|
السلام عليكم
الشا عر الكبير سعد المحمدي يشرفني ردك على هذا الابيات
سلام من شاعر ليا هاض بة جاش = حاف الجزيل وكل مكنون حافة ولا درّجت واستدرجت فكرتة ناش = فكر القريب او كد يمة وضافة ولا من سرت قامت توقش توقاش = خطوة بخطوة يقصرن المسافة لا طاشت الرمعة هجوس الخوي طاش = ومن يتبع الجرة وصل في مطافة البارحة بين المعاليق طرّاش = ومن التوجد بان صوت الحسافة يوم المخيلة دفّت الارض برشاش = أستبشر الغربي حنين ولطافة وأثر الهشيم اليابس الهامد هشاش = ما ينفعة ومض الثعل وارتجافة وبين العروق العوج والميتة عاش = تحت الثرى عرق خضر بة نشافة وعلى كفوف الجرد جوعا وعطّاش = تقلط على حوض المنايا زحافة ينهش دواخلها من الغيظ نهّاش = بطونهم ظمّر والارياق جافة على شباع الوقت من بيض الادباش = مستفردة بالذود والحر عافة يقعد زنودة التفق فالخفى شاش = مستفحلة والذيب محدٍ يخافة واللي نواظرهامن البعد تعتاش = تخاف لا قربت تزيد الكلافة أحدٍ من البيداتحت ظهرة فراش = واحدٍ سواد الليل فوقة لحافة ردي على بن مريع
مية هلا من رأس شاعر اليا شاش=عليه ماتصعب عسفها اعسافه بين المدير وبين طالب وفراش=ماضاع لوضده جميع ألصحافه بالشاعر اللي ناش واقول ماناش=بيته فريد وفيه بعض الطرافة أغلاف ورد وداخله طلقة اكلاش=حريف مايجهل فنون الحرافه أحيان أقول ابيض تقل لمعة أفلاش=واحيان احصل فيه مكر والقافه يابن مريع جيت لدار نطاش=يالضيف دوبك في محل الضيافة وقامة عيونك للعرب ترمش ارماش=على قدى مدري تسمى صلافه كان المخيله سيلها بعضه أقشاش=يمكن سبب ماصار ماهي جحافه أنا ماعسيت الحياء من ورى جاش=لكن من وصف الوصيف الوصافة يذكر حيا بديار عايش وعياش=وتبعت جرة يالعريف العرافه وشفت الربيع وهيض القلب ياشلاش= نبته جديد والا بعد جاته أفه اصبر وترحله عوارف وقراش=لآدوس نبته لين كلن يعافه ون شفت لك ناسٍ بها حسد وخراش= منته معدل راعي الانحرافه يلقى لوجهه غيركم كم خراش= وانته ماتفقد يالشريف الشرافه روس الضبا لو صتها مابها أعراش=بحمام دارك خل عندك مرافه |
يالله جملني وروح مجمل = بين البعيد وبين كل موالي حيث الجماله عد جمه راهي = عليه مايارد قصير احبالي وأنا حبالي تاصله باذن الله = متنوش دلوي لا وقفت الجالي من الحجاز اديار ابوي و جدي = ماجيت لشهره وجمع المالي ماجابني غير الوفاء والرفقه = بحفل زفاف اللي علينا غالي خالد خوي الجنب نعم الخوه = قرم ِمعرب بين جد وخالي مبروك ماسويت جعلك تسلم = عسى السعاده والهناء لك فالي امين ياسامع دعاء من يدعي = يعالمٍ بالغيب والاحوالي وعود للحفل الكبير الهايل = مدام لي مخرج ولي مدخالي سلام يالحضار كلن باسمه = مغلفٍ من ورد غصنه مالي لاذعذع الغربي وحرك غصنه = يشم ريحه كل طيب فالي سلام فيه إنعم ماخصينا = كل الحضور الجالسين اقبالي على شرف راع الوفى والجيره = الله جمعنا والعلوم اجزالي في ليلة ٍ ياطبيها من ليله = ياهل الكرم جينا كريم اسبالي الطيب لاهل الطيب دايم عاده= نقولها وغيري لها من قالي خالد ولد موسى عريب المنسب = دايم صحونه لضيوف اثقالي ربعه لهم قدر ومقام وهيبه = بالوقت الاول والزمان التالي نعم بهم حتى تقوم الساعه = اهل المواقف والمقام العالي مدلهين الاجنبي عن داره = صحيح مابه شك والاجدالي الدهمشي قدام اقوله قاله =كلام من كل الشوايب خالي ليه ذكر قصه لجده ظاهر = فيها يسولف في محل ارجالي عن ماذكرلي جبت روس اقلامي =ماهي سوالف خايب ٍمحتالي وان جيت مع باب الكرم والشيمه =حصنان فيهم تضرب الامثالي وقت الحرايب ضد للحرابه = تركي على الخصم العنيد الصالي يتلون منور والنعم في منور = راع الكرم للكايده حلالي شيخ ٍمحله لنشاما منصى = بالطيب معجز والصحيح يقالي حفيد شيخ يوم قاد الغاره = خلا الجنايز مالها شيالي فارس يهابه بالمواجه خصمه = والخيل من فعله يجيهااجفالي لو كل مسمع بالقلم سجلته = الشرح في بعض الحقايق طالي ماقل دل وما ذكرته موجز =عن سيرة أهل الطيب والابطالي |
والله ان سكوتنا عيب ورخامه=للرخوم اللي تحاول تفرقتنا وين روس القوم ورجال الشهامه=قبل تكبر يالعوارف مشكلتنا مايفيد القول بكره والندامه=الليالي والتجارب علمتنا يارجال العرف تطانا ملامه=إن سكتنا عن قضيه شوهتنا حاكها سمسار ماعنده كرامه=والمصيبة يوم للسافل سكتنا لين صرنا للبشر سبة كلامه=هرجةٍ في كل مجلس موجعتنا له ثلاث كلاب معديهم جحامه=ماعترضنا دربهم حتى أنبحتنا من طعن بنسابنا خبث وغشامه=أيتحرى رد قاسي من جهتنا يسكت الجبان ومشاور مدامه=والقروم أليا وقفنا ساندتنا ماتنزل راسها كود ألنعامه=المصايب قدها لاواجهتنا لأوقفنا نعطي الديان زامه=والرخوم بهرجها مازعزعتنا يبشرون بيوم يغشاهم ضلامه =كان عشنا والليالي مهلتنا ياعيال الديك من بيض الحمامه=من دفعكم يالسقايط ناحيتنا يكشف الوجه الملثم وستلامه=علم ماتبرى طعونه من جهتنا ماحدونا من يفكون الجهامه=وماطلبنا قرب ناسٍ نافرتنا قلت ماعندي وأنا مرفوع هامه= واتحدى من يقف لمبارزتنا |
ردي على قصيده من شاعر يكتب في اسم مستعار حيثه ردعلى قصيدتي
السابقه والله ان سكوتنا عيب ورخامه
يالمحامي فيك شامه فوق شامه=من قذايف يالمبرقع قاذفتنا مايدس الراس رجلٍ به قرامه=كل مانطلع سما يبقى تحتنا لو تدس الراس لايوم القيامه=عارفينك والحقايق واصلتنا يالشجيع اللي حضر حرب الرغامه=بسمك المعروف سروا ذاهبتنا كان تقدر يالخمام ابن الخمامه=عد راس الضلع ونزل من جهتنا الرجل يكرب مع الشده حزامه= المتاقي للعذاى يارخمتنا حرب ربعي يالمخومر بالعدامه= ماتمثل عزوتي ياناقصتنا ياطويل الذيل ياوجه الشآمه= فيك غيره من حقايق عارفتنا مانظامك يالمزور من نظامه= انت شوكة شر صرت بخاصرتنا مابناه العام تسعون بهدامه= والمصيبه كلكم من ماركتنا مايهزك ريح ياشامخ تهامه= ولايهمك ماتقوله شرذمتنا تم قولي والخلاصه في تمامه= والله ان علومكم ماحركتنا |
راع الرديه باردالوجه والعين=أفعلنا فعايله مامحتها أفعالنا مثل الجبال المعايين=أدل تايه درب ينظر جهتها ماتنحصر يالسرسري بين قوسين= الناس قبل نقولها شاهدتها من ينكر نويشي زبون المخلين=قرمٍ مسجل للعرب معجزتها عند الخوي ماقال خال وقريبين=فعايله عنه الملامه جلتها وقصة دخيل الساميه يالمساكين=حمر الطواقي للعجم ترجمتها فدا قصيره في شهادة معادين=كل القبايل بالمجالس حكتها وحجرف يقدم للضيوف البعارين =كم حايلٍ للضيف جب أرقبتها منا مهدين الصعب بالاكاوين =يوم العرب حد المهند لغتها ومناشيوخ يرجحون الموازين =ليا وطاك الظيم تزبن جهتها ومنارجال العرف منا هل الدين=اجواد وعلوم الخزى ماحكتها والاأنت ياوجه الفلس قاصر أيدين=يمناك دسمين الشوارب لوتها يامسكرين بيوتكم بالكوالين =الضيف ماعمره تقهوى تحتها ومشرعه لسمسره والوراعين =الناس كل علومكم خابرتها نسبك نقطه غامضه بين سطرين = وعقولكم بعض الاعداء فرمتتها ياشلة التزوير منتم خفيين= شلة وباء قسيسها عارفتها بالهرج حاضر معركة بدر وحنين=والروس طوق بالحكاعاصمتها وعند الحقايق يدفن الراس بالطين=حتى تهدي بالزمن عاصفتها أغراكم الجبان بالمال والتين=واليوم مايضمن لكم عاقبتها الناس عنكم ساكته فوق عامين=وعلومكم ياأهل الخطأ موجعتها اليوم دون حقوقنا مستعدين =أهل الفتن ناطا على خاصرتها الذل ماهو من صفات الشجيعين = والخوف رديان العرب من صفتها |
قبح الله وجه اللي بهرجه قبيح= ماتفيد النصيحة فيه لوننصحه مايعرف الركاده والكلام المليح=كل ماشاف طرقي بالطريق أنبحه وكل ماطاح قلنا بعدها مايطيح= عنه أجنب عسى رب الملا يصلحه لين مافاد حنانا لكف الجريح= من يعالج جروحه مثل من يجرحه من يريد الصراحه والكلام الصحيح= طال صبري عليه ودي أشرشحه مايفيد التغاضي والصبر والمديح= انتهاء وقت لأمنه غلط نسمحه ليت بعض الاوادم بالزمن يستريح= الجبل بالقرون العوج ماينطحه قاله اللي لسانه لاتكلم فصيح=دون حقه زناده للعدى يقدحه |
قصيده لشاعر محمد سعد اليوبي
من شان أبو تركي أبا أثني سلامي=بالشعر والا فأول الشرح منثور عساه يذكر من بقايا كلامي=كلمة أشوف بها بصيصٍ من النور لاجلي أحسبه في المواقف حزامي=ولا أضن مثلي عند شرواه منكور إن كان جيل الوقت هز القطامي=باسباب كلمة نابية كلها زور لا يبتئس باللي علينا يوامي=الحق دايم عند راعيه منصور حلحيل حرب موثقه بالحرامي=بأحلاف تنشب لقمته داخل الزور الحلف الأول له خمسين عامي=وحلفٍ جديدٍ كاتبه ماله شهور كل حلف وثِّق عند رجلٍ محامي=بأربع شهود وكل رجَّال مشهور لكن تريح وأقض شهر الصيامي=وعطنا بعد ماتصوم ياعزوتي دور ردي على الشاعر محمد سعد اليوبي
يامحمد اليوبي رفيع المقامي=يامرحبا ممزوج في ورد وزهور يشدا لنور الصبح بعد الظلامي=ياصلك ياريف النشاما على الفور يابو سعد تبغى جديد العلامي= اكفيت ياراع الوفى كل عاثور سيل الحديده بارقه لاح شامي= ونوه ورى خشم المحفر وابا القور وحطيت لي خطين تحت الاسامي= وانا رجل يالقرم ماكل من السور ماحط كوري فوق عجفى سنامي= وماعامل العميان يالقرم والعور بالاوله حصلت قبلي غلامي= اسمه بها ياطيب الفال محفور والثانيه يالذيب حسب النظامي=الياسمعت الشور خلك مع الشور مكواك خله لاأهل الزور حامي= الحر مايصبر على الضيم والجور |
إنا البارح بعد نومي لفاني=كريمٍ من مرض مزمن يعاني رفعة الراس من فوق الوساده=بعد ماقال يفلان الفلاني سألني والسوال إحراج ليه= ورفعة الراية البيضا ثواني بعد دهشه من الموقف عطيته= علومي كلها سر وعلاني سواله ليه تقبل من جرحني= وشوه صورتي يالمودماني مدام انك على قسمي موكل= وبنا تجمح مثل جمح الحصاني إنا ماعذرك تسمح للمهبل= تخلي عشرنا ترجع ثماني جوابي قلت شايف ماتشوفه= ياشيخٍ لك مكان ولك كياني ترى دونك ماقصر حسب عرفي= ياكم أعيد سفن من المواني علي أصحابها تزعل وترضى= وتحاول تقطع حبال السواني مجامل فيك يالشيخ المسمى= بعيد الناس وإلا من خواني بحال وحال يالغالي نجامل= لصار الجرح مايصل الحواني شكرني بعد ماقلت الحقيقه= بعد ما لامني لحظة لفاني |
قصيده وجهتها لشاعر محمد عبدالله البدراني
يامحمد المسرحيه بان مخرجها=ومعدها مع جميع اهداف عوانه عرفت سبار الاوس وكلب خزرجها=وشعيل داري من اللي يكرب أبطانه أسكوتي اللي مضى ماودي أحرجها=ياعل راع الخطاء تنهاه خلانه واليوم شلفاي مسمومه وأبا أدرجها=من فوق روسٍ من التطبيل كبرانه أشوفها لي صفر الخيل تسرجها=اللي على مهرته واللي على أحصانه ناسٍ على روسها بقعى تدحرجها=تفكر ان القنابل تشبه الدانه ياهون مدخالها ياصعب مخرجها=شله على مبعدين الحوم شرهانه الفين صاروخ مايشكى تعرجها =شحنتها لطلب خانه بعد خانه وجهة لشرق يامحمد بوارجها=الصين ناوي بحرقه قبل يابانه من غيرشهبٍ تزاحم في مدرجها=عند الطلب لارقص لشر شيطانه ياذا الزمن فيك يامكثر خوارجها=كلن علينا يحاول يطلق ألسانه ردالشاعر محمد عبدالله البدراني
المسرحيه يابو تركي امتفرجها = يضيق منها اللبيب وتزعل اقرانه الضيقه اللي عسى ربي ايفرجها = وادنى المحامل الوجه الله سبحانه وبعض العرب لو سكتنا مانهرجها = اشوى لنا لا تجي الغلطات بميانه وان كانها يمنا هبت نيارجها = واقليّل العرف ماكفّاه سفهانه اضرب على الروس في شلفاً مزارجها = مسمومةٍ وسمها من فوق حجانه ولا كبرت الروس يامكثر ترجرجها = وعلاجها تحت ماطى الرجل منهانه ومن شاف ماعاف ماوالله ايعرجها = من شاعر ٍ تعرف الشعار نيشانه كم معترك والعداء دايم مضرجها = بدميها والفعايل دوم برهانه والعشر والوتر ماغرت مخارجها = اخذت معها شهر والنفس طربانه ولاضر بنت العرب الا تبرجها = ومكاسر الطيب معها ريح ريحانه احسب حساب العوارف قبل مارجها = ومن شاف نفسه علينا اليوم حقرانه |
ياراعي الهرجه تعوذ من إبليس=بعض السوالف يالمسولف عيابه الهرج في بعض العلوم المراميس= تنزل الرجال قدر ومهابه لاصار ماله من ورآها نواميس=ماله بشب النار بين القرابه ياهن خل علوم صدرك محابيس= الناس تدري بالخطاء من صوابه قيس الأمور أن طعتني يارجل قيس= اترك كثير الجلجه والطلابه شقر العصا والبربره لدنافيس= اللي لهم عند الزوم انقلابه على الفشق لاتلحقون النواديس=نصيحتي كلن يثني ركابه الدار عارف ذيبها والتضاريس= يامن هرج عن صاحبه بالنيابه العام صاير علم خلف الكواليس= واليوم مقطوع العقايل هذابه باليل تسري به حلوم وكوابيس= والصبح ينثر في بحرنا زهابه من قبل تقعد لك جميع المتاريس= جنب عن الدرب المسمى ودابه |
الشاعرحفيد الحجيري
راكب اللي دقّ سلفه تنقفل بيبانه=والمرايا دون لمس تميل يمّ عيونه يصيد ساهر قبل لا ساهر تلدّ اعيانه=وجهته يم الشمال ، الشام لا من دونه وجهته دارن صدور رجالها مليانه=بالوفاء والطيب والمقصود ما تخفونه يا سعد سلام لولوّه مع مرجانه=بالوفا غيثه يهل وبارقه في مزونه من هجوس الشاعر اللي لا بدع قيفانه=ما يجيب الا البيوت الحره الموزونه ما يدرعمها كذا يا ليل دانه دانه=ولا يسندّها سوى شاعر كماك لحونه شاعرن مثلك بِناه تقوّمه سيسانه=والجزيله منه دوم أعدّها مضمونه لا قلطت بساحة الميدان قالوا عانه=ولا زهمتونا وجينا الصف ما تحصونه من جماهيرن لشعّار الجزل طربانه=ملتّ اللي لو يسدّون أذنهم يوحونه ملّت اللي إنْ قال خلوووووها فزع جيرانه=يشغب شْغاب العجوز الكهله الملعونه وإن بدا قافه يدفّ المكرفون لسانه=من حماسه يمكن انّه يِنْشِبه في سنونه المعاني مالها فالشعر عنده خانه=ولا نصتْهْ أهل المعاني ينحني عرجونه يا سعد عزيّ لحال الشعر تال أزمانه=اختلط لاشه بكاشه وانكسر عربونه بومته تال الزمان مداحمه شيهانِه=عالته صاروا لك الله قادته وحصونه الله أكبر كيف راسه حطّ مع كرعانه=في زمن عنوانه أبداً ما عكس مضمونه يا سعد والبارحه والدار أجول أركانه=شفت من هالعينّه واحد كذا بكرتونه يشتري و يبيع مع نفسه وسط دكانه=المحل اِهوَ مديره ، بايعه و(اِ)زبونه يصنع الهجمه ، يغيّر رقمه وألوانه=ويركض يسجل هدف ، ويقول ما تصدّونه طير بس أزرت تحلقّ فالسما جنحانه=كل ما جا يستردّ الثار زاد طعونه يوم جردّناه من سيفه وسرج حصانه=قام ياطا فوق ظلّ اللي كسرله نونه واعناه اللي رفَع عينه على عمّانه=واعناه اللي يداحم ضلعنا بمتونه كم فتى قبله خسر قدم الرجال رْهانه=ما نجا إلا لحيته فيدينهم مرهونه وكم فتى قدامنا تقصر طويل أيمانه=العزيز (اِ)له المعزه والذليل مْهونه يا سعد فختام قولي يا سعد سبحانه=خالق عباده مدبرّ كل شي بكونه ما نبا إلاّ رحمته ، عفوه وروض جنانه=نرتجيه وكل خلقه ياجودي يرجونه والصلاه اِعداد طيرن طار فوق أغصانه=فوق من يشفعلنا في يوم ما تدرونه ردي على الشاعر حفيد الحجيري
مرحبا ترحيبةٍ مثل الذهب والدانه=بالوفى والطيب لأهل الطيبه مشحونه بالمعاني توجة ماصدرة عريانه=يوم بعض الناس فهمه بالقصيد أيخونه في كلام الشاعر اللي مانقلل شانه=جاتني من فوق موتر ماعرفنا لونه من بلاد الغرب مدري صانعه يابانه=الله أعلم ماقريت ارقام في طبلونه الوكاد انه جديد وشركته فنانه=عالميه ماكتبوها شركةٍ مديونه ياحفيد الوقت هذا ثايرٍ بركانه=فيه يبلش صاحي العربان في مجنونه لو تشوف أهل الغنم بقدامها الحفيانه= سيدين الناس ثوبك لاتعقد اردونه قبل قلبك يالحجيري ينفجر شريانه= الغطاء ياصاحبي خله على ماعونه البلد حاول تجنب شرذمة سكانه=الحبل لاتهمله لكن لاتشدونه الشوارع بالبلد تبغى نظر وصيانه= قبل بيت العز تهدم ياحفيد اركونه علم الراس الكبير وشد معي أبطانه= قبل سكان البلد تعصى على قانونه |
ابيات من الشاعر الكبير حمدي العوفي
على قافيه نادره بالوقت الحالي والشاعر حمدي العوفي شاعر يجيد مثل هاذي القافيه الصعبه نترككم مع الابيات وردي على شاعرنا الكبيرحمدي العوفي
ياسعد كثرو هل الغث في شعر النبط=وكثرو اللي ساحة الشعر زادو غثها كل من سواله ابيات بيدينه خبط=فوق ثوب الشهره اللي عطتهم رثها مايهمه ضابط الوزن والا ماضبط=المهم أنه على الناس يسرع بثها شعرهم هابط والاعلام من بعده هبط=والهزيلات أغرسوها ولحدن جثها يوم شافوها تهمل بلا حل وربط=العرج رجله مع القوم قام وحثها ردي على الشاعر حمدي العوفي
من عمل لله يالقرم عمله ماحبط= والمجالس في رخيص الحكا مامثها ان تكلم من ذهب وان عبط باغي عبط= المدينه يعرف أورودها من شثها العرب وشلون أميز حسدها والغبط= نوب تبدي طيبها نوب تبدي خبثها ساحة الماروث كثرو بها اعيال القبط= غير لشهره وكثر المهايط بحثها ان سئلت أهل المهايط ياحمدي تختبط=ماتميز بين كل النخيل بفثها |
ياراع الرسايل طيعني واللعن الشيطان= علينا مايخفى علم هدهد سليماني قرينا رسايل من طرفكم بلا عنوان=تحاول تمررها على طير حوراني عليك النقى مردود يالتكسي المجان = من الشاعر اللي له مكانه وله شاني يغوص البحور وبالمجادل فصيح اللسان= من الراس يقدح لارقص كل شيطاني أنا اقول لاتجدد سواليف ابن برمان= نصيحه تمعن في كلام ابن دوماني ترى ماندور من وراها ياهن أثمان= صداها وصلك وياصل افلان وفلاني خلاف النصيحه محزمي بالفشق مليان= ولايهمني بالوقت فاضي وملياني |
-----------
|
قصيده لشاعر خالد الحصني وردي عليه
الصدر ضاق وضيقه يابن دومان = عودٍ تردى حالته كل يومي ماغير اطالع فيه في شوف الاعيان = وادعي له الي في عباده رحومي سبحانه الي كل يوم وله شان = تفنى العباد وحده الي يدومي اوجس اوجاسه كل ماصار سقمان = احساس والا طبع ابويه كتومي ياشفت حاله صاير تقل عيدان = من المرض قامت تليم همومي امرض من وجاسه وانا ماني مرضان = ولاتنام عيني كان عيا ينومي كنه يقول انته الى الان سهران = وقوله لاتشيل هم مخدومي من عقب ماهو لثقيلات عشقان = تثقل عليه اليوم حتى الهدومي العمر له حكمه على حال الانسان = يبين به لو هو قوي العزومي عبرت لك عن ضيقة البال بشجان = ولالي بضيقتك يابو تركي لزومي عساك تبقى مثل منته كحيلان = سيف لنا دون القبيله صرومي يامعرب الجدين خال وعمان = من كل جد جاذبينك قرومي زيارتك واجب عليه وانا الان = ضرفي مثل ماتشوف فيه محكومي مرافق مع شايبي بين شيبان = بين الدكاتر والابر والكرومي ردي على الشاعر خالد الحصني
حي الرسايل من رفيقي بليهان=خالد ولد موسى قوي العزومي رسايل الطيب لها نذعن اذعان =طبعي مقابل طيبه بالعدومي نسعالها نسعالها قدر الامكان=سلمٍ لنا ياطيبين السلومي معذور ياراع الوفاء طير حوران=الله يلوم اللي لمثلك يلومي بالوالدين البر من زود الايمان=تلقاه بالدارين علم محتومي أكيد ميزانه على كل ميزان= يرجح باذن ربٍ لوجهه نصومي للتف ساق بساق والجسم عريان= من عق شيبانه يعض البهومي حضيض من يدرك رضاهم وكسبان= للوالدين يصير مرن وخدومي وادا حقوق الله من دون نقصان=وعن زلة الاقراب دايم يشومي وان جاه محتاجٍ عثى فيه ديان= من جور وقته بالخطام أمخطومي يقدم الميسور خفيه وسفطان= طيب لفعل الطيب دايم يرومي شرواك والدنيا على كف شيطان=نوبٍ تزين ونوب فيها ثلومي يقال فيها دايم الطيب أمعان= والطيبه ماهي بكثر العلومي |
دون القبيله من سطرنا وقفنا=ميقاف حرٍ ماتهمه عصافير الجام ملعون الصلايب هدفنا=عيب السكوت وعيب سرد المعاذير من بنك جزلات المعاني صرفنا=نوادرٍ ماحافها نافخ الكير ابن اللئيم اللي بهرجه قذفنا= سفيه ماعنده كرامه وتقدير اليوم صوبه للمدافع حرفنا= شهب الرقاب ملولبات الحناجير إل راس مذموم العقيده قصفنا= بقذايفٍ خلت عظامه شعاثير أصحاب حق وعزنا من شرفنا= العوج ماتمشي علينا مخامير لساع مقطوع الرجاء ماعرفنا= غشه غراب البين راع التزاوير يفكر انه بالحصى لاحذفنا= كسب الرهان وصار ضمن المشاهير وأقبل وذاق الموجعه من طرفنا= ضربه لها بالراس والقلب تأثير في شمس مجروح المشاعر كسفنا= وقام ايتخبط بين ورد ومصادير من بعد ماحنا الْ ريشه نتفنا=يرف بالجنحان مايقدر ايطير |
0000000000000000
|
رباح شيال الثقايل فقدناه = مغيبته ياطولها من مغيبه رحل من الدنيا عسى الخلد ماواه= (حطو على قبره طويل النصيبه ) مرحوم ياشيخٍ كثيره مزاياه=يحل عسرات الامور الصعيبه ان كبرت القاله هل العرف تنصاه= يطري على من فيه حلت مصيبه بين القبايل له مكانه وله جاه =حكيم خصمه بالمواجه يهيبه يمناه في جزل العطايا مضراه =على هديب الشام ماهي غريبه ياليت قبل الموت بالدار زرناه =لو كان ماداري لداره قريبه بين القصيم وبين دارٍ سكناه =تطلع علي الشمس غرب القليبه من ذكر كساب الجمايل بكيناه = دمعي على خدي تزايد سكيبه نبكيه لو بالعين ماعمر شفناه =قلبي على الطيب جروحه عطيبه حيثه ينومسني بفعله وطرياه =ان قام كلن يفتخر في قريبه يالله تغفر بعد موته خطاياه = يارازق الداب العمى في شعيبه |
مبطي معلم قوم راغب علامه= ان البحر مايسبحه كل سباح يوم اصتفق موجه وزاد التطامه= كسر مجاديف العرب وغرق ارواح بين الخليج وبين ساحل تهامه=مده ماينبت فيه خوخٍ وتفاح ياهل الجمل حطوا عليه المسامه= وتعلقوا بحبالها مثل الاشباح اليا عتليتوا فوق قمة سنامه=يمكن تحصدون الجوايز والارباح ترى الجوايز فوق ريع الندامه=حمر الخشوم وروسهن مثل الارماح ياطيب رجالٍ يثمن كلامه= وافي عليه من الوفى تاج ووشاح يفرض على كل الرجال أحترامه=دلوه ثقيله بين حادر ومياح يفداه مزهافٍ تراقل عظامه= خفيف تلعب فيه صلفات الارياح عن العدا دايم تصيبه رخامه= وعلى رفيقه كل الايام نباح |
( مقدمه وقصيده لشاعر مبارك نايش الغامدي)
بسم الله الرحمن الرحيم السلام عليكم ورحمة الله وبركاته وبعد: احبتي الكرام في ملتقى حرب العراب ((الشاعرة القديرة كحيلة حرب)) شبهت بعض قصائد شاعرتنا كحيلة حرب بأبيات الشاعر الكبير نابغة زمانه سعد ابن جدلان الاكلبي من منطلق جزالة البيوت وروعة الابداع والاسلوب ولم انسب احدا لأحد واعرف ان كل يمثل نفسه في المقام الاول وانتماءه القبيلي في المقام الثاني ولكن تشبيه الطيب بالطيب ما يعيب بل يزيد الفخر فخر:قرات قصيدة شاعرتنا واحببت الايضاح بهذه الابيات المتواضعة للغاية
يـا بنـت مـن يثنـون والـوقـت جـافـي=مصـدريـن الخـصـم غصـبـا بــلا طــوع دون الـحــدود ومـومـيـات الـشـعـافـي=حرّابـهـم يـشـرب مــن الـمـر قـرطــوع حــرب الـعـراب مطـرّعـيـن الـشـوافـي=شـيْــم :وجود:وديـن:وسـلـوم:وشـروع تاريخـهـم بــدرا مـــن الـغـيـم صـافــي=مجدا تليد وطيب مـا هـوب موضـوع والطـيـب غـبــات ومـحـيـط وضـفـافـي=ونـهـول يـاردهـا زعـاجـيـل وجـمــوع مـا هـوب سيـل شعيـب والـسـد نـافـي=يروي بجال وجـال مضمـي وممنـوع ولاصــــدروا عــنــه الـقـبـائـل عـيـافــي=شربـوا قـراحـه عــذب ينـبـوع ينـبـوع كــــل بـحـيـلانـه يـضــيــف ويـضــافــي=وياخذ ويعطي وقت طامع ومطمـوع يـــوم الـدبـايـل مـمـطــرات الـفـيـافـي=والامن روس الشهلف شالـع ومشلـوع يــا بـنـت قـيـفٍ بـالــردا مـــا يـحـافـي=مقسومهم فـي الطيـب مثنـي ومربـوع شبـهّـت شـعــرا مـــا دخـلــه الـعـذافـي=بشـعـر شـيـخ سـاطــع ذكـــره سـطــوع وجـبــال طـيـبـة شـامـخـات المـنـافـي=وعوص القصيم اللي لها متون وفروع بـكــل فـعــلا مــــن فــعــول الـنـوافــي=لا الـسـرو يتبـعـهـا ولا هـــو ب مـتـبـوع وختامـهـا ذوبٍ مـــن الـشـهـد صـافــي=ومسـك وزبـاد وجـاويـاً فـوحـه يـفـوع وهذا ردي على الشاعر مبارك نايش الغامدي حول مساواته وتشبيهه لقصائد الشاعر الكبير سعد بن جدلان نابغة زمانه بقصائد الشاعره الكحيله حيث الكحيله قالة قصيده بهذا الموضوع ورد عليها مبارك الغامدي ودرديت عليه حيال هذا الموضوع وحيال الاسهام في رده وري المعرفات النسائيه في موقع القبيله الرسمي
الركض خلف مطرزات الغدافي=ينزل الرجال من راس مرفوع عالي جنابه ماتجيه السوافي=غير السباع الشهب تقنب من الجوع ياجب على الرجال دين وعفافي=ترك الامور اللي بها الشك مزروع يالغامدي بعض السوالف أعجافي=ساويت بالكفه سكاكا وميقوع أخطيت بالتشبيه والكل شافي= ياكبرها تقل سواليف مصدوع مدري جهل مدري هدفكم ينافي= مباديٍ تهميشها حبة الكوع حنا لنا الظاهر وماكان خافي=يعلم به اللي يرزق البدو برجوع لو عنك يدري صدرة بك عيافي=ماهي سوالف عطلة أيام الاسبوع ماكل يومٍ يامبارك عوافي=خذ علم حربي مارضى يوم بخضوع في صرحنا ماعندنا حضن دافي= غير السيوف وحدهن مرهف أيروع وسوالفٍ بين النشاما نظافي= وتاريخ ناصع في بياضه ومطبوع رجالنا عند الصعايب يشافي= من دون واجبنا سلاطين ودروع ياضيفنا قدام بحث الخوافي= الباب خله باحمر الشمع مشموع ماقل دل وطيب القول كافي= ترى الخطاء مافيه زبده ومنفوع |
قصيده لشاعر الكبير حمدي العوفي وردي عليه
يابو تركي والله أني عارفٍ كل الامور=وأنت تدري بالسوالف والمعاني كلها خابرين اللي تخبره وأول العلم مخبور=والقضايا قبل تاقع جاهزين لحلها ماجهلنا بالاوادم والصحاري والبحور=وقومٍ تغدي الضحى يم الدروب اندلها فاهمين القصه اللي حولت بين السطور=ومحتسين المستريبه دقها مع جلها كل كلمه مالها واجب ولاتشفي صدور=ودك أن الرجل قبل يقولها يفطن لها لو يقال أن المقاصد كلها صدق الشعور=و لو تقدم بالهدايا وردها مع فلها واضحه من مبتداها لين وصلت للضهور=وكثرت وترديدها بين الزوايا ملها مير حنا كان طالت ثم طاولها الغرور=ماخفتنا كيف نقصرها ونقصر دلها نَعرف طيور الحنادي ونْعرف كل الصقور=ونَعرف طيور الربيع اللي تطرد ضلها الصقور انعزها ونشيلها فوق الوكور=وبالهداد انهدها قبل السبوق اتلها وغيرها مانقتـنيها وأن لقيناها تدور=أخر حلول النشب وسط المياه انبلها ردي على الشاعر حمدي العوفي
ياقلمنا ياقلمنا مع طويلين الشبور= الجزيله ياقلمنا غاليه لاتزلها الثمينه قالو العريف نقشٍ بالصخور=والهزيله ياولد ماطر نقاد انزلها صارت الدنياء دبورٍ ياجماعه في دبور=الاوادم من حسدها شفت زايد غلها من تعدا الخط الاحمر والاشاره والجسور= يرجع ايعض الاصابع والدموع أيهلها كل مخطي سيلنا ياصاحبي يمه حدور= الخلايق في لغتها ياجودي نرطن لها ماندور لسقايط من ورى دهن السيور= والرجال الطيبه من طيبها نذعن لها طقة الجزار مع راسه على شان الجزور=يمكن اتقوم القيامه باالفواد أيشلها االبلد فيه المباحث والطواري والمرور=القسايم والمه من غيرحدب انسلها عندنا حلو الضيافه عندنا فج النحور= مانخلي كل ماتهرول عيا هرولها قالو أهل المعرفه قطع العصب مثل الكسور= العراوي في بلدنا ليته أيفرملها لايحوم بالحواري من غبا مدري فجور= كل ماشاف الكرله ماشيه دبلها |
ماعندنا غير الرصاص المشاويك= ومهندٍ يكسر صليب العظامي ماهمني بالوقت هرج الصعاليك= لاصار مالي بالذخيره حزامي الحر يبقى حر يفرق عن الديك= وماتنفع الرجال كبر الاسامي ان كان مايقدر يحل الشرابيك= عليه لاثار العجاج السلامي ياهن قلنا من عوارف بني خيك= يمكن يجي عاقل يحل الخصامي هذي سنه هجري علينا تماديك=فاق الخيال وفاق حد النظامي لقيت بالعجه خبولٍ تباريك= عن الرجوله والكرامه صيامي واليوم ياعش الصلب والمماليك=بيض الرخم من شهب عرج الحمامي ولمت للقاله قصير البلاجيك=ومزهب المدفع بعيد المرامي بين العيون وبين مقرن علابيك= كاويك في مكوا على النار حامي أنشدك بالله وين غابة حماريك= ذبيت عنها الريع شرقٍ وشامي شكواي للمعبود ماتقل تعنيك= عنها أنشد اهل العرف واهل المقامي غشك ونشك جاهل ٍكان يمليك=كلام من ناتج بنات الظلامي واليوم مايبغى مع الناس طاريك= لو تزهمه يرفع عليك الحسامي باعك من اول سوم معاد يشريك=هل الدموع وعظ راس البهامي حظك عن اعلوم النشاما برك فيك= وخلاك تنبح كل حرٍ قطامي ما قل دل وماذكرته يكفيك=اترك كثير البربره والاثامي |
على شان همزه يامبارك رفيع الشـان= =فدتـك القصيـده يامبـارك وكاتبهـا علينا الجواهر وضعها داخل الدكـان= =حسب فهمنا مافيـه حاجـه تعيبهـا بعيد النظر في شاشة العرض بالميدان= =حروف الهجاء لو بعثروهـا يرتبهـا يميز بغلطه مطبعيـه مـن النقصـان= =مايبلش بكلمه واضحه كيف يعربهـا ترى الاجنبي في دار الاجناب يابليهان= =لابـده علـى داره يوجـه نجايبهـا ويعد السوالف وانت فاهم وسيع أبطان= =علومي تحدد وين يالقـرم مضربهـا تحية وفاء والمعذره والمعين أيعـان= =بمـان الكريـم أستاذنـك يامعزبهـا غلاكم بقلبي لو رحلنا مـع الازمـان= =ماتمحاه ياريـف النشامـا هبايبهـا ياروس الرجال مرجحه كفت الميـزان= =تحية لكم بالعـود الازرق مخضبهـا يقوله من الشعار شاعر فصيح ألسان= =جميع البشر حسب لغتهـا يخاطبهـا رد الشاعر الكبير مبارك ابو ظهير
فداك الردي يامحمدي مانـي بزعـلااان= =ولاأبيـك تزعـل والتفاصيـل جنّبـهـا وأنا الحمد للي خالق النـاس والأكـوان= =بعيـده هقاويّـي عريـبـه مناسبـهـا إذا زل في حقـي عزيـز ٍ مـن الخـلان= =أطوّف لـه الزلـه ولايمكـن أحسبهـا وإذا عاد كررها .. فأنا أحط فالحسبـان= =حقوقي ولا أتْنـازل وأشـرق وأغربهـا وإذا أخطيت في حق الخوي أعتذر منشان= =أقـوي صداقتنـا ولايمكـن أشذبـهـا لأنّا بشر نخطـي وذا طبعـه الإنسـان= =بشر والبشـر دايـم تفاخـت مذاهبهـا مهو عيب لاختلفت على بعضنـا الأوزان= =لنـا حـق نسـأل والتفاسيـر نطلبهـا أنا والله إنـي فاهمـك صـح ياكحيـلان= =قريت القصيـده صـح مانـي معذربهـا أنا قلت أبي توضيح إن كـان بالإمكـان= =علشـان بالتوضيـح نبعـد مثالبـهـا سؤال ٍ سألته ماهقيتـه يثيـر أشجـان= =على طيب نيه .. ونيتك مانشـك ابهـا وتفاجأت في ردة فعـل منـك ياهديبـان= =وأنا محترم نفسـي .. وقايـم بواجبهـا ولو ترجع لردي تـرى مانـي بغلطـان= =إذا فيه كلمـه غثتـك أبشـر أسحبهـا وإذا كنت ناوي في رحيلك علـى ماكـان= =فلابـاس وإكـرام النفـوس بمطالبهـا غلط ماغلطنا وإن حصـل نعتـذر والآن= =أمام الملا بس غلطتـي ياسعـد جبهـا ردي على الشاعر الكبير مبارك ابو ظهير
هلا يامبارك عد ماغاب نجم وبان=تحية وفاء باأحلا الجواهر مذهبها مثل عقد ماس بعنق فاتن من الغزلان=لازاحة عن الوجه الحياوي ذوايبها قضت عمرها بالشام مدري جبل لبنان=سوات الاهله يامبارك حواجبها نحيلت خصر والعود من طيبها ريان=تعامل بعفويه مع اللي يخاطبها أنا ياوسيع العرف يامعرب الجدان =على الطيب والمعروف نفسي مهذبها أقيس البحور بعمقها واعرف المرجان=وأدل العدود اللي عذيه مشاربها لساني حصاني مخلط الثوم بالريحان=أقيس الرجال بطيبها لامناصبها ماحب المكابر والمزايد بلا برهان=دروب الخطاء مبطي زميلك مجنبها أسج الركايب من بلادي ليا خيطان= ظهور الركايب يامبارك مشيبها نحتنا على صم الحجر رايع القيفان= بضايع بوسط السوق ضامن مكاسبها وانا داري انك تصخر القاف يالسرحان= بيوتك رجال الذوق والفهم تطربها لقينا لكم ياراعي الطيب بالديوان=قصايد جميله سالمه من شوايبها نهاية مطاف السالفه نقفل البيبان=قضيه ماتفسد حب ناس لحبايبها سعينا وطفنا يامبارك وانا الربحان=انا المستفيد وكلمة الحق ماطيبها |
الليله الحفل الكبير الهايل=برعاية اللي له مقام وغالي قام يتزايد فى حضوره نوره= كلام من كل المبالغ خالي فهد ولد تركي عريب المنسب =ساس الملوك مزبنين الجالي يامير يامير السعد والحنكه= لين بحال وحال حد سلالي ياسيدي نرجوك تسمح ليه= اذكر كلامٍ ماعليه اجدالي نهضت بالوحدات ياقايدها=اليوم فيها تضرب الامثالي سد الشواغر نصب عينك دايم=من شانها بذلت جهد ومالي وحطيت لتدريب وقت وخطه =دايم على راس المعالي عالي جهودكم ياسيدي ملموسه= ترفع لك البيضاء على مطالي ابوك تركي والنعم بالوالد=معربٍ مابين جد وخالي تركي ولد صقر الجزيره تركي=لضد ضد والصديق موالي ياعل شايب خلفه للجنه=يوم النشور وزنة الاعمالي عبد العزيز اللي بسيفه وحد= الدار وانهى كل شكل اقتالي بالسيف والشلفا وقوة باسه=وتوفيق من ربٍ علينا والي بعده عياله كملوا بنيانه=بيض النوايا للحمول جمالي من فضل ربي ثم فضل اعياله= عم الرخا النزال والرحالي وعن منطقتنا ياقلمنا عبر=بقياده اللي للعقد حلالي قايد محنك كلمته محسوبه=ماهمته شهره وقيل وقالي لاعدو القادات يذكر باسمه= ان جاء مجال لسيرة الابطالي ياعيد فيك المنطقه محضوضه=قايد حكيم وبالخطر متبالي رجال دين ولك قبول وهيبه= وقت المزايد تشرب الفنجالي ياخادم البيتين سمع وطاعه= يالشجره اللي للجميع ضلالي دونك على حوض المنايا نارد= لو دمنا من كل عرقٍ سالي ان كثرة الاحداث حنا نبقى=وافين مانتبع هواء الجهالي لانفعل الفتنه والا نيدها=حب الوطن بقلوبنا مازالي دون العقيده والملك والموطن= ماعندنا غير الرصاص الصالي يازمرة الارهاب حنا دوله= دستورنا القران يالانذالي على الشريعه نهجنا والسنه=يالخارجين بكل حال وحالي سفك الدما يالشله المنحرفه= وتغرير بالجهال والاطفالي أشد جرم ومايقره عاقل= الدين واضح والهبال هبالي من بعد ماقلت الكلام الصائب= يامرحبا بالجلسين اقبالي ترحيب حال مثل طعم السكر= واحلا حلا من كل شيٍ حالي تكريم نخبه بين فرد وضابط=من السلف تبقى مع الاجيالي تكريمهم واجب علينا واجب= حيث التواصل بيننا مازالي منهم تعلمنا وفيهم نفخر=رمز الفخر يوفون بالمكيالي كل الخلف لسلافنا مديونه= في سلم والا في نهار أقتالي لو عنهم اكتب فضلهم محصيته= الشرح عنهم يالنشاما طالي حضورهم زاد الغلا والخوه=عسى السعاده لزملانا فالي |
أشوفك تعن الخيل وتهز مشعابك=على شان فاطر كل ليله بحضن الذيب كبيره كبيره يوم تخطي على أصحابك= ولكم عن طريق المخطيه بالزمن تجنيب يعيبك ورى مظهورها سجت اركابك=ينزل مقامك عند جساس قبل كليب قبل ياسمي سهيل مانحرق اعصابك=وشيب براسك يافتى قبل وقت الشيب تريض مع دروب الخطر وحسب احسابك=ترى الهرج قالوا فيه مخطي وفيه أمصيب انا كنت حامي ماقفك وتعزوابك = قبل مانشوفك تدرج بين شك وريب لاتمشي طريقٍ يوم وداك ماجابك=تخير طريقٍ مايوديك صوب العيب انا مابغيت اولع النار بثيابك=حكمني ضميري والقرابه وفهم وطيب ماقدم مقام المارقه كثرة اعجابك=لقينا حواليها مواطي قدم لشعيب |
تنبح كلاب البدو من شان كلبة جحا=قامة تعض الحصى وتهز بذنابها من شانها للعوارف يدرجون الرحا=لاياخساره دقون الناس وشنابها اللي كتب في سجل القوم طيب ومحا= اليوم اشوفه مدنق وسط محرابها ان مرته في سمار الليل ولا ضحا=من الردى والرخامه قبل ترابها ياهن من مرنا مجنون فاق وصحا=ياصاحب الذاهبه يامكثر اصحابها العام فيها عريض الجنب عنكم نحا=مدري تعشى بها ولا تغدابها يامال قطع العقايل وين حشم اللحا=عن العمايم زهتكم بالي أثيابها |
يوم ايتكلم ناقص الدين منصور=بسم القبيله والقبيله بريه حنا لنا ماقف نقوله على الفور= ونسجله بالحال ضد القضيه هرج الروافض بسمنا شي منكور=وقلوبنا من كل رجسٍ نقيه دون العقيده من سكت غير معذور= اقولها والشاهد الله عليه ربعي قبيلة حرب دورٍ ورى دور=سنه واهل تقوى وعرف وحميه ومن شذ مايحسب علينا ومدحور=منبوذ ماله عندنا قابليه حنا لنا القران منهج ودستور=وسنة نبي الله خيرالبريه مانضرب الابدان في يوم عاشور=لطم الخدود بمذهب الرافضيه رجالنا بالصدق والدين مشهور=وعزومنا بالوقت دايم قويه يدرى غضبنا كل فارس وممرور=في حاضر الايام والجاهليه عشنا كذا مانقبل الذل والجور = احرار ماحشنا حياةٍ دنيه من دون واجبنا سلاطين وصقور=نرقا سنود ومانحب الخطيه العلم مثل النور وابيض من النور= الحر يفهم والحديه حديه علمٍ على وجهين لناس منشور= من خوف توسيع العلوم الرديه |
قصيده موجهه لي من الشاعر بخيتان البشري
عد ما طارت طيور وكائنات وطايرات = وعد مانكتب حروف وعد مانقرأ حروف وعد ماينبت نبات وعد مايثمر نبات = وعد ما قامت صلاة وفالحرم صفت صفوف السلام من الثقات وماصله ياصل ثقات = وصلّه ياخط يدي دام تحدانا الظروف جعلها تكتب زيارة فالسنين المقبلات = للصحيب اللي ينومس له فعول وله وقوف من رجالن ساسها ثابي وتاريخه ثبات = والله انك ياسعد نوماس للكل معروف الرجال اللي منازلها برؤس النايفات = روس قوم وبابهم ماينقفل دون الضيوف يكفي انك شاعرٍ وقت العلوم الحاسمات = شوكة خصوم القبيلة هيبتك هيبت سيوف يازعيم المعرفة والرأي حسب الواردات = صادرك حسب المعاني راس تحماه الكتوف استمع قصة عيون جفونهن متقلبات = والنظر يقرب مداه ويبعده برقٍ خطوف الجِمال دروبها متوحده فالماضيات = صدق عُوج رقابها 0 ماقيل عمياء ماتشوف يصبح الجَمال زمله قاطرة بالطيبات = الحمول اللي كما صرف الذهب وزن و وصوف وزمل حاضرنا يابو تركي شتات وسايبات = والجمل يشكي من الجمال وحموله خفوف البضاعة ماتجمل عند قوم الغاليات = كل تجار المراجل قابلوها بالعزوف لو على شروى الرجال الغانمة ما كان جات = وسط سوق بضاعته ماتنترك فوق الرفوف مير لقّيت فيه يالحر السنافي عينات = الرخيص اللي يخارجها وتقدر به تطوف والختام المعذرة عسى الحروف مجملات = والصلاة على محمد مابها شيٍ كلوف ردي على الشاعر بخيتان البشري
مرحبا مثل العسل مدري تقل سكر نبات=عد سكان الكنانه والمدينه والهفوف وافيه لصحابنا تمشي على كل الجهات= مثل عقد الماس يابخيتان في عنق الهنوف ما عليكم زود ياريف الخوي حسن الصفات= ياعسى يفداك رجلٍ لاهرج دايم زهوف ان سبح في نهر دجلا ماسبح نهرالفرات= وكل ماكبرت هرب صوب الملاجي والكهوف كان كتبة لك زياره ياطبيب المعضلات= لك تسجل في سجلات الوفي وسط الكشوف ابشر بحلو النباء ودلال صفر مبهرات=وقبل تعطينا علومك قطعة ارقبت الخروف في محلٍ فيه ماتلقى علومٍ نازلات=مجلس بالطيب والمعروف والعز أمحفوف بين ضلع طويق يابخيتان وجبال السرات= ليه ياشمس الصحى بين التوهج والكسوف كل ماقلنا عليها شفت عشر ملاحظات= يعترض بالدرب عميان البصيره والضعوف بعد نقطه فاصله جبت العلوم الباقيات= الحرير انميزه مابين قطن وبين صوف صعب حل السالفه من بعد ماراحة شتات = مير راع الكور مايرضى المسامه والردوف مالنا بصر وبصيره بالعلوم الشايكات= لو نعدل حمل نايف من يعدل حمل نوف |
أنا ياجليس العجز عند الزوم حصان=مادنق براسي للخطاء مثل مادنقت شموخي شموخ اجبال واقسى من الصوان=سما لرجوله ياقصير النظر حلقت ماحب الخضوع لغير ربي رفيع الشان=جزيل العطايا يفرج الضيق ساعة ضقت وقفنا مواقف رجحة كفة الميزان=سعينا وطفنا وانت نايم ودوبك فقت تبي لك علومٍ دونها قفلة البيبان=بعد في زمانك في جميع الامور أخفقت ياشين التبجح والمهايط بلا برهان=تقول الليالي ويش فيها وفاء حققت شهرنا كريم ونطلب الخالق الغفران=لاتجرح صيامي ثم احملك مالا طقت عسى ياعسى تفهم كلامي من العنوان=ياراع العلوم اللي بها للعرب فرقت |
ماشاء الله علا شاعرنا المبدع سعد المحمدي
|
الشيخ بندر في نهار الزومي= له ماقفٍ كل القبايل حكت فيه حسب تقاليد العرب والسلومي= سعى ورب الكون وفق مساعيه للجاه قدم روس قومٍ قرومي= لعتاق من حد المهند بناخيه من بعد ياس وحل شبه معدومي=بالمال قرر بندر الفرم يفديه قال افتحو للمال باب القدومي= اللي تبونه ياقصرانا نعديه وحطوا عليه من الملايين كومي= تعجيز مدري ويش حنا نسميه وقع على المبلغ ليوم محتومي= الحمل جاير والمصيبه توازيه ثم قال ياحرب الكرم والعزومي= تكفون خالد زايد الهم يطويه من الحفر لقصى حدود الجمومي= قامة قبايل حرب تجمع وتعطيه حتى كمل مابين ليله ويومي= المبلغ المطلوب بيدين راعيه وعم الفرح قلب العجوز الكضومي= اللي تخيل صورته ثم تبكيه من ساهمو غير القبيله عمومي=ترفع لهم بيضاء على راس عاليه ياعل عزك يالقبيله يدومي=تم الكلام وبلغة القول صافيه |
مقدمه وقصيده لشاعر والاديب فايز موسى البدراني
أخي أبو تركي سعد المحمدي.. شاعر كبير بشاعريته وبأغراض شعره، ينبض وجدانه بمحبة القبيلة والاعتزاز بها، والذود عنها، والرد على من يحاولون النيل منها.. ولإعجابي بهذه السجايا، فقد هاضت القريحة المتواضعة بالأبيات التالية أهديها له ولكل من يسيرون على نهجه في هذا الموقع وغيره، مع المحبة والتقدير
يا سعـد لك كل شكرير وامتناني =وافتخر في نهج مثلك واحتفي به شاقـني معناك يا جزل المعـاني =حـاجـة ما هي على مثلك غريـبة ما تجيب من العلوم الا السماني =وان طرقت السهم طشيت الضريبة عل يـفـداك الدويـني والهـداني = الهـزيـل اللي على ربعه مصيـبة سر على مبداك ياسهيل اليماني =اضرب ابليس العور واكسر صليبه واعتبرني من سواعدك المتاني =صاحب عند الشدايـد تعتـزي به لو بغى الحاسد يقلل من كياني =من فـضل ربي يعـوّد بالغلـيـبة منهجي والحمد للي له هداني =منهج الاسـلام والدين اقـتـدي به واعتزي عزوة رفيعين المجاني= والدي من حرب وامي من عتيبة ردي على الشاعر والاديب فايز موسى البدراني
الشكر لمنزل السبع المثاني = عالم الاسرار والنمل ودبيبه له عبدنا في خفانا والبياني= جل شانه ناصر محمد حبيبه ثم ترجم مابقلبي يالساني=للجزيله نكرب حبال النجيبه مرحبا وهلين هيل وزعفراني=ياصديقٍ دايمٍ سباق طيبه بالتواضع والصداقه شي ثاني=من وفاه وطيب خلقه نهتديبه رايد التوثيق له قدر ومكاني=في سنام المجد له ماطا وهيبه مامشى درب المذله والهواني= دايم الجزلات فايز من نصيبه بالسماء حلق عن الدار الطماني=حر مايرضا على نفسه غليبه حجته يقنع بها قاصي وداني=غير حاسد فيه شك وفيه ريبه قبلنا دون القبيله يالحصاني=سم ساعه بالبعيده والقريبه ياحزامي لختلف ممشى زماني=لاعوى في عالي المرقاب ذيبه أبشر انا في قساها والياني= خصمنا يرجع رضا والا غصيبه القبيله شانها يالقرم شاني=لين فوق الراس تركزلي نصيبه |
تقاسيم وجه العـود تحكـي معاناتـه= =عسى الله يعوضه جنة الخلد بعد الموت بعد ماقصر شوفه وقلـت طموحاتـه= =تذكر شبابه ونحنـا ثـم جرالصـوت تقـدم بسنـه والمخاليـق شمـاتـه= =مايقدر بيمناه الضعيفه يـزر الكـوت له أعيال كلـن ملتهـي فـي ملذاتـه= =وبوهم مايلقى بعد كبره ثمن للقـوت شريكة حياته عينها يم مخباته= =جماها بعد بيض الثنايا تقل تابوت على العود ترفع صوتها بعد عثراته= =خبيثة طبايع رمشها من كبر محتوت على خده المجروح من كثـر عبراتـه= =قرينا معاناته بوقـتٍ يشوتـه شـوت تدور الليالي والمخاليق مواته= =ولاتنفع الحسره بعد مايفوت الفوت |
ياعيد ياكثر من وده بعثراتي=من داخل السور ناس وناس بالخارج وانا رجال الوفى والطيب مرءاتي=رافع جنابي عن المسكين والمارج دايم وبيضاء مع العالم سجلاتي=توفيق واحد الهم المبتلى فارج واليوم كثرة من الحساد صدماتي= ياعيد زاد الضجيج وهرجة الهارج سود النوايا تفتش في ملافاتي=عامين سيل الخطاياء صوبنا دارج سليت سيفي وعارف وين ضرباتي=ولقيت بالماد عرج وفيه متعارج شمنا عن اللي مايحمل ربع وقفاتي=وانا بوقتي مع الازمات متخارج |
سفه السفيه اليا تكلم يغيضه= ويرفع مقامك عند ربعك والاجناب فيه الفجوج تضيق لوهي عريضه= يفقد صوابه ويتعرض للانشاب انا لقيته للنفوس المريضه= علاج عن كل الدعاوي والاطباب ماتقبل السنه بترك الفريضه=يالبيضه اللي حولها جرة اغراب على الجوارح يالقلوب البغيضه= لابد مايطلع خفى كل كذاب شفت الخيال اللي معاكس نفيضه=يرعد قبل يبرق على تل وهضاب سيله تعدى من جهتنا مفيضه=مابل قاع ومانفع عوج الارقاب عطيت روس اقلام سلاق بيضه=قدام مبداء حرق قلبه والاعصاب |
بين الصواب وبين عكس الاتجاه=انا لقيت التبع مثله يتبعه وشد انتباهي سلك من كم العباه = ماجود دون الخمس فوق الاربعه حوله من الواعين ريبه وشتباه= سمعت بالموضوع غلطة مطبعه حبر القلم لونين في جنب الصفاه= ماقول شوف العين نسمع قربعه يقوله اللي يعرف البير وغطاه= فطين مايعمي عيونه بصبعه فصيح ماينشب لسانه في جماه= يوجع بطعناته وضيفه يشبعه تم الكلام ومن يدور له لقاه= من شاعرٍ جاب الخبر من منبعه |
قصيده موجهه لشاعر خالد الحصني
ياهاجسي عطني من الشعر مأجد=اختار جزل القول وترك هزيله من غبةٍ من قاسها مالها حد=ماهي بعدٍ دم جمه نثيله حركت راكدها مع الجزر والمد=واخذت عن هزل المعاني جزيله ماني موردها على غير مارد= الناس عارف دمها بالفصيله نصيتها شاعر ليا وصلته سد= شاعر يمثل بالمواقف قبيله ياخالد الموضوع لو عنه ينصد=ماقول قرب للزناد الفتيله النار في كبدي وهجها تزايد= والعين يامشكاي صارت عليله اسباب علمٍ يازميلي موكد=سمعي بذاني هرج نافخ صميله يبغى يروم المجد والحيل منهد=ومايقطع الفرجات ساحب شليله حنا لهم يالقرم في كل مرصد= العام مافاد ابرهه كبر فيله خذني على يمناك في ساعة الجد =مابور لابان العميل لعميله نبغى نولعها حرايق من الغد= وراع الخطاء بالحال نكشف حصيله من هازنا يوم المعارك تكبد =خسايرٍ يالقرم جدأ مهيله ان ماوقفنا لهل المخطيه ند= كثرو علينا سالقين البليله الصاع مثله صاع والمد بالمد= والهينه صاحبك ماتستويله |
زاد الكلام وحان نظم المثايل= وسميت بالرحمن من كل شيطان بسمه بدينا قولنا بالجزايل =الطيبه نسعالها كل الاحيان عيني على الجزلات دايم تخايل=ولااني على ذم المخاليق شفقان اخاف يومٍ فيه للعبد سايل=للتف ساق بساق والجفن غرقان في ساعةٍ مافيه حيل ومحايل=الا عمل صالح به يفوز الانسان قلته وانا راسي على العز طايل=ماينحني شامخ مثل ضلع ورقان اقدر الطيب بكل الوسايل= واسمح له الزلات في قدر الامكان كل العلوم الهابطه والسفايل=اشوم عنها والرديه لرديان وان شفت ثرثارٍ عن الدرب عايل=لابس شماغ وباقي الجسم عريان عن الطريق يضيع وقت القوايل= لو تنصحه قال انت غاوي وغلطان أركي عليه النار شين العمايل=لاما يدل الدرب راضي وزعلان سوات كلب الجار راع الفشايل=ينبح علينا دون حجه وبرهان زعلان من علمٍ عليه الدلايل=شمر شهوده عندنا وسط شرطان انشد وتلقى العلم حتى بحايل= عند الرجال اللي بها صدق وايمان وهرجك يضحك ماشطات الجدايل=ظيرت لك فعلٍ حشى مابعد كان تبغى علينا يامحمد تحايل= وحنا نعرف الناس حضرٍ وبدوان ضيف الله اللي تذكره ياهوايل= يوم المعارك راعي أسنان وعنان شلفاه من خلف الضلوع النحايل=تقطع عروق القلب شريان شريان جاكم وجمعك فوق كثره دخايل=الترك معكم جمعها تقل حيطان مالك فخر ورتاح تحت الظلايل=في ماذكرته ونشد افلان وفلان وذكرت مانع ياردي الفعايل= مافيه مانع فرم في وقت الاكوان وشهادةٍ بالزور عيب وخمايل=يبقى الصحيح وراعي الزور خسران انشدك ياراع الخطاء والرزايل=عن راس اخو صلفه سلايل كحيلان عند العريمه واقرب الشك زايل=تعال شاهد بندقه وسط ديوان ويوم اليالي بين ميل وعدايل=قوم الزغيبي قطعو بيت غضبان قدامنا قاله عريب السلايل=في مجلسٍ من قومكم فيه شيخان وجاموس راسه من على المتن مايل=يوم الهميليه تعشاه سرحان دمه على متنه من الراس سايل=من فعل ابن راجح طنا كل فسقان وبن جبر ناحٍ عليه الحلايل= حقايقٍ ماهي سواليف رعيان رموه دون معبسات الشمايل =علمٍ عليه اشهود مافيه جحدان وراع القناه عبيدكم فيه قايل=ابيات ترويها شبابٍ وشيبان الاحمدي ثناء جميع الرحايل=قال ادفعوا والا غطاء الجمع دخان بالغصب مافيها علينا فضايل=دفعتو الجزيه طويلات الارسان عبيد ماذمه زبون الثقايل=حضي بري ماجحد فعل طير حوران الناس كلن دون عانيه طايل=في حاضر الدنيا وفي ماض الازمان وجمع النحيت متعبين الاصايل=مايذبحون الا شيوخٍ وفرسان انشد وتلقى للشيوخ الاوايل=تاريخ واضح للعرب سر واعلان ان ولعو للحرب روس الفتايل= في ديرة الاجناب ترعى بالاضعان يوم القبايل بين صايل وجايل=حريبهم يرحل عن الدار عجلان جيش الجنازه راح شرد وذلايل=اطيبهم اللي عقب الحزم حفيان من بعد ماجاهم على الخيل صايل= انكف صليب الراي خاسر وسقمان والفرم شيخ يتبعونه قبايل= سيفه يقص الراس من حد الامتان اخوان حسناء طيبين الحمايل=افعالهم وسط الجزيره لها شان من فعلهم في مرهفات الصقايل= عدوهم يصبح من الخوف سهران ويوم القراين راح جمعك عزايل=من طاح مات ومن سلم راح ندمان من فعل ابن حماد حرزالدبايل=عاف الطمع ريف المشاكيل سلطان حنا قبيلة حرب قوم الصمايل= عز الرفيق وللعداء سم ثعبان تاريخنا معروف مابه جهايل=وفعالنا قرو بها ناس عدوان والا انت عن قول الحقيقه تذايل= من الحسد قلبك من العام مرضان يالشمري للخيل نعطي نحايل=عبيد قاله يوم غنى باللاحان ومنا نويشي ياهبيل الهبايل=عند الخوي ماقال خالي وصدقان جلا الملام وكن وسطه ملايل=بعد اربعه وثنين في حد شامان يمين خاله جبها بالمسايل=ماينجبٍ مثله من البيض صبيان ودخيل عن جاره حياته بدايل = فداء قصيره في حياته بليهان لو كل شيٍ نذكره بالكمايل =ماحصيت فعل محاربه كل خوان عدونا منا يشوف النكايل= وصديقنا محشوم والطيب أمعان هذا وشمر طيبين الخصايل= كبار الصحون موسعه كل مطعان ماقول بالاجواد عيب وخمايل= لاوالذي مكن نبيه سليمان لنا على شمر حقوق وجمايل=ولهم علينا مثلها شوف الاعيان بعض السوالف ماوراها نفايل=منا ومنكم ياطويلين الايمان وهياط مقطوع الرجاء والعقايل=ماغير الواقع ومايثير بركان لاصار في صدره علوم وغلايل=حنا نرد الصاع مثني ومليان نمشي سنود مانحب الحبايل= نفوسنا فيها معزه وشجعان ماقف على الجرف الطويل المهايل=من خوف قول الناس مخطي وغلطان من فوق راسك يامحمد مخايل=من برقها يالشمري تذعن اذعان اما تدس الراس وسط العوايل=والا وقفت وصرت لرمي نيشان خذ علم شاعر مايجيب الهزايل=الكلمه الهزله سماجه ونقصان الناس قالو ماوراها حصايل=ونته بها غنيت في راس مابان اليا طفح من غيض كيل المكايل =فنجالكم مشروب في كل ميدان يا شلةٍ في مجتمعها حثايل=سفهان تدفعها على حرب سفهان تم الكلام وماذكرته رسايل=والكذب مارجح للانذال ميزا ن http://www.m-harb.net/vb/showthread.php?t=143779 على هرابط |
الا يامحمد كان عظمك طري وهشاش=تعوذ من الشيطان وادرى عواقبها لاترفع حساسك وانت قالو بليد ولاش=كثير الغباء نفسك على الذل يجلبها على راسك اللي من صدوف الزمن منداش=ياكثر المصايب يوم هبت هبايبها تجي دون داعي ثم تجلس بدون أفراش=مع الابه اللي عيبكم مايعيبها غنيين عن شرواك يالخايب الغشاش=ترى الكاولي مامذهبه مثل مذهبها ماعمري سمعت اهل الولع هدة الخفاش=حقايق قريت احروفها قبل مكتبها بعد جيتها من كربلاء يالردي منحاش=على حد قولك ماصفت لك مشاربها عطوك البطاقه يامحمد بها تعتاش= ماقالو على الجيران هايط وعذربها تذم الرجال الطيبه وانت واحد ماش=سفيهٍ ركابك مع هل الغي تشعبها رديه مقاضيبك وفكرك فكر حشاش=علومك طوال اعراض منته مرتبها تدور على الشهره مع الناس بالمنقاش=ماباقي فناجيل العرب غير تشربها وبعد جاك راع السيف والرمح والرشاش=ورعا البندق اللي ماتجنب مضاربها عطيب الضرايب عملته كلها بالكاش=سبايك ذهب قصدي قنابل مذهبها من اسبابها يمكن يصيبك وهن وخراش=ومع اصحابك الغالين بكره تخربها ياراع الهزايل للهزيله ورى قشاش=تبعد قريبه والبعيده تقربها قبيحه علومك والنطيحه لها نهاش=ياكلب المجازر نفسك الشين مطلبها ترى كثر هرجك يابرق الريش يالبكاش=وساع البنايد مايقرب حظايبها بعد قدرك اللي من حماقه علينا غاش=علي الحرام ارموش عينك لشيبها انا دون ربعي محتزم يالردي بكلاش=ومعي حربةٍ من دم جوفك مخضبها حزامي قبيلة حرب لفعولها شواش=ليا قيل حرب الراس ياصل كواكبها ذرى من زبنا حقنا صعب مايناش= قبيله عريبه يامحمد مناسبها نزلنا الحجاز ونجد يوم النفوس اعطاش=ماحد ردنا يوم الطمع عن مناكبها تبعنا هوا حرش العراقيب يالقراش=على ظمرٍ روس المناعير ترهبها وانا داري انك راس ظبيٍ مافيك اعراش=عيال الحمايل مادسم شواربها تزعمة شله رميها عن هدفها طاش=عديمه ضمايرها عسى الله يخيبها |
|
الساعة الآن 02:12 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir