يالربع عودوا لموضوع القصيدة و المثابَر=يكفي اللّي جا، و خلوا عنكم البير و هماجه
الكلام الزين بالميقاف يقطع كل دابِر= و يبعد اوهام الفِكِرْ و يخلّصِه من إزدواجه

ديننا الإسلام وحدنا قبايل او عشاير=والسعيد اللي على سيرة محمد وانتهاجه
ومملكتنا وحدتنا وكل يوم في بشاير=ونحمد الله في السعوديه سعاده وابتهاجه

ما يعيش اليوم عيشة عز يكود المغامر=الفطين اللي يجرّب و يتفحَّص كل حاجه
الرجل كالعُود الازرق و الحياة إهي المجامر= تصهر الرجّال حتي يعطي اقصاه بنتاجه

الله الستار وغيره ما يصح نقول ساتر=المهم إخلص لربك صلْ في ليلك وناجه
إطلبه يعطيك ما تطلب كبيرة او صغاير=وإن عطاك الخير لاتبخل على أصحاب حاجه
لكم تحيات الشاعر=الفتى : ابوبندرالرشيد

سم باسم الله وادخل لاتخـاف مـن المحـاور=لاتخاف من الشعر هـذا شعـورك واختلاجـه
كـل مـن عبَّربمعنـى وزنهـا ينقـال شاعـر=المهم إحفظ لسانك وأصلحـه عـن اعوجاجـه
قلت بسم الله وسمـع صوتنـا فـوق المنابـر=مايخاف الشعر واحـد مقصـده فلـة حجاجـه
حسب ماقالوا لنا في الشعر تفسيـح الخواطـر=ومـن يدورللمعالـي جابهـا مافيـه حـاجـه
الله اكبر والله اكبـر والله اكبـر ويـش خابـر=لاحديث الترمـذي ولا احاديـث ابـن ماجـه
يافتى فكرة جديدة والهـدف نبـض المشاعـر=والشعر معنى ومغنى وابتعـاد عـن السماجـه
شايـف الدنيـا تغيـر كـن مافيهـا ضمايـر=البحر مرجوج موجـه موجتـه فيهـا لجاجـه
الله اللي قـد خلقنـا ومايشـاء لابـد صايـر=لو توكلنا علـى الله كـان عطانـا كـل حاجـه
للشِّعِر و اهل الشِّعِر تفتـح دواويـن و معابـر=لين كلّ(ن) يصرف رياله حسب بصمة مزاجـه
الشِّعر بعض العرب وارثـه مـن كابـر لكابـر=وبعضهم جاه الشِّعِر طايع مطيع و لبس تاجـه
ياهني اللي على طاعـة عظيـم القـدر ثابـر=ومن يطيع الله عرف عن ضيقة الصدر انفراجه
ياجماعة خير قبل ان صيـر ببطـون المقابـر=كل ذو عقلن حكيم يعـرف بالممشـا خراجـه
سم بالرحمـن وان ضيعـت بالـك لاتكـا بـر=المكابر شين لاصـار ان بنيـك مـن زجاجـه
لـو يـورا لـك بشبـرك لاتمـده للمشـابـر=ون بلوك الناس خلك ذيـب لاجيـت المواجـه
الرجال اهل الفعايـل حسـب ماقالـو مخابـر=والغشيم اللي مايعرف هرجتـه دايـم سماجـه
ومن يدور للخبر يلقاه لـو مـع طيـر طايـر=والمريض لزوم نسعي لين نلقـي لـه علاجـه
و كل شي بدبـرة الخالـق، و دورات الدوايـر=علمتنـا ان بعـد الليـل للـنـور انبـلاجـه
و من بغى يدخل غزير الرمل يفطـن للتوايـر=و ان هلش بالرمل فوت الحرص قام ومد صاجه
مايقال للشاعـر شاعـر الا لا جـاب النـوادر=بعض العرب قصايدهم كلهـا خبـث وسماجـه
وانتـم والله ياهـل الملتقـى كلـكـم اكـابـر=مافيكم اللي يرضـى علـى نفسـه الانعواجـه
ارجعوا لله وتوبوا مـن الِّربـا وكـل الكبايـر=مـرت سنيـن ولا جانـا مطـر إلاَّ عجـاجـه
يارحـيـم يامغـيـث ياعلـيـم بالـسـرايـر=طالبينك غيث (ن) خيره عام في كـل الفجاجـه
العرب قالوا تري راع الغنم في الوقـت صابـر=صابر لحكم الله الواحـد ولـو راحـت نعاجـه
يرقب امزون المخايل واجبر الخاطـر ياجابـر=حيث لاطاح المطر تسمـع لفرحتهـم لجاجـه
شاعري ما يكسر بيوته و لا يجـرح مشاعـر=و القوافي ما تكرر و الشعر نبـض(ن) يواجـه
الشعر معنى، و طاروق، و تعابيـر، و محابـر=الشعر مهوب صف حروف و مطـارد عَجاجَـه
يا جعل مدور الفتنـه بيـن العـرب للخناجـر=واللـي يطفيهـا ياجعـل مايطفالـه سراجـه
الافكار خافيـه بالـراس وتظهرهـا الحناجـر=ومن كلام الشخص تعرف مسلكـه ومنهاجـه
للأسف بعض العرب يحتاج توظيـب الشنابـر=و المريب يقول: خوذوني، و يظهر من قراجـه
بعضهم ماله و ما للشِّعْر، مـا للكسـر جابـر=ليته يعـدّل بيوتـه قبـل لا يبـدي انزعاجـه
يالربع عودوا لموضـوع القصيـدة و المثابَـر=يكفي اللّي جا، و خلوا عنكم البيـر و هماجـه
الكـلام الزيـن بالميقـاف يقطـع كـل دابِـر=و يبعد اوهام الفِكِرْ و يخلّصِـه مـن إزدواجـه
ديننـا الإسـلام وحدنـا قبايـل او عشـايـر=والسعيد اللي علـى سيـرة محمـد وانتهاجـه
ومملكتنـا وحدتنـا وكـل يـوم فـي بشايـر=ونحمد الله في السعوديـه سعـاده وابتهاجـه
ما يعيش اليوم عيشة عز يكـود المغامـر=ا لفطين اللي يجرّب و يتفحَّص كـل حاجـه
الرجل كالعُود الازرق و الحياة إهي المجامر= تصهر الرجّال حتي يعطي اقصـاه بنتاجـه
الله الستار وغيـره مـا يصـح نقـول ساتـر=المهم إخلص لربـك صـلْ فـي ليلـك وناجـه
إطلبه يعطيـك مـا تطلـب كبيـرة او صغايـر=وإن عطاك الخير لاتبخل على أصحاب حاجه

فيه فرق(ن) بين غَنَم نجد و صغار البرابر= مثل فرق قرا اقرن الخرفان و عيال الدجاجه
والد(ن) ما خلّف رجال بحياته ما لقى بر= و لا حد(ن) يسمعْ بَعَد ما يصدر الحكم احتجاجه

مابكل(ن) عارف(ن)فرق الفحل عن المغاتر=والفهيم اللي الى هاج الفحل يحذر هياجه
الفهيم اللي لأهله دايم(ن) يسأل يشاور=والغشيم اللي تكبر دايم(ن) رأيه هواجه
مع تحيات الفتى:=ابوبندر الرشـيد