابنظرات وتسده |
من دم قلبي ودمع العين = وحسرتي اه واغبني اللي بنيناه في عامين = فجهه انهدم صرحه المبني |
لو نعلم اللي لنا مكتوب = ماكان عشنا الفرح ساعه بحكمه وعنا القدر محجوب = حتى نتسابق على الطاعه |
باب (ن) قفلناه من مده = ويش رجعك تفتحه ثاني منا ابد ماتجي رده = اقنع وانا منك قنعاني |
من بعد نظرة عيوني فيك = أستسلم القلب لاعيونك وكل الدفى لاحتوتني ايديك = بلسم على قلب مضنونك |
اموت واعرف سبب ودك = ويش مكنه داخل اعماقي لابان حبك ولاصدك = هذا الذي حس خفاقي |
راحت حياتي بلا جدوى = غير الاسئ داخلي ملتم حتى الذي كان به رجوى = غافل وبلي حصل مهتم |
تنظر ولاترد يامقساك = علي وانا انتظر ردك اسير في حبكم وهداك = قلبه عسى يحتوي ودك |
اقراء على نفسك الكرسي = والفاتحه والفلق والناس وقت الضحى وعند ماتمسي = حصن(ن)حصينن من الخناس |
كنت احسب ان انظر بلسم = يطفي لهب داخل المشتاق ارسل على القلب واستسلم = واصبح يعاني من الاشواق |
اشرب حلى مطعمه حالي = لو كان حالي فجوفي مر واللي من الناس يحلالي = عيى بلحظه علي يمر |
ارفق بحال الفتى لاطاح = دمعه على الخد حراقي لانوم هاني ولامرتاح = غير الالم داخله باقي اللي يعاني من الاجراح = من شوق قاسي وسراقي يقعد ليا فالج الاصباح = انكان لزين عشاقي |
تبلورة من اساي اجروح = ناتج معاناة حوليه كثر الصبر يرتقي بالروح = يرجع باثار رجعيه |
ياهل ترى فنظر مصلوح = ويرتاح قلبك اذا شفته والايزيدك الم وجروح = لارتاح قلبك ولانلته |
ان كانها النفس ماملت = والقلب باقي لازال يحب ودموع عينك اذا هلت = نيران فقصى حشاك تشب |
بعض المعاني لها مرغم = توقف تعظم لها تسليم والبعض منها محد يسلم = ودك عليه القصاص تقيم |
صحيح بعض العرب ايه = تعامله يرتقي به فوق بيضاء مع الناس له رايه = يبقى لكل المعاني ذوق |
ان كان متخصني بحساس = غير الذي للعرب تبديه تبقى فقلبي لها مقيا س = ابني عليها امل راجيه |
36 شهر تمر = على الاسئ والذي حلى واللي صبر فاصبر يوجر = من قادر به يطلي |
36 شهر تمر = على الاسئ والذي حلى واللي صبر فاصبر يوجر = من رب قادر به يطلي |
ليلي الم والنهار اجروح = ودمعي على الخد ماكفى اشكي الم داخلي فالروح = حتى الدواء فيه ماوفى |
يارب هذه تدابيرك = صابر عليها ولااجزع ولاستوجب العطف من غيرك = ضعيف عبدك وله افزع |
ابكي على جرحي ألدامي = والا على حظي اللي طاح اللي تسبب في اللامي = يعيش بين العرب مرتاح |
لاصار قلب الفتى قاسي = الحب ماله عليه أدروب من حب يعطف ولاياسي = كل والمصاعب امامه تذوب |
لاصار قلب الفتى قاسي = الحب ماله عليه أدروب من حب يعطف ولاياسي = كل المصاعب امامه تذوب |
صحيح اني اود الغير = لاكن مثل ودكم لالى اللي شواني سوات الطير = والاكما بن في دلالى |
مدري يطول الزمن والقاك = والانهاية علاقتنا قلب الفتى منحرق لولاك = ولاتهاوت معيشتنا |
مبروك يوم الوسام اهدوك = واشراف فالمنتدى نلته جينا نبارك لكم معطوك = مايكفي القول لو قلته |
الساعة الآن 03:07 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir