ملتقى قبيلة حرب الرسمي - أبشر بالسعد يامحمد عبدالله البدراني

*
الاوله جينا عشان فلانية ,, واللي يبا الملعوب مايرجع وراه=لو كان ما ضد الحديد الا الحديد ,, اللي عقد روس الحبال يحلها
الثانيه لجل العلوم الثانية ,, فالثانيه والعلم ياصل منتهاه=الليلة السكين في حبل الوريد ,, اللي عقد روس الحبال يحلها
*
محمد عبدالله البدراني
*
الاوله لاجيت سوق العانيه ,, لأجل الخوي مانلحقه لآخر قصاه=وحنا نريد والله يفعل مايريد ,,اللي عقد روس الحبال يحلها
والثانية تاطى سريح السانيه ,, ولاكل من يبغى يحصل مبتغاه=وبعض السوالف لاتجي فيها عنيد ,,اللي عقد روس الحبال يحلها
*
طلال المعبدي
*
ماهي كثيرة منك ياالبدرانية ,, ولا الخوي مايعرف ألا بمخاواه=لاتدرق سد البنوك أم الرصيد ,, اللي عقد روس الحبال يحلها
ناطا رقاب القوم والعدوانيه ,, والبيض للي مايصدى محتواه=قسمي مع الضفران لازادوا نزيد ,, اللي عقد روس الحبال يحلها
*
محمد عبدالله البدراني
*
لاتلوي اعناق الحروف الفانيه ,, كان انت تبغى تاصل ال طوق النجاه=حاضر بحاضر لاتزيد ولا تعيد ,, اللي عقد روس الحبال ايحلها
جنتك تحت اقدام ذيك الحانيه ,, لا ارضيتها لاتحسب احساب البغاه=وانته كفو بالفعل لكن وش باليد ,, اللي عقد روس الحبال ايحلها
*
طلال المعبدي
*
ماني مجردها الثياب الهانيه ,, وأنا تنجيني حبال من الإله=وإما تفيد اليوم مانتا مستفيد ,, اللي عقد روس الحبال يحلها
نارك من اللي يشعل النيرانيه ,, لكن خلك مع مريعت العصاه=مافاد يوم تقيمه قافيك الشديد ,, اللي عقد روس الحبال ايحلها
*
محمد عبدالله البدراني
*
البان مايشبه لقول البانيه ,, لاقلت قولٍ دققه في محتواه=ولا كل يومٍ لك ترى يومٍ ٍ سعيد ,, اللي عقد روس الحبال ايحلها
ولاتقول كان وكان ياما كانيه ,, لا رخيت لأذنك روحوا فيك الوشاه=واحذر من اللي قولها هل من مزيد ,,واللي عقد روس الحبال يحلها
*
طلال المعبدي
*
بيت الغنى يخجل من الفقرانيه ,, وأستر رفيقي ماني بكاشف غطاه=أحكم بني العباس هارون الرشيد ,, اللي عقد روس الحبال يحلها
ياكبرها يامخون الصدقانيه ,, ترى سليم الفعل مايخشى عداه=لك الله لاأصنفرك صنفرت العبيد ,, اللي عقد روس الحبال يحلها
*
محمد عبدالله البدراني
*
دش البحر واحذر من الحيتانيه ..واحزم لراسك قبل لا تطق الصفاه=والحكم لله واسمع الـراي السديـد .. اللـي عقـد روس الحبـال ايحلهـا
بالله لاتشمـت بنـا العدوانـيـه .. واقــول هــف امقـيـط والحقـتـه رشــاه=ومايتقن افعال العبيد الا المسيد,, واللي عقـد روس الحبـال ايحلهـا
*
طلال المعبدي
*
لاعودت لله عظيم الشانيه ,, الفضل فضل اللي تلوا في ذراه=وأنا ماأسل السيف لأعزل بالجريد ,, اللي عقد روس الحبال يحلها
انتا يابن بدران فالأكفا نيه ,, لوكنت تحت الارض ولا فالحياه=من مات موت العافيه ما هو شهيد ,, اللي عقد روس الحبال يحلها
*
محمدعـبـدالله البـدرانـي
*
وابك انـت ليتـك تلعـن الشيطانيـه ,, ثـم تطلـب الله فـي سجـودك بالصـلاه=انــــه يــدلــك للهدى وتـصـبــح رشــيــد ,, والــلــي عــقــد روس الـحــبــال يـحـلـهــا
اومـيــت لـــك ثـــم صـحــت لـــك عـلانـيـه ,, لـكــن مـاثـلـك مايـقـلـل مـــن غــــلاه=عـنــدي وقـــدرك قـــدر مـاهــو بالـزهـيـد ,, الــلــي عــقــد روس الـحـبــال يـحـلـهـا