سـلام نبديبـه علـى مبـدا ومنهـاج الـفـلاح=مبـدا الرجـال الـي تسـرك والسعـد منهاجهـا
يا شاعر المعنـى علـى المعنـى تقـدم ياقـراح=بسم العلـم خـض البحـور ولا تهـاب امواجهـا
يا مرحبا ترحيبـتٍ تضـرب تحيـه بـا السـلاح=منهـا التحايـا كلهـا قامـت تعـود ادراجـهـا
فيك البقا ياشاعر الضلعـان معـك اليـا الصبـاح=وبسمي وانـا راس العلـم انـي لفـل احجاجهـا
عيديـن والثالـث نهـار انـا انلبسـك الوشـاح=ومصيبتيـن ان كـان مدخـال القـدم مخراجهـا
جبـل يبـي يدعمـك ويرقيـك لـدروب النجـاح=وطـب الكبـود الله وكيلـك ياقـراح اعلاجـهـا
محـدٍ بمعطيلـه وشـاحٍ دونـه معاقـب رمـاح=ومن لا شرب في حفـن كفـه مـا تعـالا تاجهـا
الضلـع انـا راقيـه بـدروب التفانـي والكفـاح=كم زند قرمـن يـوم عرضتلهـا بزنـده عاجهـا
من لاتحيزم با النشامـى فـي يديـن القـوم راح=يمنا بـلا يسـرا مـا شبـت للنشامـا سراجهـا
لو توخذ القمه خذاهـا ابـوك فـي عقـد النكـاح=من نار زنـده قدمـك السيديـن شفـت اسياجهـا
ماكل مـذن صوتـه ايشابـه بـلال بـن ربـاح=وكثر اليدين ان حافـت المنتـج يخـرب انتاجهـا
ابوي اخـذ قمـه وجابـت راهـي العـد القـراح=والنـار قدمـك شبهـا فـي عاليـات ابراجـهـا
صوتي على الشاشه تشوفه شوف وشلك با الصياح=مايزعـل العربـان رجـالـن يـبـي يحتاجـهـا
ابوك عنـه الشـك زايـل سلـم امـره وستـراح=والا انت مالك ذكر بصفـوف الحـرس وفواجهـا
ان طعتني يا شاعر الضلعان لك معـي اقتـراح=نـظـم مواعـيـدي وخــل الملـعـبـه وحـراجـهـا
ان شفت لك برق ٍ يلوح اتقول لاح البرق لاح=ومـعـامـلات مواطنـيـنـك مـالـيـات ادراجــهــا
الزبد من راسك على شاربك يا ابيض وجه ساح=اشوار بعض الناس حق(ن) واجبن مسهاجهـا
ياطير خير تسير والله رازقـك ريـش وجنـاح=معامـلات القـوم برشيفـك يجـوز ادماجهـا
انته ولد صالح وتسعى با النصيحه والصلاح=وانـا عطيتـك شـور والاشـوار مـنـي ناجـهـا
والطيـر ربـك رازقـه ماهـو بطالبـك السمـاح=وياضاقت ادروب السعه ربك عليـه افراجهـا