المشاركة الأصلية كتبت بواسطة هزيم الرعد (المشاركة 732421) الله المستعان يا ابو محمد صح لسانك مليون ولا يسدون

المشاركة الأصلية كتبت بواسطة وليف الشوق (المشاركة 732488) بخيتان البشري= يقول قلبه ثـلاث سنيـن = عايش لكنه طريح فراش لا حي يمشي مع الحيين = ولا لبّسوه الكفن والشاش القريشي الثاني= الله في حالة هذاك يعين = ياكم مثله طريح وعاش دواه نظرة كحيل العين = الشر لاشافها ينحـاش بخيتان البشري= مانته معي فالمسار يمين = لا تعيد غصني مسدْد كاش نازل عليك الوحي من وين = والا قلوب الأوادم خـاش ياســــــــــلااااام على الا بــــــــــــــدااااع الاخ القديربخيتان البشري والاخ العزيزالقريشي الثاني صحت السنتكم وبيض الله وجيهكم ورفع قدركم وشانكم يدع ورد في قمة الروعه والجمال مع عمالقة الشعراء تقبل تحياتي وتقديري

المشاركة الأصلية كتبت بواسطة الحب الباقي (المشاركة 732464) صحت السنتكم والله يـعـطـيـكم الـعـافيـــــــــــة بيض الله وجيهكم

بخيـتـان الـبـشـري =
يقول قلبه ثـلاث سنيـن=عايش لكنه طريح فـراش
لا حي يمشي مع الحييـن=ولا لبّسوه الكفن والشاش
القـريـشـي الـثـانـي =
الله في حالة هذاك يعيـن=ياكم مثله طريح وعـاش
دواه نظرة كحيـل العيـن=الشر لاشافهـا ينحـاش
بخيـتـان الـبـشـري =
مانته معي فالمسار يمين=لا تعيد غصني مسدْد كاش
نازل عليك الوحي من وين=والا قلوب الأوادم خـاش
القـريـشـي الـثـانـي =
ردي على طالـع البيتيـن=جبته وصاب الهدف ماطاش
ومثلك يعرف القريشي زين=عن عذب الامثال ماينحاش
بخيـتـان الـبـشـري =
رميت رميـة بـلا تعييـن=واخطت معك طلقة الرشاش
اردفـت ياشاعـر النيليـن=لاجبت عايـش ولاعيـاش
القـريـشـي الـثـانـي =
حرفي يقول المثمن ويـن=ياللي تقول المعاني مـاش
ماتقـدر تغالـط القاريـن=والشمس ماتنحجب بقماش
بخيـتـان الـبـشـري =
الحق واضح بلا تثميـن=حكمه فصل ماعليه نقاش
أثنين عندي وجيب أثنين=والطيب باقي ولا ينـاش
القـريـشـي الـثـانـي =
إن كان واحد مـن المفتيـن=معروف فالصابيه لاجـاش
هاته ويكفي عـن الباقيـن=ماهو في فصل المعاني غاش
بخيـتـان الـبـشـري =
اللي نظر شاف بالثنتيـن=اصل الحقيقة بدون فلاش
ما أسرعك وانته مدور دين=عوّد مطرك الغزير رشاش
القـريـشـي الـثـانـي =
إرجع وراء وراجع التدويـن=وسلط على المشتكى الأفلاش
جبته وما اردفت له سطرين=تحتـج لمحـاوره ونقـاش
بخيـتـان الـبـشـري =
عجزت لا أعرف اجيك منين=تلعب معي طاش ياما طاش
خليت ليلـي معـك ليليـن=لا بان مسرى ولا مغبـاش
القـريـشـي الـثـانـي =
اصغى معي واسمع الغصنين=اللي نقشهـا لـك النقـاش
أهل المثل نـاس نقاشيـن=لاّ تجيهم إلا معك منقـاش
بخيـتـان الـبـشـري =
أهل المثل تعرف الوافيـن=واللي بوسم العرب يعتاش
وحنا رمينا الهدف تقنين=يومن راع البصيرة هاش