ان كان جرحك على الشريان = أصحى تحاول تطبب فيه
اخاف لينفرج بركان = في داخلك والحشى يكويه
اطلب دواء من حبيبك كان = يسمح بجرعة عسل من فيه

كلا يرى الناس بطباعه = الله خلق فالعرب فرقى
لي خل احترت في قناعه = من حيث ماجيه مايرضى

أسمه دلع والدلع فسمه = يجذبك لو كان ماتهوى
سبحان ربا خلق جسمه = قلبي عشقها ولايقوى
يصبراليابانت البسمه = اللي على ثغرها تسوى

أرسل عليه رسالة حب = عطني امل كان تهواني
بأرسم عليها بدايت درب = في حبك اللي تبلواني

اضحك مع الناس واجامل = والهم في داخلي مخفيه
يارب من دبرتك مامل = اللي كتبته انا راضيه

أعمل معاريف وارميها = واصحى تدور وراها فيد
الرب عنده يربيها = وتلقى عليها الاجور تزيد

شصعب من الحب ياخواني = اللي تحطم من اجله قلب
كل مابتعد جابني ثاني = وان كان اقرب عليه غلب

الحب لوحه من الواني = عذاب فيها وفيها عذب
واللي بنا دون سيساني= فيما بنا مالقي مكسب

مافدتني ليه ياذاني = وانا ادور معاكم طب
الحب انا تبلواني = عجل عليه حشاي شب

ادمح خطاء سببه جاني = ولا تسمع لعاذلن خرب
وافرش له الارض ريحاني = عساه يلطف بكم يارب

غنيتله اعذب الحاني = حتى اقصر عليه الدرب
مافاد هذا مع الجاني= اللي عليه نوى بالحرب

من ينزل الكار وحداني =من دون مايسئل مجرب
ماله دواء كود رباني = والالقي فا الصبر مطلب

طاوعت قلبي واداني =في درب زود عليه الكرب
تعبت من كثر ماعاني = عهدا عليه معاد اطب

ماني حلو ليه تعشقني = روح ورى داعج الاعيان
الرب قادر يعوضني = وانته تذوق العذاب الوان

مايوم عضيت ابهامك =من حر مابك وماتونس
الله يلوم الذي لأمك = هاذي احاسيس ماتندس

اشكي لكم هم بيحني = واثقل فوادي بعد ماشبت
من لي بحزني يريحني= يوم اقرب الناس فيه ارتبت

ليت الذي كان فالماضي = يرجع لنا لو دقائق عد
ويسير من بيننا قاضي = ونشوف منه بدى بصد

ان كان تبغى وجع للقلب = روح ورى البنت واعشقها
تعطيك اعذب كلام الحب = ان كان جيبك يناسبها
أسمع كلامي ولاتتعب = وتضيع اموال تجمعها
عطها طنش جعلها للغلب = اللي بتعرض مفاتنها