سميت باسم مكـوِّن الكـون سبحـان =محيي العظـام ونافـخٍ بالجسـد روح
هـو واهـب الهيبـة نبيـه سليمـان =وحكم النجـارة واهبـه للنبـي نـوح
بسماه للمؤمن حمايـة عـن الجـان =وتوبة خطأ عبده لهـا البـاب مفتـوح
وأباأجتهد وأصيب وأخطي وأنا إنسـان =وخطاً ماهو مقصود بالعـذر مدمـوح
وكان القبيلة قلـب والشاعـر إلسـان =مشاعر الشعّـار بأمجادهـا شحـوح
كـم شاعـرٍ فكـره بالإبـداع مليـان =وحلقه على تجريح الأمجـاد مبحـوح
مادام مالفّوا علـى الجسـم الأكفـان =والله لأشيـد بمجـد الأجـداد وأبـوح
ما أرضى يقال غليص وإلا إبن برمـان =وأنا أعتزي عزوة (سوالم ومسـروح)
عزوة لها فـي قمـة المجـد عنـوان =حربي وترهب عزوتي كـل طحطـوح
بفعلٍ مضى له قبـل الآمـان برهـان =وقولٍ بلا برهان .. ضحضاح ويـزوح
مـدوّن البرهـان فـي كـل ديــوان =بفعلٍ يزيـح جـروح ويغمّـق جـروح
بشلفا ورمح وخطام وسنـان وعنـان =وقول وفعل ماهي سواليـف ومـزوح
سقنا العـدا سـوق المثيـرة لربـان = والحي مـا رد النقـى بثـار مذبـوح
تاريخنـا حافـل بسيـات وحـسـان = منّـا ولنـا مجـدٍ ينابيـعـه تـفـوح
تذن بـه الشيبـان باسمـوع شبـان =ولامات مـن فعلـه بذكـراه ممـدوح
إلنـا ثلاثـة ملـك مامثلهـن كــان =نفدا الخوي والجـار بالمـال والـروح
ونآسم عصا العاني علشـان مايهـان = وبسلمنـا دم النقـا فيـه مسـفـوح
وإشهودهن بالصـك شمـر ومطـران=حتى نقـول العلـم مقفـي ومنطـوح
وفي قـارة الأسـلاف شيِّـد لسلفـان =بيتٍ ذرى وظـلال عـن كـل لافـوح
(إبن نحيت) ليا اعتزوا فيـه صدقـان = خلَّى المشوَّك في دجى الليل له ضـوح
يبشر بعز من إعتزى باسـم( مزنـان) =نسـوان عدوانـه زغاريدهـا النـوح
أحفاد من للمصطفى أصحاب وأعـوان =واِلهم مع الهـادي غـزوات وفتـوح
(ويوم إِنَّ) نجد لقـرَّح الخيـل ميـدان = كم حد ممنـوعٍ لنـا صـار مسمـوح
(شريدة الفرسـان) والسيـف فسقـان =كـم عيـن طمَّـاع كَحَلهـا بذرنـوح
ليا أومى بدس الطير راحـوا شبختـان = له عزوةٍ يرهـب بهـا كـل مشفـوح
( ومحمد أبا الرووس )كم راس طمعان =بحد اللويصق عـن تراقيـه ممسـوح
فعـلٍ يسمـى بـه هكااليـوم لَـلآن =ذكره مع أهـل المجـد ماهوبمسنـوح
(ومجوّز العزبان ) زيـزوم الأضعـان = لولا الفعل ماجاء لـه الأسـم ممنـوح
من رافق (سعيّد) رجع معـه كسبـان = ماقالوا (الذكري) رجع مثـل مايـروح
ووثايق التاريـخ بإسـم (المضيـان) = لولا (ولد موسى) تعـرَّض لسامـوح
ولولا الحقايـق ثابتـة لأهـل الشـان = رجع بها( فايز ) على حرب مكسـوح
ماهـو تنبِّـي للحـدث مثـل كَــرَّان =جاب الخبر من يوصله عـزم وسبـوح
بدلايـلٍ مادلّـهـا كــل شـرهـان = قص الأثـر للذاهبـة مبعـد الشـوح
وإقتادهـا قـود المطايـا بـالأرسـان = ويالمبصر إقرأ ! ويالعمى تابعـه وأوح
مدونِـه للـي للأمـجـاد ضـرمـان =بعذب الشـراب وزاد ميـدم ومملـوح
وياللي تقول بمااحتوى مانـي قنعـان =إفزع ولا أقـول الخطرعنـك مطـروح
أمـا يجـي مفـزاع قابـوس لعمـان =وإلامثـل فـاروق والمـوج واللـوح
للطايرة ( كبتـن ) وللسفـن قبطـان = ولاجاب جوهرْة البحـر كـل سابـوح
ورعيـةٍ معهـا جنبـهـا ورعـيـان =وشهودهـا بأفعالهـا شمَّـخ تـلـوح
والهاملـة ماخلّصـت ديـن ديــان= ولا يقتعد راسٍ على الزيـف مسـدوح
وبيتٍ بَـلا بيبـان لـو فيـه سكـان =الباب عن صلف الهواء فيه مصلـوح
قلته وأنـا بتقصيـر تعبيـري مـدان= مير القريحة وقَّعَت فـي صفـا صـوح
والشعـر لـه نقّـاد تعبـيـر وأوزان =وماقـل دل وزبـدة العلـم منـضـوح
وإليا اعتبرتوا غلطتـي كبـوة حصـان =من عفوكم ياأهل الوفاء الصدر مشروح

سلامي لأهل حرب الشجعان=سلامي لكبيرهم ولصغيرهم
سلامي لأهل الميادين الفرسان=يشهد على كلامي تاريخهم
حرب تخاويهم منت بخسران=الكرم والجود منهم وفيهم
من زود أفعالهم ماتوزن بميزان=أسود على من يعاديهم
وقت الشدايد فزعتهم تبان=ربحان من حط ايده بإيدهم
غلطان من عاند حرب غلطان=حرابة الدول من يقدر عليهم
أفعالهم ما تغير لو طال الزمان=وارثينها عن جد أبيهم
ياحرب لك في قلبي مكان=أشهد إن محد عندي يساويهم
مايكفيني في مدحهم ألف ديوان=لأني عجزت أقدر أوفيهم
سلامي لأهل حرب الشجعان=سلامي لكبيرهم ولصغيرهم

سلام من بني معتاد بن مجبوب اللهيبي يمد=من الجموم أسوق أزكى سلامي وأمده
ونــعم به اللي يــــعد أســلافــه جــدٍ ورا جــد=مــــدرك ســــاس أبـــــوه وعــــالم بـــــجده
نــجحتوا يا حــرب يا ربعي والــكل يـــشهـــد=بـــحفل الـمــزاين ربـــحتوا لــــعل الله يرده
أحـــــيـيــتوا القــــبيلة وأصبـــــحت في تـــجدد=مـــشكور مفكرٍ به ومـــشكورٍ مـعده
اللـــــه يــــجمعنـــا مـــثــــل أصـــابيع هــاليـــــد=نواصل بــعضنـــا وكـــلنـــــا يـــــمــــد يـــده
نــــسعى للــــتـــــلاحم والخيــــــر والتـــوحــــــــد=ولا أحــدٍ يـــغـرد خـــارج الـــسرب وحـــــده
والليلة تـــــكمل أفراحنـــا والكــــل يــــسعد=عند الكريـــــم ومنــتــهى الــجود حــــده
وأيـمـــــــن الـلـــــي بــــشـــــــايـــر الخيـر به ترعد= حـــــلايـــا الشيــــــــوخ بـايـــــنـه فــــوق خــده
وجــهــه أبــيـــــض نـــعم الشيـــخ لـــه نـــــعضـد=نــــــاقــــف مــــــعــاه ولا للــوقـــــوف ضـــده
أقـــــــول يــــا من جـــهــلـــني وعنـــي يــــنشـــــــد=أنـــــا سعيــــد وسعيّـــد ليـا حطيــــت شده
شيـــخي بخيــــت البـــنيـــان وعضيــده حميد=شيــــوخ كـــرام نـــشكر الله ونـــحمــده
حــــبــــــي لـــــربـــــعي مثـــــل نـــــــارٍ تــــــوقـــــــد=غلاهـــم في قــلبــــي ما بـــه غــــــلا قــــــــده
وآخر القول صـــــــلوا معـــي عـــلى مــــحمــــد=نــــبــــي اللــــه رســـــــــول اللــــه وعـــبــــده

جيت فاعل خيرعاقل وعودت مهبول=اثرماكلآ ليامابغاالخيراعمله
شفتلي زولآولاهوبيشبه كل زول=وختلفت وظاع علمي اللي نويت اقول له
قلت له ياطيب الفال مدري ويش اقول=هنت تدري ويش ماظوعي اللي جيت له
والله ان حبك بقلبي تمكن مايزول=والغلالاماغزا القلب لازم ينزله
جل شان اللي خلق ناضره عرض وطول=موج مد وجزر ماينزل السباح له
واحلات العين لاجات فالوجه الخجول=كل ماحققت فيه النضرزاد خجله
واهني اللي يعين من الغالي قبول=واهني اللي ببيته يعده من هله
والله انه مال للي جفاه المال طول=ونسة للعين والنفس والمال بكمله
مايلوم العاشق الا المعول والعذول=والا الي عينه تشوف الجمال وتجهله
فودي انشد سايسً عارفً عسف الخيول=هو الاصايل تشتبه فالعسافه لوله
وكلآيميزعلى قدالارياوالعقول=والاذي بنت الكحيله وذي بنت اعسله

هذه القصيدة المتواضعة إهداء لسالم مسعود البشري بمناسبة حصوله على البكالوريوس

أقبل علينا ياطـموح العـلم تكفى لاتـروح=خلك هنا دايم معانا وارفع عـزوم الشـباب
إبقى لهم إنت الأمل لاتغيب يالوجه السموح=دورك مهم أعبر بهم جسرالمسافات الصعاب
من قبل أعوام شفتك عند سـالم ياطموح=هل ترى تذكـر كلامي يوم وجهـت الخطاب
يوم قلت إبقى معه 000ث له عزمٍ وروح=وإن تسـكّر باب قِـدّامه عـطه مفتاح باب
لين حلمه صار علمٍ والخفا أصبح وضـوح=بعد صـبره واجتهاده للهـدف حقق وجاب
حاز من علمه شهاده وارتقى عالِ الصروح=واعتلا للـمجد هامه فوق هامات السحاب
أشهد إن اللي سعى للعلم في سعيه ربـوح=من سنا نوره يعرف الحق ودروب الصواب
وكلنا الليله حضـرنا والفـرح نوره يـلوح=مـوعده يومـه وتاريخه حسبناله حساب
باسمي أهدي له تهاني وردها عطره يفوح=جـات من سالم لسـالم والحفل والجو طاب

مع تحيات
محمد بن خيرالله الردادي

أبدأ بذكـر الله قبـل بِـدع الأبيـات=الواحـد المعبـود رب السـمـاوات
رب البشر عالـم جميـع الخفيـات=اللي خلـق لأنفـس ويعلـم خفاهـا
==
ومن بعد ذكره عندي أغلا نصيحـة=للمستمـع فيهـا فـوائـد مليـحـه
من هاجسي وأغلا بيـوت القريحـة=أغـلا بيـوتٍ صغتهـا وش حلاهـا
==
نصيحـةٍ لهـل القلـوب الفطيـنـة=للـي يبـي عقلـه ومالـه وديـنـه
لا يتبع أهل الشـر ضاعـت سنينـه=ومن يتبع الأشرار يصبـح عشاهـا
==
من يتبع الغاويـن ضاعـت حياتـه=وراء السمـوم اليـوم ودّه وهـاتـه
وعزّيـل رجـال ٍ يسـوّي سواتـه=أنا أشهـد أن عينـه بكفـه عماهـا
==
عميت عيونه ليـن طـاح وتبهـذل=وأخطاء طريق الخير عقب القـدم زل
وأهل الـردى حطـوه لشّـر منهـل=كـل ٍ يـورد سلعتـه مبتغـى هــا
==
أشوف لي نـاس ٍ سـوات البهائـم=وراء البـلاوي دائـم الـدوم هائـم
واليا نصحته قـال مـا هيـب دائـم=حسب المـزاج أليـا تكـدر شراهـا
==
إبليس وسوس لـه وصـار ايتجـرّا=حتـى وقـع وأدمـن وقـام إتحـرّا
متى يجي مـن يسعفـه كـان مـرّا=لين ٍ نفسـه فـي المهالـك رماهـا
==
حتى انتهى مخه وجافيـه تشويـش=وخلا الوظيفة واخطته لقمة العيـش
وأصبح يحوم تقول طير ٍ بلا ريـش=بعد أنفصل ضاقـت عليـه بفضاهـا
==
وصل الخبر لبوه وجا له على طـول=وحضّر على القائد معه جمع وأزفول
وقالوا سمعنا إنّ أبننا قيـل مفصـول=وجينـا ك والدنيـا كثيـر ٍ بـلاهـا
==
نطلبـك تسمـح لـه وتعيـد فصلـه=وترجعـه بالله ذا اليـوم شـف لـه
والله ما غيره حـدٍ يصـرف أهلـه=وأمـه حزينـه لا تخيّـب رجـاهـا
==
أمه ورآنا عقب مـا وصلهـا العلـم=قامت تصيح وصابها الضغط والهـم
وخذ ت لها يوميـن تبكـي وتزهـم=وجينا وهي مسترسلـة فـي بكاهـا
==
وقال القائد لـه دام تبغـا الوكـادي=فنّـا لنـا شهريـن وفـلان غـادي
غادي ما بين أهل الشقق والمنـادي=والمرجله ضاعت وضيّـع عصاهـا
==
وفصله توزّع مـا تفيـد الرجـاوي=ولا عاد هي بيدي ولو كنـت نـاوي
ورقمه تعيّن فيـه جنـدي قصـاوي=تـوّه جديـد والوظيـفـة خـذاهـا
==
ولا فيـه رقـم ٍ لـو بغينـا نعيـده=من شـان خطوتكـم علينـا بعيـده
لكـن نأمـل لـه حـيـاةٍ سعـيـده=فـي مقبِـل الأيـام واللـي وراهـا
==
عـوّد يقـوم أبـوه ويهـز رأسـه=ويدعي على أصحاب الردى والنجاسه
اللي تروّج كـل سـم وخسـا سـه=لجل الطمـع تبتـاع حتـى أقرباهـا
==
ورجع أبـوه وقـال يـا لله مشينـا=بّروح صوب أمك عسـى الله يعينـا
يمكن تضّمـك مـع خواتـك لجينـا=وعوّد على أمه يرتجي من عطا هـا
==
تعطيـه كنّـه وحـدةٍ مـن خواتـه=وراحت حياتـه كلبوهـا شمـا تـه
ولا عاد له حيله يـا كـود أزفراتـه=يزفر وكبـده تحتـرق مـن لضاهـا
==
والناس تنظـر لـه بعيـن المهونـه=وعلى الكرامة صـار مـا يعزمونـه
لو كان فيهـم شاخصـاتٍ أعيونـه=كـل ٍ تجاهـل دعوتـه مـا نساهـا
==
منبـوذ مـالـه عنـدهـم قابلـيـه=كـل ٍ تبـرّى منـه حتـى ولـيـه
إلا أنْ يغـيّـر سيـرتـه لـولـيـه=السيرة اللـي ضيّعـت مـن مشاهـا
==
وأمه شرت له موتـر ٍ عقـب مـده=بالديـن قالـت يمكـن أنّـه يـكـده
ويعـوّض الفائـت ودينـه يـسـده=ويعيش نفسـه كـان ربـي هداهـا
==
هذا الذي شفتـه أنـا قـدم عينـي=وأنتـم بعـد شفتـوه يالغـا نمينـي
بعض الشباب أنشوفهم ضـا يعينـي=بأسباب لأعداء اللي تـروّج خزاهـا
==
عدواننـا يبغـون تدميـر الإسـلام=وأن صير تحت أفكارهـم دوم خـدام
وعقولنا تصبـح خرافـات وأوهـام=هذا تـراه اليـوم هـو مبتغـى هـا
==
حـربٍ تدمرنـا بلـيّـا سـلاحـي=ترسل علينـا كـل ليـل وصباحـي
من الغرب جتنا من جميـع النواحـي=وقضت على بعض العقـول برداهـا
==
والحل واضـح قدمنـا يـا مياميـن=ترك المعاصي والتثبُت علـى الديـن
ومحاربـة لأعـداء بكـل القوانيـن=اللـي علينـا مستمـر ٍ غثـا هــا
==
وتمت وصلى الله على سيّـد الخلـق=محمدٍ وإعـداد مـا يبـرق البـرق
اللي بعثـه الله لنـا وضّـح الحـق=وضّح أدروب الخير للـي بغـى هـا

سلام يامبرز هل الطيب بالطيب= اطلق شنب ماهو مسوي سواتك
وانت الذي كان البشر بة عذاريب = عذروبك انك ماتغير سماتك
مثل الذهب برضن بها جايع الذيب=بعيون ضامي والضمى فية فاتك
من حد طيبك تبتدي المواجيب =ومن طيبك العليا وطتها حذاتك
عقلن رزين وقاضب لك مقاضيب=حكمة حكيم بصمت حزة سكاتك
ويشرب ملاح(ن)من ملاح المشاريب=خصمك ليامنة تعمق بذاتك
ابشتكي لك من زمان التغاريب= وابنشد الميت وشنهي حياتك
ياطيبن عديت روس المراقيب = في وقتنا الغابر زهت بك صفاتك
ياوقتنا الغابر وزونك معاطيب= اقبح مديح اللي بحزة سباتك

سلامي لأهل حرب الشجعان=سلامي لكبيرهم ولصغيرهم
سلامي لأهل الميادين الفرسان=يشهد على كلامي تاريخهم
حرب تخاويهم منت بخسران=الكرم والجود منهم وفيهم
من زود أفعالهم ماتوزن بميزان=أسود على من يعاديهم
وقت الشدايد فزعتهم تبان=ربحان من حط ايده بإيدهم
غلطان من عاند حرب غلطان=حرابة الدول من يقدر عليهم
أفعالهم ما تغير لو طال الزمان=وارثينها عن جد أبيهم
ياحرب لك في قلبي مكان=أشهد إن محد عندي يساويهم
مايكفيني في مدحهم ألف ديوان=لأني عجزت أقدر أوفيهم
سلامي لأهل حرب الشجعان=سلامي لكبيرهم ولصغيرهم

يا زيد أبن مبشر بقاف ٍ مثيلي =.عنوانه الطيبه بذوق ولباقه
سلام من بنت الكريم الأصيلي =.اللي بعالي نجد يرعى نياقه
سلام لا بالله ماهو قليلي = واحلى من اللي حالي ٍ في مذاقه
يا زيد شفنا منك شي ٍ جميلي =. صاير لسان الكل عند الملاقه
الاوله مشكور شكر ٍ جزيلي= والثانيه لو كان عندك لياقه
رد الجواب ان كان عندك دليلي=وعطني من الأزهار مقدار باقه
ياخوك انا قلبي صويب وعليلي= مثل إبدوي ٍ فاقد العام ناقه
ياخوك بعض الناس من عرض جيلي= اما سلمنا منه جنا نفاقه
اليا سكتنا عنه جاب الرذيلي= وإن كان جادلناه صارت حماقه
والحمد لله يوم بالي طويلي =ورجلي عن الشينات دايم معاقه
أقدر الطيّب وأعده زميلي .= واعرف معايير الغلا والصداقه
اقدره تقدير ماله مثيلي.=.وأسابقه بالطيب وأكسب سباقه
اما الردي ماله مقام ونزيلي=الناس كل الناس تبغى فراقه
اكثر علومه بين قال ٍ وقيلي=عنده طمان الهرج فن وحداقه
ناس ٍ تعشق الطيب وتصهل صهيلي= وناس ٍ تعشق الشر دايم عشاقه
والطيب ما يعرف خضيري قبيلي = الطيب بالطيّب تكون العلاقه
والفرق واضح بين طيب وهزيلي = مثل السماء والأرض واسع نطاقه

سلام يامبرز هل الطيب بالطيب= اطلق شنب ماهو مسوي سواتك
وانت الذي كان البشر بة عذاريب = عذروبك انك ماتغير سماتك
مثل الذهب برضن بها جايع الذيب=بعيون ضامي والضمى فية فاتك
من حد طيبك تبتدي المواجيب =ومن طيبك العليا وطتها حذاتك
عقلن رزين وقاضب لك مقاضيب=حكمة حكيم بصمت حزة سكاتك
ويشرب ملاح(ن)من ملاح المشاريب=خصمك ليامنة تعمق بذاتك
ابشتكي لك من زمان التغاريب= وابنشد الميت وشنهي حياتك
ياطيبن عديت روس المراقيب = في وقتنا الغابر زهت بك صفاتك
ياوقتنا الغابر وزونك معاطيب= اقبح مديح اللي بحزة سباتك