ياظالمي خاف مـن ربـك=الحب ماهو كـلام وهـرج
على الصخر ناقشـه حبـك=وأنت رسمت الهوى ع الثلج

كعادتي كل عـام أحييـه=عيد الموده على شانـك
واليوم ذكرى الألم تضنيه=في ثالث أعياد هجرانـك

من قال طول البعاد يضر= ماجرّب القرب وجراحه
وانا الذي بعد ذقت المر= يادووب حسّيت بالراحه

مسعود بن سالم=
ليّه سفينه فبحر الشوق=تاهت عن البر مارجعت
تحتي بحر والمطر من فوق=والشمس غابت ولاطلعت
قابل البشري=
كامل حروف الهجاء أتممت=عيّت معي تشرح الخافي
ماباقي الاّ حروف الصمت=يمكن يجي شرحها وافي
سالم البشري=
نفحة أمل تلثم أرجائي=أحيت وله فالحشا ساكن
والخوف ادوّر دوى دائي=والقى جواب الصبر لاكن
عبدالعزيز الزويهري=
يا وقت حلمك على صبري=لا تنزع آخر بقايـا فيـه
خليه ضامي وسط صدري=و آنا بسراب الأمل أسقيه
بخيتان البشري=
كل ماجرحني زماني قلت = آخر جروح الزمن فيه
ومازال يجرح وأنا مازلت = باقي على حالتي ذيه
نوارس=
يامن بعيني رأيت الطيب=مخلوط من عيّنة قلبه
مدري متى يالنصيب تصيب=واهنا بطيب الحيا جنبه

للطيب بين العرب قدره = ودونه حياة الفتى لا شئ
راعيه لو كان في قبره = بين المخاليق ذكره حي

ما يثمر الذوق والتهذيب = مع شخص ما عنده مروه
طبع العوج ما يجي بالطيب = ينساق بالعنف والقوه

ربيع قلبي خضاره حت = ووروده الزاهيه ذبلت
وتفكيره المبتلي منشت = كل الطرايق معه فشلت

لك ود كسرّ جدار الصين=وجميع الأهرام منهاره
والبندقية غدت نصفين= معقول ماتسمع اخباره