|
ان عاش راسي ومهلتني سنيني
وعفاني الله بالليال المقابيل يابو خلف علمن عليه اليقيني لاجيك لو دونك تكود المواصيل زيارة الطيب من الطيبيني لها على عمق الصداقه دواليل غانم واحب مقابل الغانميني شرواك ياحلو النباء ذابح الحيل يامشيد المجلس قريب البطيني يشوفه المرار في عتمة اليل فيه النبا الطيب وفنجال صيني وصينيتن مايشيلها فاتر الحيل انشهد انه فاز دنيا وديني عوض وريث اهل النضا واهل الخيل لطيب والمعروف متوارثيني جمع الوهوب مبعدين المصاويل حمايت التالي وحصنن حصيني عز الرفيق وللعدا طير ابابيل عجاب صالح الحنتمي |
جيت القصيم وكل حيي لقيته
اخواني الغالين وعيال الاخوان كلن فرح في جيتي يوم جيته يرحبون من الغلا سر واعلان لامال حملي بالزمن ماقويته شالوه عني محزمي فوق الامتان ياعل يبطي حيهم مابكيته ومن مات ربي يرحمه عالي الشان وجيت الصديق اللي على الدرب بيته به لضيوف وللقريبين صفطان تركي يسلي خاطر لانصيته قبال ابو راضي يبدد للاحزان طيبه على الاجداد ماهو نبيته كريم سبلا للكرم دوم عنوان قافي على صدق الحقايق بنيته ولاخير في هرجن على غير برهان عجاب صالح الحنتمي |
الله ياسرع الليالي والايام
يارب تكفي كل مسلم كدرها دوراتها زاحة عن الحكم صدام بعد القصور اللي بحكمه عمرها وقبله وبعده من مشايخ وحكام تعطي وجه وحيان تعطي ظهرها فيها الحضيض اللي على دين الاسلام صلى الفروض ونعمة الله شكرها قدام يطوونه بقطعه من الخام وجنازته مايشوف حين قبرها رجال فيها له مكانه ومقدام عينه على فعل الجمايل نظرها مثل العقاب الصيرمي كل ماحام وان غاص جاب الجوهره من بحرها ورجال مابين المخاليق نمام ان ماكسرها بالزمن ماجبرها قدام مايقبض على الروح هدام يارب عفوك والذنوب اتغفرها عجاب صالح الحنتمي |
ماباس ياموسى عسى الله ياشافيك
ماتشوف ياريف المشاكيل باسي ياعل تبطي يارفيقي لياليك وماتشوف في دنياك هم وعكاسي على الوفاء والطيب دايم مباديك مع طيب معدنك الذهب طيب راسي انشهد انه يرفع الراس طاريك ويزيدني طاريك طيب وحماسي ياراعي الفزعات حبيت اواسيك ببيات ياموسى من عقود ماسي تليق بك وتليق باللي يحاليك بنات فكري مغتلسها اغتلاسي ماقل دل الله يعزك ويحميك ويكفيك من جور الزمن والمآسي عجاب صالح الحنتمي |
الناس في ليل الشتاء ليلها ليل
متونسين وكل شي ٍ لهم طاب لو طال يقضونه مزوح وتعاليل متفاهمين وكلهم نزل واحباب وانا بقلبي سم سودن مشاويل مع العروق بتالي الليل ينساب من جور دنيا نكلت في تنكيل منها تقل في ثومة القلب مخلاب خليتها ياشاربين الفناجيل لو اقبلت لي ونفتح يمها باب معاد باقي بالليال المقابيل اكثر من اللي راح من عمر عجاب ماتنفع الحيله وماينفع الحيل ومليت دنيا كلها هم وتعاب يالله ياممن على الوحي جبريل عفوك بيومن ماعنه قيل مجناب عجاب صالح الحنتمي |
ياليت مامريت تالي نهارا
على محل اللي عسى الله يشافيه دمعي على الخدين قام ايتبارا وحار القدم والقلب كثر طواريه محل ابن شرعان ريف الفقارا به تفرح الخطار من يوم تلفيه عالم فلك لاهل الفلك مستشارا فطره من اللي بالي الععظم يحييه ماله بتعليم المدارس مسارا قاري وداري دون حين يقريه من عزوتن فوق النضا والمهارا كم فارسن من سرجها غصب ترميه وبيوتهم فيها الشبب والبهارا ونارن سناها تايه الليل يهديه للضيف والجيران مثل المزارا ومزبان للي وقته الشين واطيه عريمات مافيهم ذليل وثبارا تاريخهم معروف حاضر وماضيه عجاب صالح الحنتمي |
ياعل بيتن ماقلط فيه رجال
من بنيته ماحد تضلل بضله يجيه عاصوفن يشيله ورى الجال وراعيه تبقى جثته في محله لاصار ماهو للرجاجيل مدهال ومافيه للخطار فنجال دله عساه فدوة بيت من يفني المال ماشح في ماله وطيبه جبله عن الشتاء يذري وبالقيض مقيال مشيده واهل الشكاله تدله بدر الحنيني مابها شك وجدال انشهد انه حايز الطيب كله مع الكرم ريف المهاجيف رجال مقبول بين الناس ماحدن يمله وابوه وخوانه لهم قدر وجلال الطيب باهل الطيب دايم جبله متوارثين الطيب من ماض الاجيال وشجعان مافيهم دويني وذله حنانيه يوم الدلي تصفق الجال عن السبايا يجدعون الاجله خيالت العليا مطانيخ وثقال قبيلتن بمجادها مستقله عجاب صالح الحنتمي |
قبلك وبعدك ياشعيب الزبيره
الدرب للكشات ماهو سماحي وانا ابدوي بالبر علق مصيره هواي شب النار برضن براحي وسجت خلا في دار خضراء مطيره وصوت ام سالم بالمساء والصباحي اخير وابرك يالوجيه السفيره من القصور ومنتجعنا السياحي تسوى حياة اللي شبوحه قصيره لو اقبلت ماهو براعي مراحي ان راح مايبعد بيومه مسيره ساعه ويرجع هروله للمراحي يامل قلبن فيه مثل السعيره مدري تساقى فيه سمن ذحاحي على الزمان اللي حياته يسيره لو المعيشه فيه تبغى كفاحي بالقيض نقرب للعدود الغزيره لاهل الضعن تسمع عليه الصياحي ولامال ظل البيت وقت الظهيره وسهيل بان وبارق الوسم لاحي تفرقو والكل يبكي قصيره مع الديار الطيبه والفساحي ياوقت فيك اليوم عايش بحيره يالله حسن الخاتمه والصلاحي عجاب صالح الحنتمي |
سلام ياراع الوفاء والمواصيل
يارامي شديد رفيع المقامي ياطيب الرفقه سقا دارك السيل من ناشين برقه يشق الظلامي بعد السلام وكيف روس الرجاجيل خذ قول شايب حول سبعين عامي ماشيبه ياوافي الشبر والكيل غير الضروف وجرح الايام دامي من تجربه عطاك موجز وتحليل عساك تفهم غايته بالتمامي الخوه اللي ماوراها محاصيل خلك يمن واصحابها عنك شامي مرافق الخايب سماجه وتقليل من شان عالين النسب والمقامي وعن الردى والظلم والقال والقيل ابعد وخلك يارفيقي عصامي مرافق الطيب مثل صافي الهيل في وارد الرسلان والجمر حامي عليك في خوت زحول الرجاجيل ترفعك لو انك كسير العظامي عجاب صالح الحنتمي |
يالله ياللي ماخفى فيه تدري
يرازق الذره ويرازق الطير تفرج همومن مستكنه بصدري خلت معاليقه مثل واهج الكير مالي يا علام سري وقدري غير انت يفارج هموم المعاسير شكيت من دنيا الغرابيل بدري وطرتها طرد الصقاقير لطير ابني وهد بعالم الزيف جدري وحفى قدم رجلي طويل المشاوير ازرع من الاشجار كادي وسدري ويطلع محله ثوم مايبشر بخير اهدرت فيها زهرة العمر هدري وعيت معي تمشي بكل المعابير ياما غدرتني سود الايام غدري واليوم ماقوى غدرها يالمناعير ان قلت مادري بالمقابيل مدري يعلم بها من كون الكون لاغير عجاب صالح الحنتمي |
يومٍ كلّن على التِكتك قضى ليله
عجاب من ضيقته ما نام سهراني ما فيه من يفهمه لا ضاق يشكيله صديق صادق يبدد عنه الأحزاني لو ما صلاته وتكبيره وتهليله ودله من الكيف فوق الجمر رسلاني وسجت خلا فوق موتر لا درج ويله يطوي بعيد الفيافي صنع ياباني لا ون ونّت ضعيف الحيل والحيله كبير سنه وطاح بدار عدواني الوقت لا قام ينصب لي محابيله فوضت بامري مسير دم شرياني ماني ضعيف الروابع لا نقص كيله ضاقت عليه الوسيعه بين جدراني أنا من اللي تعدل الحمل وتشيله أبوي صالح وجدي طير حوراني أسمن لمع بالجزيره في زمن جيله سند بعيد المغازي يوم الأكواني كلام عندي شهوده مع دواليله لا خير بالهرجه اللي دون برهاني عجاب صالح الحنتمي |
البارحه بالعين مثل الثواليل
منها غزير الدمع مثل الغشيني والحال حال اللي جرت له غرابيل وصبحت من لوعات بقعا حزيني يوم اتذكر بالمقابر رجاجيل اقفت بهم دورات شهب السنيني اولهم اللي يتعب الجيش ولخيل سند اخو ثنوا شجاعه وديني ومطلق وشافي مبعدين المصاويل ومحسن ابو صاطي طويل اليميني ومن غيرهم بالوقت فاقد حلاحيل من خيرة الاصحاب والقربيني وجدي عليهم والتوجد غرابيل لو التوجد يجرح الصابريني وجد الخليل بشوفة ابنه سماعيل سبحان من يجمع ضنين بضنيني يالله ياعلام غيب المقابيل ترحم عبادك يارحم الراحميني انت الوحيد اللي جلا ظلمة الليل بنور الصباح وتبعث الميتيني عجاب صالح الحنتمي |
البارحه سهران لاوقت الاصباح
وصبي عيني فيه مثل الاخله الليل قضيته كوابيس وشباح وذليت لو ماني براعي مذله والقلب كن بداخله زند قداح بين الضلوع العوج همه يتله تلعب به الدنيا تقل لعب مسباح يفوح من جور الزمن فوح دله ماهو هوا اللي خدها تقل مصباح ربي جمع فيها حلا الغيد كله بلاه يوم ارقب على راس لولاح وعيد ماضي ذكرياتي وفله وين الرجال اللي لهم صيت ومداح اللي بهم فعل الجمايل جبله وين العدود اللي لها الورد مياح واهل الركاب مهاوزات الاظله وسود البيوت ودلتين ومفواح ونارن سناها كل طرقي يدله ياليتني باقي مع البدو سراح بين الفيافي والجبال المطله عجاب صالح الحنتمي |
القصر ماهو لرجاجيل ذارب
ماعيب الحجاج ذيب الغداري ذكره سطع في شرقها والمغارب الرافدين اودع حراره حباري والطول ياكرام الحا والشوارب على الزرافه دل شهبن ضواري مايضيف لرجال نقطة تقارب بالطيب واخلاق الفتى والحماري ياوقت لاتغثرب جميع المشارب يكفي بقلبي منك مثل الشباري اسقيتني سم الحنش والعقارب اشكيك للي ماخفى فيه داري يقوله اللي عاش وقته تجارب على الوفى ومزارق الطيب ضاري قبل البيوت العامره والكهارب اول حياته عاشها بالصحاري عجاب صالح الحنتمي |
البارحه من خلف عوجن حواني
يفر قلبي فر فرخ الشياهين والعين من ماتشوف باخر زماني افضل الراحل عن اللي مقيمين عاشو وماتو يالله المستعاني قبل المسارح والطرب والمغنين مع الصحاري من مكان لمكاني خلف الضعن فوق الرمك والبعارين للجار والخطار فيهم لياني وخويهم قدره على الراس والعين مايتبعون اهل الردى والهواني وعلى المحارم والكرامه حريصين يامنزل الرحمه وسبع المثاني تغفرلهم يفارج الهم والبين اللي لغير الله مع الوقت فاني العمر يطوى والمخاليق لاهين النفس ماعندك عليها ضماني يعاشق الدنيا ويامهمل الدين رحمتك ياربي نهار امتحاني خايف بحسناتي تخف الموازين عجاب صالح الحنتمي |
بين الشباب وبين سن الطفوله
عدت الشريط وحن قلبي لماضيه اخذت لي في هجعة الناس جوله وذكرت ماني تالي العمر ناسيه ياموتري عجاب نفسه ميوله للماضي اللي ينعش القلب طاريه خذ بي مع الاسياح صوله وجوله ابغى اتذكر مامضى لي وحييه ياطيب دار اهل الكرم والرجوله علمي بها وانا اقضب العلم وخطيه واليوم شايب والذلول امعقوله ماكل دربن تقدر الرجل تمشيه يانفسي اللي بعد كبري زعوله وياقلبي اللي زاد همه وطاريه ماريد ياصعبه ومصعب وصوله طاف القطار وشان وقتي ومافيه عجاب صالح الحنتمي |
الله من قلبن تقل فيه طاعون
بين الضلوع العوج ينزف صوابه رحت الطبيب وقال قرحه وقالون وكتب لي الوصفه حبوبن تشابه قلت البلا ماني يدكتور مبطون تشخيصك الخاطي يثير الغرابه انا بلايه ماعنه ناس يدرون يدريبه المعبود منشي سحابه سبحانه اللي من عدم كون الكون وعلى رسول الحق نزل كتابه البارحه كني مقيد ومسجون من ماتشوف العين جتني كئابه وانا ابدوي ماني مشرع لقانون تابع لدين المصطفى والصحابه اغير والاحرار مثلي يغيرون على سلوم اهل الشرف والمهابه ياهل الرعيه حذركم لاتغفلون اشوف بالجال المقابل ذيابه اليا عثت فيها على مايقولون ماينفع الفزاع عصب العصابه عجاب صالح الحنتمي |
السلام عليكم
يرقد شاعرنا الكبير عجاب صالح الحنتمي على السرير الابيض اثر جلطه دماغيه دعواتكم له بالشفاء الابيات هاذي ارسلها عليه وهو مرقد بالمستشفى يالله تشفيني وتلطف بحالي اشكي عليك الحال ياساتر الحال من بعد مرقب نايفات الجبالي ومد شوفي بين وديان وجبال ارقد بمستفى بها ضاق بالي الوقت فيها طال وعلاجهم طال ابغى المسير وكن فيه عقالي صابتني الجلطه قبل عدة اليال يارب يامنشي حقوق الخيالي ماعنك يخفى كل الاوقات مثقال عجاب عبدك ياعظيم الجلالي يطلبك عافه ياعليمن بالاحوال يبغى على الاقدام يمشي عدالي ماتهمه الدنيا وماهمه المال عجاب صالح الحنتمي |
الله يبيض بالزمن وجه سلطان
الروقي اللي نالني منه معروف نسل الرجال مرويه حد شامان يوم القبايل بين حاذف ومحذوف لطامة العايل وذباحة الضان عتبان مافيهم مساكين وضعوف فزعاتهم تروي ضما كل ضميان ومزبان للي ماتهنى من الخوف طلابته لوهم بني عم وخوان دونه تعن الخيل وتجرد سيوف امدح رجال الطيب ذربين الايمان والمدح باهل الطيب جايز ومالوف وختامها مني تحيه وعرفان ياطيب الخوه سعد كل ملهوف عجاب صالح الحنتمي |
يامتعب ابن حمود يامنبع الجود
ياطيب الرفقه كريم السبالي يالحنتمي ماقفك واضح ومشهود يتاج راسي يابعيد المدالي ابوك قبلك يابيض الوجه محمود يشكر ويذكر من قديم اليالي ارجال مافيكم مذمه ومنقود يعيال حنتم طيبين العيالي انسى المرض بوجودكم علم ماكود يامحزمي كان الزمن في مالي حبل الرجا بمكون الكون معقود ممل بربي خير يلطف بحالي عندي يقين وعمر الانسان محدود يالله تثبتني نهار السوالي عجاب صالح الحنتمي |
الله يخلي طيبين السجيه
عيال اخوي اللي معي واقفيني صالح معي واقف صباح وعشيه ومعه محمد سيد الطيبيني وابن وهب طلال زبن الونيه معهم وقف كني من الوالديني الله يوفقهم رجال الحميه عند الشدايد لي حصنن حصيني ارفع لهم بيضاء بعالي طميه ياعل ماتبكي هل الطيب عيني يالله يامعبود قبل المنيه ليه تتمم بالشفاء يالمعيني وامشي على الاقدام برضن خليه سالم معافى ياكرم الاكرميني ختامها مني سلام وتحيه لصحابي الغالين والاقربيني عجاب صالح الحنتمي |
ياحي ياقيوم عبدك يناديك
اليا رفع رجله تعثر وطاحي مريض يارفاع الاضرار يرجيك بامرك وتقديرك تهب الرياحي بعد الفضاء ضاقت عليه المساليك مريض يسهر لين نور الصباحي والصبح مابين المغذي وتدليك الزاد اذوقه مر والماء ملاحي اراقب الزوار عبر الشبابيك من بعد مامد النظر بالبراحي يالنفس لو طالت لياليك قافيك الموت جعل الدين ليه سلاحي عجاب صالح الحنتمي |
الحمد للي على الاقدام مشاني
من بعد ماني طريح افراش ماقومي مسير الدم الاحمر وسط شرياني راجيه علام مخفي يفرج همومي لابد يومن يجيني فيه دياني ومدري من اللي يجردني من هدومي مؤمن وماخاف هذا قدر الانساني مادايم الا الكريم وغير مايدومي اخاف يوم الحساب ايخف ميزاني ماني عن الذنب والهفوات معصومي عن ارذل العمر يامعبود تحماني يارازق الطير ناصر كل مظلومي كلي امل فيك نفرج كل الاحزاني مايصير للعبد في دنياه مقسومي عجاب صالح الحنتمي |
يالله ياعالم جميع الخفيات
مافيه شيٍ جل شانه يكوده يارازق الحيين بعاث الاموات تسمع ندا عبدك وهو في سجوده عبدك من الجلطه عظامه هزيلات حتى زرار الثوب صاير يكوده يارب شافه باليال القريبات بين اربعة جدران طول قعوده من بعد مايقطع بعيد المسافات قدام نور الصبح يطلع عموده يغافل الدنيا غرور ومتاهات العمر رحله والسنين معدوده لاجاك هدام الامل والملذات وحطوك في قبرن تروع لحوده ماقدمت نفسه مسجل بصفحات جوارحك لو تنكره من شهوده يالله حسن الخاتمه والسلامات في يوم مابه للقريبين عوده عجاب صالح الحنتمي |
االحمد للمبعود وال المقادير
الواحد اللي تسجد الناس لرضاه سبحانه اللي يرزق النمل والطير بالكون ماشين يكوده ويخفاه من بعد ماني بالقدم ماقدر السير والحال حال اللي تعثر بماطاه اليوم يناشد عن الحال في خير امشي على رجلي سليمه معافاه فرحت فرحة من وقع داخل البير جاه الفرج من عالم الغيب ونجاه ولا فرح يعقوب مع وصلت العير جاه البشير وقال يوسف وجدناه وابصر بعد ماذق هم وتعازير شم القميص ورازق الحي عافاه عجاب صالح الحنتمي |
ان مت مات المصطفى خيرة الناس
وماتو ملوك الارض والطيبيني وان عشت في عز وكرامه ونوماس شوحي سما ماني خطاة الدويني يجاهل الدنيا تراها وجع راس لو اقبلت يومين شانت سنيني كم خيرن منها شكى هم وتعاس من جورها باليل جر الونيني وكم خايبن فيها مخادع وبلاس اتقدمه وتوخر الغانميني والمال ماهو لرجاجيل مقياس البعض حارس مال للوارثيني بخيل مال وجاه معدوم الاحاس ماينفع الاقصين والاقربيني تم الكلام اللي بنيته على ساس مختار عن هزل الكلام السميني عجاب صالح الحنتمي |
الله على سجه قبل فجت النور
بعد المرض صوب القصيم الحبيبه ودي بشوف اللي لهم فعل مخبور ربعي حزامي بالامور الصعيبه واصحابي اللي مابهم شك وقصور اهل الكرم واهل الصدور الرحيبه ربعان مافيهم منافق ومثبور رجال لابار الصحيب بصحيبه تركي سليل المجد وافي وممرور والنعم بابو ايوب فالج حريبه من الوهوب اهل الرمك واهل الشور صباحهم يوم الاقى يندعيبه معهم قضيت ايام وسنين وشهور خوة شرف ياهل القلوب البيبه الطيب مهنة كل طيب ومنعور والا الردي ربي مردي نصيبه الظلم ظلما والحقايق لها نور وماكل من يرمي يصيب الضريبه عجاب صالح الحنتمي |
ياسامع اسمع من كلام المزيني
نصايحن من تجربه في زمانه يفطن لها رجال قلبه فطيني ويجهل بها رجال ماهو تكانه رجال مابه ياهل الدين ديني من صاحبه ذاق الكدر والاهانه يرميه بالانشاب لو بعد حيني كلام عندي شاهده مع ضمانه والوالدين اوصيك بالوالديني ياللي تبي لك عند ربك مكانه والضيف والجيران والاقربيني وخوي جنبك لاتقلل بشانه تقصير فيهم عيب وامرن مشيني فعايلك مهما تبرر مدانه اوجزت قولي بالكلام الثميني عجاب مابقلبه نطق به لسانه عجاب صالح الحنتمي |
ياما جرالي بالزمن من جواري
الله على جور اليالي يعيني لها بوجهي بعد كبري مواري حاولت اجامل وانتحتبي سنيني يالله ياللي ماخفى فيه داري يناصر محمد على الكافريني يرازق اللي لاصبح الصبح طاري يشهر بجنحانه يسار ويميني علي لايزرى من الناس زاري ومحتاج للقصين والاقربيني اعيش في خيمه بجرد الصحاري مرتاح بال وتقبل النوم عيني اخير من مسكان حين حضاري مابين عمرانه سوات السجيني عجاب صالح الحنتمي |
شان الزمان وشاف ماعاف عجاب
الوقت جاير والظروف اجبرنه يامل قلبن بين الاضلاع منصاب سود الليالي عاكسن وجرحنه ماساعفت دنياه مع فعل الاسباب يالله لايخيب مع الوقت ضنه ركضت فيها لين دقني بها شاب ماجابته سود اليالي خذنه ماشفت منها بالزمن غير الاتعاب وغيري كثير حبالها قيدنه اليوم لو تقبل وتفتح لي الباب صديت عنها راجي الرب جنه الفانيه ماني لها اليوم طلاب ماهي على عجاب فرضن وسنه طمعان في جنتك يارب الارباب يعالم اللي بالضماير نكنه عجاب صالح الحنتمي |
الله من عينن تزايد صلفها
لاقلت هيدي دمعها كبته كب بصبيها شوك الهراس وطرفها من الهموم اللي عليه تعاقب فكرت في دنيا الفنى مع ترفها وفكرت في يوم التلاقي مع الرب وحددت لنفس العفيفه هدفها وحطيت ماعند الولي لي مطلب ربي يعوضني بها ويخلفها بعطفك وعفوك والتجاوز عن الذنب بعض الاوادم زاد فيها هرفها قامت على خمسين لونن تقلب والبعض لاسمع السوالف خطفها زود عليها كثرها كذب في كذب وكم واحدن محتاج يطلب سلفها واليا قضي له نوب قام يتهرب وكم حاسدن كبده سبايب تلفها الحسد والغيره وخض المشارب لاشاف مقفين الخلايق حذفها عقرب ثرا ومراوغي تقل ثعلب عجاب صالح الحنتمي |
يامل قلبن بين الاضلاع وجعان
تقبل وتقفي فيه عوب الهواجيس اليا عذلته زادني هم وحزان وركا عليه حاميات المحاميس ساعه يذكرني مقاطين بدوان وعلوم ماتطري عليه مراميس يوم البيوت السود والنوق والضان ودارن نعرف ذيابها والتضاريس وساعه يذكرني مشاريه خلان ويحطني بين الهدف والنواديس عفت الونس كني على الناس زعلان مدري بلاي الوقت والا وساويس لابد ماياتي للنسان ديان ماينفع الصاحب وماينفع الكيس من لازرع للاخره ياهل الشان تاه الطريق وصار ضمن المفاليس عجاب صالح الحنتمي |
كد قيل من صاد الجراده شواها
والمال ماعز البخيل بحياته عمره يروح وحاجته ماقضاها والضيف مايشره على كبش شاته يطرد ورى دنيا طويلن مداها ازرا يحقق رغبته وامنياته بالمال فيها من جهل لو تباها لامات تبقى سيه وحسناته كل السنين الي بعمره قضاها ماتنفعه لعلن وليه مماته يالعبد وثق مع وليك عراها زمنك مايعلمك في خافياته ابيات للارشاد للي قراها يفطن لها رجال عينه مراته عجاب صالح الحنتمي |
يارب عبدك عيد واجه مصيره
ياحي ياقيوم تغفر ذنوبه وتجبر مصاب اقاربك بالعشيره بعده بدنيا فانيه ومحبوبه ندري بها الاعمار جدن قصيره بثانيه عند الرحيم امحسوبه الموت شيب الراس قالو نذيره وحنا لحانا بالخضاب امخضوبه حبي لكم ياطيبين السريره بالقلب باني طوبتن فوق طوبه وهوب كان الحرب دقو لزيره عدوهم ماتهب معهم هبوبه اهل الجوار الزين ستر القصيره وخويهم لو عاب تدفن عيوبه اهل كرم واهل مزايا كثيره في وقت فيه الطيب عسره دروبه عجاب صالح الحنتمي |
مدام باقي بالجسد روح عجاب
ماانسى جميل اللي عليه جميله يارب قبل الموت قصاف الارقاب ارد منها شي بيا وسيله لو ان راع الاوله قفل الباب وتصدر الموضوع راع الجزيله مايلحق مهما بذلنا من اسباب قالوه قبلي طيبين الفصيله الله يفكه من صواديف ونشاب طلال عبدالله مزبن دخيله انشهد انه من عريبين الانساب بني وهب ياحيها من قبيله اخوان وصحاب وبني عم واقراب كلام يكفي عن كثيره قليله عجاب صالح الحنتمي |
الرزق عند اللي بنا السبع الاطباق
والارض بامره جل شانه مهدها علام مايخفى وماعنه مدراق فاضايله مافيه مسلم جحدها ياعاشق الدنيا مقاسيم ورزاق ماكل من يبغى السعاده وجدها الا بتقوى عالمن ماب الاعماق باعث عظامن باليه في لحدها يالعبد لو ترقب لها كل شوهاق دون الولي ماينبني لك عمدها ادري لها جندن من الناس عشاق تكفر بنعمة ربنا ماتحمدها يارب عفوك يوم نحشر وننساق في يوم تترك كل مرضع ولدها عجاب صالح الحنتمي |
مريت وضح لعيد تالي نهارا
ياليت مامريت من بعد موته دموع عيني فوق خدي تبارا يوم اتذكر ريف الاجواد صوته راعي هلا ودلال ملي تبارا لو كان مايلقى شرابه وقوته مرحوم يامعطي ضعيف وفقارا دايم هتاتيش الخلا ماتفوته رجال له بين النشاما وقارا ياطيب منطوقه ومطيب سكوته ابوه قبل حر ماهو ثبارا لبس المراجل لبس ثوبه وكوته مافات مايرجع ومصار صارا سبحان من يرزق بالابحار حوته عجاب صالح الحنتمي |
يالله يامعبود تلطف بحالي
وحيد مالي غير عونك معينين كبير سن وكل طاري طرالي وسود الليالي ماعليها مظامين من بعد مرقب في طويل الجبالي اليوم دوب ادرج الرجل بهوين ياحي ياوالي على كل والي يهازم الكفار في بدر وحنين انك تثبتني نهار السوالي اليا دفنوني ثم راحو مقفين وان عشت في دنيا العنا والزوالي مااحتاج قاصين العرب والموالين عزيز نفس وعزتي راس مالي وياحبتي لطيبين الميامين زمل الحمول وطيبين القبالي جيره ودنيا ماتعارض مع الدين دايم مجالسهم كمال وجمالي مايمل جانبهم قريب وبعيدين عجاب صالح الحنتمي |
يالعين لو دمعك على وجنتي سال
في حل من عجاب يادمعة العين عسى يخفف باي حال من الاحوال همن جرا بالدم عبر الشرايين بالقلب حط وشال يساتر الحال اليا ذكرت مرجحين الموازين اقفت بهم دنيا المتاعب والاهوال ماتقول سارو فوقها يوم حيين غير النصايب فوقهم تقل تمثال عسى جنان الخلد مثوا العزيزين من بعدهم جسمي تقل فيه سلال نحيل حال وحالتي بين قوسين من بعد ماني لثقيلات شيال ورقب على روس الجبال المعايين اليوم يالنشاد ماتسرك الحال ماقول غير الله على وقتي ايعين اوجزت بعض اللي طرالي على البال ببيات شاعر جرب العسر والين عجاب صالح الحنتمي |
سجت خلا ياعاذلي بالمداهيل
ارتاح فيها ساعتن في زماني ياعل يسقيها صدوق الهماليل من مدلهمن بارقه عقرباني اخير من فله على شاطي النيل احدث طراز لفاخرات المباني مالي هوا ياشاربين الفناجيل بدنيا دنيه تاليتها هواني هواي يالنشاد صعب المناويل عيا ايتحقق يالله المستعاني وين العدود وين هاك المظاليل ونجرن ليا دنوه صوته شعاني وصوت الورود وصوت ذيك المحاحيل من فوق عدن نارده ريهجاني عشت البداوه كلها بالتفاصيل ماتقول عنها غبت عدة ثواني في نجد جعله للحيا يالمشاكيل من لامني لاشم ريح الجناني عجاب صالح الحنتمي |
الساعة الآن 06:29 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir