يالربع هاذي بويتات

للتواصل مع ذائقتكم

فلزلزولها بصدوركم

والعذر يسبقها

الناس كلٍ حسب عرفه وتفكيره = والي يميز عقول الناس مبداها
أحدن يحدك على شكره وتقديره = وافي و دايم علوم الطيب يهواها
وأحدن يحدك على شطفه وتحقيره = سامج و دايم علوم العز يشناها
وطيب البشر صعبه تحدد معاييره = كلٍ يمينه حسب طيبه سواياها
وإلا الردى بيّن ومعروف تقصيره = راعيه نفسه على الأصحاب بدّاها
ولو قال ما قال ماتمشي دهاويره = تعرف علومه من أولها إلى أتلاهــا
الأدمي يعرف من أخلال تعبيره = ويبين غيب القلوب بواقع أحكاهــا
والعاقل الي كلام الناس مايثيره = وإن جاتله ساقطه ماكنه أوحاها
يسكت وياخذ عن السفّاه تشطيره = والعالم الحاقده يصحى لبلواهــا

وسلامتكم