اخى الموقر الشاعر المخضرم قابل البشرى
السلام عليكم ورحمة الله وبركاته
مع امنياتى لك بالصحه والعافيه ودوام التقدم والأزدهار المستمر بأذن الله
اليك مع التحيه واجل التقدير

من عد عذب الصفا صافيه=سلام ياقابل البشرى
من الساحل الشرقى وشاطيه=ينصاك عبر الفضا يسرى

قلبى سعى فالغرام وطاف=والواجب اللى عليه أداه
واليوم ودى على مهياف=وطرفى على الود زاد ابكاه

قلبى سعى فالغرام وطاف=والواجب اللى عليه أداه
واليوم ودى على مهياف=وطرفى على الود زاد ابكاه

لو يقرح القلب مالومه=معذور مالى عليه عتاب
هذ نصيبه ومقسومه=يصبح ويمسى مع اللهاب

ماتقصر السرعه المشحاه=ولا من وراها جنى اثمار
كم طرف منها يهل بكاه=وكم حى ما كمل المشوار

سلام من قلب ياماجد=ينصاك مثل العسل حالى
قبل اشتيكى لك من اللاهد=اللى منه منشغل بالى

ابوسالم الرحال=
للملتقى ومستشار القاف=سلام ترجح به الأوزان
من شوق زايد معى اضعاف=حررته الحرف للربان
ناصر الحجورى=
مني ومن طاقم الإشراف = ترحيب ياحضرةالربان
لاّ جئت حرف المعاني ناف = ولاّ غبت يشتاقك الميدان
ابوسالم الرحال=
تكميل ياطيب الميقاف=وهذ لكم طيلة الأزمان
والآن شاهدمعى مايشاف=فى ود تدمع عليه اعيان
ناصر الحجورى=
مكسبك من ورثّة الاسلاف = خلاك شاعر فصيح لسان
فاهم وعندك نظر كشاف = و مثلك مايخفى عليه الشان
ابوسالم الرحال=
ماضن ترضا عليه اجحاف=والود تر ضا عليه يهان
وانته رجل تعرف الأنصاف=ومحسوب واحد من الفرسان
ناصر الحجورى=
الود مارضى عليه خلاف = له زهمّته داخل الوجدان
لوكان يوصل شفى مهياف = اوقف معه وقفت الشجعان
ابوسالم الرحال=
ماتشوفه اصبح شكل واهداف=وسار من زود فى نقصان
وكلاً بضنه هو العراف=ولايشوف غيره على السكان
ناصر الحجورى=
ياعايش الود لو ينعاف = عفناه يوم الموادع حان
ولاّ تلومني لو تراني كاف = البعد ارحم من الإذعان
ابوسالم الرحال=
الى متى والسنين عجاف=ومن المحل يشكى العربان
ومنهو تخلى عن الميلاف=مخطى وفى عرفنا يندان
ناصر الحجورى=
ماكل خارف نخل خراف = ولاّ كل ساعي بحر قبطان
اقولها والمثل شفاف = ماهو هوانا مثل ماكان
عزيزنا تحت ضغط اطراف = بقيادة محمي الطيران
واقف على دربنا سياف = ماهو مسلم لحد الان

ابوسالم الرحال=
سلام من خاطرى صاخيه=يصبحك بالخير ويماسى
ياللى بالأمثال نستقديه=وفمركزه للمثل راسى
دمعى ذرف من اسى آسيه=اللى عليه اقدم الآسى
مايحسبن الذى يسويه=ماله فسلم العرب ساسى
ناصر الحجورى =
القلب تعرف مكانك فيه = وقدرك على عيني وراسي
وجُل التراحيب لك مهديه = يكمِلّ الطيب ويواسي
ماني عليك الاسى راضيه = ياتاج راسي ونوماسي
مثلك عسى العين ماتبكيه = يواسي الناس ميآسي
بعض البشر ياجناب البيه = قلبه على اهل الوفاء قاسي
لو تسآله والعطا في يديه = تلقاه في حزته ناسي
ابوسالم الرحال=
زمان حسوى بكم حاسيه=مانى عنه يوم متناسى
قدرك على الراس مااوطيه=فالقلب محفوض واحساسى
تسلم على الطيب ياراعيه=وتبقى لنا فكل مجلاسى
ياعد نبع الصفا صافيه=ومدرسه لكل دراسى
انظر معى وشوف ما نرعيه=من جور جاير ولواسى
انحابه الود عن واديه=ومر الأسى صبه فكاسى

ابوسالم الرحال=
لك ياسمى نكثر الترحيب=ونرفع لكم ابيض الرايات
بلسان واحد شباب وشيب=يهلون وتهلى الكسرات
عايش الدميخى=
لي الشرف يوم جيت مجيب = دعوتك وباسرع الخطوات
لقيت كل الوفا والطيب= من ناس هذا لهم عادات
ابوسالم الرحال=
فيك العشم ياسمى مايخيب=معروف لك من قديم اوقات
وذاشى عن بالنا ما يغيب=مسجل لكم فاوسع الصفحات
عايش الدميخى=
انتم هل العرف والتأديب = ولكم مدارس وكليات
فى ملتقى كامل الترتيب =خالى من الزيف والغايات

ابوسالم الرحال=
سلام من عذب مدراره=ياصلك من طيب الخاطر
قلبى انحرق من لضى ناره=والدمع من ناظره قاطر
ناصر الحجورى=
ترحيب غالي في مسعاره = مهديه ناصر لأخو ناصر
اخوك لاّ تشغل افكاره = بحق الذي بيننا عامر
ابوسالم الرحال=
تسلم وهذ انت سنجاره=وهذالذى فيك انا خابر
لاكنى اشكى لك اشراره=اللى بسهم الأسى غادر
ناصر الحجورى=
القيل مثلك من كباره = شاعر ولاّ ينكرك شاعر
لك حرف لاصوب عياره = يجعل عميل الاسى ثابر
ابوسالم الرحال=
مااصف فى صف تجاره=وآنا شريطى مانى تاجر
لكن الذى ارفض اقراره=ماشافت العين من ماكر
ناصر الحجورى=
حِلمك ياعايش على صغاره = الحلم من عادة الناظر
تلميذ بادي في مشواره = يمكن يجي لا كِبر شاطر
ابوسالم الرحال=
المبتدى نعز مقداره=مانعارضه يوم ونكابر
بس الذى ماحترم كاره=عليه قلبى مهوصابر
ناصر الحجورى=
القيل لا جاك فيداره = ماشي على القن والساير
بالعرف يندرّ بمنداره = ويردك لعهده الزاهر
وعلى حسب طالع اشعاره =يجيك حكمي على الظاهر
الكار من قلّ معياره = ماهو بصاحب عقل ناير