يالصييفي لاتروح ابعيد والنيه مطيه=ودي اسفرك لسبعان سفره دون عوده
انت رجال شجيع ومن رياجيل الحميه=كيف تضلم مسلم غافل وهو ماسك حدوده

يا الله اني داخلك من فزعة اهل الجاهليّه= و ديرة السبعان من جاها لقى رجال(ن) ودوده
أشكرك يا صاحبي، ما قلت لي كلمه رديّه= قلت انا راعي "سْمَيْرَه" شارد و يفتل زنوده

يالسبيعي فزعت الحربي ماهي فزعه دنيه=موقفي طول الزمن ثابت وحاضرتن شهوده
لاتسب الناس وتقول السوالف عايديه=مجلسي مايقبل اللي صحوته تشبه رقوده

ماني سبيعي هل الغلبا خوال عيال ليَّه= مثل ما اولادي خوال عيالكم و احنا الجدوده
يظهر ان ما لك على فهم الرساله مـقـدريَّــه= و مجلسك في بيتكم خاوي و لا به من يروده

المهم ان منت حربي لاتصير ابوغطيه=والذيابه كل ضلع يشوقها تقدر تروده
مجلسي بيت الحروب اهل الفعول الاوليه=مايطبه زيدن مالي من الشمه جغوده

كل ما قلت الك ذا ثور(ن) تقول أبغي نسيَّه= النسيَّه ما تجي من ثور لو كبرت ديوده
كان طعت الشور يا سعود اركب وساق المطيَّه= و رح مراح الطير للدوحه و خلِّك مع وفوده