الأخ فواز الزويهري
لله درك
وبارك الله فيك
قصيده رااائعه بها كنز من الحكم جزاك الله خير
وصح لسانك وبيض الله وجهك
ومدري اول كلمة من اخر بيت الشطر الثاني تقصد يسقيك
تقبل اجمل التحايا
ودمت بخير

نواف يا نجل الأصايل هل الطيب= من مورد الأيام أنا جيت راوي
وأسقيك من صرف الليالي بتجريب= ماقلتها جاهل عن العرف غاوي
اشرب من الكاسات عذب المشاريب= واعرف زمانك فيه خير وبلاوي
حافظ على دينك ويم المحاريب= وامشي بدرب الخير قلبك حياوي
واحذر تبات بدار يعوي بها ذيب= ألاَ معك لذيب حرز وهقاوي
واعرف ترى الشايب جديد على الشيب= أسأله عن ماضيه رده مناوي
غرت صغير السن كثر التراحيب =عند الكبر فايز بسقم وشقاوي
وارضى بقسمك وأحمد الله وطيب =وإن كنت ساخط فأنت فالغلب ثاوي
واعرف ترى الفقران راع العذاريب= حاز الغنا راع الصنيع النقاوي
ألبس لباسك في ديار الأجانيب =من لبس قومك ياكريم العزاوي
واحفظ لسانك تسلم الشك والريب= تشهق جهنم من كثير الحكاوي
اللي على القالات ماله محاسيب= يرمي بها رمي السفيه العماوي
هذا نبا من عاش وقته تقاليب = يسقسك من كاس الليالي حلاوي