ملتقى قبيلة حرب الرسمي - ابن جمرررررررررررررررررران

ملخص المحاوره اللتي جرت بين الشاعرين حسين المعمري ومضحي بن جمران
حـــــــــــسين

ياسلام الله عليكم يارياجيـل الحميـه=البناخي مختف(ن) له عدة ايام وليالي
البناخي ساق لي فنجال دله شاذليـه=ثم ريح في ركابه قال ماعندي مجالي

مضحي

مرحبا ونيابةٍ عنهم نرد إلك التحيـه=والبناخي لو تغيب ماتنساء كل غالي
تعرفونه مايقصر بس فلم المسرحيه=طولوه ومللو منه البناخي والخوالي

حسين

اشهد انك فاالملاقا شيـخ حمـاي الونيـه=والخوال اللي يبونك قلبهم ماهـو بسالـي
كل فلم(ن) لـك مدبلـج لا تحملنـا زريـه=مير اشوفك يالبناخي مرخي(ن) فيه الحبالي

مضحي

نارنا من ناركم ياشاعمين النـار حيـه=يفتخر من له عروق في صناديد الرجالي
والله اني مانويت اخطي واحملك الخطيه=والاجابه جتك ياخالي على قد السؤالـي

حسين

نعم فيكم ياحمول الخيل ياكفوف نديـه=اسم فيكم زاهي(ن) يالحر مافيها جدالي
لن خلصنا من ديونه ذمتك منـا بريـه=والا قلها يالبناخي واقضي اديوني لحالي

مضحي

ولاعليكم زود ياللي واضحين بكل هيه=يالحرار اللي مواكركم رفيعات الجبالـي
الله انه لايحد فـلان لفـلان بعطيـه=والله انه يقنعه فالمال والكسب الحلالي

حسين

قولنا ياصاحبي معروف والنيـه مطيـه=ماتعدا في حدود الناس لو جالك مجالي
الدراهم عندكم مصروفها مثـل الهديـه=مير بعض الناس يجمع كل مر بكل حالي

مضــــــــــــــحي

قولكم عندي صوابه ميةٍ من فـوق ميـه=الرجال اللـي تميـز مايقـرون الخمالـي
يارفيع الذوق مخباتك تراء ماهـي خليـه=ندري الدولار في صرفه يفوق اعن الريالي

حســــــــــــــــين

اشهد ان الحق يظهر عندكم مافيه زيه=يارياجيل(ن) تعدد فالمواقيف الطوالي
دام حجيتم لمكه قدمنا فـوق المطيـه=لاتعذر يالبناخي قول لا يمكن يقالـي

مضحــــــــــــــــــــــــــــي

لارضيت الحق يالمطنوخ طوينا القضيـه=واعرف ان العيد يبداء مع مطاليع الهلالي
وانت لحجيت ثم عيدت في عيد الضحيه=كل ماسجل عليك انسه وريـح لاتبالـي

حسيـــــــــــــــــن

والله اني مقتنعبك لو تحولهـا عليـه=واعرف ان الذيب يقنب لابداله كل عالي
والحجيج اللي تلبي ودها يوم وعشيـه=وحكمكم صدر ولكن دورو فيها بدالـي

مضــــــــــحي

انتظر ياخال يالين الطعام يجود نيـه=الزمتني والتزم دام السلامه تستحالي
لو تطعمنا بكوب الشاي طعم المرمريه=مانرده لاجل مانزعلك يالنجم الشمالي