ملتقى قبيلة حرب الرسمي - خالد الجدعاني وماهر العصلاني في لحن الأسبوع الثامن اليوم الأربعاء 8/1/1429هـ

اقتباس:

المشاركة الأصلية كتبت بواسطة البحار خالد (المشاركة 270229)

اصالةً عن نفسي ونيابه عن اخي وزميلي /ماهر العصلاني
اشكر الجميع على الحضور والمرور في بيتنا الطيب ( ملتقا حرب)
واشكر اخي / صقر المقرح على المجهود الجبار والمميز في هذا الملتقا
واشكر اخي وزميلي / ماهر العصلاني على التجاوب الأخوي لهذه الأمسيه
وبإسم الله نبداء:ـ

سلام مثل الزهر فواح=يسري شذا مع نسيم الليل
ينصاك يانورنا الوضاح=صافي النقى والرقيب سهيل

اقتباس:

المشاركة الأصلية كتبت بواسطة ماهر مبروك العصلاني (المشاركة 270242)

يامرحبا بالحيا اللي لاح = وانهل وبله وسال السيل
والهم من قولكم ينزاح= والصدر منه الغموم تزيل

اقتباس:

المشاركة الأصلية كتبت بواسطة البحار خالد (المشاركة 270251)

بقدومكم هلت الأفراح=ودلال مبهره بالهيل
واجب لكم والعلوم اصحاح=لهل الوفا زود فالتكميل

اقتباس:

المشاركة الأصلية كتبت بواسطة ماهر مبروك العصلاني (المشاركة 270261)

خابرك مانته بها مزاح = وقت الحمايل سواة شعيل
لكن هيا بدا المصباح= اسرع خطاكم وشد الحيل

اقتباس:

المشاركة الأصلية كتبت بواسطة البحار خالد (المشاركة 270316)

السلام عليكم ورحمة الله وبركاته
اخي الغالي ماهر العصلاني عذراً على التأخير.. بسبب واجب اكملناه وعدنا لكم .
سلمت والحاضرين وصح لسانك وبيض الله وجهك :ـ وتقبل لاهنت.

غزير بحر الهوى ياصاح=اسود ظلامه يهد الحيل
كيف البصيره ونا سباح=الموت شفته وشفت الويل

اقتباس:

المشاركة الأصلية كتبت بواسطة ماهر مبروك العصلاني (المشاركة 270321)

فبحر المحبه تروح ارواح= كله لجل نظرة الدربيل
شاللي جبركم على المرواح= مادام ماانته لها حلحيل

اقتباس:

المشاركة الأصلية كتبت بواسطة البحار خالد (المشاركة 270325)

ماخفت من قوة الأرياح=وماهمي موج البياح يشيل
شامر شراع السعي مرتاح=وإن شملت للمغيب اميل

اقتباس:

المشاركة الأصلية كتبت بواسطة ماهر مبروك العصلاني (المشاركة 270336)

مادام مابك الم وجراح= ليه الشكاوي وقال وقيل
لكن خوفي تجيك رماح= ولياك غارق فنهر النيل

اقتباس:

المشاركة الأصلية كتبت بواسطة البحار خالد (المشاركة 270349)

انا بلايا من اللي راح=والقلب مايقبل التبديل
قاسي عليا ودمي ساح=قفا وماجابلي تحليل

اقتباس:

المشاركة الأصلية كتبت بواسطة ماهر مبروك العصلاني (المشاركة 270358)

شخصٍ سقاكم بسم ذحاح= حرام دمعك عليه يسيل
واللي محرم حرام يباح= في محكم القول والتنزيل

اقتباس:

المشاركة الأصلية كتبت بواسطة البحار خالد (المشاركة 270362)

فبحور حنا لها اشباح=ماهو لكم قصد بالتقليل
النيل رحنا عليه سواح=سلسول كنه خشيم الفيل

اقتباس:

المشاركة الأصلية كتبت بواسطة ماهر مبروك العصلاني (المشاركة 270383)

للباب يا صاحبي مفتاح= للي حسب مترها والميل
وشلون ضوت بلا مسراح= ضويتها شيل حط وشيل

والعذر والسموحه,,,,,,,,,,,,,,الى لقاء اخر

اقتباس:

المشاركة الأصلية كتبت بواسطة البحار خالد (المشاركة 270388)

تسلم ياماهر وصح لسانك وتقبل ردها

صافي سقاني عسل فالراح=وشربت كاسه بلا تمثيل
ودق الخطر ساعة المرواح=ياقل جهده وقل الحيل

اقتباس:

المشاركة الأصلية كتبت بواسطة البحار خالد (المشاركة 270396)

سلمت اخي ماهر العصلاني وصح لسانك وبيض الله وجهك
واشكر الأخوان بدون استثناء على الحضور والمرور والمتابعه
ماعليكم زود جميع.. وسامحونا إن كان هناك تقصير مني او من اخي ماهر
وتقبلوا تحياتنا:
كما اهدي اخي ماهر كسرة مسك الختام:

تقدير ياشاعر العصلان=يامنبع الطيب والقني
اللي لهم فالشعر برهان=يقدح كما يقدح الزندي

خالد الجدعاني & ماهر العصلاني
مساجلات رائعة بين عملاقين
كفيتم ووفيتم ويعطيكم العافية

والله يبيض وجيهكم جميعأ