في لحظة الصمت ناديتك=يا فلان قلبي معادي يطيق لو بفتحه لك وريتك=قد ايش صبره عليه يضيق ابو بتال |
آنا ذبيح العيون السود=الي رمتني بكاحلها ابو بتال خجلى وفيها النعس موجود=وذوق الأدب من مناهلها يا ما العيون الكحيله تجود=بنظرات تعمل عمايلها يا بخت من هو بها مقصود=يحظى بلحظة تفاعلها |
يا من فعينه سحر جذاب=في فية رموش قتّاله قلبي على وصلكم ذواب=ومن صادق الوجد مواله ابو بتال |
بدء المرحلة الثالثة، وهي مرحلة دخولي إلى عالم المنتديات والإنترنت
ارسل سلامي لمجالس حرب=اللي لهم وافي التقدير وابعثلهم مع سلامي حب=كثر البحر والمطر والطير ترحيب ضعفين ما يكتب=ومحرره بالوفا تحرير ونصب كاسه المحب صب=من اجلكم يا وجيه الخير ابو بتال |
ابو بتال
يا رب نفسي معاد تطيق=طول الأسى صار متعبها حتى فنومي قبل لا افيق=كابوس ياتي ويبهذلها يا للأسف اثبت التحقيق=حالتك صعبه جوانبها واللي تسبب لكم فالضيق=ما بين موجب وسالبها يا مهجد الحرف بالترويق=قاقت معانيك بجملها حققت فالمسأله بتدقيق=وجبت النتيجه بكاملها ابو بتال |
سلام مني لمجالس حرب=ونرفع لهم عالي المقدار ترحيبكم غاية المطلب=يا اهل الوفا محتمين الدار يا مرحبا الف في مرحب=باللي لفى مجلس الاحرار الكل بوجودكم يطرب=والفكر في وصفكم يحتار مشكور باللي بنا رحب=ترحيب مثل المطر مدرار آنا معك في مجالس حرب=نكسب ويكسب بنا الشعار ابو بتال |
عبد الرحمن البيضاني
كم لي وانا في آسى ونياح=يا ليل الاحزان يكفيني قالوا لي إن الصبر مفتاح=وفراق الاحباب كاويني لا للأسى يا صقر سواح=يوم الامل قال يمديني وبعد الحزن دايماً افراح=تنسيك ما كان فسنيني ابو بتال |
يا من فعينيه سحر جذاب=في فية رموش قتّاله قلبي على وصلكم ذواب=ومن صادق الوجد مواله ابو بتال |
يا مبعث الشوق ببعثلك=شوقي على جنح قمريه وش كان ما كان بشرحلك=ما وصفت شوقي فبرقيه ابو بتال |
والله زمزم ترد الروح=وتحط وسط الحشى جنه ربي جعل شربها مسموح=من حسبه ولا منّه ابو بتال |
يا رب يا مستوي عـ العرش=برفع لك ايدين دعويه اليوم وصلت معي للأتش=واصبحت في حال مرثيه ابو بتال |
زمان عن شوفة الاحباب=اللي لهم فالحشى مسكن سلام وجو المعنا طاب=في منتدى طيب المعدن يا عازف الشوق بعد غياب=ومترجمه بحس متفنن يبقى الامل فاتح الابواب=بالورد والفل والسوسن ابو بتال |
العيد يا حبيّبي فرحه=تفرح به الناس بعد صيام ويا فرحتي بك لو مزحه=افرح بك اليوم بعد زيام ابو بتال |
جينا نعايد فيوم العيد=احباب مثل الذهب واغلى فن الوفى عندهم تمجيد=في ساسهم عهد ما يبلى ابو بتال |
هذه كسرة بمناسبة المولدة الغالية للخال الغالي محمد عويد السيد
يا لين بعد القسى لانت=لانت بعد القسى يا لين وانوارنا بالفرح زانت=في ليلة(ن) تشبه العيدين يوم الفرح ساعته حانت=في داركم .. الاميره لين مبروك مثل القمر بانت=قولوا ماشاء الله يا حلوين ابو بتال |
ما ظن وقت الصفا بيعود=الي مضى في زمان اول ما عاد يذكر ولا مشهود=عن عصرنا صار متحول ليه الامل عندكم مفقود=والشمس للآن تتجول ما دام رب السما موجود=ياتيك بالفرح لو طول ابو بتال |
اليوم قفلت معي بالشيش=يوم اتصل ليه يسفهني ابو بتال يضرب على موعده تطنيش=وانا اتحراه يلحقني |
كانت هناك مجاراه بيني وبين الشاعر ابن خير الله وقد بدأها ..
تسلم على الرد يا دكتور=دكتور من دون سماعه تصرف روشتات للطابور=وتعالج الامر في ساعه كل العفو منك يا مخبور=بالطيب في كل مطلاعه تبقالي استاذي المنظور=معطيله السمع والطاعه العفو يا صاحبي مشكور=سيد ومعروف بأطباعه آمر واطيعك بكل سرور=أمرك نعده لنا طماعه اللي تشوفه بدون غرور=اشوفها ابرك الساعه انت حكما وانا الجمهور=سفر على بداية ابداعه صفرت يا بادي المنثور=لصياغة عقود لماعه صحيح طيح الفتى منظور=لكنه يقوم بذراعه اهلاً وسهلاً بحر وبحور=والبحر ما فيه فرّاعه نبغا نسايرك بمالمقدور=والسبع ما ياكل اسباعه يا مرحبا سرتبك مسرور=يوم الصفا شد بشراعه الحال من يمتي مكسور=والفرح ما لاح لي شعاعه يا خوي لا تلف بي ودور=حنا ترى نعرض بضاعه اما خذوها من الحنجور=او علقوها بشماعه لا والذي حافظ المعمور=نغليك من ود نبّاعه والقصد واضح ما هو مستور=نفسي من الحب ملتاعه يا الله تعين الذي مقهور=الحب يا مكثر اوجاعه ساعه يقولون مثل النور=وساعه يدورون فزاعه آمين نلقى دوى مجبور=يشفق على القلب فنزاعه حاولت ابعد عن المحظور=ويا للأسف طحت فالقاعه ان طحت تلقى دوى مشهور=تلقاه دايم مع الباعه اما يصير الاسد مسعور=ولا الاسد عدل اوضاعه كلك وفى يا زهر مزهور=يا طيب الاصل وافراعه تبقى نجم في بحر وبرور=اعرفك الدرب تباعه خلاص نقفل على الماطور=لا يزعج الناس بصداعه حنا ترى ناصر ومنصور=فمانة الله وفي وداعه ابو بتال |
الموت مكتوب ومقدر=والكل يفنى ويبقى الله ويا ليتنا بس نتدبر=وننتوب من ذنب سويناه ابو بتال |
جده وفيها حياة الروح=من سابق الوقت للحاضر مغنى ومعنى بكل وضوح=تسعدك وطيب الخاطر ابو بتال |
نجل الهوى رمشه الفتان=ناداني الرمش لبيته قاضي ويامر امر سلطان=كلي بما املكه جيته يا صاحب الرمش مهما كان=ما ترحم اللي تبلويته رمشك سلب قلبي الحيران=ارفق بقلب(ن) توليته يا رمش ساهي بدون احسان=دوبك على مسلم اغديته ( الكنج ) قلبه على الأفنان=بإدناة نسمه تحليته معروف بإحساسه الجذلان=طاير مع الطير لو ريته واليوم بعد التعب ظميان=ليتك من العد ارووويته ابو بتال |
سلام مع بادي المشوار=بهديه للكل واحبابي وآخص الاهدل رفيع الدار=ومنساك يا ذراع فجوابي ترحيب يوفي لك المقدار=وازيد بالود ترحابي فواح مع ساير الأعطار=مني ومن كل الاصحابي اوفيت يا مشعشع الأنوار=ترحيبكم زين كتابي في منتدى رابغ الأحرار=الشمس ما تميل لغيابي ترحيب وافي مع الازهار=بعد احترامي واعجابي نعيم يا طيب الأشعار=منساك لو طول غيابي منك الوفى يجهر الابصار=يا ذراع تشهدله اشنابي معروف من سابق الأخبار=طيب مع الكل رحابي اهلاً وسهلاً بكم مليار=يا صقر من خيرة اقرابي نعيم مبدع من الشعار=زادت بملفاه اطرابي تسلم سلامه لنا يا البار=ترحيبكم نور خطابي وانت الصقر يا رضا طيار=وانا معك ضايع حسابي ابو بتال |
لا من طرالي عذاب النار=احس جسمي يقشعرني يا الله يا رب يا غفار=بعد الحشر لا تعذبني ابو بتال |
يا عم لو كنت تفسحلي=الليله الجو ما يحتاج ببدى اللحن وانت كملي=مع شبة النار نبغى العاج مفسوحلك يا ولد خلي=تبني لنا فالهوى ابراج حالي مع الوقت معتلي=وحالك كما حالنا يا تاج اللي حصلك بيحصلي=سبحان من جمع الحجاج لكن إذا كنت بتقلي=كيف الهوى ينلقي له علاج فن الهوى صار متعلي=في بحر متلاطم الامواج نصبر وإذا العين بتهلي=لا باس وان سببت احراج يا عم شرحت بالملي=وحطيت لي فالظلام سراج انا سمعتك واسمعلي=لابد ما للفجر ابلاج ابو بتال |
يا عيد لا تواخذ عيون=تبكي على حي مشقيها الناس يا عيد لاموني=تكفى ترى النفس ما فيها ابو بتال |
من ود قلبي بنيت صروح=للي على الود ميثاقه ما يهمني لو حياتي تروح=بس اهتني يوم فعناقه ابو بتال |
يا شادي الصوت ويش امرك=تجرح بصوتك قلوب الناس ما تخاف بعد الحشر ربك=ما ترحم المرهف الحساس ابو بتال |
نبغى نوقف لنا لحظات=قدام ننسى اسامينا بنحاسب النفس فاللي فات=ونقول يارب تهدينا ابو بتال |
هذا اللحن دار بيني وبين الشاعر القدير ( ماجد ابو مديده ) وهي مداعبه بدأتها لعلمي بطيبة هذا الشاعر وخلقه الراقي ( ولا نزكي على الله احدا )
واصبحت اسطورة الكسرات=والكل يشهد على فني اداعب الفن بالوزنات=ولا يختلف وزن مع وزني ما تختلف وجة النظرات=وقولك توافق معا ظني ما دامك اثبت في الساحات=تستاهل الجائزه مني علتني العين بالنظرات=وش ذنبي آنا تبهذلني اغض طرفي عن الزلات=وحسينة الطرف تلحقني للعين نظرات جذابات=على المخاليق ما تحني وإنما تحصنت بالأيات=ترميك في حسنها الفني لا با تحصن قبل لا بات=حتى إذا صحيت تحفظني وش لي على عيون ذباحات=غير الشقا يوم يذبحني قد ايش قبلك شقاوي مات=والياه حيّا ومتهني لكن عيون المها بالذات=تبغى سياسات واسألني حاولت اراضيه باللي فات=لين الجفا صار يتعبني كنت احسبه جاد بالصدات=واثريه وده يلاعبني مما مضى اكسب العبرات=واستعبر الدرس بالقني بين الرضا والجفا ثغرات=اعرف سبب وضعها وابني باين لكم فالهوى خبرات=انشدك وانت تعلمني تسلم يا طيب السيرات=والمعذره منك تعذرني راع الهوى بين هاك وهات=في عالم الود متمني والله حسيبك من اللوعات=يا من نشدني وفهمني لولاك ما زانت الابيات=ولا كان غنى لها مغني ويا الهاشمي آخر الجابات=حرفك اسرني وشوقني ابو بتال |
يا صغير السن يا مهيوف=يا ذابح الناس بعيونك ما ترحم الي عليك يطوف=ما ترحمه صار مجنونك |
مهما حصل فالنبي منصور=وضعافة النفس ما تهمه شدوا على الكافر المخبور=وخلوه يقعد على همه |
يا شادي الصوت ويش امرك=تجرح بصوتك قلوب الناس ما تخاف بعد الحشر ربك=ما ترحم المرهف الحساس |
سلام في اول كتابي=للي ذكرني باسم الطيب والطيب في اصلكم رابي=مشهود في طبعكم ما يغيب ترحيب في اول خطابي=للي احتزمبي لزوم يصيب تو القمر شوف ما غابي=عطني خطابك هات وجيب يا مبارك الموج قلابي=وحالي كما الموج فالتقليب ابغى اتفكك من انشابي=وافك من حالة التنكيب برمجت الافكار واعصابي=واعطيك موجز من التجريب خلك مع الساعيه شابي=حسب السرى وانت فالترتيب بالصبر ذكر الفتى طابي=يخضر عود القنى ويطيب لازم يجي لسعد بابي=تجيه لو رحت تل ابيب |
للمنتدى مصدرين خطاب=للسيد اللي عضو فيها سلام عذب المعاني طاب=لهل الهوى دوم نبنيها يا مرحبا تاخذه فكتاب=عنوانه الود باديها نصيتني والهوى غلاب=عطني معانيك وابديها الحال يعلم به التواب=شاكي له الحال شاكيها القلب صابه هجر احباب=من ناس بالحيل مغليها للآن ما بانت الأسباب=واللي حصل في مخافيها ببذل لكم بالجهد ما طاب=بس اتحراك ترويها اللي حصلي بدون اسباب=ولا جاء فالبال طاريها اقفى وخلالي الإنشاب=كل يوم اصبح وامسيها يامن شكى لوعة الأحباب=وهمه على خط قاريها دوبك على قلبك المنصاب=لا تزيد بالنار كاويها ما دام روح بدون جواب=وش ذنب روحك تعنيها كل ما مضى انكتب بحساب=وحسابك اليوم تنهيها |
آنا اشتكي من صميم الذات=من ودكم في حشى الخفاق كل ما بدا حس بالهجران=زاد ابتعد داخل الأعماق يا مرحبا والمحبه جات=من نور شعشع لنا الآفاق يا كارم انت من اللي فات=معطينك القلب والاشواق |
ابعث سلامات لناخي=مع باقة الورد مهديها راع الكرم بالوفى ساخي=وكل المقادير معطيها يا مرحبا وانت نواخي=معروف من عهد باديها اتروق الحرف لا داخي=وتجيب بالود ساعيها |
مرثيه كتبتها في حضاض اليوبي ( رحمه الله )
على لسان عمي ..
والله الفجيعه صديقي مات=حضاض يوم الخبر جاني فجر الأحد والعرب فسبات=يا كبرها مصيبة احزاني كنا سوى قبلها بلحظات=في غاية الأنس خلاني ما حسبت في عقبها الحسرات=ولا جس في خاطري ثاني صحيح موت الفتى مثبات=يجزم به القلب بإيماني والموت يآتي على غفلات=مكتوب ويحد بـ ازماني وحضاض انا بسكب العبرات=من حرقة القلب واعياني يا طيب الذكر والسيرات=يا حسبة الأهل واخواني كريم تشهدلك الوقفات=مع ابعد الناس والداني مخبور يا شهم بالفزعات=تصلح وتعفي عن الجاني الله يرحمك بالرحمات=لجل إنه الله رحماني ويسكنك فردوس فالجنات=غانم ومبسوط ربحاني ويصبر اهلك على الفجعات=ويلهمهم ايضا بسلواني ويثيبهم بالأجر بالذات=ويزيدهم منه بحساني وختام صلوا معي مرات=على النبي والعمر فاني |
سلام يا عمنا سمران=بالود والصدق والتقدير تسمح معي نبدع الألحان=ونجاري الشوق يوم يطير ترحيب من منبع الوجدان=يا راعي العرف والتبصير شرواك يا الهاشمي ربان=دكتور فهذا المجال مدير منك العفو يا صقر شيهان=شهادتك لي يوم تشير لي نجم من سبته سهران=شاغلي العين والتفكير شيد الامل واحكم البنيان=لو كان جافي وعليك يجير اجيال ضاعت مع الاحزان=اصحى تكدر مهما يصير ما فيه بيناتنا هجران=خلك معي وافهم التعبير مسجون طيري ورى القضبان=وابى استشيرك فالتحرير يا قدرة الله عليك وكان=شكواك ما تحمل التأخير سايس امورك مع السجان=عساه يعفي عن التقصير |
يا زينه الي يحاسبني=حتى على مسكة الجـوال لو يدري إنه معذبني=ما ارتاح له طرفه الميال |
بالطيب تكسب قلوب الناس=وتخلي الكل احبابك حتى عدوك شديد الباس=يصبح لك اقرب من اصحابك |
الساعة الآن 09:30 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir