الحجيري=
أحمد يا عم الوفاء و الطيب=يا راعي القن و القانون
فاللي عن الذيب و اِبن الذيب=قصَر سلامه وش تقولون
العامودي=
حسن سأل والوجوب اجيب =واقول حسب الوفا ممنون
لعل فال السباع يطيب=ما يقصر الواجب الا الدون
الحجيري=
حضرت واللي حضر ما يغيب=وأوجزت فالوصف والمضمون
ايجاز من نظرته ما تخيب=قوله وحكمه فَصِلْ بالعون
العامودي=
ما يجوز منا حكم بالغيب=واجابتي حسب ما تبدون
ولو تطلب الحق ماهو عيب=يمكن يكمل وتتراضون
الحجيري=
يا بادع القيل بالترتيب=يكفيه وصفك له المعلون
لعل شرهتك فيه تثيب=ونفسه لا هانت دواها يهون