صدقت من عسفان يا محمد ما اخس إلا قديد=يا حامل الأسفار لو تدري بها ما تقولها
معنى المثل يا مردده في حيد وانت اعطيت حيد=بعض العرب منطوقها يفضح ضحال عقولها
عسفان ديرة بشر قوم احرار ما فيهم عبيد=وقديد ديرة عز سيسان العرب وآصولها
عسفان يا جاهل بها سادتك يا ملعون سيد=وقديد يا عبد الحروب تموت قبل تطولها
عسفان تاريخ وحضاره مجدها مجداً تليد=وقديد صفحات التاريخ اللي ملتها فعولها
عسفان ذاكرها النبي ماهو لا زيد و لا عبيد=وقديد يا مميّل عقالك تنثني لفحولها
عسفان يا راع الزرا بين الديار هلال عيد=وقديد يا أسود وجه شمس تذوب قبل وصولها
فأطهر بقاع الأرض جيران أول و ثاني مسيد=نخدم بيوت الله خلقنا الله سياجاً حولها
و ديار ربعي كلها عقداً من الدرّ الفريد=يلمع بريق امجادها بالعز يا مذلولها
ياللي تجريت ودحمت جبال ، متنك متن غيد=منتَ كفو يا جاهل جبال العرب و سهولها
تواضع اهل الحلم خلاّك اِتّجرى بالقصيد=يا قصيّده مردودها يرجع مع مرسولها
فالحرب تلقى حرب نار تقول يا هل من مزيد=والسلم جنات ونعيم و روض كل فصولها
متواضعين و طيبين و بطشنا بطشاً شديد=تصحى السباع الراقده ، وتروح ملح ثعولها
اللي تبا بالحرف تصنع مجد لكن ما يفيد=من لا له أول لو سعى للأوله ما ينولها
فازت بها حرب الحرابه في قديم و في جديد=فازت بها يوم إن ما لك قسم في محصولها
يوم إن شاكلتك ومثلك مالهم فالمجد صيد=حرب الدول بين الدول مرادها ومامولها
يوم إن جدّك في رقُبْته سلسله و في يده قيد=جدّي يا نبّاح الجمال ينوف ظهر ذلولها
يومنّ نارك طافيه نيران عمّانك تقيد=حذرا لظاها المصطلي لا ينوشكم واصحولها
يا هيه لو انك لبيب وناظرك شوحه بعيد=روس البحر ما بلّها ، ما تعترض لسيولها
يا هيه حنا حرب حنا حرب ، فأذهن يا بليد=راس القبايل ما تحَسب حساب ماطا رجولها
متسيدين ارض الجزيره مالنا فيها نديد=اِفعولنا تشهد ما حنّا اللي تلفقّ قولها
سدنا تسيدّنا بحكمتنا وبالسيف الجويد=واِضلوعكم لا اطريت حرب يزيد قرع طبولها
الحرب سمتّ بسم حرب اللي مايدري يستفيد=أثر حوافر خيلها عرض الديار و طولها
يا محمد المعنى ما لك معنا في درب الصدق سَيد=والناس تعرف صادق الأخبار من منقولها
الكذب شيكه حين صرفه ما تحصلّ به رصيد=براق فصل الصيف مُزنه لا تخيل هطولها
يا محمد ازرطها بدمها وهيد يالبلشان هيد=ريّح كديشك لا تشقيها بأصيل خيولها
تمت حروفي والختام ان زدت يا محمد نزيد=وإن كانك استكفيت قلنا ثبتّ الله عقولها
هذا بعض ما هاض به قافي وانا الشاعر حفيد=شاعر بشر لأستصعبت عنده جميع حلولها