|
للشاعر ابراهيم بن عاقل رحمه الله
قالوا صبر قلت كيف اصبر=لاوين في حالتي صابر العظم لو ينكسر يجبر=ولا تنجبر كسرة الخاطر |
جزاء الذروي رحمه الله
روحي مع الود مغلوبه=عدّا عليها الشتا والصيف والمرء من دون محبوبه=بالله قلي حياته كيف |
فالليل اسهر مع الافكار = مدري متى اجد الراحه ومن شدة السقم والاضرار = العين بالدمع فضاحه |
هذا الحشا قد ماتقدر=اطعن وسو الذي ودّك دام الصبر للهنى معبر=ياماحلا الطعن من يدّك |
كل ماتصل ماتجاوبني = يقولو صاحبك ماهو فيه ان كان زعلان عاتبني =بين خاطايا وانا اداويه |
هجرك ترى زاد عن حده = والهجر ياصاحبي قتال اما تجي وتحسن الرده = ولى هجرتك انا فالحال |
لما نسيم الهوى شفته = اشرح فؤادي وزال الهم مديت يدي وصافحته = وحطيت فمي فذاك الفم |
مضى ليالي وجات ايام = والقلب من ودهم خالي صارت حياتي شقى واوهام =وكل عين تبكي على حالي |
ياروح روحي ونور العين & حلفت بالله ما خونك
حلف ياناعس العينين & لو راحت الروح لعيونك |
الكرنب رحمه الله
كل ماتجهنا لنا مع درب=نبغى بعيد المدى يقرب نلقى طريق المروّح صعب=نرجع نلاقي الرجوع اصعب |
الساعة الآن 04:03 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir